الانسان يدور بدائرة مالها نهاية
بس الموت

والله اني صارلي شكد متزوجة
واكول يومية اي تعلمت شون انظم وقتي

وارجع لنقطة الصفر
واتعلم شي جديد

وأكول اي تعلمت شون اصبر
واعيش الصعوبات

وتجي صعوبات جديدة

فيابنات عيشوا كل مرحلة بمرحلتها
وبدون نك ونتذمر

الحياة متعبة
لا تتصورين من تحققين حلمج ترتاحين

الإنسان خلق بكبد
بعناء مستمر

الحمدلله انت ماعدج اطفال
بس عدج عافية

والأطفال رزق الكريم
يمتى ماشاف رب العالمين قدرتج ع تحملهم يرزقج

الحياة ماتجي بالهمش وكون الانسان يهمش كلشي ويحصله

فالدنيا صعبة

سهلوها ع نفسكم

لا تبقون بس تشوفون الي ناقصكم
وتنكون ع نفسكم

ادعي والاستجاب من الله
الله مو بخيل
بس حكيم
يعرف يمتى المناسب للانسان

شكد اكول كون الوحدة تزوج من وكت
واني لو متزوجة من وكت هم

بس والله اكولها
اول مرة
الحمدلله تزوجت بهذا العمر

لان لو متزوجة بالوقت الي اشوفه اني مناسب جان تطلكت

وجان ماتحملت ولا صبرت ولا عرفت اعيش وادبر اموري

فالوقت المناسب الي يشوفه رب العالمين
مو الي احنا نشوفه