لحن (بلا لطم)
بصوت
ملا احمد الزيادي
بصره

((الشوباش))


متانيه الشوباش اطشن بالعرس
مو اشوفك يبني طايح بالشمس
ياجاسم ماترضا احتار
ماترضا محــروگه بنار
حبیبی حبیبی یمه ياجاسم

"""""""""""""""""""""""""""""""""""'''''''''''

ياجاسم شلون ترضــا امك بونه
يوليدي انخاك مو يبست الحنه

ياجــاسم ممدوده سنينك
والحنه تلــــوگ الچفينك
حتى الخيمه تگلك وينـك
وينك يمه وفدوه العــينك

يبني مشدوها يبــو زغير العمر
يالعفت گلبي على حـــر الجمر
يبني الزمن بيه وجار
ماترضا محروگه بنـار
حبیبی حبیبی یمه ياجاسم

"""""""""""""""""""""""""""""""""""'''''''''''

يبن الحسن نار مـاتبرد اللهفه
وآنه انطر سنين هلهولةّ الزفه

يوليدي ويـــاعـمد الخيمه
ليش اتخلي الـروح إيتيمه
وآنـــه ادريبك كلك شيمه
ومــاتت بسنيني التــرنيمه

ماتت الترنيمه والـــزفه سوه
وبالمخيم يبني ماعدنه ضوه
بس حاچيني يبني أصار
مــــاتــرضا محروگه بنار
حبیبی حبیبی یمه ياجاسم

"""""""""""""""""""""""""""""""""""'''''''''''

يوليدي جسام والـدم على عيونك
شو اصفر اللون سلبو نـــدى لونك

تمنيت الصفره الخاچيه
ومشمر خضره الچــفيه
والبسمه البسمك ورديه
ويـــزفك أبـــن البدويه

أبد ماصارت يبن عقد الوله
هــــاي هيه وضيعتنه كربله
والجيش ويم طولك دار
مــــــاترضا محروگه بنار
حبیبی حبیبی یمه ياجاسم

"""""""""""""""""""""""""""""""""""'''''''''''

يبن حسن وين يالمـاشي بعد امك
ثوب العــــرس ليش متلون بدمك

يالدمك وبطــــولك سايح
شو مشيول وچــنك طايح
عمك جاباك وبـــــالصايح
بعد امك لتگــــلي ورايــح

يمه عمك شايلك محني الضهر
انته جـــــاسم يمــه لو انته النهر
شو نايم هــا يــاستار
ماترضا محروگه بنار
حبیبی حبیبی یمه ياجاسم

"""""""""""""""""""""""""""""""""""'''''''''''

يمغمض العين گلبي انحنه وباسك
يـــاريته مجـــسوم راسي ولا راسك

كون الطبره بـنص دلالي
ولا انتــه يـــايـــمه الغالي
انه اتــــوسد كــون الغبره
وراسي يصير برمح العالي

مودع الله يبن بت ذاك النبي
انته طايح وآنـــه امشي للسبي
مسبيه ومشموره احجار
ماترضا محـــــروگه بنار
حبیبی حبیبی یمه ياجاسم


عبد زينب
محمد الابراهيمي

لحن(الشوباش)
بصوت
ملا محمد الساري
اهواز

((ساعةّ سفر))


مــن ابتدت ساعةّ سفر
وياها ابتدت ساعة قهر
والينتضر ميــــت جرح
فوگ الجرح رشو ملـح
يــــاليل لتجيب الصبح

ساعةّ سفر ...

"""""""""""""""""""""""""""""""""""''''''''''

عود اني صفطت الهدم
وبهدومي وجروحي ألـم
ينضـــــرولي نضرةّ بچي
بس آنــه خجلانه ابتسم

حسيت فرگاهم بده من حسيت
گلبي وگع بالگاع مذهول البيت
لاگاني ابوي بوجنته جرح دموع
وبروحه شمـاني وبچيت وونيت

تعـــبانه گلي معلعله
بــــويه بعيــده كربله
وألتمت عيون الاهـل
صعبه اليظل بلا امل
ومتاعي فليته بفشـل

ساعة سفر ...

"""""""""""""""""""""""""""""""""""''''''''''

كلــــهم علـــيه تباوعو
حسيت اخــوتي تلوعو
لبســن عبيهن وألتفت
وبروحي أگولن هامشو

وسكينه تتباوعلي ودنگـ الراس
ونتبادل النضرات حتى انفاس
وعمي الگــمر گلالي لا لاتبچين
لازم اردلـــــچ كون روح بعباس

شــو گلبي حار ومـابرد
زاد الدمــــع بعد وبـعد
ضليت حــــال المبـتلي
غفلله ومشو عني هلي
لا من علي ولا ابـو علي

ساعة سفر ...

"""""""""""""""""""""""""""""""""""''''''''''

طلعت رقـــــــيه وعمتي
وياصفنتي بنص صفنتي
ضليت اشد رمش برمش
تعانـــدني تنـــزل دمعتي

طلعت چلمتي مّكسره كلها جروح
ها عَمّــــتي يعني انه اظلن ماروح
البوشيه نگعت بالدمع من أم عون
وتريد تحچي وتختنگ منهه الروح

وشبگتني ونّفجرت بچي
وبدمــوعنه صار الحچي
عافتني ودمـــوعي جمر
وتشگگ بچفـــــها العمر
والضعن چن مــــاينتضر

ساعة سفر ...

"""""""""""""""""""""""""""""""""""''''''''''

غصيت بـــالماي الشرب
چه وحدي بالدار وغرب
هوه اليفـــارگ چــم نفر
كلهم هلي راحــو صعب

والمغــــربيه الّـــغيرت مـــني اللون
جَنازه راحو وآنــــه حـــال المدفون
شگد صيحت والصوت يرجع بهداي
للموت اهلـــچ راحــو وميــــرجعون

وهدومي سود محضره
لا مــــاترد اهـــــلي تره
لا من ابو ولا مـــن اخوّ
والروس برمـاح العـدوّ
راح الحنان ويه الدفـوّ

ساعة سفر ...

"""""""""""""""""""""""""""""""""""''''''''''

وعيوني ملچومه بسهر
واحلامي عطشانه بنهر
فززني صوط وانـضرب
مرعوبه افز مـــن القهر

عشت الحقيقه بنومتي واللــوعات
واگعد واديه مجرحه من الطيحات
وچفوفي مــــاينسدن وبذني دموم
وصريخ بذني يصيحن المحتـرگات

ومعصـــب اديــــه ينعصر
ومچتــــفه مــــن العـــصر
ومّـــتاعي اشــوفه وينهب
وفوگ الرمح صار المحب
والجســــد عاري وينسلب

ساعة سفر ...

عبد زينب
محمد الابراهيمي

لحن (ساعة سفر)
بصوت
ملا صادق هاشم
بغداد

((ايام الاميره))


كــــان ماكان المــخيم بيّ فراشات الزجيه
كان كل وحده اميره هسه كل وحده سبيه
لا مخــيم لا أمـــيـره
هسه عالهزله اسيره ...

"""""""""""""""""""""""""""""""""""''''''''''

گبل اذكر عدنه خيمه معلگه بيها شيلةّ أمي
جماغ ابوي وسيفه بيها حسين والعباس يمي
وعباس إيســــــير لَيه
وتگعد بــعــيونه رقيه
وينشدني عن احوالي
بمتنه مـــشمر الچفيه

بجالك مأمنه يغاتي وحيل مرتاحه بوجودك
برايتك خويه آنه اشوفك وبالعمود معلگه جودك
جنت عالوادم چبيره
هسه عالهزله اسـيره ...

"""""""""""""""""""""""""""""""""""''''''''''

گبل خيمتنه چبيره بيها اخوي حسين گاعد
وبيها عون وليدي واگف ينضر الخاله ويشاهد
بســكته ومـن يحــاچيني
يمــه يگــلي وضَـيّ عيني
خـــــالي لو رايد روحـــي
أنطي روحي ويه اسنيني

عفيه بعد امك وتسلم يا بزر روحي العفيفه
سهري ماضاع اعله مهدك ادري بروحك شريفه
حالي ما حال بنظيره
هسه عالهــزله اسيره ...

"""""""""""""""""""""""""""""""""""''''''''''

ليله والأكبر يجولي وتلتم أعليه خواته
يگلي عمه وآنه اصفن تطلع العمه بحلاته

وايــديّ يجــرها يــقبلها
بعــطره الخـيمه يجملها
ويبوس عيـــوني وراسي
وحتــى الشــيله يعــدلها

وآنه احبنه اعله خده روح ابو الحسنين عده
يشبه بكلشي محمد وطالع بكلشي أعله جده
وجمره ماعندي سعيره
هسه عـــــالهزله اسيره ...

"""""""""""""""""""""""""""""""""""''''''''''

رمله والعريس جاسم الگعده وياهم طويله
نـذكر ايــام الـمــدينه ونــذكر ايــام الـعـليله

ودت يمــــته ونتلاگه
نـــقرا بعــبره الخناگه
ودت ياعــــمه شلونچ
حسين وموتني فراگه

وجاسم ينشف دمعتي يگول هلبت نرجعلها
لو تشوف الضعن عمه يخفف أعليها حملها

والزمن بث بهجـيره
هسه عالهزله اسيره ...

"""""""""""""""""""""""""""""""""""''''''''''

والرباب تمر عليه والطفل بچفوفي اشيله
اباب خيمتنه ابو فاضل وآنه ارگض من اجيله
يدنگ من ينضر طولي
خويه يگلي وبس گولي
خــدامـــچ آنـــــه وأمي
وخــوانچ يمــــچ ذولي

خويه خاف تروح عيني انتي فص عيني وضواها
خويه خاف تروح روحي انتي روحي ومحتواها
وخلصــت ايام الأميره
هـسه عــالهزله اسيره ...


عبد زينب
محمد الابراهيمي

لحن(ايام الاميره)
بصوت
ملا خالد الفيصل
بصره

((ياحلم))


ياحـلم دوم اعــله رمشي
بيا درب هسه انته تمشي
الشوفه منك تسوه كلشي

جرح يتبــع جرح أبدي الشوفتك
وأعيش آنه بأمل أحصل نضرتك

أنه مناطر مـن مهدي
لحد جرحي وبالحدي
أنـــــه الأندب يامهدي .. يامولاي

يامولاي .. يامولاي

"""""""""""""""""""""""""""""""""""''''''''''

هسه ويــن انته يواحد
بكربله يالمهدي گاعـد
بعينك شتنضر مشاهد

طفل ميت عطش ويذبحه حرمله
صدر شابع سحگ شتشوف بكربله

تضن انسه لا شنــسه
وأنه احسبلك بالهسه
يدين عيونك اتحرسه .. يامولاي

يامولاي .. يامولاي

"""""""""""""""""""""""""""""""""""''''''''''

يا وحيد ودنيا حــيره
والنضر ألمـن تـــديره
وتنضر العمتك أسيره

سبي وسوط ورمح وفواطم عالهزل
دمـه تبچي الصبح اذا تسمع حبـــل

الك جرحك يبـرالك
صحت جدي يعيالك
وأنه الــذنبي چـاتلك .. يامولاي

يامولاي .. يامولاي

"""""""""""""""""""""""""""""""""""''''''''''

جرحك اتشده بدمعتك
عالهزل طـالت صفنتك
للحبـل تطـــلع حسرتك

يمهـــدي بيا صبر عمـر شيب ومحن
عمر راح بحزن الصواني ابن الحسن

شمع جاسـم والحنه
وعلي الاكبر والـونه
العمر يرجع شتضنه .. يامولاي

يامولاي .. يامولاي

عبد زينب
محمد الابراهيمي

لحن (ياحلم)
بصوت
ملا حسين الحلفي
ناصريه

(من عولمةّ)

ميرزا علي الركابي
شعر محمد الابراهيمي

((شو بس راسك))


جابولي شو بس راسك
چــــــــاوينك ونبراسك
يــــابويه شـــو متغــــير
سولفلي ياهو الجـاسك

عـــود آنــه رت اشگيلك
بس اخجل من احچيلك
وبخــــدي ضميت الدمع
مشتاگـه ضـمني دخيلك

عفتني الوحـدي وسياط المعتدي
وشگلك بالسلب تراچي ومعضدي

حسينآ ياحسين ...

"""""""""""""""""""""""""""""""""""''''''''''

مشيّ الهـــــزل أذانه
والعثــــره بويه ويانه
من ابچي ويضربوني
والشوفتك ولــــهانه

عمتي تگـلي مسافر
وانــه ودمعتي نكابر
چم باچر ايمــر بينه
چا يمته يوصل باچر

وأتاني عالجمر يهلبـت بس تمر
يبوية تأخـــرت وكلمتي التنهطر

حسينآ ياحسين ...

"""""""""""""""""""""""""""""""""""''''''''''

مـــــو للعتب چلماتي
بس للعشگ دمعــاتي
احچـــيلك وأتحــــسر
بگلبي صفت صيحاتي

حاچيني كلـمه زغيره
ما احمـــل انه الحيره
افتــــح أليــــه عيونك
وشاهدني بويه إيسيره

يبويه بــــلا حمه ذراري فاطمه
العقيله ام الخدر بونين امكـتمه

حسينآ ياحسين ...

"""""""""""""""""""""""""""""""""""''''''''''

هسه انه أريد حجايه
مـــن شفتك الدمايه
حاجيني لو بس مره
بويه انسبينه ســبايه

حاچيني گمت اتحلم
راح انتـــــضر تتكــلم
يابابا بسمي اتنـــــادي
حتى انسه چنت اتألم

مهجتي تنجـرح يـــــرايح بالذبح
اخذني العالمك الهدوئك ياسمح

حسينآ ياحسين ...

"""""""""""""""""""""""""""""""""""''''''''''

حضنك گضه وما شفته
بس راسك انه احضـنته
دفيـــتـــك بجـــــمـراتي
بس موتتــني الســـــكته

بدونك حياتي شبــيها
لا كل طعم مـــا بيـــها
خليني احضنك بــويه
روحي العشگ سـابيها

اموت الخاطرك وابوسك واشكرك
لحـــد مانـــلتقي امـــوت وانــطرك

حسينآ ياحسين ...

عبد زينب
محمد الابراهيمي

لحن(شو بس راسك)
بصوت
ملا صادق هاشم
بغداد

((جابولك رمح))


جابـــــولك رمح لامـــو مهد يوّحَيدّ أمك
عمت عيني تفز حار الرمح يبني يلچمك
يالمتعب الضعن كله الضعن رايد يشمك

يكـــاسر خاطر اخوانك
مثلــــهم يــابس لسانك
وگلبي يصيح عطشانك .. ييمه

أنه ويـــامكثر مصابي
كسرو ضلعـــي يابابي
سبحه وگطعو احبابي .. ييمه

آنه امك طلع شيب بحليبي
ناغيــلي وأناغيـــك بنحيبي
يزغير الضعن يبني وحبيبي

ينحرك بالدمه وسابح
عبدالله الــوكت رايح ...

"""""""""""""""""""""""""""""""""""''''''''''

ياتعب الربه وذاك الـسهر راح وتبده
لا مــــايقتنع هـــذا الرمح لَيـه ويرده
مابين الزلم ابني صعد وبعطره ورده

تعال وشوفني بجمري
يالماشي ومشـه عمري
تعــال وفدوتك نحري .. ييمه

تعال اشرب ندى عيوني
فــــدوتك عمري ولوني
يكاســــر گلبي وضنوني .. ييمه

فر راسك يبــعد امـــك عليه
عبدالله وبــــعد شمسوي بيه
موش اتگول من بعدك سبيه

ومتن الشايلك طايح
عبدالله الوكت رايح ...

"""""""""""""""""""""""""""""""""""''''''''''

حلمك مابده وراح العمر يبني بنوايب
لا مـــاحسبت لا يلــــولد تصـير بترايب
انته بيارمح وآنه بسبي وضيم الخرايب

ياحلـــمي الغده برمشي
بگــــلبي تركض وتمشي
ودم ابيض يصب هرشي .. ييمه

يبني ويــــاك محـــتاره
من حاره السبي الحاره
ونـــار بگصب وحجاره .. ييمه

اذا بحجــــاره يرمونك اطيحن
وموش بصوتي بعيوني اصيحن
وحســـرات الگلب مايستريحن

وياگلب العشگ صايح
عبدالله الــوكت رايح ...

"""""""""""""""""""""""""""""""""""''''''''''

در بيه اللبن ويه العشگ يوليدي واسهر
ناغيت الجـرح وآنه بحبل ياوكتي الاغبر
اشبرلك چنت فوگ المهد يازرعي خضر

ماخضر يبس زرعي
ياروحي بعــد طلعي
يل ما ينگـطع دمعي .. ييمه

شسوي بروحي ياحيره
يبنــــي وشايله الـديره
يــوسف ونــــهدم بيره .. ييمه

مو حتى السگف يبني وهدمته
راح الفي بعــــد يبني وهجرته
يـــــابيتي بعــــد ماضن سكنته

راحت روحي وشرايح
عبدالله الــوكت رايح ...

عبد زينب
محمد الابراهيمي

لحن(جابولك رمح)
بصوت
ملا علي الركابي
بغداد

((اهلي راحو))


اهـلي راحو .. وآنه اصيح
همه صعدو .. وآنه اطيح
بويه الگلب يصرخ وين
زينب عمه بويه حسين ...

"""""""""""""""""""""""""""""""""""''''''''''

چبيره الغربه العليه ادور روحي ماهيه
اناشغ مـا تسمعوني يـانار الغدت البيه

آنــه جويعده وحمــــل ضعنهم
وأنه محضره عباتي وانتضرهم
عمري يروح من فدوه العمرهم
خفيفه ومــا اثگل مـن حمــلهم

تدري جرحي .. صار اسير
ويـــن جنحي .. حتى اطير
عشت بچلمةّ الترحين
زينب عمه بويه حسين ...

"""""""""""""""""""""""""""""""""""''''''''''

فرگتك زيدت مرضي بواچي تسمع بفرضي
خواتي كلهن وياكم وآنه بيا درب حضي

أَتلَفـــــت واتــــانيهم يصــــيحون
هلبت گومي اسمعـــــهم يگـولون
چلمة يالله كون تصيحلي ام عون
يتباوعـــلي ابوي بــدمــــع العيون

كض اديه .. وخــل اموت
بـــلا رقيه .. شلون افوت
عذاب الفرگه بين اثنين
زينب عمــه بويه حسين ...

"""""""""""""""""""""""""""""""""""''''''''''

حته العثره هم تعثر شگد جروح وتصور
تدري اخواني احبنهم اموت بفرگةّ الاكبر

يبـــراهيم نــــارك بـيه بـيه
شلون عيوني تفــارگ رقيه
يوسف بير واحـــد وانه ميه
حتى النوگ هم تبچي عليه

هـيه حيره .. ويـــن اروح
بلايه ديره .. وبس جروح
تفــــارگني يماي التين
زينب عمه بويه حسين ...

"""""""""""""""""""""""""""""""""""''''''''''

عذاب ايوب ضايگته تحرگ دمعةّ السكته
احبنك يبعد الروح يمعذب گلب بنته

ادري شمــــالها وما تطلع الروح
عگب ارسومكم وجروح بجروح
آنـــه اول عشگ بالفرگه مذبوح
وحــتى البيت هم يصيح وينوح


وين اجيكم .. گولو وين
واشتـــريكم .. ياحسـين
نضره وحتى اقبل دين
زينب عمه بويه حسين ...

"""""""""""""""""""""""""""""""""""''''''''''

بعد ما تنفع الدمعه تعده الحادي وبسرعه
ادور صبري ماهوه فراگ حسين ما جرعه

وصيح بصوت ياعمه تعالي
يعمه بغيركم مشدوهه بالي
والله فــراگكم ياحال حالي
اظل شلون هيچ بغير والي



يابو فاضل .. جرحي غار
دمعي حار .. وانـــته حار
طاحن ياوسف چــفين
زينب عمه بويه حسين ...

عبد زينب
محمد الابراهيمي

لحن(اهلي راحو)
بصوت
ملا خالد الفيصل
بصره

((ابي ارجوك))


ابي ارجوك تأتي
انادي كــلُ وقتي
اتدري حان موتي ... واويلاه
"""""""""""""""""""""""""""""""""""'''''''''''

بويه اجيت وانته همي مــو خيام
المثــلك وصعبه على الغبره ينام
سلبوني وآنــــــــه اشكيلك هيـام
فدوه كلشي والتراچي مــو مـرام

ابـــي والقلبُ انتَ
وانـــتَ قد كـويته
لِماَ عن عيني غبته .. واويلاه
"""""""""""""""""""""""""""""""""""'''''''''''

المحترگ ينسه السوالف والعذاب
يركض بحــرگت دمعته والمصاب
جيت اگلك وانته عاري وبـالتراب
سلبونه وعــالطفل تبچــي الرباب

ابي والنـارِ تسري
بقلبي ثمَ صــدري
بوجدي انته تدري .. واويلاه
"""""""""""""""""""""""""""""""""""'''''''''''

من غيابك جيتك اشـــكي مو سياط
ولا عطـــش بـــــويه ولاسلب القراط
وعالتراب وليش مــــو حدرك بساط
عمتي شاطت من حزنها وگلبي شاط

رُوّقياتك سبايا
ابي لا بل منايا
أناسٌ بـل بغايا .. واويلاه
"""""""""""""""""""""""""""""""""""'''''''''''

بويه بس حاچيني كلمه وگلبي ناح
يـــاعزيز امك هضيمه اعله الرماح
واحترگنه ومــاكو من يسمع صياح
بس عليل وگــوه يمشي بويه طاح

ونار القلبُ طَفيّ
ابي كلمنـي لهفي
أنا واليـوم حـتفي .. واويلاه
"""""""""""""""""""""""""""""""""""'''''''''''

راح اردن للمــــخـــــيم راح اروح
بس شردن وانته غـافي بالجروح
كافــــي بابا جاي اشـوفنك تنـوح
وآنه ميته من دمعــتي ابلايه روح

اصلي العشق فرضي
بموتي سـوف اقضي
بموتي القلبُ يـرضي .. واويلاه

عبد زينب
محمد الابراهيمي

لحن (ابي ارجوك)
بصوت
ملا حيدر الصالحي
بصره

((من المخيم))


مــــن المخـــــيم للنحر
جيت اصرخ وراحو هلي
مــــو جدمي دلالي العثر
مشتــــاگه ألك يابو علي

عطرك يحسين الجاباني
وخنصر طايح شو لاگـاني
ضلمه وحراس إيضحكون ..

وأهنـــــا دمعه وأهنا دمك
ضمني بسدك خويه ويمك
وأختك مـــاتعرفها ام عون ..

گلبي كضه ..
راد يطـــفر يبن حيدر .. گلبـي كضه
خويه ركضه ..
نوبه اطيح ونوبه اعثر .. خويه ركضه

خويه الحجر بيك أشعمل
صــاير على جسمك جبل
تيهنـــــي يبن أمي الدرب
خوف وركـــضتي بالعجل

يبن امي .. حسين

"""""""""""""""""""""""""""""""""""''''''''''

يمــــك شفت تبچي مره
محنيه بس ماعدها حس
تشهگ مثل دوسـت جمر
ومتربه چنها مـــــن أمس

صدتــلي بعيون الحمره
زينـــــب يمه آنه الزهره
جيت وما أدري أبلا راي ..

هذا حسين اتگلي أدني
يازينب هذا حسين أبني
مذبوح ومـــا شارب ماي ..

يمه حيره ..
خل نشيل أسهام جسمه .. يمه حيره
للزغــيره ..
روحـــــــي انتي وآنه يمه .. للــزغيره

روحي العيــالچ بالعرى
وراح آنه أنامن بالــثرى
أرد أشبگ وليدي وأون
وضلوعه إلمها مطـشره

يبن امي .. حسين

"""""""""""""""""""""""""""""""""""''''''''''

گتلها أجيــــتي الوحدچ
گلــــتلي ويــــــاي النبي
جايب عبي مـــن السمه
چه يدري محترگه العبي

يايمــه بـــس ظل محير
طايح يـــمه بصف الاكبر
يصرخ ويدگ اعله الراس ..

ويگلب بچفــوفه وصدره
مثل حسين وگطعو نحره
جـــدچ يمه وگلبه انجاس ..

يمه جدچ ..
ظل يصيح بعالي صوته .. يمه جدچ
وين ولدچ ..
وين عـــون وين اخوته .. وين ولدچ

لاگـــــاني عون بدمعته
مــــن النحــــر ياچلمته
گتله الخــــوالك ماشيه
وطلعت سوالف حسرته

يبن امي .. حسين

"""""""""""""""""""""""""""""""""""''''''''''

يايمه شـو أسمع بچي
هــــذا اليون أبيا دمع
گلتلي اي هذا الحسن
من السمه جايب شمع

يوليدي يصيح أبيا ونه
وين الياس وين الحنه
مارد روحي ويا جسام ..

جاسم يبني ولازم جفه
يوليدي چا ويـن الزفه
آنه وأمك صــرنه إيتام ..

يبني وينك ..
ليش ماتگعد يجاسم .. يبني وينك
يا ونيـــنك ..
ليش يانـــور الهواشم .. يـــا ونينك

ورد أعله أخو طاح بدمع
صدرك يخويه ابلا ضـلع
وخيل الابد مــــارحمتك
ظـــل يصرخ وما ينسمع

يبن امي .. حسين

"""""""""""""""""""""""""""""""""""''''''''''

يايمه منهو ألـــي اجه
هذا اليشگ ثوبه بقهر
گلتــــــــلي يايمه علي
توه اجـــــه مــن النهر

هذا الما لابسله عمــــامه
هذا المطبور اعله الهامه
يصرخ ياخيل وچــا ليش ..

ظل يلطم وحسين ينادي
والطف ماخذ كل اولادي
واحد ليـش مگابل جيش ..

بالحجاره ..
ليش مصيوب بجبهـتك .. بالحجاره
يبني ناره ..
گلبي ما يطفه بجمرتك .. يبني ناره

وتمـــــدد ودمعه يصب
وبصف عــــزيزه بالترب
ياويلي وانته بيـا عطش
من أمده مــــاي الشرب

يبن امي .. حسين


عبد زينب
محمد الابراهيمي

لحن (من المخيم)
بصوت
سيد سيف الخادم
بصره