14-sentabr – 6-oktabr kunlari Oʻzbekistonda boʻlib oʻtadigan FIFA futzal jahon kubogi musobaqasiga Registon maydonida bugun soat 21:00 da qur'a tashlanadi

➡️ @shokirjonov

Qur'a yakunlandi

Chempionatni Oʻzbekiston-Niderlandiya oʻyini 14-sentabr kuni ochib beradi.

Tuzatish: B va F guruhlari Buxoroda, D guruhi Andijonda, A, C, E guruhlari Toshkentda Humo arenada oʻynarkan.

➡️ @shokirjonov

Samarqanddagi "Povorot" chorrahasida toraytirilgan polosalar.

Shaharlarda tezlikni yanada kamaytirish va yoʻl chetidan pullik parkovkaga joy ochish uchun shu standartga oʻtish kerak.

➡️ @shokirjonov

Kecha Samarqanddagi "Moʻjiza" amfiteatrida "Bahodir Yalangto‘sh" tarixiy filmining premyerasi bo‘lib o‘tdi.

Men premyerada qatnasha olmadim, chunki o‘sha vaqtda futzal qur’asida edim.

Nihoyatda izg‘irin sovuqqa qaramasdan 5 mingga yaqin odam ochiq havoda filmni oxirigacha ko‘ribdi.

Premyeraga tushgan do‘stlar va tanishlar kinoni juda maqtashdi. Endi katta ekranlarga chiqishini kutamiz

➡️ @shokirjonov

Xorazmda sholi ekishning yangicha usulini topishibdi

➡️ @shokirjonov

Uyiga oʻrnatgan quyosh paneli orqali olingan elektr energiyasini davlatga sotgan sirdaryolik doʻstimiz Jahongir Rayimjonov yozyapti:

«Assalomu alaykum! Uyimga o‘rnatilgan quvvati 5 kW bo‘lgan quyosh elektrstansiyasi yordamida 2024-yilning aprel oyida jami 739 kWh elektr energiya ishlab chiqarilgan edi.

Shundan, 123 kWh elektr energiyani kunduzi uyimdagi mavjud elektr uskunalar iste'mol qilgan, qolgan  616 kWh (739-123=616) elektr energiya esa "Hududiy elektrtarmoqlari"ga o‘tkazilgan.

Aprel oyi davomida kechasi  "Hududiy elektrtarmoqlari"dan 388 kWh elektr energiyani sotib olganman. Natijada, 616-388=228 kWh ijobiy tafovut yuzaga kelgan.

Amaldagi tartibga asosan ushbu 228 kWh elektr energiyaning har 1 kWh uchun 1000 so‘mdan hisob-kitob qilinib "SoliqUz" mobil ilovasi orqali 228.000 so‘m tasdiqlandi, xizmat haqqi uchun 1596 so‘m ushlab qolindi va bank plastik kartamga 226.404 so‘m o‘tkazib berildi.

Ushbu ma'lumotlarni uyiga quyosh elektrstansiyasini o‘rnatmoqchi bo‘lgan hamyurtlarimizga foydali bo‘ladi degan umudda yozdim».

➡️ @shokirjonov

Ўзбекистонда шу келаётган ёзда мини АЭСлар қурилиши бошланар экан.

Муҳрим баъзи саволларни ёғдирибди.

Шунча пулга беминнат эсиб турган шамол, нур сочиб турган қуёш электр станцияларини янада кўпайтираверганимиз яхши эмасмиди?!

Бепоён ерларимиз ястаниб ётган бўлса...

➡️ @shokirjonov

«Мисол учун, Сурхондарё вилояти Сариосиё тумани ҳокимлиги томонидан "Баҳруллои Рустам Чорвадор" хусусий корхонаси билан 4 дона қимматбаҳо смартфон (iPhone 13 Pro Max) сотиб олиш учун захира жамғармаси маблағлари ҳисобидан 72 млн сўмлик шартнома тузилиб, тўловлар амалга оширилган».

Бизнинг чорвадорлар ҳам Айфон сотади ва уни савол бермасдан ҳокимият сотиб олади.

Ўйнаб қўяй-да, битимларингдан...

➡️ @shokirjonov

Руслар қурган айрим АЭСлар ҳақида

Беларусда “Росатом” 2012 йилда Литва чагарасида АЭС қура бошлаганди. АЭСни қуришдан бош мақсад Болтиқбўйи давлатларини энергетик қарам қилиш бўлган. (Украинага босқиндан сўнг Болтиқбўйи давлатлари 2025 йилдан Россия ва Беларус билан умумий энергетика тизимидан узилишини эълон қилди)

Унинг биринчи энергблоки 2021 йилда қуриб фойдаланишга топширилган. Яъни, орадан 9 йил ўтгач. Шунда ҳам авария рўй бериб, 2022 йилнинг августида таъмирлаш ишлари тугаган.

Қурилиш даврида ҳам кўплаб инцидентлар, бахтсиз ҳодисалар рўй берган, қурувчилар ўлган. Масалан, 2016 йилда биринчи реактор корпуси ўрнатилаётганда қулаб тушиб, унга шикаст етган. Беларус томони уни алмаштиришни талаб қилган. “Росатом” уни бошқа лойиҳаларда келгусида ишлатиш учун сақлаб қўйган (бизга олиб келишса-я?!).

Руслар томонидан барпо этилган Эрондаги Бушеҳр АЭСи қурилиши ҳам 1975 йилда бошланган. Орадаги узилишлар билан ҳанузгача қурилиш ишлари давом эттирилмоқда. 1000 MWли биринчи энергоблок 2013 йилда фойдаланишга топширилган. Айни пайтда яна иккита энергоблок қурилиши давом эттирилмоқда.

Хуллас, АЭС қурилиши 2-3 йиллик ҳодиса эмас. Қуриб, фойдаланишга топшириш учун 15–20 йил вақт кетади. Бошида "мана шунча маблағ кетади", деб айтилган сумма 2-3 баробарга ўсиб кетиши оддий ҳол.

Ривожланган дунё бирин-кетин АЭСлардан воз кечаётган пайтда биз атом энергетикасига пул тикаётганимиз тўғри қадаммикин?

➡️ @shokirjonov

Самарқанд вилояти Жомбой тумани "Тўққизбой" МФЙ Қоракесак қишлоғи ёшлари тадбиркор томонидан бузилиш арафасида турган стадионни сақлаб қолиш масаласида вилоят ҳокими Эркинжон Турдимовга мурожаат билан чиқишди.

"Стадионга нимадир қилиб берсин", дейишмаяпти ёшлар, "шу аҳволдаям бизни қониқтиради, илтимос, шунча йилдан бери турган стадионга кимлардир оч нигоҳларини қадашмасин", дейишяпти.

➡️ @shokirjonov

Сартепада ўзи тўрт қарич бўш ер қолганди, эски запчаст бозор олдида, ҳозирги мусиқа мактаби ёнида. Шу ерниям экскаватор олиб бориб кавлашаяпти экан. Қойиле!

Мусиқа мактабни олдиниям сотинглар.

Кўчаларнинг меъморий кўриниши, дейсизми?! Йўқ, бунақасини ўқитишмаган буларга.

➡️ @shokirjonov

Aёллар ва болалар қонун ҳимояси остида!

Яқин-яқингача хотин-қизлар, болалар ўқиш ёки юмуш билан кўчага чиқишса қайсидир безори ё беадабга дуч келишдан чўчиб юришарди. Кўчаларда қизларга "гап қилган", ёш болаларга тазйиқ ўтказганларни ҳам кўп эшитганмиз.

Аслини олганда, мана шу ҳаракатларнинг ўзи аёллар ва болаларнинг шахс сифатидаги қадр-қимматини ерга уриш билан тенг.

2023 йил апрелида айнан шундай жиноятларга барҳам берадиган қонун қабул қилинди. Шу кундан бошлаб, таъқиб қилиш, шилқимлик, тегажоғлик, зўравонлик ҳамда оилада аёли ва фарзандларига тазйиқ ўтказганлик учун қатъий чоралар кўрилмоқда.

Уйғонайлик. Турмушни муштга айлантиришни тўхтатиш вақти келди. Аёллар ва болаларни камситиш эмас, ҳимоя қилиш ва жамиятда тўлақонли ҳаёт кечиришга имкон бериш керак. Қонунан мустаҳкамланган аниқ ечим мана шундай.

➡️ @shokirjonov