President Tech Award tanlovi haqida ijodkor yoshlarimiz ko'proq yoshlarni xabardor qilish uchun kreativ rolik qilishibdi, marhamat siz ham tarqating!

Tanlovda qatnashish uchun: awards.gov.uz

PS. Rolik tayyorlashda ishtirok etganlarga minnatdorchilik bildiramiz.

https://fb.watch/kVxoPf2ZGW/?mibextid=Nif5oz

Мамлакатимизнинг АйТи экспортида АҚШ биринчи рақамли савдо ҳамкоримиз эканлигини кўпчилик тасаввур қилиши қийин бўлса керак. Зеро, бу йил режа қилинган 300 млн доллардан ортиқ IT ва BPO экспорт хизматларининг ярмидан кўпи айнан АҚШ бозорига тўғри келади (бу фақат юридик шахсларники, фриланс хизматларини ҳам қўшса, ундан ҳам кўп бўлади).

АҚШдаги компаниялар ҳам ёқилғи нархлари ҳамда фоиз ставкалари ортаётган даврда ўз рақобатбардошлигини ва фойдасини ошириш мақсадида ўз харажатларини оптимизация қилишга ҳаракат қилади. Айнан шу жараёнда, Ўзбекистонда дунёдаги анъанавий катта аутсорсинг давлатларидан кам бўлмаган имкониятлар борлиги ҳақида уларга кўпроқ маълумот беришимиз зарур.

Президентимиз томонидан Ўзбекистонни АйТи хабга айлантириш бўйича қатъий мақсад белгилаб берилгани, бунинг учун эса зарур шарт-шароитлар яратилаётгани ҳамда дунёнинг етакчи давлатлари билан очиқ ва ўзаро манфаатли ҳамкорлик йўлга қўйилгани натижасида мамлакатимиз 2017 йилда IT ва BPO расмий экспорти деярли йўқ бўлган давлатдан, 2022 йилда 140 млн доллар IT ва BPO экспортига эга давлатга айланишига эришилди. Энди эса IT ва BPO хизматлар экспортини 2030 йилгача 5 миллард долларга етказиш бўйича жуда катта маррани белгилаб бердилар.

Бу ёшларимизга оилалари билан ўз юртларида яшаб, интернет орқали хизматлари ва маҳсулотларини чет элга экспорт қилиб, юқори даромад топиш имкониятларини янада кенгайтириши аниқ. Бунинг учун эса, энг асосийси, ёшларимиз интернетдаги вақтларини бекор ўтказмай, кўпроқ чет тиллари ва замонавий технологияларни ўрганишлари зарур.

Ёзда чет тиллари ва замонавий технологияларни бемалол ўрганиш учун жуда кўп ресурслар бор, жумладан:
http://education.it-park.uz
http://uzbekcoders.uz
http://it-istedod.uz
www.youtube.com/@milliy_talim_resurslar
www.youtube.com/@ibratfarzandlari

Yoshlarimizning IT-Englishni o‘rganish imkoniyatlari yanada kengaymoqda, shuning uchun bo‘sh vaqtingizni bekor o‘tkazmay, ingliz tilini va ITni o‘rganing!

Prezidentimiz bilan bo‘lgan muloqotda IT-ta’lim rezidentimiz IT-English muhimligini, shunga bu faoliyatga ham ta’lim rezidentlariga ruxsat berish kerakligini aytgan edi. Shundan keyin Davlatimiz Rahbari yoshlarga aynan birinchi ingliz tilini o‘rgatib olib, keyin ularni ITga o‘qitsak, yoshlarimiz kelgusida ko‘proq daromad topishlariga yanada kengroq imkoniyatlar ochilishi haqida topshiriq bergan edilar.

Hozirgi kunga kelib, IT-Parkning 260 dan ortiq ta’lim rezidentlari ham endi bemalol IT-English yo‘nalishida faoliyat yuritishlari mumkin bo‘ldi. Bu esa, ta’lim bozorida ingliz tilini o‘qitish imkoniyatlarini kengaytirishi bilan birga, soliq imtiyozlari sababli bunday xizmatlarning yanada arzonlashishini ham bildiradi.

Marhamat, http://education.it-park.uz saytida barcha ta’lim rezidentlari haqida qo‘shimcha ma’lumot olishingiz mumkin.

Bunga qo‘shimcha sifatida, shuni aytish kerakki, agar B2 darajasidagi Ingliz tili sertifikatiga ega bo‘lsa, yoshlarimizga IT-sertifikatlariga o‘qish va sertifikatlash xarajatlari 1 oktabrdan boshlab 50% emas, balki 100% qoplab beriladigan bo‘ladi!

IT-sertifikatlar bo‘yicha batafsil ma’lumotlar http://it-istedod.uz saytida.

https://www.facebook.com/watch/?v=122040254241280

Хайдовчилар ва автомобиль эгаларига тарқатинг, улар ҳам my.gov.uz портали имкониятларидан фойдаланишсин!


Рақамлаштириш Сизнинг вақтингизни ва нақдингизни тежашга қаратилган, шунинг учун кундалик ҳаётингиздаги масалаларни хал этишда қаергадир овора бўлиб бормасдан, биринчи навбатда ёнингиздаги мобиль телефон ёки уйингиздаги компьютердан фойдаланинг, масалан:

1) Автомобилингизни танишингиз хайдаб туриш учун сўраса, унга ишончномани онлайн расмийлаштириб беринг: https://my.gov.uz/uz/service/640

2) Агар машинангизни олиб хайдаб турган танишингиз ишончингизни оқламаса, бемалол ишончномани онлайн бекор қилинг: https://my.gov.uz/uz/service/736

3) Иссиқда овора бўлмай “тонировка”га онлайн рухсатнома олинг: https://my.gov.uz/oz/service/415

4) Йўловчи ва юк ташиш учун лицензия олинг: https://my.gov.uz/uz/service/308

5) Муддати тугаётган ҳайдовчилик гувоҳномангизни уйдан чиқмасдан янгиланг: https://my.gov.uz/uz/service/255

ва бошқа шу каби ҳозирги кунда умумий 425 та давлат хизматларидан my.gov.uz орқали онлайн фойдаланинг ҳамда танишларингизга ўргатинг. Шунда овора бўлиб қаергадир бормаслигингиз ҳисобига вақтингизни тежайсиз, пуллик хизмат бўлса нақдингизни ҳам тежайсиз, чунки аксарият хизматлар давлат идорасига бориб тўлагандан кўра 10 фоизга арзонроқ. Транспорт ва боришга боғлиқ бошқа харажатлариниям ҳисобласангиз ундан кўпроқ тежаган бўласиз.

https://www.facebook.com/watch?v=290172766694505

UZTELECOM жамоасини “энг ақлли компания” унвони учун ўтказилаётган Business Quiz Uzbekistan 3-босқичи ғолиби бўлгани билан табриклаймиз!

Одатда давлат корхоналари ходимлари ҳақида ўзига хос салбий стереотиплар мавжуд. UZTELECOM жамоасининг 100 дан ортиқ халқаро ва хусусий компаниялар орасидаги бу ғалабаси айнан шундай стереотипларни бузишга ҳам ёрдам беради деб умид қиламиз.

PS. Иштирокчилар томонидан олинган ушбу видеода рўйхатни охирида ғолиб компания кўринганидаги самимий қувонч ҳисси барча жамоамиз аъзоларига доимо насиб қилсин.

Кўпчилик Click, Payme, Zoomrad каби қатор тўлов тизимлари мобиль иловаларидан кундалик ҳаётида фойдаланишга ўрганган. Энди ушбу иловалар орқали ҳам онлайн давлат хизматларидан фойдаланиш имконияти кенгаймоқда.

Давлат хизматларидан фойдаланишни фақат my.gov.uz орқали чеклаб қўйилганидан кўра, ушбу имкониятларни ахборот хавфсизлигига жавоб берадиган ишончли тўлов тизимлари орқали ҳам кўрсатилиши, ушбу тизимлардан фойдаланаётган миллионлаб аҳоли учун қўшимча қулайлик яратилишига сабаб бўлади.

Аксарият тўлов тизимлари ўзига хос супераппга айланиш устида тинмай ҳаракат қилиб, янгича хизмат турларини яратиш орқали рақобатда ютишга ҳаракат қилмоқдалар. Шунинг учун ҳам мижозларига қулай ва керакли давлат хизматларини ҳам кўрсатишни йўлга қўйсалар, албатта уларнинг рақобатбардошлиги янада ошади.

Бу ўз навбатида my.gov.uz тизими яратувчиларига ҳам кўпроқ эътиборни UI/UXга қаратишга ундайди ва бу ҳам аҳолимиз ҳамда тадбиркорларимиз учун хизматларнинг янада қулай бўлишига қўшимча туртки бўлади.

Ушбу хизматларга масъул давлат идоралари эса чекланган ресурсларини ортиқча веб-сайтлар ёки мобиль иловаларни яратишга эмас, балки уларни ички тизимларини рақамлаштиришга, маълумотлар базаларини актуаллигини таъминлашга ҳамда юборилаётган аризаларни вақтида кўриб чиқишга қаратишлари керак бўлади.

https://www.facebook.com/watch/?v=809248990414843

Aziz yoshlar, siz ham Mohinur kabi my.gov.uz imkoniyatlaridan foydalaning hamda Yoshlar kuni munosabati bilan yoshlarga mos xizmatlar haqida tayyorlangan ushbu videoni ko’proq tengdoshlaringizga tarqating. Ular ham raqamli davlat xizmatlaridan ortiqcha ovoragarchiliklarsiz foydalanishsin!

my.gov.uz ham vaqtingizni ham naqdingizni tejashga yordam beradi!

https://www.facebook.com/watch/?v=731406915406734

YouTubeda Ingliz tilida ommabop videolarni tayyorlash orqali qo‘shimcha daromad topishni Siz ham ushbu video orqali o’rganing!

Marg‘ilonda yashab YouTubedagi https://www.youtube.com/@engineericly kanali orqali oyiga minglab dollar daromad topayotgan Jahongirmirzo Yoshlar kuni munosabati bilan Prezidentimiz tomonidan “Kelajak bunyodkori” medali bilan taqdirlanganini eshitib juda xursand bo‘ldim.

U kabi o‘zininig qiziqqan sohasi bo‘yicha ommabop video tayyorlay oladigan, lekin YouTube monetizatsiyasidan qanday foydalanishni bilmaydigan yoshlarimiz uchun oson videoqo‘llanma tayyorladik. Marhamat, ushbu videoni ijodkor yoshlar orasida kengroq tarqatinglar.

Monetizatsiya qilish uchun videolarni Ingliz tilida qilgan ma’qul, chunki dunyodagi eng ommabop kanallarning yarmidan ko‘pi aynan Ingliz tilida va ularning ijodkorlari yaxshigina daromad topishmoqda (albatta, O‘zbek tilidagi kontentga to‘lov qobiliyatiga ega ko‘ruvchilar ko‘payganidan keyin YouTube O‘zbek tiliga ham monetizatsiyani yoqib qolar, lekin Ingliz tilidagi bozor juda kattaligini hisobga olsak, aynan Ingliz tilida kontent tayyorlashni o‘rganaverish kerak).

IT Park rezidentlariga IT English hamda kreativ yo‘nalishlarda ham shug‘ullanishlariga imkoniyat berilishi bu kabi chet elga o‘zininig ijod mahsulotlarini export qiladigan yoshlarimiz imkoniyatlarini yanada kengaytiradi.

#raqamli_iqtisodiyot #kreativ_iqtisodiyot

https://www.facebook.com/watch/?v=1437714783727696

Intro video to Digital Leadership Forum in Uzbekistan. You can watch all the event from the 24th minute of the live recorded video: https://lnkd.in/dH5cRdux

IT Park резидентлари томонидан 2023 йил биринчи ярмида 145 миллион доллардан ортиқ, яъни 2022 тўлиқ йилдагидан кўра кўп экспорт амалга оширилди, биринчи чоракда 2021 йилдаги тўлиқ кўрсаткичдан кўра кўпроқ бўлган эди.

Бу эса Президентимиз томонларидан Ўзбекистонни АйТи хабга айлантириш бўйича узоқни кўзлаб қўйилган мақсаднинг қанчалик тўғри эканлигидан далолатдир.

Яқинда бўлиб ўтган Digital Leadership Forumга дунёнинг турли давлатларидан келган етакчилар Ўзбекистонда яратилган шароитлар сақлаб қолинса ва муҳокама қилинган янги таклифлар амалга ошса 2030 йилга келиб бир йиллик экспортни 5 миллиард долларга чиқаришга тўлиқ имконият борлигини ҳамда бунинг учун Ўзбекистонни аутсорсинг маркази сифатида кўпроқ иқтисодий ривожланган мамлакатларда тарғиб қилиш зарурлигини таъкидлашди.

Фақатгина ёшларимиз кўпроқ ўз устиларида ишлаб, чет тиллари ва халқаро бозорда масофадан хизмат кўрсатишга талаб юқори бўлган (нафақат АйТи, балки BPO сифатида масофадан хизмат кўрсатадиган бошқа жуда кўплаб) касбларни ўрганишлари керак бўлади. Шунда улар ўз оилалари билан ўз юртларида яшаб, масофавий хизматлари орқали юқори даромад топадиган бўладилар.

Ўзбекистон кенг полосали (симли) интернет тезлиги рейтингида 24 поғона кўтарилди.

Cable.co.uk нашрининг дунёдаги кенг полосали интернет тезлиги солиштирма жадвалига эътибор қаратсангиз дунёдаги нотинчлик туфайли аксарият қўшни давлатларда интернет тезлиги рейтингида пасайиш кузатилган бўлсада, Президентимиз томонларидан мамлакатимизда АКТ соҳасини ривожига қаратилган чоралар натижасида Ўзбекистон 24 поғонага кўтарилганини кўрса бўлади.

Албатта, Ўзбекистонни АйТи хабга айлантириш йўлида интернет тезлигини ошириш бўйича хали жуда кўп иш қилишимиз керак.

Батафсил: https://www.cable.co.uk/broadband/speed/worldwide-speed-league/

Mobil aloqa bo’yicha muammolar bo’lsa 1144 telefoniga murojaat eting!

Yaqinda Speedtest Uztelecom mobil aloqa xizmatiga “Eng tezkor mobil tarmoq” (Fastest Mobile Network) sovrinini bergan edi: https://www.speedtest.net/awards/uzbekistan/2023/?award_type=carrier&time_period=q1-q2

SpeedTest baholari bilan operatorlar ustidan O’zkomnazorat inspeksiyasining 1144 ishonch raqamiga tushgan murojaatlarni quyidagi jadvalda solishtirib ko’rsa eng past tezlikka ega bo’lgan operator ustidan foydalanuvchilar tomonidan eng ko’p shikoyat tushganini ham ko’rsa bo’ladi.

Bu esa Beeline tomonidan tarmoqni rivojlantirishga ko’proq sarmoya kiritish zarurligini ko’rsatadi.

PS. Odatda 100 foiz xorijiy ulushga ega xususiy korxonada sifat yaxshi bo’lishi kutiladi, bu holatda esa aksi - davlat ulushidagi Uztelecom g’olib bo’layapti. Buni asosiy sababi aynan tarmoq rivoji uchun Uztelecom tomonidan amalga oshirilayotgan investitsiyalardir.

Қоракўлга ёшларимиз энди нафақат репетитор учун, балки юқори даромад топадиган касбларга ўқитадиган олий таълим муассасасида ўқишга ҳам борадиган бўладилар

Президентимиз Қоракўл туманидаги машҳур математика мактабимизга борганларида ёшларимизга келгуси ҳаётларида юқори даромадли касбларга эга бўлишлари учун айнан ўша ерда Ҳиндистондан университетни таклиф қилиб, АйТи Кластер ташкил этиш вазифасини белгилаб берган эдилар.

Албатта, пойтахт ёки вилоят марказида эмас, туманда бундай вазифани сифатли амалга ошириш осон иш эмас, шунинг учун Бухоро вилояти ҳокимлиги билан ҳамкорликда жуда кўплаб университетлар билан муҳокамалар натижасида Қоракул АйТи кластерини ташкил этиш бўйича Вазирлар Маҳкамасининг жорий йил 5 июлдаги 273-қарори қабул қилинди. Ушбу кластерда Ачария университети ташкил этилади ва математикани кучли биладиган ҳамда чет тилида дастурчилик қиладиган юқори малакали мутахассисларга талаби бўлган қатор АйТи компаниялар ҳам ўзларини бўлинмаларини очишлари режалаштирилган.

Ҳиндистоннинг Бангалоридан келган ҳамкорларимизни Қоракўл туманида ўзига хос математика ўқитиш тажрибаси бор, шунга асосий халқаро математика олимпиадаларида айнан шу ердаги ўқувчилар ғолиб бўлишади ва ота-оналар ҳам айнан шу ерга ўз фарзандларини олий таълимга қабул имтиҳонларига пухта тайёрланиш учун юборадилар деб анча ишонтирдик. Яқинда бўлиб ўтган Digital Leadership Forumидаги уларнинг тақдимотидан қанчалик бу лойиҳага улар ҳам қаттиқ эътибор қаратаётганини кўрсангиз бўлади: https://www.youtube.com/watch?v=RvEWk51gcs8

Бухоро вилояти ҳокимлиги ҳам ушбу лойиҳага алоҳида эътибор қаратиб ёрдам бераётгани жуда муҳим ва бошқа ҳудудлар учун ўзига хос ўрнакдир, чунки айнан АйТи таълимини ривожлантириш орқали ёшларимиз ўз оилалари билан ўз юртларида яшаб, чет элга хизматларини экспортидан юқори даромад олишлари мумкин бўлади.

Бухорога Давлатимиз Раҳбари ташрифлари муносабати билан Қоракўлга яна бир бор бориб, тайёргарлик ишларини жойида кўриш имкони бўлди. Насиб қилса хақиқатда ёшларимиз келажаги учун жуда фойдали лойиҳа бўлади, чунки айнан кучли математика базасига эга бўлган АйТи муҳандисларига талаб дунё бозорида юқори бўлиб қолади.

Батафсил:
https://lex.uz/uz/pdfs/6523574
https://www.acharya.uz/

Ўтган йили Ўзбекистоннинг АҚШга жами экспортининг ярмидан кўпи айнан АйТи хизматларига тўғри келди ва ушбу экспортни оширишдан нафақат Ўзбекистондаги балки АҚШда яшайдиган ватандошларимиз ҳам қўшимча даромад топишлари мумкин

7 йил аввал АҚШга энг катта экспортер айнан АйТи соҳаси бўлади деган гап айтилса, буни эси жойидами деб одамлар хайрон қолиши аниқ эди. Ҳозир эса Президентимиз томонларидан соҳага яратилган имкониятлар туфайли АҚШга сафаримиз натижаси сифатида кейинги йилга АҚШга экспортимизни яна 50 млн.долларга оширамиз деб қўрқмай ҳаракат қилаяпмиз. Албатта, бу ўзича бўладиган иш эмас ва бутун жамоамиздан катта меҳнат талаб қилади. АҚШ компаниялари билан тизимли ишлаб, тарғибот қилиб, тушунтириб боришимиз керак. Тил ва қонунчилик бошқа бўлганига кўпчилигининг қарор қабул қилиши секинроқ.

2022 йилда АҚШга товарлар ва хизматлар экспорти жами 124,5 млн. доллар, АКТ соҳаси экспорти 79 млн. доллар, яъни жами товарлар ва хизматларнинг 63 фоизи бўлган. Аслида АйТи хизматларини АҚШга экспорти ундан ҳам кўп, чунки расмий статистика орқали ўтмасдан масофавий хизматлар экспорти билан шуғулланаётганлар сони анчагина, шу жумладан фрилансерлар ҳам.

EPAM каби катта АҚШ аутсорсинг компанияларидан ташқари, АҚШдаги ўзимизни ватандошларимиз ҳам IT Parkда яратилган имкониятлардан фойдаланиб қўшимча даромад топишлари мумкин албатта. Шунинг учун АҚШда 100дан ортиқ ватандошлар иштирокидаги очиқ мулоқотда расман ишлаётган муваффақиятли экспортерларимиз ўзларининг тажрибалари билан бўлишдилар.

АҚШдаги ватандошлар учун асосий катта имконият бу айнан IT Park экспортерларига заказ топиш орқали ўзларининг даромадларини кўпайтиришдир. Чунки Ўзбекистонда фаолият кўрсатаётган компания учун энг қийин масала буюртма топиш. АҚШда узоқ йил яшаган ва кўп танишларга эга бўлган ватандошимизга эса бу анча осон. Шунга буюртма топган одам бемалол суммасини катта қисмини ўзида қолдириб, қолганини Ўзбекистонга аутсорс қилса бўлади ва жуда яхши даромадга эга бўлади. Ушбу имкониятдан фойдаланинг! Батафсил: centralasia.tech

Ingliz tilida erkin so‘zlashishni o‘rgansangiz yuqori maoshli ishga ega bo‘lasiz!

Prezidentimiz tadbirkorlar bilan uchrashish zarur ekanini ta'kidlashlarining ahamiyatini Samarqandga tashriflaridan keyin IT Park rezidentlari bilan uchrashganimizda yana bir bor amin bo‘ldik. Bir tomondan qanchadan-qancha yoshlarga ish yo‘q deb internetda ko‘p o‘qiymiz. Bu tadbirkorlar esa Ingliz tilida yaxshi so‘zlashadigan yoshlar bo‘lsa bo‘ldi, yuqori maoshli ish taklif qilamiz deyishayapti.

Masalan, Temur o‘zimizning INHAni bitiruvchisi, hozir Rx2GO kompaniyasining to‘liq bekofisini Samarqand va Toshkentda tashkil qilgan va 60 dan ortiq yoshlarimizni ish bilan ta'minlagan. Aksariyat BPOlardagidek katta traklarni boshqarish emas, AQSh aholisining uylariga dorilarni yetkazib berish xizmati ekan. Shuni yana-da ko‘paytirish uchun nima qilsak bo‘ladi degan savolga, menga faqat ingliz tilida yaxshi so‘zlasha oladigan xodimlar kerak, chunki narhidan ko‘ra sifat muhimroq. Ular bemorlar bilan gaplashib, ularni rozi qilishi uchun deydi. Temur Samarqandda yetarli kadr topa olmagach Toshkentda ingliz tilida so‘zlashadigan yoshlar ko‘proq bo‘lganiga u yerda ham ofis ochibdi. Boshlanishiga 700 dollar oylik berishga tayyor bo‘lsak ham ingliz tilini yaxshi biladiganlarni topishga qiynalayapmiz deb aytmoqda.

O‘sha kunning o‘zida viloyatdagi barcha rezidentlarimizni tushlikka taklif qilib ochiq gaplashganimizda, aksariyat eksporter rezidentlarimizda ham aynan shu muammo, ingliz tilida AQShliklarni yaxshi tushunadigan va sifatli xizmat ko‘rsata oladigan kadrlar defitsit ekanini aytishdi.

Shu uchrashuv bahona 20 ta ta'lim rezidentlarimiz ham eksporterlar bilan yaxshiroq tanishib, ularning talablariga mosroq bo‘lgan kadrlarni tayyorlashga harakat qiladilar degan umiddamiz.

Hozir Ingliz tilida yaxshi so‘zlashish uchun qaergadir pul to‘lab borishni ham xojati yo‘q, internetda juda ko‘p videodarslar va dasturlar mavjud. Juda bo‘lmasa, o‘sha internetdagi bo‘sh vaqtida qiziqarli videolarni ingliz tilida ko‘rsa ham ancha o‘rganib oladi.

Yangi marralarga intilgan yoshlarimiz uchun hozirgi vaqtda juda ko‘p imkoniyatlar bor, lekin kimdir bu imkoniyatlardan foydalanib yana-da yuqoriroq natijalar ko‘rsatmoqda, kimdir esa vaqtini behuda o‘tkazish bilan ovora…

Bugun Seeds for the Future loyihasining 15 nafar g‘oliblarini taqdirlab, dasturning keyingi Qatar davlatida o‘tadigan bosqichiga muvaffaqiyatlar tiladik. Ushbu dasturda ishtirok etayotgan universitetlardagi minglab talabalar orasidan aynan bu yoshlarimiz shu yergacha yetib kelishgani, albatta, ular yuqori maqsad belgilab, o‘z ustilarida ishlab, natijaga harakat qilishlaridan darakdir. Shu bilan birgalikda, mamlakatimizda 9 chi yil amalga oshirilayotgan bu dasturga xafsala bilan harakat qilmagan talabalar ham talaygina…

Kuni kecha Davlatimiz Rahbari videoselektorda barchani aynan ta’limga e’tibor qaratishga chaqirdilar. Bu chaqiriqqa munosib javob sifatida barcha uzoqni ko‘zlagan kompaniyalar ham shu kabi korporativ ijtimoiy mas’uliyatlarini bajarish bo‘yicha harakatlariga aynan ta’limni qo‘llab-quvvatlashni inobatga olishlari muhim. Shundagina bizni yoshlarimiz yana-da yuqoriroq marralarga erishadilar.

Bu dastur uchun Huawei kompaniyasiga o‘z minnatdorchiligimizni bildirishimiz bilan birgalikda kelgusida ta’limga yana-da e’tiborini kuchaytirishini tilaymiz.