((الراس منذور))


الراس منذور .. يا .. ياأباعبدالله
الّيــوم عاشور
اليرجع بخـير
موش معـذور

يحسين اجينه انخبر المــادره
الماعنده حــبك لايدور آخــره
غلمانك احنه وننذبح مو سره
ياحبنا حُسين

مو مره وحده انموتلك بالعشگ
نتمـــنى نــــار وبالـذبح نحـترگ
ابلا عطرك احنه نختنگـ نختنگـ
منوانه حنين

جينه ننخــاك .. يا .. يااباعبدالله
نموت ويـــاك
تدري يحسين
الروح تهـواك

"""""""""""""""""""""""""""""""""""''''''''''

وهب شيگول .. يا يا .. ابا عبدالله
روحي تصول
بحبك تجول
يبن الفحـول

آنه المسيحي وبالخدامه انشمل
شيعي وهـيامي ينطفي ويشتعل
جراني حبــــك چنه جرت حبل
ياعشگ الضمير

آنه الچبير وچني راجع ولد
آنه حبيب وجيتـك ابلا بـلد
هيمني گلبي وبغرامك شهد
ياعين الضرير

عابس يصيح .. يا يا .. ابا عبدالله
ارگابنه اطيح
اذبح الخيل
واذبح الريح

"""""""""""""""""""""""""""""""""""''''''''''

بالعشگ جون .. يا .. ياابا عبدالله
يعلن أجنــون
گال ويــــــاك
افدي العيون

جيت بسوادي وانــته ابيض گلب
بكيفك يروحي انتضر لــــو اطب
هوه اليشوفك ينسه حتى الحرب
يا اجمل حبيب

لهيني بيـــــك وانــــسه آنه منو
ضمني بحــــنانك انته غير الابو
ابلا حبك انته ادري عايش شكو
للعله طبيب

بالعشگ نــوح .. يا .. يااباعبدالله
گلي لتـــــروح
بجدمك اتراب
گلبي والــروح

"""""""""""""""""""""""""""""""""""''''''''''

روحك الهيل .. يا .. يااباعبدالله
شالو الخيــل
بحد الخــيام
نصبو الويـــل

هذا زهير الروحه نغمةّ هله
الطلگ الدنيا وبجناحه عله
نايـــــم وفز ينــادي ياكربله
ومخاوي الرماح

والحر عذابه بگـــــلبه مــاينوصف
نضرةّ حـــــنان بگلبه صار العطف
ومن صدره گلبه بالعشگ ينخطف
بالحب والجراح

ناده بحساس .. يا .. يا اباعبدالله
هبط الراس
انته العيون
انت الانفاس

عبد زينب
محمد الابراهيمي

لحن(الراس منذور)
بصوت
ملا محمد الماجدي
بصره

(( هاي الدنيا ايام))


شســـويله الترك جـــرحك
شســـويله اليــــذمّ ملـحك
الناســـيك بسـهو الـــــدنيا
ال من ابچي عليّ يضحك

النسه جرحك وجوباً موش معذور
( يالناسي ) النحـــــر وأيام عاشور
هيه الخيــل هــــــم يحملها انـسان
ليــــش تلومني عــــالمجلس الشور

اذا بالشــــور تلام كلهم صاحب اخيام
باچر للسبي تروح هــاي الـــــدنيا ايام

هاي الدنيا ايام ...

""""""""""""""""""""""""""""""""""""""""""""""""'''""""

المحرم شنهي وأحچيله
المــــايدري وشســـويله
المـــايدري الخيم تلهب
بعد شمعــــــرفه بالعيله

المايدري ابصفنتي اشافت العين
يعريني منروح المجــلس حسين
ويترسني كلام اليجـــــرح الروح
وأنه زينب عفتـــــها بلا صواوين

عفتها بلايه صيوان عفتـــها تصيح عريان
يل ماتسمع الصوت حسين يصيح عطشان

هاي الدنيا ايام ...

""""""""""""""""""""""""""""""""""""""""""""""""'''""""

ضميري ويدفع احساسي
موبيـدي مــن ادگ راسي
الهزله التگــــــزل اتمــرمر
شسوي وتفتهم نـــــاسـي

اگلهم موبديه وصــــــار محبوب
هيچي بصفحتي ياناس مكتوب
ومحبـــوبي انذبح شتريد ارتاح
موبس انذبح محبــوبي مسلوب

محبوبي بلاحيل وأجتله غايره الخيل
وعياله يــــونون وعليهم چلچل الليل

هاي الدنيا ايام ...

""""""""""""""""""""""""""""""""""""""""""""""""'''""""

صَبحّ يــومـهم فزعه
ليش تلومني مـن انعه
ترى يوم اهدعش بلوه
لمن شاهــــــدن صبعه

اسئلك وانته جاوب بالسكن طوس
اذا محــترگه جـــدمك تگدر ادوس
اليعثر بالســــياط يگــــــوم مجبور
اليطيح من الهزل ياناس مــديوس

اســــئل نفسك شلون اليطيح وتمشي الضعون
وكون الصوت مبحوح اذا صَـــــرخّ يسمعون

هاي الدنيا ايام ...

""""""""""""""""""""""""""""""""""""""""""""""""'''""""

اصفن واحچي وي روحك
وكــــون أمفتحه جروحك
افهمو الهــــزله (وشتعني)
اذا تفهم طلــع نــــــــوحك

من تفهم دمعتي ولوصحت ماي
اكيداً راح اشــــوفك تلطم وياي
جَدي دموع عينك يــم الحسين
بس حلفه برقيه وكــــــله مولاي

اريد جــــروح گله اريدن دمعي اهله
حررني من القيود ترى بدونك مـذله

هاي الدنيا ايام ...

عبد زينب
محمد الابراهيمي

لحن(هاي الدنيا ايام)
بصوت
ملا حسن أيدام
ناصريه

ياصمود |• منتصر البصيري
https://youtube.com/watch?v=g8KQl9qfWiI&si=II4QaXF0BvbIcbpS

فياي الرمح | ملا محمد الماجدي و الذاكر احمد علي | مجالس موكب جروح الغائب...
https://youtube.com/watch?v=kU1YvgQOkFU&si=CJgrfqBPIkewvwnl

((جبت القميص))


جــــبت القميص وگوه اكابر
وسـنين عمــــــري ويا اسافر
جبته ولگيت حسين مطروح
ويــــادمه المحني الحــــوافر

يـــاخيل بسچن هـــذا بزري
هـــــــذا التسحگن بي عمري
شو كافي من الدوس ياخيل
عــــوفن وليدي وهذا صدري

كافي كافي السحگ
ضلعه اسمعه ويطگ
هــــذا ابنـــي العزيز
بنفسه گــوه إيشهگ

ياخيل كافي ...

""""""""""""""""""""""""""""""""""""""""""""""""'''""""

هــــذا قميـــــص البـي حميه
بي عطـــــر عـبدالله ورقـــيه
وبي شبگه من خوله الزغيره
وشگـــــد ســوالف من صفيه

ياثوب كــــافي بحالي تلچم
مهــــدومه آنـه وبيه تــــهدم
خليني انشرك فــوگ العيـون
حتى الدمع من يجري يخدم

ابنـي شـفــته بذبح
وراسه شفـته برمح
گتـله انــــزل يارباي
وشاهد امك ياجرح

ياخيل كافي ...

""""""""""""""""""""""""""""""""""""""""""""""""'''""""

تولاني دهري وياهضيمه
من نار بيـتي تلنار خيمه
ذيچ اليــتيمه طبـت بنار
ياهو اليطفـــيلي اليتيمه

مثل الدمع ســـــالن خيامي
وبس زينب وألمــــن تحامي
المايركض من النار مسحوگـ
واليركـض من النار دامــــــي

يمه يـــــازينب ركض
يمه بيــــمن تكـــــض
من عشگ گلب العيال
بحبهم وحـــل الفرض

ياخيل كافي ...

""""""""""""""""""""""""""""""""""""""""""""""""'''""""

ها يا قميـــص حسين لچمه
ثمانين طـفله اتصيـــح عمه
والعمه ضلت تشگف اسياط
والضاع منها اتــصيح بسمه

اولاد مســـــلم منـــها فـــرو
وياصحره من الخـوف طرو
وگلب العقيله بهـاي شيصير
وجيـــوش عـــالاطفال جرو

تلزم أبچفها الطفل
وچـفها ثاني بحبل
باچر بيوم اهدعش
يمه يازينب هـــزل

ياخيل كافي ...

عبد زينب
محمد الابراهيمي

لحن(جبت القميص)
بصوت
ملا حسن الربيعي
كوت

((انطيني فرصه))


انطيني فرصه يلي ناوي اعله الرحيل
بس أمـــــــوت اگبالك وَحَمل الضعن
فرصــه بـس بعيونك المكحوله اموت
حتى اگــــولن روحــي طلعت بالوطن

رايح ..
وين النــــويه
ومــاخذ رقيه
تخليــني بويه
بدمع الشجيه

رايح ..
يـــالمبري ذمه
وعايفني لچمه
وتــــرجف أديه
ومخنوگه شمه

تعال اتقــرب وخليني اشم بيك
اخذني والله بويه خايفه اعليك
حـــــط مِنه عليـه وامشي وياك
احط افـــراشك واگعد أواسيك

بويه وياك اخذني ...

"""""""""""""""""""""""""""""""""""''''''''''

هــــذا گلبي شده برچاب الذلول
ولو وصلتو بـــــــويه شدو بالخيم
الفارگ عيونك يعيش ابلا حــياة
يگضي يومه بكل نفس ظيم وألم

بويه ..
أذكـــر دمعتي
ولوعةّ محنتي
عايفني حسره
بغربةّ غــرفتي

بويه ..
آنـــــه وغيـابك
نبچي المصابك
بــــــويه يريدك
ينشـــدني بابك

يمســافر عذاب بطارف الموت
للخرسان رايـــح ياشذه الصوت
ياسنبل حياتي المنجل اهنـــاك
ويحصدون طولك كونك تفوت

بويه وياك اخذني ...

"""""""""""""""""""""""""""""""""""''''''''''

انطيني فرصه اشتكي من روحي هاي
تـــــريد وياكم يبـــــــو ذات الحـــــنان
فـــدوه بـــويه اندارلك بس گلي اروح
ويــــــه هودج عمتـــي الگـــــــه مكان

وآنه ..
وآنـــه بدموعي
ورجفةّ ضلوعي
وحيرةّ ضـياعي
ونـــار برجوعي

وآنه ..
بياجمره اكابر
ياعمــري عابر
والمـوتي رايح
چندوب أصابر

الصبر وياك كلش موش مريود
مثل سّكينه اظل بحسرةّ الجود
راح انعاك بويه حسـين عمرين
عمر حسره وعمـر لثيابي السود

بويه وياك اخذني ...

"""""""""""""""""""""""""""""""""""''''''''''

هـــــاك أديه وانت شوف الرجفه نار
بويه اخذني احسبني من هاي الزغار
بيه اركـــض لو لفــــــــت لينه خيول
وأصعد الهزله بحبل واشگف حجـــار

هاكم ..
هاكم شجوني
وحيرةّ عيوني
گلـــولي يمته
ويمته تجوني

هاكم ..
وياكم ركضتي
وياكم غــربتي
ونـــار المخيم
يچوي صفنتي

چوتني النار گبل النار والخيل
گبل الخيمه صار الليل مو ليل
يجر بيه بحـــبل ياليل الجروح
ويفززني بعذاب وأصـرخ الويل

بويه وياك اخذني ...

عبد زينب
محمد الابراهيمي

لحن(انطيني فرصه)
بصوت
سيد كرار الاعرجي
سماوه

((رايات الك))


رايات ألك سوده بحساسي منصوبه
وبسماتي بيامي من حــزني مسلوبه
بهذا الشهر روحــي تستغفر اخيامك
سامحني بدموعي يـــاسيدي التوبه

يامن ألــك كــل الحزن
وكل اليون بسمك يون
تتركني محروم الجرح
يابو علـــي لا مـا أضن

لا ..
تتركني ما ابچي بعزه .. لا
لا ..
وازيني ياموت بوزه .. لا

جيتك من جديد
يــــاوالــي العبيد

حبيبي .. حسين

"""""""""""""""""""""""""""'''

عــاشورك بخلـــگي والخيمه بنـفاسي
إيمر الهوى بحزنك ويحرك أحســاسي
وجايب دمع بيدي وجايب لطم راسي
هذا الــعزه بـيـتي وأهــل الـعـزه ناسي

واليدري أحبك من صدگـ
يــعــذرني لمــن احــتـرگـ
وأتـنـفــس بـحـبــك ذكــر
وأتبده بـشـواگـك عـشــگـ

وين ..
بكل دمعه ألك خيمه وجرح .. وين
وين ..
وحــبك جــمـع نــار وذبــح .. وين

بس أنته حبيب
بس انته غريب

حبيبي ... حسين

"""""""""""""""""""""""""""'''

طافت ألــك روحـــي بهلالك الدامي
وعــاشـــورك الليله ويـاحزني بيامي
بتعزيتك ودمعـك هــذا العشگ حاله
وبموكب جروحك أصرخ ألك ضامي

ياضامي وبصف النهر
يامــن الك كــل القهر
يامن الك كــل الدمع
وبحبك إيصير السهر

آه ..
يا مُجمل أحروف اليحب .. آه
آه ..
وبكل گلــب لازم تــطــب .. آه

أبچي ومجبور
عاشگ عـاشور

حبيبي .. حسين

"""""""""""""""""""""""""""'''

ومدللةّ روحــك مچـتوفه مـسبـيه
وزغــيره مــاتحمل عالهزله محنيه
ياباچر وحيره ودرب السبي حيره
كل ساعه بعيـونك تــوگعلك أبنيه

كل ساعه مـــن ذيچ الهزل
يــوگـــع يــبو الــيمه طفل
ضعنك گضه بدرب السبي
والّــينـدفن بيــده الــحبل

راح ..
ورد الضعن مات ويبس .. راح
راح ..
فوگ الرمح لاچن تحس .. راح

ضعن الايتام
خلص بالشام

حبيبي .. حسين


عبد زينب
محمد الابراهيمي

لحن(رايات الك)
بصوت
ملا محمد الماجدي
بصره

((عفتها))

عفتها بزيفها تمشـي وحـملها
وصافن بس الك مـا اصفنلها
يابخت الطوايف شارد اعليك
عـــاثر وانته بچفــوفك تحلها

تحلــــها وانته كوثر
نبــــع المــاي واكثر
جدم الماگصد ليك
دوم بمشـــيه يعـــثر

ندليت الدرب
يالتسمع گلب .. بسمك كلامه
وآنه اسمع هلا
زاير كربلا .. شمحله هيامه

هيـــامه ايبلل الگيـعان والماتت سواجيها
ياهو الماگصد عطشان من شباچه يرويها

ابا عبدالله حسين ...

"""""""""""""""""""""""""""""""""""''''''''''

عفتــــها ومادرت وجهي علــــيها
واجيتك خلصت روحي من اديها
هــــاي الدنيا ماتنــفعني يحسين
وأنـــــه محتار بالهـــــزله ومشيها

تمشي الهزله تركض
تگـــزل تعثـــر تّمض
بس لو تركض شلون
زينب بيمــــن اتكض

تكـض بيا حبل
يا بلـــوه الهـزل .. ويلي العقيله
وهيه شتنصعد
بــدروب البُــعد .. وَنَـــــه ثجيله

الماعنده خلگ مشتاگ وللخوه الدمع ساچب
ماتت والفراگ افراگ راحو كل بني طالب

ابا عبدالله حسين ...

"""""""""""""""""""""""""""""""""""''''''''''

عفتها ومدري وين تريد بيهـــم
التبعوها بذنب متگيده اديهـــم
مغمضين ومشو للمامش الناس
وهنيـــاله الحضر يبچــي عليهم

ألـــــف هنيــاله والله
الفرش بالحب مُصلى
والفاضـــــت دمـــعته
هـــــــــــذا ايحبه الله

لجروح الحجر
خليبچي الدهر .. وحتى بمماته
ويبچي للخــدر
الوگفن بالقصر .. وكلــها شماته

وگفن والشماته عيون وهنه من العفاف اشرف
هاي الطاهره ام عون المَحد بالوصف وَصَف

ابا عبدالله حسين ...

"""""""""""""""""""""""""""""""""""''''''''''

عفتهـــا بطيشها ومـــر ياطعمها
العـــوجه التطلع بيا حال اطمها
اجيـــت امصعد انگابي للعيــون
ودمعةّ عشگي عن الناس اضمها

يغثني المــــــــافهما
زينــــــب يــا ألمهـــا
فوگ الغربه والضيم
وهــم زالـــو علمــها

يــــاذاك الصحن
چان اجمل وطن .. الذولي الحياره
لا هســــــه غرب
ويا صعبه اليطب .. ومـــــاكو زياره

لا رايــه التــرف للضيف لازايـــر وصل ليها
لا دمعه بصحن بالطيف هاي الدنيا وشبيها

ابا عبدالله حسين ...

عبد زينب
محمد الابراهيمي

لحن(عفتها)
بصوت
ملا سجاد المحمداوي
بغداد

((وانتي بالصحره))


مطرت الدنيا أميه
وانتي بالصحره أعله هَزله
اعله من الغاضريه
جــــرحچ شمــا جاله يعله

اليسافر كــون يدري ويـــن مقصوده
موش أچفوف أديهّ بالرگبه مصفوده
ولا حادي اجنبي وفوگ الرمح عوده

بهزله تنام
العيله ومن تعبها
والحــادي يسبها .. ياويــلي شلون

ماكو سلام
بعيــــال النبــــوه
گوم وماكو نخوه .. وجروح أمتون

يازينب أسـيــره
يل چنتي أميره ...
""""""""""""""""""""""""""""""""""""""""""""""""'''""""

الفاگد أبن امه يوادم
حتــى هـــــذا الهوى يخنگه
التشوفه بروحه هايم
تلگــــه وسط جروحه فرگه

تتنفس ألـــــم زينب على الناگه
ودمعتها عشگ تبچـــيها حراگه
التعبــني اخوي اتگــول وفراگه

بغبره اخوي
عفته أعله الوطيه
وآنه امشي سـبيه .. ويــاي ايتام

وينه أبوي
چم طفله التريده
ويدروبي البعيده .. يادرب الشام

يازينب أسـيــره
يل چنتي أميره ...

"""""""""""""""""""""""""""""""""""'''''''''''

الفرگه من دمعتها صعبه
شحـــــالچ وكلــــــــهم ضحايه
الفرگه بس وحدها غربه
ومـــــــن مهـــــابه وللســــبايه

عزيزه ابيت ابـوها اتصير مسبيه
خدرها ويم اخوها اتصير مچويه
ويلي شلون هـــايه وهـيه علـويه

تگول شلون
حلم مدري حقــيقه
وياجدمي وطـريقه .. وين نروح

آنه ام عون
امشي وي اجـــانب
واغفه اعله الترايب .. روحي تروح

يازينـــب أسيره
يل چنتي اميره ...

""""""""""""""""""""""""""""""""""""""""""""""""'''""""

بــــــــنار خوه مو خيمها
تعــــــذبت خـــــــدر الهــواشم
بنص حلم ما طب اسمها
تــــــــالي طبت قصـــــر زاحـم

والمكفوله خيمه بدون حـمايه
وياضلها العزيز يموت بحجايه
والكفـــال طايح والدمــع رايه

هذا الصار
بعد مـــاكو مهابه
سكن الها الخرابه .. باقسى الحال

من تحتار
تصد اعله السبوها
وتذكر عِــز اخوها .. ذاك الشال

يـــازينب أسيره
يل چنتي أميره ...

عبد زينب
محمد الابراهيمي

لحن(وانتي بالصحره)
بصوت
ملا علي فرحان
ناصريه_ غراف