‏و إذا حدثوكَ عن سيئة فُلان فقُل:
"غَفرَ الله لنا و لهُ" و لا تَزِد.

الناس اللي بيتلخبطوا بين
التهجد والقيام والتراويح ومش عارفين الفرق بينهم!

ركزوا معايا في البوست دا ..

س/ ايه الفرق بين صلاة التراويح، التهجد، قيام الليل ؟

ج/ كلهم واحد.. مفيييش فرق بين التلاتة
كلهم مسميات تطلق على صلاة التطوع من بعد العشاء ..

بس الفرق كله في توقيت صلاتك !

■ يعني لو صليت بعد العشاء مباشرة من غير ما تناملك حبة = تبقى تراويح

■ لكن لو صليت العشاء ونمت شوية وصحيت في الثلث الأخير من الليل = يبقى تهجد

■ والقيام دا مسمى عام معناه = إنك تقوم ليلك أو جزء منه بين يدي ربك

س/ يعني نصلي انهي واحدة فيهم .. وبأنهي نية ؟!

ج/ صلي العشاء .. وناملك شوية مثلاً واصحى في الثلث الأخير صليلك ركعتين أو أكتر
يعني مش هتخسر حاجة لو صليت الاتنين !

س/ بنصليهم ازاي ؟!
ج/ ركعتين ركعتين .. بنصليهم [ مثنى مثنى ] .

- بين كل اتنين ناخد راحة نذكر الله دقيقتين كدا ومنها نستريح

س/ طب ينفع نقرأ فيها من المصحف ؟!

ج/ اه ينفع نقرأ من المصحف فيها [ لإنها صلاة نافلة مش فرض ] .

س/طب أنا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] .

س/ الناس بتصلي بجزء في اليوم بس أنا طاقتي على قدها ومش هقدر .. ينفع أصلي بسور قصيرة ؟!

ج/ ايوووه ينفع نصليها بقصار السور [ لغير القادر على حمل المصحف أو لغير القادر على قراءة أجزاء كبيرة ] .

في سؤال على موقع "Quora" عن:
"إيه الحاجات اللى مفروض تكون في بالى أو أتعلمها في سن العشرينات؟"..
إجابات السؤال ده كانت فوق ال 100 إجابة وكل واحدة منهم مقالة تقريبًا، كل واحد بيشارك بنصائحه، ودول كانوا أفضل 20 نصيحة اتقدمت لواحد  تخطى العشرين (أو داخل عليهم) وهم كالآتي:
1. الحياة بدأت بالفعل..
يعني من بعد العشرين وأنت طالع خلاص مفيش حاجة اسمها لما أكبر، مفيش حاجة اسمها في المُستقبل، أنت دلوقتي في المستقبل، فلازم تبدأ تتعامل من المُنطلق ده، لأن الانتظار هيخليك متأخر كتير..
2. الصُحاب مش "اونلاين" وبس..
بمعنى إن الصاحب بجد هو اللي جمعتك بيه مواقف وأحداث، اللى شاركك حاجات كتير في حياتك، مش مجرد معذولين في "Chat" وقاعدين تتكلموا بدون فائدة أو قيمة حقيقية، وقت الجد مش هتلاقي غير نفس الصاحب اللى عمره ما كان اونلاين بس..
3. لو قررت تحب، استحمل "كسرة القلب"..
يعني أنت حر (كل واحد حُر)، بس لازم تعرف إن الطريق ممكن ميكونش سالك دايمًا، وفي دائمًا مكان للانكسار ده، فخليك مُستعد لده كويس، عشان ده حدث هيعدي، لكن نتائجه طويلة المدى..
4. المُذاكرة لا تنتهي بأخر امتحان في الكلية!
يعني لو أردت إنك تكون شخص مُميز، لازم تكون دايما على علم ودراية بكل ما هو جديد في مجالك، ومكان ما بتتوقف معرفتك، أنت بتنتهي!
5. "العائلة" هي أهم حاجة في حياتك، حافظ عليهم كويس..
6. متخليش "نقاط ضعفك" تعطلك، ركز دايمًا على نقاط قوتك، المهم تعرفها كويس وتحسن منها، وفي السكة وواحدة واحدة، اشتغل على نقاط ضعفك دي..
7. كل حاجة "تستاهل"، لازم تاخد مجهود!
8. كل حاجة "تكبرك" هي موجودة مباشرة بعد اجتيازك منطقة الراحة Comfort zone!
9. خليك جاهز عشان تقابل "الظلم" مرات كتيرة في حياتك!
10. علاقاتك اللي اتكسرت وفشلت كل محاولاتك للاصلاح فيها، ممكن "تسيبها" وتتعلم ده، عشان متقعدش طول عمرك بترمم في حاجة مفيش منها أمل..
11. الحظ بييجي للمُجتهد..
12. أنسب وقت لزراعة شجرة كان من 20 سنة، بس تاني أنسب وقت هو دلوقتي! فمتأجلش حاجة لأنه مفيش ما يُدعى بـ "اللحظة المُناسبة" لفعل أى حاجة، خد خطوة وهي هتجيب الباقي وراها.
13. مش هتعمل كل حاجة ومش هتكون موجود في كل الأوقات، بس اتعلم كويس تختار بقة الحاجات اللى هتديها من وقتك وجهدك، الحاجات اللى هتختارها بدل من حاجات تانية كتير..
14. متاخدش الناس اللى حواليك "For granted"، لازم تحترم وجودهم وتحسسهم بده..
15. على قد ما تقدر اتعلم من الى حواليك، ضيف لخبراتك، واتعلم ازاي تتحكم في مشاعرك، واصرف على تعليمك واستثمر في نفسك..
16. "بعدين" معناها إنك مش هتعمل حاجة!، ووقتك هو أهم حاجة في حياتك، لازم تتعلم ويكون عندك مهارة لتنظيم وقتك وترتيب أولوياتك..
17. "الأنتخة" وحشة، اتعلم يكون ليك تدريب بشكل منتظم ولو حبة مشي كل يوم، ده جسمك حاول تستثمر فيه كويس عشان ده اللى هيشيلك بعدين في كل حياتك..
18. متخافش من الخسارة، لازم هتخسر في حياتك أي حاجة، المهم تتعلم وتعرف أسبابها، لأن لو وقفت كتير مش بس هتتعطل، ده كمان هيوقفك عن اللي جاي، فتقبل الخسارة عادي..
19. محدش هيساعدك، لازم تعرف ده، الناس طاقة وكل واحد له طاقة محدودة، محدش هيديك كل مجهوده، ولا هيديك كل حاجة!
20. أوقات كتير الشغل بكل مجهود مش هو اللى بيجيب فلوس، أغنياء العالم بيشتغلوا أقل بكتير، فاتعلم توظف نفسك صح، وتدير فريقك صح، ومتعملش كل حاجة بنفسك..
الحقيقة الاجابات كانت لطيفة جدا، وفيها نصائح من ناس من مختلف الفئات العُمرية، وممكن تساعدنا كتير، لو حد مهتم أو تايه إلى حدٍ ما، بس الأهم من كل النصائح دي إنك تحط في بالك دايما إن في مكان للخطأ، وتقبل إنسانيتك، وتعرف أنه زي ما قال "جبران خليل جبران":
"صدقني لو فقدت ما فقدت، لو كسر الحرمان أضلُعك، ستجتاز هذه الحياة كما يجتازها كل أحد، فاختر الرضا يهُن عليك العبور".

هو إحنا نخلّي بالنا من ايه في هذا الزمن الصعب ..

1. خلي بالك دايما وعينك على علاقاتك، وأولهم علاقتك بالله هي البوصلة الرئيسية والأمان الحقيقي للحفاظ على صحة نفسية جيدة، لأنه خالقها وأعلم بها منك.. بعد ذلك علاقتك بذاتك .. اكرم نفسك وامنحها قدرها بإنصاف واعتدال واسعد بإنجازاتك اليومية المعتادة.. فالناس لا تكرم ولا تنصف .. واسعد برحلتك ولا تؤجل السعادة للحظة بعينها.. بعد ذلك تأتي علاقتك بالناس، اختر صحبة نافعة ترفعك تقربك من أهدافك..

2. لازم يكون لك موجه، يرشد ويساعدك بل يفضل مجموعة، اتنين أو أكثر يكونوا كفء وعلى علم ودراية ويحبون لك الخير ويفضل تكون اعمارهم تزيد عنك بأكثر من 5 سنوات على الأقل..هيفرقوا في حياتك كتير وهيفتحولك شبكة علاقاتهم.

3. لازم تفضل تبحث عن المعلومة، وتتعلم ذاتيا وتجمع معرفة وتطور من نفسك في مجالك إلى أن تموت .. فأرجوك ركز في مجال بتحبه وعندك مهارات فيه وسوق العمل محتاجه ..

4. دايما اسأل نفسك سؤال هو حضرتك مميز عن غيرك بإيه!؟ .. لازم تكون مميز باللغة الإنجليزية قراءة وكتابة وسماع ومحادثة وتليها الألمانية لو تقدر .. ممكن تكون مميز بالمهارات وحضور كورسات ودورات.. ممكن تكون مميز بالبرمجة واستخدام ادوات الذكاء الاصطناعي والنمذجة وغيرها .. دايما ابحث عن ميزات تنافسية في نفسك ومهاراتك ..

5. حط أمامك دايما أربع ميمات .. لازم تكون معافر (يعني هتفضل تجتهد وتاخد بالأسباب الى أن تصل)، لازم تكون مبادر (يعني تبطل تقلد غيرك على طول الخط وتستخدم حلول مبتكرة لمشاكلك وتضع بصمتك) .. لازم تكون مرن، أيوه الدنيا بتتغير وحضرتك لازم تواكب التغيير..لازم تتعلم دايما تكون مشتغل ومنتج بالمتاح ولا تنتظر الظروف المثالية

6. ابعد عن المشتتات والتفاهات وركز في طريقك، هتوصل بفضل بأسرع مما تتخيل.. لازم تمارس رياضة بشكل اسبوعي وابعد عن التدخين والمخدرات والعلاقات الجنسية المحرمة والأفلام الإباحية، إياك حتى تجربهم، كل اللي أدمن كان داخل ياخد فكرة ويجرب. طريق التعافي مجهد فوق ما تتخيل.

6. لازم تكون معاك مهارة، تشتغلها كفريلانس وتجني من وراها دخل بالعملة الصعبة .. وبقول لازم ودي مش رفاهية دي لازم تكون ثقافة في دماغك حتى لو طالب أو موظف حكومة أو مدرس، أو معيد ودكتور جامعي أو حتى مهني شغال بالصناعة.. وهذا كورس كامل عن العمل الحر من البداية وبيغطي معظم المجالات

https://youtube.com/playlist?list=PLrPUITTuAtTgrpXXKW9J3OSAP1Sz_pGdN

في رمضان ركز علي أهم ١٠ حاجات ممكن تاخد بالك منهم :
.
١- ماتتكلمش كثير وإنت صائم، ماتهزرش كثير، ماتعليش صوتك..
ليه..؟
حديث النبى.. فإن كان صوم أحدكم فلا يرفث ولا يصخب..
.
٢- لو حد ضايقك فى أى حاجة...ماتردش عليه..
قل : إنى صائم
.
٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجوارح بالنهار..فالصيام بالقلب بالليل والنهار
.
٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العبادات تغير فى المعاملات..لو بتكذب بطل..لو بتغتاب كفاية كده..لو بترتشى توب. اتغير سلوكيا بجد ..!!
.
٥- للصائم دعوة لا ترد..فجهز ماتريد من الدعوات.
.
٦- هات السبحة الإلكترونية وخليها فى جيبك على طول...وحط هدف إن كل يوم على الأقل تذكر ربنا ١٠ آلاف مره...نوع فى الذكر..مابين تحميد وتسبيح وتكبير ...الخ
.
٧ - ماتعديش يوم من غير صدقة، حتى لو جنية واحد..هتلاقى كرم مابعده كرم فى الدنيا قبل الآخرة...مانقص مال من صدقة...فيضاعفه الله اضعاف كثيره..
.
٨- المساجد فتحت للتراويح الحمدلله، صلى التراويح مع حد صوته وأدائه كويس علشان ماتزهقش وتكمل لأخر يوم.
.
٩- كل يوم ربنا ليه عتقاء من النار،اطلب من ربنا من كل قلبك كل ليلة إن ماكنش اعتقك قبل كده فيعتقك النهاردة، والله عتقاء من النار وذلك فى كل ليلة.
.
١٠ - خلى ختمة السنادى مش قراءة بس، العبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها.


وربنا يتقبل منا ومنكم صالح الأعمال 💛

هل يجوز أن أقرأ القرآن وأنا غير متوضي لأني أحب أن أقرأه كثيرا؟

ج/ قراءة القرآن على غير وضوء تجوز بالإجماع، وبوضوء أفضل، لكن مس المصحف لا يجوز إلا للمتوضئ في قول الأئمة الأربعة وحكى عليه ابن تيمية إجماع الصحابة،

وبالتالي فلك أن تقرأ من حفظك أو من الجوال أو من كتاب تفسير مثلا، وأما المصحف فلا تمسه عند القراءة وأنت غير متوضئ إلا بحائل كقفاز أو منديل ونحو ذلك، واستكثر من قراءة القرآن ما أمكنك فهذا من أعظم الخير.

الشيخ محمود مداد

تقدم رجل عاطل عن العمل لشغل وظيفة منظف مراحيض فى احدى شركات الكمبيوتر الكبيرة وأخذ موعد لمقابلة مع مدير الشركة.
وأثناء المقابلة، قال المدير للعاطل عن العمل : انك قُبلت في الوظيفة.
لكن نحتاج بريدك الالكتروني لنرسل لك عقد العمل والشروط.
فردّ الرجل العاطل عن العمل بأنه لا يملك بريد الكتروني وليس لديه جهاز كمبيوتر في البيت .
فأجابه المدير ليس لديك جهاز كمبيوتر يعني انك غير موجود وان كنت غير موجود يعني انك لا تستطيع العمل عندنا.
خرج الرجل العاطل عن العمل مستاء بعد ان اغلقت الأبواب في وجهه ورُفض.
و بطريقه اشترى بكل ما يملك وهو 10 دولارات 10، كيلو غرام من الفراوله، وبدأ بطرق الابواب ليبيعها .
في نهاية اليوم ربح الرجل 20 دولارا .
بعد هذا ادرك الرجل ان العملية ليست بالصعبة.
فبدأ في اليوم التالي بتكرار العمليه 3 مرات وبعد فتره بدأ الرجل بالخروج في الصباح الباكر ليشتري اربعة اضعاف كمية الفراولة .
وبدأ دخل الرجل يزداد إلى أن استطاع الرجل شراء دراجة هوائية.
وبعد فتره من الزمن والعمل الجاد , استطاع الرجل شراء شاحنة إلى أن أصبح الرجل يملك شركة صغيرة لبيع الفراولة.
بعد مرور خمس سنوات، أصبح الرجل مالك أكبر مخزن للمواد الغذائية.
بدأ الرجل يفكر بالمستقبل إلى أن قرر أن يؤمّن الشركة عند أكبر شركات التأمين.
وفي مقابلة مع موظف شركة التأمين قال الموظف أنا موافق
ولكن احتاج بريدك الإلكتروني لأرسل لك عقد التأمين.
فأجاب الرجل بأنه لا يملك بريد الكتروني وحتى انه لا يملك كمبيوتر.
رد موظف التأمين مستغربا لقد أسست أكبر شركة للمواد الغذائية فى خمس سنوات، ولا تملك بريد الكتروني ,ماذا كان يحدث لو انك تملك بريد الكتروني !!
رد الرجل عليه لو كنت أملك بريد الكتروني قبل خمس سنوات لكنت الآن أنظف مراحيض فى احدى الشركات !!.

#العبرة
احيانا يمنع الله عنك امرا تحسبه انه الصالح لك ولكنه سبحانه وتعالى يخبأ لك الافضل، فإن اغلق الله أمامك باباً سيفتح باباً آخر خيراً من الأول،
فإحمد الله

‏🛑شيء غريب لم اجد اجابته

▪️اي كورس حقيقي غير حياتك .. مجهول عند الكثير

▪️أي شخصية فاهمة وتستحق الظهور .. مخفية

▪️اي كتاب غير تفكيرك 180 ... شهرته أقل

▪️أي نصيحة تحتاج لها جدا .. مهملة في الغالب

لماذا ؟

سلسلة مهم الاستماع إليها قبل او في رمضان للدكتور أحمد عبد المنعم:

‏1- الاستغلال الأمثل لمواسم الطاعات:
‏‌youtu.be/SL2CdQ1cqKE⁩
‏2- إعادة تعريف:
‏‌youtu.be/7jTBtrcGcJ0⁩
‏3- رمضان والقرآن:
‏‌youtu.be/Qai7B89yULQ⁩
‏4- خطوات عملية:
https://youtu.be/r4kBVDimcTg

5- القرآن في رمضان:
‏‌youtu.be/W8yr_et2CSI⁩
‏6- رمضان والقرآن:
‏‌youtu.be/HQDK4xGB4TA⁩
‏7- مراحل الارتباط بالقرآن الكريم في رمضان:
‏‌youtu.be/T-4c6a4rXO0⁩
‏8- الصوم جُنة ( لا تخرق صيامك ) :
‏‌youtu.be/j0SPVMbidCM⁩
‏فرحتان:
https://youtu.be/Vy4_MRRkNME

9- وإليك نسعى ونحفد ( الاجتهاد في العشر ) :
‏‌youtu.be/h0EL8ia7-SE⁩
‏10- ليلة فارقة:
‏‌youtu.be/Ch9FhlkQMhg⁩
‏11- من حكم الصيام:
‏‌youtu.be/S0bx18jdiac⁩
‏12- أيكم زادته هذه إيمانا:
‏‌youtu.be/Tc4Qiw_Ir_I⁩
‏13- سلاسل الشيطان:
https://youtu.be/_N3D1TUDb2A

طريقة ختم القرأن في رمضان خلال ( اسبوع )

- الفجر : 5 صفحات
- الظهر : 5 صفحات
- العصر : صفحتان
- المغرب : 7 صفحات
- العشاء : 9 صفحات
- السحور 10 صفحات

وفقنا الله واياكم 💛💛💛💛💛💛💛💛💛

ﺍﻟﻤُﺆﻣﻨﻮﻥ ﺑﺎﻟﻌِﻨﺎﻳَﺎﺕ ﺍﻹﻟﻬﻴَّﺔ ﻻ
ﻳَﻔﻘﺪُﻭﻥ ﺃﻣﻠﻬُﻢ ﻣَﻬﻤﺎ ﻛَﺎﻧﺖ ﺍﻟﻈُﺮﻭﻑ.

_الشَّهيد مُرتضىٰ مُطهري

‏إقرأ..
فهناك سطراً ما ، في كتاب ما ، سيهزّك.. سيُبهرك ، ستقف عنده طويلاً ، ولن تتجاوزه ولو حاولت ، ستدور عليه حياتك كلها فيما بعد..

لو سألتني عن وصية لسنة قادمة أقول لك: لا تألَف الحَرام، لا تألَف الخطأ، لا تألَف الفراغ = تَعَلَّم، عَلِّم، تَحَرَّك.

#قصي_عاصم

‏تتوهم أن سيأتي يوم ينضبط برنامجك وتستقر المتطلبات، ستظل حياتك عراكا مع تقلبات المهام وشعث الحياة، وكان الإمام أحمد يردد "إنها أيام قلائل".

أكتر ناس ناجحة على سطح الكوكب، هم المهتمون بصحتهم النفسية.. بيكرموا نفسهم ويمنحوها حقها.. فاهمين نفسهم صح، عارفين إيه بيسعدهم ويجبر بخاطرهم ويتحركوا في اتجاهه وعارفين ايه بينكد عليهم وينال من عزيمتهم ويفقدهم ثقتهم في انفسهم ويبعدوا عنه ويعتزلوه. ليمنحوا أنفسهم مساحة كبيرة للتركيز والتعلم والتطوير ومن ثم الوصول إلى الإتقان والإبداع.

في اختياراتنا لبلد المعيشة، وايضا مكان الدراسة وللإستمراية في شغل أو وظيفة عامل الحفاظ على الصحة النفسية، أهم بكتير وله كامل الأولوية قبل الحسابات المادية.

لا ينتظرون رأي الناس فيهم وكلامهم فالناس لاتعدل ولا تزن، لا يتسولون الإحسان والمنة ولا ينتظرون جبر الخاطر من الغير.. بيعرفوا يتجنبوا أي ضغط نفسي، ناس شخصيتها قوية، تستطيع أن تختلي وتسعد بنفسها فتُنتج وتتقدم وتُبدع. وخدها قاعدة، من يُحبك بصدق، هو من يُراعي ويُحافظ على نفسيتك ويترفق بك.

وأقولها وأكررها؛ تزكية النفس وحمايتها وانتشالها مما يُفقدها اتزانها ويؤثر سلبا على صحتها، مطلب شرعي وله كامل الأولوية وبقدر إكرامك لنفسك والتماس رضا الله على حساب رضا الناس يكمن السواء النفسي والسعادة في الدارين.

#احسنوا_جوار_انفسكم

مفيش فلوس بتصنع زواج ناجح وأسرة.. واخطف رجلك وروح محاكم الأسرة وتابع حالات الطلاق والخلع وتشريد الأطفال..ستتفاجأ إن في كثير من الأحيان، تبعات توفر المال كان سبب في حدوث الطلاق..

اسألوا من أنفقوا الأموال على قاعات الزفاف وتجهيز شقق فاخرة وأحضروا كبار المغنيين والراقصات؟ لماذا تم الطلاق والإنفصال..

لو دخلت مشروع الزواج بنظرة مادية فيها مقارانات بالآخرين وتباهي بالشكل والمنظر والبهرجة أؤكد لك أن زواجك لن يدوم ما دامت المادة تحكمه.. مفيش بيت بيتبني وأساسه الفلوس بيكمل، ومفيش عيال بتتربى ويخرجوا اسوياء نفسيا طالما الفلوس بتتحكم في العلاقات داخل الأسرة الواحدة..

مفيش شخص عينه على فلوس شريك حياته ومادياته هيفهم معنى سكن ومودة ورحمة.. التلاته لا تشتريهم ولا تبنيهم الفلوس.. الفلوس ممكن تكون أداة لإدخال السرور والبهجة واسعاد الآخرين بإنفاقها واستخدامها على الوجه الصحيح.. وهي أيضا أداة شرسة يجب محاربتها حتى لا تتمكن من القلب والروح، فتقطع صلات الأرحام وتؤجج مشاعر الحقد والغيرة والعداوة بين الزوجين..

أطول رحلة في حياتك هي رحلة الزواج، تخيل إن شريكك يكون مادي وبتحكم علاقتك بيه الفلوس.. بالله عليك هل تأمن جواره!؟

بدل ما تسألوا دخلكم كام قبل الزواج؟؟ اسألوا أنفسكم هل أنتم مؤهلين تربويا ونفسياً لتحمل مسؤولية الأسرة، هل تتشاركا نفس الإهتمامات وممكن تكونوا أصحاب؟ اسألوا عن بوصلتكم في الحياة وأهليكم ربوكم على ايه!! خلوكم صرحا مع بعض وصادقين.. الفلوس عمرها ما هتجملكم لبعض ولا الشكل هيفضل عنصر جذب مابينكم.. أول ما بيغلق عليكم بيت واحد.. الجوهر والروح والأخلاق هي اللي بتدوم وتكمل..

كيف نكتسب المهارات:
١. رغبة
٢. تعلم
٣. التدريب
٤.الخيال.
٤. التكرار.

‏سرير في المنزل افضل من سرير في المستشفى وضيق في الرزق افضل من ضيق في التنفس
‏وَإِن تَعُدُّوا نِعْمَةَ اللَّهِ لَا تُحْصُوهَا 🙌

أنت مش بتقول أذكار الصباح والمساء لية؟! 🤔

لو تعرف كمية الشرور اللى فى الدنيا دى مش هتسيب الأذكار ..
الدنيا مليانة مصايب وابتلاءات وشياطين وجن وحسد وسحر ومرض وفقر وووو ..
ولو تعرف فضل أذكار الصباح والمساء واللى ورد فى فضل كل ذكر منهم مش هتسيبهم..

• أذكار الصباح والمساء وأذكار النوم جامعة لكل خير أنت محتاجه..
فيها ذكر لله وقرب منه وأجور وحسنات عظيمة..
دة غير الحفظ والعافية من المصائب وتحصين من العين والحسد والسحر والعصمة من الشيطان وعتق من النيران..

أذكار الصباح والمساء حصن يحفظ لك دنياك ويؤمن آخرتك ❤️.

‏يتكاسل البعض عن أذكار الصباح والمساء؛ ظنًّا منهم بوجوب قولها كاملة مرتبة كما هي في حصن المسلم، أو اللوحات.

‏يكفي قول واحد أو أكثر كما قال النووي.
‏لا تعجز عن المعوّذات والإخلاص ثلاثًا، وآية الكرسي.

‏المهم لا تحرم نفسك التحصين من شرور الإنس والجن ‏وإن قلتها كلّها فهو أفضل وأكمل.

‏- محمد جاد