بس الانسان كلما مايوصل للمحطة الي مفكر بيها سعادته
راح تجي محطة جديدة يريد يوصلها

الي تريد اطفال ويجوها اطفال
ادور تحير وتتعب من تربيتهم
وهمه
وسهرهم
والبيت وووو

الانسان يركض ع نقطة يصور راحته بيها
مايدري هاي النقطة راح تفتح باب لنقطة ثانية هم يركضها
وهكذا

الانسان يدور بدائرة مالها نهاية
بس الموت

والله اني صارلي شكد متزوجة
واكول يومية اي تعلمت شون انظم وقتي

وارجع لنقطة الصفر
واتعلم شي جديد

وأكول اي تعلمت شون اصبر
واعيش الصعوبات

وتجي صعوبات جديدة

فيابنات عيشوا كل مرحلة بمرحلتها
وبدون نك ونتذمر

الحياة متعبة
لا تتصورين من تحققين حلمج ترتاحين

الإنسان خلق بكبد
بعناء مستمر

الحمدلله انت ماعدج اطفال
بس عدج عافية

والأطفال رزق الكريم
يمتى ماشاف رب العالمين قدرتج ع تحملهم يرزقج

الحياة ماتجي بالهمش وكون الانسان يهمش كلشي ويحصله

فالدنيا صعبة

سهلوها ع نفسكم

لا تبقون بس تشوفون الي ناقصكم
وتنكون ع نفسكم

ادعي والاستجاب من الله
الله مو بخيل
بس حكيم
يعرف يمتى المناسب للانسان

شكد اكول كون الوحدة تزوج من وكت
واني لو متزوجة من وكت هم

بس والله اكولها
اول مرة
الحمدلله تزوجت بهذا العمر