Toshkentda avtomobillardagi noqonuniy reklamalarga qarshi reydlar o‘tkazilmoqda

YHXB va Raqobat qo‘mitasi tomonidan olib borilayotgan monitoringda tegishli hujjatlarsiz reklama joylashtirilgan avtomobillar aniqlandi.

Transport vositalari egalariga qonunchilik doirasida tegishli choralar ko‘rilib, huquqiy tushuntirish berilmoqda.

Poytaxt hokimligi tashqi reklama faqat reklama joyining pasporti olingandagina joylashtirilishi mumkinligini eslatdi:

https://www.spot.uz/oz/2025/10/23/car-advertisement/

Telegram | Instagram | YouTube

O‘zbekistonda sunʼiy yo‘ldosh aloqa operatorlariga 5 yillik soliq imtiyozlari beriladi

2026-yildan yo‘ldosh aloqa tarmoqlari operatorlari tomonidan sunʼiy yo‘ldosh aloqa tizimi orqali ko‘rsatiladigan xizmatlar QQSdan ozod qilinadi.

Markaziy yer stansiyalari, terminallar va yo‘ldosh aloqa infratuzilmasining boshqa aktiv qurilmalari joylashtirilgan telekommunikatsiya inshootlari hamda ularning yer maydonlari mol-mulk va yer solig‘idan ozod etiladi.

Shuningdek, yo‘ldosh aloqa tarmoqlari operatorlarining yaratilgan sunʼiy yo‘ldosh aloqa tizimi orqali ko‘rsatadigan xizmatlari uchun foyda solig‘i qo‘llanilmaydi.

Avvalroq prezident raisligidagi yig‘ilishda olis hududlarda kelasi yildan yo‘ldoshli internet operatorlarining faoliyati yo‘lga qo‘yilishi maʼlum qilingandi:

https://www.spot.uz/oz/2025/10/23/tax-benefits/

Telegram | Instagram | YouTube

Italiyaning Ansaldo xoldingi O‘zbekistondagi AES qurilishini nazorat qilishi mumkin

O‘zatom direktori Azim Axmedxo‘jayev Ansaldo Energia xoldingi va uning atom energetikasi texnologiyalariga ixtisoslashgan Ansaldo Nucleare kompaniyasi rahbariyati bilan uchrashdi.

Unda Jizzaxdagi AES qurilishi loyihasini amalga oshirishda texnologik integratsiya, xavfsizlik tizimlarini ishlab chiqish, yordamchi uskunalarni yetkazib berish va ularni O‘zbekiston sharoitiga moslashtirish masalalari muhokama qilindi.

Shuningdek, italiyalik mutaxassislarni texnik maslahatchi sifatida jalb etish, radioaktiv chiqindilarni boshqarish hamda kadrlar tayyorlash imkoniyati ko‘rib chiqildi:

https://www.spot.uz/oz/2025/10/23/ansaldo/

Telegram | Instagram | YouTube

Yevropa Ittifoqi Qozog‘iston, Tojikiston va Qirg‘iziston banklariga qarshi sanksiyalar kiritdi

23-oktabr kuni Yevropa Ittifoqi Rossiyaga qarshi sanksiyalarning 19-paketini qabul qildi. Markaziy Osiyo mamlakatlari, jumladan Qozog‘iston, Tojikiston va Qirg‘iziston banklari yangi cheklovlar ostida qoldi.

Rossiya banklari orasida Alfa-Bank, MTC Bank, Absolyut Bank, Zemsky Bank va Istina nobank kredit tashkiloti bor. Ular bilan operatsiyalarni taqiqlash 12-noyabrdan kuchga kiradi.

Yevropa Ittifoqi, shuningdek, Rossiya banklarining xorijiy filiallariga qarshi sanksiyalar kiritdi — Belarusda 2-dekabrdan boshlab VTB, Sber va Alfa-Bank, Qozog‘istonda esa VTB cheklovlar ostida qoldi.

Bundan tashqari, yangi sanksiyalar paketiga Tojikistonning uchta banki (Dushanbe Siti bank, Spitamen va Tojikiston tijorat banki) va Qirg‘izistonning ikkita banki (Toluboy va Yevroosiyo jamg‘arma banki) kiritildi:

https://www.spot.uz/oz/2025/10/23/eu-banks/

Telegram | Instagram | YouTube

O‘zbekistonda oltinni qanday qonuniy sotib olish mumkin? Qo‘llanma

O‘zbekistonda oltin narxi yil boshidan beri 47% ga oshdi. Jahon bozorida bir unsiya narxi birinchi marta $4000 dan oshib, mutlaq rekordni o‘rnatdi.

9 oy ichida Markaziy bank 17 ming xaridorga 380 kilogramm oltin sotdi — bu 2024-yilning butun davriga nisbatan 61% ko‘p.

Bugungi kunda oltin quymalarini Toshkent shahridagi 15 dan ortiq banklardan sotib olish imkoniyati mavjud.

Spot oltin quymalarni qayerdan va qanday sotib olish, oltin depozitini ochish yoki tokenlarga investitsiya kiritish bo‘yicha to‘liq ko‘rsatmalarni to‘pladi:

https://www.spot.uz/oz/2025/10/23/gold-investor/

Telegram | Instagram | YouTube

Qurilish qoidalarini buzgani uchun Dream House Design litsenziyasi bekor qilindi

Qurilish vazirligi Olmazor tumanida Dream House Design loyiha hujjatlari asosida Glorious Chigatoy tomonidan qurilayotgan biznes markaz va avtoturargoh majmuasida o‘rganishlar olib bordi.

Natijada loyiha shaharsozlik normalariga qarshi olib borilayotgani aniqlandi. Xususan, binolar o‘rtasidagi masofa hamda qo‘shni mulk egalari bilan kelishuvlar e‘tiborga olinmagan.

Sud qarori bilan qonunbuzarliklarni vaqtida bartaraf etmagani uchun Dream House Design kompaniyasining litsenziyasi bekor qilinib, reyestrdan chiqarildi:

https://www.spot.uz/oz/2025/10/23/dream-house/

Telegram | Instagram | YouTube

Markaziy bank yil yakuni bilan inflyatsiya 8% gacha pasayishini kutmoqda

Markaziy bank asosiy stavkani yillik 14% darajasida o‘zgarishsiz qoldirdi. Faol yalpi talab sharoitida tashqi taklif omillari bilan bog‘liq narxlarni oshiruvchi xatar va xizmatlar inflyatsiyasi yuqoriligicha qolmoqda.

Talab omillarining biroz maqbullashishi hamda so‘m mustahkamlanishi taʼsirida bazaviy inflyatsiya o‘tgan oyda yillik 7% gacha sekinlashdi.

Markaziy bank 2025-yil yakunida inflyatsiya 8% atrofida shakllanishini prognoz qildi. Mamlakat iqtisodiyoti esa 7−7,5% ga o‘sishi kutilmoqda.

Regulyator aholi real daromadlarining oshishi va chakana kreditlash faolligi isteʼmol talabini oshirib, inflyatsion bosimlarni saqlanib qolishii mumkinligini qayd etdi:

https://www.spot.uz/oz/2025/10/24/inflation-revision/

Telegram | Instagram | YouTube

Uzum CB Insights versiyasiga ko‘ra 2025-yilning eng istiqbolli fintex startaplari TOP-100 taligiga kirdi

Kompaniya Fintech 100 reytingida e’tirof etilishi O‘zbekiston fintex sanoatining yuqori darajada rivojlanganligini va kompaniyaning xalqaro maydondagi ta’siri tobora kuchayib borayotganini tasdiqlaydi (reklama).

https://www.spot.uz/oz/2025/10/24/uzum/

O‘zbekiston iqtisodiyoti 2028-yilgacha qanday rivojlanadi?

Markaziy bank boshqaruvi pul-kredit siyosatining 2026-2028-yillarga mo‘ljallangan asosiy yo‘nalishlari konseptual loyihasini tasdiqladi.

Asosiy ssenariyga ko‘ra, kelgusi yilda O‘zbekiston iqtisodiyoti 5,5−6,5%, 2027−2028-yillarda esa 6−7% darajasida bo‘lishi prognoz qilinmoqda.

Inflyatsiya 2026-yil oxirida 7% gacha pasayishi, 2027-yilda esa 5% lik target darajasiga yetib, 2028-yildan shu atrofda shakllanishi kutilmoqda.

Markaziy bank prognozlar xususiylashtirishning davom etishi, investitsiyalar hajmining o‘sishi va kreditlashning maqbullashishi bilan bog‘liq xatarlarni inobatga olishini qayd etdi.

Shu bilan birga, ichki va tashqi kutilmagan xatarlar yuzaga kelganda amalga oshiriladigan alohida ssenariylar ishlab chiqilgan:

https://www.spot.uz/oz/2025/10/24/monetary-policy/

Telegram | Instagram | YouTube

O‘zbekistonlik taksi haydovchilari Dubayga ishga jalb qilinishi mumkin

BAAning Dubai Taxi Company PJSC korxonasi bilan malakali haydovchilarni qonuniy ishga olish masalalari muhokama qilindi.

Kompaniya rahbari Sayid Amin O‘zbekistondan tajribali haydovchilarni ishga jalb qilishni huquqiy tomondan qo‘llab-quvvatlashga tayyorligini bildirdi.

“Dastlabki bosqichda 200 ga yaqin O‘zbekiston fuqarolarini taksi haydovchisi sifatida ishga jalb qilish imkoniyatimiz bor. Mehnat samaradorligi yuqori bo‘lsa, qo‘shimcha ravishda 500 ga yaqin o‘zbekistonlikni ishga jalb qilishimiz mumkin”, — dedi u.

Migratsiya agentligi va korxona vakillari hamkorlikning keyingi bosqichlarini muhokama qilishga kelishib oldi:

https://www.spot.uz/oz/2025/10/24/dubai-taxi/

Telegram | Instagram | YouTube

2026-yildan yangi qurilayotgan turar-joy majmualari faqat o‘zbek tilida nomlanadi

Vazirlar Mahkamasi qurilish sohasiga oid meʼyoriy-huquqiy hujjatlarga bir qator o‘zgartirishlar kiritdi.

Endi obyekt pasporti, qurilish maydonidagi vaqtinchalik to‘siqlar ustidagi peshlavhalar va boshqa yozuvlarda davlat tili qo‘llanilishi shart.

Shuningdek, qurilayotgan obyektlar haqidagi reklama va eʼlonlarda davlat tilini ishlatish majburiy bo‘ladi:

https://www.spot.uz/oz/2025/10/24/construction-names/

Telegram | Instagram | YouTube

Jamoatchilik tashkilotlariga “sirli mijoz” va nazorat xaridini o‘tkazish huquqi berildi

NNTlar nazorat tadbirlari doirasida tibbiyot va savdo sohalarida qonun talablariga rioya etilishini baholaydi.

Nazorat xaridi jarayonida olingan namuna va maʼlumotlar tegishli laboratoriyalarda sinovdan o‘tkaziladi.

Talabga javob bermaydigan tovar yoki xizmat vakolatli organlarga yuborilib, jamoatchilikka e’lon qilinadi.

Birinchi marta qonunbuzarlik aniqlansa, tushuntirish beriladi, takroriy holatlarda esa tekshiruv belgilanadi:

https://www.spot.uz/oz/2025/10/24/control-purchase/

Telegram | Instagram | YouTube

Markaziy bank 2030-yilgacha O‘zbekistonda kamida 10 ta islomiy bank paydo bo‘lishini kutmoqda

Regulyator raisi o‘rinbosari Abrorxo‘ja Turdaliyevning aytishicha, yaqin besh yilda kamida 10 ta islomiy bank faoliyat boshlashi kutilmoqda. Uchta davlat bankida esa bir nechta “islomiy darchalar”ni ochish rejalashtirilgan. Biroq ular hali aniqlanmagan.

Markaziy bank islomiy moliyaga yashirin iqtisodiyotdagi mablag‘larni bank tizimiga jalb qilishning muqobil mexanizmi sifatida qaraydi

Turdaliyev aholining bir qismi islom moliyasini afzal ko‘rishini, biroq an’anaviy bank xizmatlaridan butunlay voz kechuvchilar soni kamligini qayd etdi.

“Biz baholayotganimizda, savolni to‘g‘ri qo‘yish muhim. 50−60% ko‘rsatkich haqida gap ketganda, bu islom moliyasini afzal ko‘ruvchilar haqida, ammo an’anaviy xizmatlardan butunlay voz kechadiganlar soni ancha kam”, — dedi u.

BMTTD so‘rovnomasiga ko‘ra, aholining 68%i, tadbirkorlarning esa 60%i diniy eʼtiqodi sabab, anʼanaviy bank xizmatidan foydalanishni xohlamaydi.

Sentabr oyida Oliy Majlis Qonunchilik palatasi O‘zbekistonda islomiy bank faoliyatini joriy etish to‘g‘risidagi qonun loyihasini birinchi o‘qishda ma’qullagandi:

https://www.spot.uz/oz/2025/10/24/islamic-finance/

Telegram | Instagram | YouTube

Dam olish kunlari qaysi banklar ishlaydi?

Jami 20 ta bank tomonidan valyuta ayirboshlash hamda pul o‘tkazmalarini amalga oshirish mumkin. Ro‘yxat:

https://www.spot.uz/oz/2025/10/24/weekend-banks/

Telegram | Instagram | YouTube

Markaziy bank bank sektorida raqobat yetarli darajada emas deb hisoblamoqda

Regulyator boshqaruvi raisi Timur Ishmetovning ma’lum qilishicha, Markaziy bank banklar sonini ma’lum bir darajaga yetkazishni maqsad qilmagan, aksincha, ularning raqobat muhitini yaxshilashni rejalashtirmoqda.

“Hatto mavjud banklar soni bilan ham, ochig‘ini aytganda, yetarli darajada raqobatni ko‘rmayapmiz. Deyarli barcha banklar bir xil siyosat olib bormoqda. Biroq biz bu sohada o‘zgarishlar bo‘lishiga umid qilamiz”, — dedi Ishmetov.

Buning uchun u asosan to‘lov operatsiyalari bilan shug‘ullanadigan fintexni qo‘llab-quvvatlashni taklif etdi. Markaziy bank fintex kompaniyalariga ayrim bank xizmatlarini ko‘rsatishga ruxsat berishni mo‘ljallamoqda.

Yana bir yo‘nalish — islomiy moliyani rivojlantirish. Timur Ishmetov islomiy banklarni an’anaviy moliya muassasalarining o‘rnini bosuvchi emas, balki fuqarolar uchun qo‘shimcha imkoniyat sifatida baholadi:

https://www.spot.uz/oz/2025/10/24/banks-competition/

Telegram | Instagram | YouTube