((الموكب مهد))

انته اسمك صوغه لعيون الجروح
انته اول خادم الموكب مهد

عمرك بطول السهم چنك مضيف
تربعّ بنحرك سهم شيخ وگعدّ

گتله الله يساعدك عطشان اكيد
وچان حار ومن وصل یمك بردّ

گلك اعذرني ترى الغلطان ابوي
گتله طاحت واحنه منرجع احد

ّ المهم نحرك ماكفاني وگال ارید
گتله هذا نحر حسين اذا رايد بعد

هذا نحر الخيمه اذبحه من الوريد
احــــــنه واعدنا وفلا نخلف وعد

الله شـــــــاء نصير قربان السماء
وكـــل نحر من الدمع بالحب شهد

الحب اذا مو بالسهم ماصخ يصير
وهـــــــذا ابوي من الكرم قدم ولد

عبد زينب
محمد الابراهیمي

((حيرةّ العقيله))


خويه حسين محتاره
عليك وتــمرگّ الـغاره .. خويه حسين خويه

""""""""""""""""""""""""""""""""""""""""""""""""'''""""

مابيــــــــاش اصــــد الخـيل من بعيد اتنوع
الحافر من يدوس عليك هيچ بصدرك ويطبع
وانته ضلوعك الترفات خويه اتكسرن واسمع
بلوه الخيل خويه شلون جسمك صاير مگطع

جسمك داسو أكتاره
عليك وتمـرگ الغاره .. خويه حسين خويه

""""""""""""""""""""""""""""""""""""""""""""""""'''""""

من خلصت دوس الخيل جاك الشمر متعني
وآنه أدنـــه شـــافاني نهرني وهم بعد سبني
بس كتله ارد أودعنه وبجــعب الرمح طگني
ظل ايرفسك وگلــــبي يلچلمني يخـال ابني

عبرتي بـــنار عـباره
عليك وتمرگ الغاره .. خويه حسين خويه

""""""""""""""""""""""""""""""""""""""""""""""""'''""""

هـــــــاي النار فوگ النار ياخيماتي حرگوهن
اركض واسمــــع يصيحون حيل وبعد سلبوهن
ارد عليك اسمع صوت حتى أجدامه اگطعوهن
احتاريت بكبــــــر فرگاك ويصيحون طلعوهن

المخيم ضاعت اخباره
عليك وتـــمرگ الغـاره .. خويه حسين خويه

""""""""""""""""""""""""""""""""""""""""""""""""'''""""

اركض والمخيم نـــار ياروحي بـقهر موتي
اصرخ والعيال هواي شو مافرزنو صـــوتي
تردم بينه خيل الگوم والــــدخان تــــابوتي
ذيچه عاتكه بنص نار ماتسمع صحت فوتي

الخيمه أصبحت گباره
عليك وتمرگ الغــــاره .. خويه حسين خويه

""""""""""""""""""""""""""""""""""""""""""""""""'''""""

گوه معـــــارك ويه النار ضعني بهيمه ضعيته
بس صديت مدري شلون راسك عالرمح شفته
اكولن ذاك اخوي حسين انته حسين مـــو انته
صفنت وفززاني الســوط گوه السوط جارعته

وآنه دموعي تتجاره
علـيك وتمرگ الغاره .. خويه حسين خويه

عبد زينب
محمد الابراهيمي

لحن(حيرة العقيله)
بصوت
ملا حسن الربيعي
كوت

((اوداعك))


عثـــرتّ اوداعـــك بانـت بنضرتك
عطشان بس تارسـها حب خيمتك

تمســــح عـلى روس العيال بلطف
ومّفطـره مـــن الضــــمه شفــــتك

وللصحبه دور وللمحــبه عشــــــگ
ولا ماكو صحبه الشابهت صحبتك

وللخــوه مـــوقف للكـــلام الجـرح
والجرح چان الواضـــــح بدمعتـك

رغــــــم العدد مكسور بس اليحب
يتحمــل اليـــــولــــونه بمحــــبتك

نـــوعيه چـــــانت صحبتك سيدي
خــــــيريين جبرو بالعشك كسرتك

وتيممــــــــو بتــــراب ذاري الخيم
وشالو حســــرتك سيدي ومحنتك

شافو اعيالك تلتوي مــن العطــش
عصـــرو عيـــــــون وجابو العيلتك

ومــــــن وگفــو اگبال الخدر دنگو
يحسين فـــدوه وگالو الشيمــــتك

عبد زينب
محمد الابراهيمي

((تنشاف))


تنشاف بيچ الحسره گدام يزيد
وچنهه العليله من تطيح الحسره

طبيتي ليش محدبه من تمشين
زينـــب سبيه لو سبيه الزهره

حتى العذاب وما أله تالي وياچ
من عمر خمسه وانتي ام العبره

من عمر خمسه وشفتي محسن مذبوح
وچبد الحسن شفتيه قبل الطبره

حطيتي ايدچ عالضهر وتونين
شبيهن ضلوعچ خاف هم متكسره

غربةّ دموعچ ماكو اخو بالعربان
تاريخ حزنچ والعمر شيعبره

ذبلتي حتى الذابل المابي روح
الناگه صارت من عذابچ صفره

للقصر من طبيتي وياچ الروح
تحاچينمن والشيب عاش بنحره

يضحك يزيد ودمعتج چن شلال
وچم باب صارن ضايگه وچم عصره

الماعنده جمره ماعرف زينب زين
يعرفون زينب ذولي أهل الجمره

حتى الخرابه وياچ هم تبچي وياچ
تغسلين وجهچ ماتروح السطره

الغربه عاشت خيمه وعيونچ نار
احترگت بنص الخيم چم ذكره

يضرب براس حسين وأنتي تشوفين
تگليله كافي لاتطيح العشره

اديرين عينچ عالگمر وتغمضين
تگليله ياعباس زرگه وحمره

عباس بالخيمه سوالف خوان
تذكر تطبلي الخيمه تصبح گمره

خيالي اطمه ويطلع يريد وياي
يَطَشر من الناس ويلم صبره

عباس وينك ياشذى عيون حسين
عباس من دونك خراب العِشره

انت الگدتني وانت بيدك عباس
هسه انه أريدك موتتني العثره

ياسلوةّ الما ألهه والي ولاگوم
راحت حياتي گطره تتبع گطره

وصلني عاد الديره كلهم شمات
حتى آنه اصيحن هذا اخوي شكبره

عبد زينب
محمد الأبراهيمي

((من اول))


من اول ياحسين
شـو فزتــلي عين
وماعـــــرفك جنت لكن بچيتك

ما اعرف جروح
ولا اگـــدر انوح
وعندي دموع صارت من نخيتك

زَودّ دمعتي التجري
زَودّ حسرتي بعمري
وهَيم سيدي جرحي
يل بالحاله يالتـدري

مو آنه ذاك الينفجع تفجعني بالحب يمـته
چايمته يحسين انكسر ودموعي تنزل سكته

ياحبيبي ياحسين ...

"""""""""""""""""""""""""""""""""""''''''''''

بالحب مالي حال
بس شاغـــلي بال
هاجس حبك امضيعلي ليلي

مالازمــلي ليل
ليل وكله خيل
شما يغفه الجرح اصرخ يويلي

ليلي بــــونته يســـافر
ويسحگـ بيه چم حافر
وأتوسد گلب خــــاوي
بي بس الجرح وافـــر

كل هذا وانسه مصيبتك ويتعده حال العاشر
وتتعده خيــل الغـــــايره وباچر يذبني الباچـر

ياحبيبي ياحسين ...

"""""""""""""""""""""""""""""""""""''''''''''

چا ليش ونسيـت
من مهرك هويت
اليحبك ليش يتناسه جراحك

الخاطر ما أضيع
منطيــني رضيع
منطيني خـــيَم وانكر صياحك

يابو ضعون منـــهوبه
أذنب وارجـــع التوبه
وانته تگلي ميخــالف
وناسي العيله مسلوبه

مو زحمه اگولن سيدي يالحبك معذبني
يمتعب عيون الخـــــدر مو آنه المتعبني

ياحبيبي ياحسين ...

"""""""""""""""""""""""""""""""""""''''''''''

ياحـــب ياشجـــــون
شعندي وحتى اكون
وزينب تمزج الحب بالمصيبه

والحب بالحبال
ومأسـوره بهزال
غربه وحَبت وصـــارت غريبه

نـــار وســــوط والحيره
وتراچي وتبچي الزغيره
ويــاذاك الـــدرب يذبح
ومـــــــن ديره لعد ديره

هــــــــذا مــــرار ألي يحب چا آنه احب شعندي
ودموعي گطره من الدمع موذاكه دمعي اليحدي

ياحبيبي ياحسين ...

عبد زينب
محمد الابراهيمي

لحن(من اول)
بصوت
ملا حسين المالكي
بغداد

((عين المهى))

لا عــــــــين المهى تشـغل عيوني
ولا محسوبه بحسـابي وضنــوني
المهى تــــندارلك فدوه يالحسين
يــــــــالمسهرني ومغـــيرلي لوني

ساهـــــرلك يبو اليمه
وامد چفوفي للرحمه
هيه الخدمه موجوده
بس عاوني بالخـدمه

بصدگ الحال عاوني
الحبك انته ساعـدني
وجدمي كــون يتعثر
بيـــــدك انته گاودني

بيدك يــــاخير .. مــــو أيد الغير .. مولاي
يالتسوه الروح .. عيشني جروح .. مولاي

مولاي مولاي ...

""""""""""""""""""""""""""""""""""""""""""""""""'''""""

أنه مشغول بالهـــــزله ومشيها
وبعـــــثرتــــــها والحَــداي بيها
ويا حبل الحزن شابگـ حسرتي
رقيه شلــــــون الاحبال أبديها

ياهذا الحـزن اصعب
لازم دمعه من ينطب
هـــيه الطفله تتحمل
لو هذا الحبل ينضب

عگبــــك وشلون .. شتسوي أم عون .. مولاي
شتسوي بهـــــاي .. ممنــــــوع الماي .. مولاي

مولاي مولاي ...

""""""""""""""""""""""""""""""""""""""""""""""""'''""""

خــوله اطيح والــــــــدمعه سريه
وموت السكته يامــــــوتت صفيه
عگب هذا الجرح شتسولف الروح
وبضيـــــم الطشت مـــــاتت رقيه

تگله گلبي محتاجك
يالفوگ الترب تاجك
بويه فدوه حاچيني
ياهوّ القطع اوداجك

ياهوّ الخضب الشيبه
يابو الرحمه والطِـيبه
ليش دموعك بخــدك
زينب صارت اغـريبه

غربه ابلا ناس .. ولامن عباس .. مولاي
لا رايه وجــود .. چايمته تعود .. مولاي

مولاي مولاي ...

""""""""""""""""""""""""""""""""""""""""""""""""'''""""

شلون انساك وانته بحزنك عيون
بجروحك عشگ والنـاس ينسون
شمقـــدم الحزنك خــــاطر ارتاح
مـــاعندي أثـــــــر متعلي المتون

ماعندي أثــــر واضح
ولادمع اليصب جارح
عــــود الدمعه بالگوه
ساعه والحــزن رايح

وانــــته فازع بكــــلشي
تــــدري بعيني وبرمشي
تــــدري بحتى صفــناتي
حتى بجدمي من يمشي

مولاي انخاك .. بالتــالي وياك .. مولاي
غيرك مـاريد .. هاك اخذ الايد .. مولاي

مولاي مولاي ...

عبد زينب
محمد الابراهيمي

لحن(عين المهى)
بصوت
ملا صادق هاشم
بغداد

((صفوف القافله))


وَنّضما قلبي في صفوف القافله
فَصـرتُ خـــداماً مُطـــيع العائله
لا ينتـــهيّ الحبِ بِتلّــكَ المسئله
والعيــــــنُ تجريّ للنساءَ الثـاكله

يجــــرني الطيش
وأفـــزع للعــــزيه
وتصير من الجرح
روحي اعــله اديه
وندم يترسني گلبي أعله السبيه
ندم من جدمي حد عيني
ندم لـــــــوشالةّ سنــــيني
وألطم عالصدر صبح ومسيه

حبيب (الله) حسينآ ...
""""""""""""""""""""""""""""""""""""""""""""""""'''""""

تبكيّ الوحوشُ والطيورَ الطائره
والصمِ يبــــكي للعيـــون الغائره
شلواً صـــــريعاً والنساء الحائره
والخيلَ لاتــدري بِعميٌ ســــائره

يحـــــافر ليش
وبحيلك تلچمه
تطشـــــر بــــي
چا ياهو اليلمه
بعد لا وين ماكو شويه رحمه
يحافر ضيعت كلشي
كافي تسحگ وتمشي
يحافر ويـــن چا زينب تشمه

حبيب (الله) حسينآ ...
""""""""""""""""""""""""""""""""""""""""""""""""'''""""

مـــن تِلكَ هيه والكفوف الشابكه
تَعّدو وتَعّدو فـــي طريقِ المعركه
والليلُ يغشـــــى في سباةِ الآفكه
أذ هيــــه زينب للحـــسينً سالكه

تـــــزيل احجار
وأسهام المرامي
وتگـــــله حسين
فدواتك خـيامي
وضامي تصيح ريت الكون ضامي
يبن امي الجرح يدي
شفتك ونفطر چبدي
اجيتك يالحمه من دون حامي

حبيب (الله) حسينآ ...

""""""""""""""""""""""""""""""""""""""""""""""""'''""""

أنتَ الحُســينٌ يـاتُرى أمّ غــــيرهُ
أنتَ ابنُ امـــي والدما في نحرهُ
تجري الخيولُ ويلتي في صدرهُ
ياليتَ عمـــري قد خلا من عمرهُ

يعشگ الـــــروح
بالگوه وعرفــتك
يغــــــات العـــين
وبنحــرك دمعتك
شلون تصير أگلك گوم لختك
حالك يجرح أفادي
باچر والشمر حادي
فلت وأنتهت بيـــــنه عشرتك

حبيب (الله) حسينآ ...

عبد زينب
محمد الابراهيمي