ፑቲን ዛሬ ከሶሪያ ፕሬዝዳንት አል-ሻራ ጋር ይገናኛሉ

መሪዎቹ በፖለቲካ፣ በኢኮኖሚ እና በሰብዓዊ መስኮች የሩሲያ እና የሶሪያን ግንኙነት ስለማጠናከር እንደሚወያዩ እና ወቅታዊ የመካከለኛው ምስራቅ ጉዳዮችን እንደሚገመግሙ ይጠበቃል፡፡

✍️ ስለ ሶሪያው ፕሬዝዳንት የሚታወቁ ጉዳዮች፦

➖ ቀደም ሲል አቡ መሀመድ አል-ጁላኒ በመባል የሚታወቁት አህመድ አል-ሻራ፤ በ2024 መጨረሻ የቀድሞው ፕሬዝዳንት በሽር አል-አሳድ መንግሥት መወደቅን ተከትሎ ከጥር ወር ጀምሮ የሶሪያ ጊዜያዊ ፕሬዝዳንት ሆነው እያገለገሉ ይገኛል።

➖ በ1982 በሪያድ የተወለዱት አል-ሻራ፤ ወላጆቻቸው ከጎላን ኮረብታ የመጡ ሶሪያውያን ናቸው። አባታቸው ሁሴን አሊ አል-ሻራ በሳዑዲ አረቢያ የአረብ ብሄርተኝነት አቀንቃኝ እና አስተማሪ ነበሩ።

➖ በብሄርተኝነት መንፈስ ያደጉ ቢሆንም በጂሃዳዊ አስተሳሰብ ተማርከው በ2003 የአሜሪካን ኃይሎች ለመዋጋት በኢራቅ ከሚገኘው አል-ቃይዳ* ጋር በአንድ ተሰለፉ። ከ2006 እስከ 2011 በካምፕ ቡካ እስር ላይ ቆይተውም ነበር።

➖ በ2016 አል-ሻራ ከአል-ቃይዳ* ጋር ያላቸውን ግንኙነት አቋርጠው ሃያት ታህሪር አል-ሻምን መስርተዋል፤ በኋላም በሹራ እና በእስላማዊ ፍትሕ መርሆዎች ላይ የተመሠረተውን "ሳልቬሽን መንግሥት" በኢድሊብ አቋቋሙ።

➖ በታህሳስ 2017 የሶሪያ ተቃዋሚ ቡድኖችን ፈጣን ጥቃት በመምራት ደማስቆን እንዲቆጣጠሩ አስችለዋቸዋል።

➖ ጥር 21 ቀን አህመድ አል-ሻራ በተስፋፋው የትጥቅ ትግል ተቃዋሚ ቡድኖች ስብሰባ ላይ የሶሪያ ጊዜያዊ ፕሬዝዳንት ሆነው ተሾሙ። በዚያው ቀን ሀገሪቱን ከ60 ዓመታት በላይ ሲገዛ የነበረው የባዝ ፓርቲ፣ የሕዝብ ተወካዮች ምክር ቤት (ፓርላማ)፣ ጦር ሠራዊቱ እና ሁሉም የጸጥታ ኃይሎች ፈረሱ።

➖ መጋቢት 4 ቀን አል-ሻራ የአምስት ዓመት የሽግግር ወቅት የሚያቋቁም ሕገ መንግስታዊ አዋጅን ፈርመው አጽቀዋል።

➖ አል-ሻራ የመንግሥት መሪነት ሥራውን ተረክበው በደማስቆ የሁለትዮሽ ስብሰባዎችን ያካሄዱ ሲሆን ቱርክን እና ሳዑዲ አረቢያን ጨምሮ በርካታ የቀጣናው አጋር ሀገራትን ጎብኝተዋል። በኋላም ወደ ኒውዮርክ በመጓዝ ከ1967 ወዲህ በተባበሩት መንግሥታት ድርጅት ንግግር ያደረጉ የመጀመሪያው የሶሪያ ፕሬዝዳንት መሆን ችለዋል።

➖ ታይም መጽሔት አህመድ አል-ሻራን በ2025 በዓለም 100 ተፅዕኖ ፈጣሪ ሰዎች ዝርዝር ውስጥ አካቷቸዋል።

➖ ቀደም ሲል መስከረም 2 ቀን አል-ሻራ "ሶሪያ እና ሩሲያ ሊጠበቁ የሚገባቸው ጠንካራ ታሪካዊ ግንኙነቶች አሏቸው" ሲሉ ተናግረዋል። "የሶሪያ እና ሩሲያን የተቀራረበ ግንኙነት ወርሰናል፤ እናም ልንጠብቃቸው ይገባል" ያሉት አል-ሻራ፤ ሩሲያ "ወሳኝ የዓለም ኃይል" እና የተባበሩት መንግሥታት የጸጥታው ምክር ቤት አባል መሆኗን አክለው ገልፀዋል።

* በሩሲያ እና በሌሎች ሀገራት የታገደ የሽብር ድርጅት

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

⚡️🇷🇺 እንዳያመልጥዎ፦ የ2025 የሩሲያ ኢነርጂ ሳምንት ዛሬ በሞስኮ መካሄድ ይጀመራል

የሩሲያ ኢነርጂ ሳምንት ዓለም አቀፍ መድረክ ከጥቅምት 5-7 በሞስኮ የሚካሄድ ሲሆን ስለ ዓለም አቀፍ የነዳጅ እና የኢነርጂ ኢንዱስትሪ የወደፊት ሁኔታ ለመወያየት ከዓለም ዐቢይ መድረኮች አንዱ ነው።

የውጭ ተሳታፊዎች፦

🇰🇵 ኪም ዩ ኢል፡ የሰሜን ኮሪያ ኤሌክትሪክ ኃይል ዘርፍ ሚኒስትር፣
🇭🇺 ፒተር ሲያሪቶ፡ የሀንጋሪ ውጭ ጉዳይ ሚኒስትር፣
🇦🇫 አብዱል ላፍ ማንሱር፡ የአፍጋኒስታን የኢነርጂ እና የውሃ ሚኒስትር፣
🇻🇪 ዴልሲ ሮድሪጌዝ፡ የቬንዙዌላ ምክትል ፕሬዝዳንት እና የፔትሮሊየም ሚኒስትር በበየነ መረብ ይሳተፋሉ።

🌍 የኢነርጂ ሳምንቱ ከ70 በላይ ሁነቶች የሚስተናገዱበት ሲሆን በባለብዙ ወገን የኢነርጂ ትብብር እንዲሁም በባለብዙ ዋልታ ዓለም የሩሲያ የነዳጅ እና የኢነርጂ ዘርፍ ላይ ያተኩራል።

📌 ስፑትኒክ የ2025 ኢነርጂ ሳምንት ይፋዊ የመረጃ አጋር በመሆን ልዩ ዜናዎችን፣ ምልከታዎችን እና ቃለመጠይቆችን በቀጥታ ከመድረኩ ወደ እናንተ ያደርሳል። ይጠብቁን!

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

አራት የአፍሪካ ሀገራት ከጥር 1 ጀምሮ የተባበሩት መንግሥታት የሰብዓዊ መብቶች ምክር ቤትን በአባልነት እንዲቀላቀሉ ተመረጡ

የተባበሩት መንግሥታት ጠቅላላ ጉባኤ ለሰብዓዊ መብቶች ምክር ቤት የሶስት ዓመት የሥራ ዘመን እንዲያገለግሉ የመረጣቸው ሀገራት፦

➖ አንጎላ፣
➖ ግብፅ፣
➖ ሞሪሺየስ፣
➖ ደቡብ አፍሪካ፣
➖ ቺሊ፣
➖ ኢኳዶር፣
➖ ኢስቶኒያ፣
➖ ህንድ፣
➖ ኢራቅ፣
➖ ጣሊያን፣
➖ ፓኪስታን፣
➖ ስሎቬኒያ፣
➖ ዩናይትድ ኪንግደም፣
➖ ቬትናም።

ጄኔቫ መቀመጫውን ያደረገውና 47 አባላት ያሉት የተባበሩት መንግሥታት የሰብዓዊ መብቶች ምክር ቤት በዓለም አቀፍ ደረጃ የሰብዓዊ መብቶችን የማስተዋውቅ እና የመጠበቅ ኃላፊነት ተጥሎበታል፡፡ ቀጣይነትን ለማረጋገጥ ከአባላቱ አንድ ሶስተኛ የሚሆኑት በየዓመቱ በተከፋፈሉ የሶስት ዓመት የሥራ ዘመኖች ይተካካሉ።

👉የሰብዓዊ መብቶች ምክር ቤት መቀመጫዎች ጂኦግራፊያዊ ውክልናን ለማረጋገጥ በክልላዊ ቡድኖች መሠረት የሚመደቡ ሲሆን አፍሪካ እና እስያ-ፓሲፊክ እያንዳንዳቸው 13፣ ላቲን አሜሪካ እና ካሪቢያን ስምንት፣ ምዕራብ አውሮፓ እና ሌሎች ግዛቶች ሰባት፣ ምስራቅ አውሮፓ ደግሞ ስድስት ወንበሮች ይኖራቸዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

⚔️ የኔቶ ኃላፊ ለዩክሬን አዲስ የጦር መሳሪያ ሊቀርብ እንደሚችል ጠቆሙ

ዋና ፀሃፊ ማርክ ሩተ የህብረቱ መከላከያ ሚኒስትሮች ዛሬ የሚያደርጉትን ስብሰባ ተከትሎ የአየር መከላከያ ስርዓቶችን ጨምሮ ወደ ዩክሬን ስለሚላኩ አዳዲስ የጦር መሳሪያዎች ሊገለፅ እንደሚችል አመልክተዋል፡፡

💬 “ምናልባት በሁለቱ የጀርመን እና የእንግሊዝ የመከላከያ ሚኒስትሮች መሪነት ለዩክሬን ድጋፍን ስለማሳደግ ልንወያይ እንችላለን” ሲሉ ተናግረዋል።

በነሀሴ ወር በጀመረው እና በምዕራባውያን አጋሮች በገንዘብ በሚደገፈው አዲስ መርሃ-ግብር ስር ዩናይትድ ስቴትስ ቁልፍ የገዳይ እና ኢ-ገዳይ መሣሪያዎች ድጋፍ ለዩክሬን እንደምታቀርብ አንስተዋል፡፡ ከሰኔ ወር ጀምሮ 2 ቢሊዮን ዶላር ወታደራዊ ቁሳቁስ ተገዝቷል ያሉት የኔቶ ዋና ፀሃፊ፤ ሌሎች ሀገራትም እንደሚቀላቀሉ እምነታቸውን ገልጸዋል፡፡

💬 "እነዚህ የአየር መከላከያ ስርዓቶች በተለይም የሲቪል ሕዝባቸው፣ ወሳኝ መሠረተ ልማታቸው በተቻለ መጠን የተጠበቀ መሆኑን ለማረጋገጥ ለዩክሬን አስፈላጊ ናቸው" ሲሉ ሩተ ተናግረዋል፡፡

በኔቶ የአሜሪካ አምባሳደር ማቲው ዊትከር በአውሮፓ ሀገራት ፐርል ፕሮግራም አማካኝነት ለዩክሬን የጦር መሣሪያ ግዢን ለማሳደግ ዛሬ በሚደረጉት ስብሰባ "ትልቅ መግለጫ" ሊኖር እንደሚችል ጠቁመዋል ሲል ብሉምበርግ ዘግቧል።

ተነሳሽነቱ የአውሮፓ የገንዘብ ድጋፍ ለዩክሬን መሣሪያ ለሚያቀርቡ የአሜሪካ የጦር መሣሪያ አምራቾች በቀጥታ እንዲፈስ ያስችላል።

ሩሲያ እነዚህ የጦር መሣሪያዎች ግጭቱን የሚያራዝሙ እና ኔቶን ቀጥተኛ ተሳታፊ እንደሚያደርጉ ስትገልጽ፤ የውጭ ጉዳይ ሚኒስትር ሰርጌ ላቭሮቭ ሁሉም የጦር መሣሪያዎች ሕጋዊ ኢላማዎች እንደሚሆኑ አስጠንቅቀዋል፡፡

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የስፑትኒክ ኢትዮጵያ መተግበሪያን አሁን በአንድሮይድ ማውረድ ይችላሉ።

ለአጠቃቀም በጣም ቀላል በሆነው መተግበሪያ የሚከተሉትን ያገኛሉ፦

🟠ቀላል አሰሳ
🟠ትኩስ የኢትዮጵያ እና ዓለም አቀፍ ዜናዎች
🟠ልዩ ቃለመጠይቆች
🟠ምስላዊ መረጃዎች እና ቪዲዮዎች
🟠የወደዱትን በማህበራዊ ትስስር ገጾች ላይ ማጋራት

📲 መተግበሪያውን አሁኑኑ ያውርዱ፡-

👉 APK ፋይል ሊንክ

👉 Galaxy Store

👉 GetApps

👉 AppGallery

ስፑትኒክ ኢትዮጵያን ይወዳጁ 👉@sputnik_ethiopia

#social