التوتريال من الأحد إلى الخميس ⬆️
الاسبوع الاول و التاني

تقسيم القروبات والمجموعات نبدو فيه مجرد ماتوصل قائمة الطلبة اللي منزلين المادة

السلام عليكم
كيف حالكم
مطلوب دم O سالبة
0942967372

اللهمَّ صلِ على محمَّد وعلى آل محمَّد، كما صليتَ على إبراهيم وعلى آل إبراهيم، إنَّك حميد مجيد. اللهمَّ بارِك على محمَّد وعلى آل محمد، كما باركتَ على إبراهيم وعلى آل إبراهيم، إنَّك حميدٌ مجيد

للتذكير المحاضرات غدا في القسم التعليمي مستشفي الاطفال الجلاء

تقسيم القروبات من يوم الاحد
حنزلو العدد في كل قروب كم حيكون

-هادو بالدرجات؟
= لا
-محاضرات السبت بالدرجات؟
= لا
-اول اسبوعين فالطبي عليهم درجات؟
= لا
-البدسايد بالدرجات؟
=اي (و اخيراً😂)
-امتى يبدا؟
=بعد اسبوعين الطبي، ح نحطوا اعلان عليهم هني

-محاضرات السبت كل سبت ل امتى؟
=هادو نظري ف الجلاء في القسم التعليمي و مدتهم لنهاية الكورس
- و محاضرات التتوريال ؟
= هادو في مدرج الطبي من جيهة الاسعاف تكملو طول لين تلقو دروج خشو القاعة لي عاليسار
من الاحد الى الخميس لعند تاريخ 11/7/2024 بعدها يبدا صاحبنا البدسايد الي عليه حضور 😂

هذا فقط للتوضيح لان هلبا متلخبطين😂😂 موفقين جميعًا ان شاء الله 🫶🏻و خوتنا في دفعة المقابلة مرحبتين بيكم معانا ف المادة هادي💛😂 تبو اي شي ح تلقوه هني ف القناة او في بوت المواد و اي استفسار تقدروا تخشوا تسألوا في بوت التواصل حنى حاضرين بإذن الله
و بدايــــة موفقة للجميع يا رب🫶🏻

السلام عليكم ورحمة الله ✨🤍هذا منشور ح نحكي فيه على تجربتي شخصية في مادة الأطفال ،لأنا هلبااا بنات من مفاضلة خمسة وغيرهم يكلموا فيه بخصوص تجربتي مش ناسيتكم والله 🥲رغم كنت منبيش نحكي لين تنزل في منظومة ،المهم قبل ما نبدا زوز نقاط جوهرية نتمنى منكم تلتزمو بيهم ح تعرفو علاش بعون لله بعد تكملوا منه مادة بعون لله ،نقطة جوهرية رقم واحد حاولوا بقدر الأمستطاع انكم تبدوا تلتزموا بجدوال دكتور جعكي بقدر الإمكان بكل جهدكم ،نقطة جوهرية تانية بأن تدريب هستوري من دكتورة علا ح يفرق معاكم هلباااا.
توا نحكي عن تجربتي فيها هذه تجربتي شخصيه ح ركز على شنو تقصيرات لكانت مني في مادة ،ديما نصحية انتوا بروحكم بعد تتطلعوا من اي مادة اكيد بمحصول علمي كويس اني لازم ندير طريقة هي نشوف طيلة سيمستر شن عيوب لكانت في قرايتي باش متصيريش في سيم لبعده حاولو حتى انتوا هكي ديرو ،المهم على أية حال ،أني شخصيا اشتركت عند دكتور عبد الرحمن جعكي في كورس مكثف وكلينك كامل مع بعضه حرفيااا أني من ناس لاول مرة نشترك في منصة مش نادمة نهائي لكن في بداية الأمر قعد عندي خوف كيف اني ح نقرا مادة لأول مرة بكورس مكثف 🥲🥲وقتها قالي بابا خشي فيهم حتى زوز ،لكن شهادة بالله والحق يقال محستيش روحي في مكثف دكتور تبارك الرحمن عليه حرفيا الله يبارك في علمه ، أني شخصيا سمعت جميع فيديوهات للمنهج نظري مرة وحدة فقط لما نسمع في فيديوهات أني من طبعي نحب نكتب ندير مذكرة خاصة بي مادة نكتب فيها شنو فهمت من فيديو بطريقتي خاصة هذه طريقة ماشيه معاي من لما خشيت طب ،المهم في هلبااا طلبة يعاودو يكرور في فيديوهات أني طريقة هذه مش ماشيه معاي بكل ،نفضل أني نقرا منهج نزيد تبث شيتات افضل من تكرار فيديوهات ،حكم بأن حضور بيد سايد يوميا في الاطفال مع الاسف أني كان ضريبتي في حضور أني كنت طيلة سيمستر نروح مع العصر تمام بي سبب عمل بابا ،حضور كويس ممتاز نصحية مني ليكم في بيد سايد طبقوا اكزامنيشن خوذو هستوري رد بالكم تتحشموا لانا هذه وقت تعليم ليكم ،اني مع الاسف هذه من إحدى أخطائي في بيديا أني مسؤوله عنها بأني مخديتش هستوري ولا طبقت إلا في لحظات الأخيرة فقط ،لما دكتور عبد الرحمن بيفتح ليكم في فصل امشوا طبقوا نصحية للوجه لله ،كنت ندير في لقطة فادتني في أيام حضور لما روح تعبانة منهكة كنت فقط نسمع في فيديو وشوية في الليل كنت ندير في تشك على قناة دكتور لما ينزل في اسئلة mcq نختبر بيها في روحي نوع من الأمان ليا فادتني نقطة هذه اي معلومة ينزلها دكتور في قناته ممتاز والله من توا ديرو تثبيت لي قناة ✨ على تليجرام ،مهم ح تحسو روحكم بأن حضور مرهق تقدرو تغيبو ره مش ح يأخذ هلبااا من درجات أني حقيقة غبت طيلة سيمستر 12يوم فقط ،كنت ندير في شيء فادني هللبااا بأني نحاول كل شابتر لما نسمع في فيدوهاته نحب موضوع نقرا فيدوهاته متواصلة بعدين نبدى نشوف شيت المهم كنت كل جمعة نخصص فيه للقراية شيت كمصدر ورقي ،الحقيقة أني متفرجتش ولا على اي بث مباشر للدكتور 🥲🥲كان ضميري يناب فيا لاني كنت مدايرة جدول قرايتي خاصة بيا بروحي مش ماشيه مع ترتيب دكتور لكن هلبااا اقرو منهم قالوا ممتازات متأكدة أني انهم ممتازات لذلك قلت ليكم حاولوا تلتزموا مع جعكي اول بي اول ،لكن درت شيء إيجابي ليا بأني كنت نحل في اسئلة لكل شابتر بروحي كانت طريقة ممتازة ليا ،من توا تجمعيات دكتور جعكي خودهم بكري بكري بعد كل شابتر تمروا عليهم تحلو بروحكم بعدها شوفو الحل باش في وقت الامتحان تشوف اسئلة قسم ،واخيرا هستوري أني قريت من دكتور جعكي ودكتورة علا من فيديوهات مجانية ليها ،هستوري يعتمد على نظري تعرفوا شن تسألوا ،في نفس الوقت لازم رهبة توتر يبدى عندكم ثقة في أخذ معلومات خوذ عند علا هستوري تبارك الرحمن عليه ،اني شخصيا قريت من جعكي وعلا ،جزئية كلينك قريت انسترومنت بروحي من شيت علا وجعكي من غير فيديوهات ،اكس ري لانا وقتنا ضيق في كلينك كان قريت من فيديوهات علا لي دارتهم لينا سيم هذا بجديات يعطوا أساس تبارك الرحمن ،ecg وايمرجسي قريتهم من جعكي كافيدوهات وشيتات لكن مريت حتى على شيتات علا ،سبوت قريتهم من جعكي .
مهم في نهاية ربي يجزي كل خير حد تعلمت منه،نرجع نقول ليكم امشوا بجدوال جعكي اول بي اول ،دربو هستوري رد بالكم تتحشمو دكتورة علا تخلي عندكم ثقة في شيء هذا ،في كلينك خلو عندكم تشك لست قدامكم ✨🤍

نقطة أخيرة رد بالكم تسمعوا بأن مادة صعبة ابدا والله بيديا تبي فهم مع دكتور جعكي ح تسهل هلبااا ،سرها في ربط معلومات مش بكثرة معاودات فيديوهات .

افرحوا بعطلة خوذوا وقتكم فيها متبدوش بها مادة إلا وانتم اعطيتو حق نفسكم عليها

ديفلومنت برضو من جعكي ،وقروت شارت

قبل ديما يقولو ديفلومنت صعبة أني شخصيا قريته اربعة ساعات براحة نقصد في شق كلينك مفتاحه أربعة صفحات الأخيرة من شيت جعكي فيديوهات الاخيرة في منصة .

منصة أكاديميا حرفيا تبارك الرحمن مافيش عوج لي يكسر في رقبة🥲🥲🥲
-سالي محمد

هذا بالإضافة ل جانب تجارب الزملاء تلقوه في بوت المواد
@MF5_Bot
موفقين🫶🏼

وضع مستعجل

مطلوب فصيلة دم B+ لطفل صغير
المكان مصحة قرطاج خلف مستشفى الخضراء

0926652744

متخليش الشكوى تقعد بينك وبين زميلك!

تزامنًا مع بداية الفصل الدراسي تم إطلاق بوت لإستقبال شكاوى الطلبة.
كل الي عليك تمسح الباركود المتوزع في أكثر من مكان داخل الكلية( المكتبه، الاتحاد، المصورات، في المسجل والدراسة والامتحانات، بجانب المدرجات والكافتيريا )، أو عن طريق الQr المرفق مع البوست؛ وتبعت عليه الشكوى متاعك.
خليك جزء من التحسين🌱🤍.

#مكتب_الشؤون_الطلابية
#اتحاد_طلبة_كلية_الطب_البشري

كل قروب يبعتلنا الاسماء متع المجموعة متعه ف رسالة وحدة
فيها الاسم ورقم القيد
اقصي عدد في كل مجموعة 23
عدد المجموعات 24 مجموعة
اخر يوم لي استقبال المجموعات عالبوت يوم الجمعة قبل الصلاة
اي طالب معنداش مجموعة القسم حيوزعه علي وحدة من المجموعات

@Mandobeen5_bot

هادي قائمة المادة

اي حد ملقاش اسمه ف القائمة يراجع الدراسة والامتحانات