احنو عليّ
وعلى قلبي
فأنا عبدكَ الضَعيف
-الذي إعتادَ القلق-
وأنت الرَحيم يا رب ❤️.

الأرتباط مش لعبة ولا تجربة ونجرب وخلاص
الأرتباط ده وعد بين اتنين أنهم يكملوا حياتهم سوا
مش هينفع تضيع مشاعرك مع كل واحد شوية دي حاجة المفروض تحافظ عليها للشخص الصح
Save your feelings for someone who really cares
قريت جملة عجبيتني جداً كانت بتقول "فقلوب الأخرين أراضٍ مُقدسة فلا يحل لك ان تدوسها بنعليك "
تخيل انك بإرادتك بتدي نفسك للشخص اللي قدامك.. بكل فكرك ومشاعرك وامكانياتك ووقتك ومجهودك.. مش هينفع أنك تديهم لأي شخص والسلام
"فأياك ان تعطي هذا القلب لأهل غير أهله" ❤

واحدة من الكلمات الجميلة التي سمعتها كانت في دعاء أحدهم بأن يُلهمه الله السكينة لتقبّل ما لا يمكن تغييره، والقُوة لتغيير ما يسعه، والبصيرة لمعرفة الفارق بينهما.
فتخيّل أن تعي ما يحتاج صبرك عما يحتاج تدخّلك، فتعرف متى تسعى ومتى تستكين؛ فترتاح ما حييت وترضى.

_شيماء هشام سعد

بعد مرور أكثر من أربعين يوم على بدء هذه الحرب باتَ لي جليّاً أنّ كثرة الرصاص وشدّة القصف ودوي المدافع لم تجعلني اعتاد عليه، بل زادت فزعي حتى من دقات أبواب المنزل و لو كان الذي وراء ذلك الباب جاء لإحتضاني.

اللهم صيباً نافعاً
يا رب امطار خير وبركة ونهاية للحرب ❤️✨

‏"إنْ أعطَيتَنِي مَا أطلبُ فَبِرحمتِك
وإنْ منَعتَنِي فَبِحكمَتك
وأنا على بابِك لا أبرَح حتّى أبلُغ."🤍

‏عندي بكية مؤجلة لغاية ما الظروف تسمح بالانهيار الشامل
البكاء بالقطاعي دا ما جايب حقو

ناساً كتار .. فاكرين كدي
يومين .. تلاتة .. الحالة ترجع حالتا
ويبنوا البيوت هو وشفعوا .. وأم العيال
وينجمعوا .. ويسترجعوا الذكرى وشتاتات السواد في صالتا
شيتاً ضحك ..
شيتاً بكي
ويبقى الخراب ده رهاب .. رهاب
عبرة وحكاوي بتنحكي ..

‏"قد ينال المُؤمن بدعاءِ أخيهِ ما لا يُدركه بدعائِه لنفسِه."

‏حفُّونا بدعواتِكم!
‏ㅤ

والآن مرة أخرى، مرة لن تكون الأخيرة، أقرر أن اكتب، بجانبي كثيرٌ من الأوراق الفارغة، وصدرٌ ممتلئٌ بالشجن. إن الذي يكتب مرة واحدة يصاب باللعنة، تلاحقه الحروف في كل مرة يحاول الفكاك.
أحببت الكتابة يومًا، وأنا بالأصل سريعة التعلق، يصعب على قلبي التجاوز. أحببتُ الخرطوم كذلك، وكل الطرق التي كانت تقودني إلى المنزل.
الغياب عذاب العاشقين الكبير، كم هو صعب التصالح مع فكرة الغياب، والرضا بواقع لا يؤمن برفاهية اللقاء.
اريد ان أكتب، أن أملأ جميع الأوراق لتهنأ بالحبر، أريد لقلبي الذي الذي أنهكه الركض أن يستريح، أن اتوقف عن التفكير، أن أكف عن الحزن ولو لدقائق.
سأجرب ثانيةً أن أداري جراحاتي بالكلمات، أن أقرأ كثيرًا من الحكايات الحزينة والسعيدة، حتى تلك الحكايات التي قرأتها من قبل؛ سأقرأها جميعها، علّي أجد فيها سطرًا يواسي آلامي، سأبحث دائمًا عن قصة وطنٍ عانى من التصدعات ثم التئم، وقصصٌ أخرى لاناسٍ عادوا إلى الديار، بعد عذاباتٍ وعناء.
اليوم قررت ان أبكي بالحبر، سأبكي كذلك رجلًا كان حبيبي، ثم رحل، رجلًا كان يحبني، بقدر ما يستطيع رجل قاسٍ ومهمل مثله أن يحب.
سأبكي كذلك كل الصباحات التي التي ضاع فيها عناق صديقاتي الحنونات.
سأبكي الأيام التي تمر فوق جراحاتي دون اكتراث. اليوم سأكتب كما لم أكتب من قبل، وسأقرأ كما لم أقرأ من قبل، سأخرج من صدري كل الأحزان، وسأتفرغ بعدها للضحك والحياة.
#الاء_مالك

ربنا يرضيك .
يسعدك بالعندك ،، و ينسيك الفقدتيه ،، و ما يحببك في اللي ما مكتوب ليك ..يارب ♡ ...

#Jasmeen_Ali

❤🌹

وقفتُ طويلًا عند طلب سيدنا زكريا لربه حين سأله الولد، قال: "وَكَانتِ امرَأتِي عَاقِرًا فَهَب لِي مِن لَّدُنك وَلِيَّا".
عاقرًا فهب، كأنه يقول أنا بلا أجنحة يا رب اجعلني أُحلّق، أو أنا بلا أقدام يا رب فاجعلني أسير.
المنطقي أن يكون لديّ مقومات الشيء لأطلبه، ومع ذلك قال له الله: "يـٰزكريَّا إنَّا نُبشّرك بِغلـٰم".
تعلمتُ أن أقول يا رب فقط، بلا أسباب منطقية أمتلكها، بلا مبررات أو توضيح، لأنه رب الأسباب وليس بحاجة سبب ليفعل.❤

أشكرُ سعة صدرِ أصدقائي
‏وكل شخص في الحياة صبرَ عليَّ
‏وعذرني، وتذكر الحُسن الذي داخلي.
‏وقال لا بأس، عن خطأٍ خرج مني
‏وأشكر كل شيئًا حُلوًا
‏أعطاه لي أي إنسان
‏من الآن، والى النهاية:)

وأن أمضى طيبة الكلمة، محفوفة الود، عزيزة الذكرى، رحبة العبور، ما عبرت سماء واستثقلني قط، ولا قطعت أرض وانفتني البتّه، أسير دائماً إتجاه قلبي وقلبي بخفته يدنيني للسعة♥️

تغمّرني نعمّك.. أحمدك حمداً أبلغُ به رضاك، أؤدِي به شُكرك، وأستوجب به المزيد من فضلك♥️.

أنا المُعتادة على لُطفك، وستّرك الجميل، لي تسع وتسعون عيب وخصلة جميلة واحدة تُظهرها وكأن لا عيب فيّ، ترعاني كأن لا عبد يدعوك سواي، تشملنّي برحمتك ولا تردنّي عن بابك..

أشكرك بعُمري كُله، فلكَ الحمدُحتى ترضى.🤎

شخصٌ واحدٌ فقط، يعرف كيف يجعلني سعيدة، دون أن يضطر لبذل مجهود.
شخصٌ واحد فقط، يعرف كيف يجعلني أضحك من قلبي.
شخصٌ واحدٌ فقط، يداوي الجراح، يداري الشموع كي لا تنطفيء، ينفض الغبار عن المشاعر المهجورة.
شخصٌ واحدٌ فقط، يمشي في صدري كما القصيدة السعيدة، كما الأمنيات المتحققة.
شخص واحد فقط، يأنسني، يسليني، ينسيني أنني بكيت من قبل، ويمحو خيباتي المكتررة ببساطة.
شخصٌ واحد فقط، بجانبه تزدانُ الأيام، وتنمو أجنحة جديدة لكل المحاولات الفاشلة.
شخص واحدٌ فقط، أحادثه عن كل عقلي، عن كل قلبي، دون خوف أو تردد أو تفكير.
شخصٌ واحد فقط، معه لا أخجل من عثراتي، سخافاتي أو حماقاتي.
شخصٌ واحدٌ فقط، يجعلني أرى النجوم فاتنة، والليل الطويل أنيق.
شخصٌ واحد فقط، يجعلني أستشعر زقزقة العصافير في الصباح، ودفء الشمس.
شخصٌ واحدٌ فقط، أرى برفقته كم أن السحاب جميل، وأن قطرات المطر شاعرية للغاية.
شخصٌ واحدٌ فقط، أنتظره كل يوم ليطبب على قلبي، ليقول: "إنني جميلة ومميزة" ويقول: "أُحبك".
شخصٌ واحدٌ فقط، يستطيع أن يعيدني للحياة.
شخصٌ واحد فقط، بعيد، بعيدٌ كالخيال.
#الاء_مالك.

‏"ربِّ اجعلني أتحسس نعمك عليّ
بدهشة الذي يرى الشيء للمرة الأولى،
وأوزعني أن أشكرك عليها
شُكر المؤمن الشغوف المُحبّ."🤍

في حوامتي دي لو جاتني طلقة طايشة وخشت فوق راسي المدوقس دا أو اختارت ليها أي فجة مميتة في جسمي
بتمنى اكون شخص ثابت
شخص ماينتقل بسهولة لخانة الاموات
.
داير لي لحظات تأمل هادى مافيهو تشويش بالالم ولا أي شعور بالخوف
داير فرصة اشكر فيها الحياة على الحاجات الزابطة الصغيرة النسيتها
أيام الزحمها انو اشكر الحياة عليها
مثلا
داير اشكر الحياة على نعمة الاصحاب
الاصدقاء البعاملوك باحترام عشان اكتر زواياك اشراقا واكتفو بكدة وقبلوك بدون مايفتشو على عوراتك
نعمة الصاحب القصرت معاهو شديد ومشيت تعتذر وسمعك بهدوء وبعداك قاليك يازول قاعد تبالغ وماتخليك حساس اكتر من اللازم وضحك معاك واخدك بالاحضان
.
في نعم من نعم الله عليك كنت بتحس بيها صغيرة مع أنها ثمينة
المناظر الشفتها من شباك البص وانت مارق من رشاد وماشي الوجبيهة
.
نعمة صاحبك الاختارك دون الناس يجيك عرقان واصابعو مرتجفة وخجلان داير يقرأ ليك قصيدة
نعمة من نعم امك
الطرقتين بتاعات الكسرة الشالتن حارات من الصاج وجدعتن ليك في قعر الحلة وقطعت ليك فيهن بصلة .. حلفت إلا كان تفطر قبل ماتمرق
نعمة تلاتة مكعبات بطيخ دستن ليك أختك في التلاجة وقالت ليك دا حقك
نعمة حوار لطيف بين أطفال وانت قاعد زهجان ومدبرس وفجأة تلقاهم شالو منك همك
كمية من النعم الصغيرة الله اداك ليها ونسيت تشكر
فرحة طرشة جاتك طايشة واختارتك دون خلق الله
كم ناس وثقت فيك وادتك آخر ما عندها
داير اشكر الناس الكانو بختاروني العب معاهم وعارفين اني كيشة
زميلك البضربك في راسك ويقوليك معليش ياكابتن مع انك بكياشتك بوظت اللعبة
الزول البكون منتظرك بابتسامة قبل ماتصلو
البتحمل هظارك وغضبك
الناس الكتار النسيت تشكرهم في نفس الوقت
خالك الجأ من المنطقة بالابرول وريحة الجاز والعرق وسايق عربية من غير ابواب وكبوت وفوانيس .. دا كلو عشان عرفك وقعت بالعجلة وركبتك اتزلطت
قبل الموت فكر في الحياة
فكر في نعم الله عليك
النعم الصغيرة الحريفة الطاعمة النسيت تشكر ربك وتشكر الحواليك عليها
.
قبل ما تنتقل للموت
إتذكر هبات الحياة الصغيرة المنسية
كوز موية بعد الدافوري
كباية شاي بالنعناع بعد صحن فول كارب
.
هل نسيت الطفل الشايلها أمو فوق كتفها في المقعد القدامك .. لما ضحك في وشك واشر كان قاصدك عديل
.
سبعة من أصحابك قاعدين قدام الحلاق منتظرنك لانك عريس .. نفس الشباب لما كنت قاعد في عنقريب الحنة كانو بضربو في التلفونات عشان بحجزو ليك شقة مريحة .. البنات الواقفات قدامك ويتناقشن في لون الكرفتة .. عمتك العندها رطوبة وضغط وبرضو عندها إصرار تجي من عطبرة عشان تخت ليك الضريرة
حياتك ما وقفت عشان ما اشتريت عربية
حياتك ملانة بالهبات الربانية
.
إتذكر الحاجات الصغيرونة
الحاجات الفاتت قبل ماتشكر عليها
.
انت ثمين في الحياة دي
عمك جبرالله الترزي قام مكنتو وقطع الزلط اتناول كيس بلح من الدكان
انت عارف هو عمل كدة ليه
عشان سمع زغاريد أمك بنجاحك في الثانوي
حبوبتك البتجي قاطعة مشوار وصارة في طرف توبة حلاوة سعد .. دا برضو عشانك انت
إنت باهظ عند الناس حتى لو ماحققت مرادك بي انك تبني عمارة
باهظ لأنو زول مابعرفك شخصيا لكنو كان لافي نص يوم من صيدلية لي صيدلية لانك كنت محتاج لعلاج معين .. انت باهظ الثمن لانك أخو فلان الماشافك قبل كدة
✌️ انت ثمين جدا حتى من غير الحاجات الكنت تحلم تحققا
✌️ انت فرصة ثمينة لي زول مابعرفك
✌️ الحياة ادتك لحظات جميلة من غير ما انت تتخيل
تقدر تتخيل الزول الجا جاري وراك عشان يناولك طاقيتك لما وقعت منك
الجدع من فوقك بطانية لما كنت نايم في البرد
قول شكرا للحياة
.
شكرا على موت كتير كان مباريك وامهلك
امراض مخيفة جليت منها
شكرا للحياة
على الزول البراقبك من بعيد ويقول في قلبو ماشاء الله ربنا يحفظو
قول شكرا للحياة ❤️

هذه المرة الأولى التي يؤذني الافلات، المرة الأولى التي يؤذيني التمسك...
وبرغبتي، أغادر كل البراحات التي كان من الممكن أن تكون يومًا بيتًا سعيدًا، ان يكون فيها أطفالٌ يضحكون، وحُلم.
#الاء_مالك