🇲🇬 የማዳጋስካር ቀውስ፦ እስካሁን የታወቁ ጉዳዮች

▪️ፖሊሶች ዛሬ ከተቃዋሚ ሰልፈኞች ጎን መቆማቸው ተዘግቧል። የአካባቢው መገናኛ ብዙኃን እንደዘገበው ፖሊሶች “እኛ እዚህ ያለነው ለመጠበቅ እንጂ ለማሸበር አይደለም” የሚል መግለጫ አውጥተው የጦር ሠራዊቱ ኃይል እንዳይጠቀም አሳስበዋል።

▪️አንድ የጦር ሠራዊቱ ክንፍ ትናንት ሰልፈኞቹን መቀላቀሉ ተሰምቷል። በማዳጋስካር ዋና ከተማ አቅራቢያ የሚገኘው የአስተዳደር እና ቴክኒካል ሠራተኞችና አገልግሎት የጦር ኃይል አባላት (ካፕሳት)፤ ወታደሮች “በተቃዋሚዎች ላይ ተኩስ የመክፈት ትዕዛዝ እንዳይቀበሉ” ጥሪ አቅርበዋል።

▪️የማዳጋስካር ጦር ኃይል ባለፈው እሁድ ባወጣው መግለጫ፤ የመሬት፣ የአየር እና የባሕር ኃይሎችን ያካተተው የጦር ኃይሎች አመራር ቅንጅት ከአሁን በኋላ የሚመራው በካፕሳት የትዕዛዝ ማዕከል መሆኑን አስታውቋል።

▪️በዚያው ምሽት የካፕሳት ወታደሮች ወደ ዋና ከተማው በመግባት ከፕሬዝዳንቱ ታማኝ የደህንነት ኃይሎች ጋር ለአጭር ጊዜ የተኩስ ልውውጥ ካደረጉ በኋላ መሀል አንታናናሪቮን በመቆጣጠር ሰልፈኞቹን ተቀላቅለዋል።

▪️ፕሬዝዳንቱ ድርጊቱን “ሥልጣንን በኃይል ለመንጠቅ የተደረገ ሕገ-ወጥ ሙከራ” ሲሉ አውግዘው፤ ሁሉም ብሔራዊ ባለድርሻ አካላት “ሕገ-መንግሥታዊ ሥርዓትን እና ብሔራዊ ሉዓላዊነትን ለመከላከል” እንዲተባበሩ ጥሪ አቅርበዋል።

▪️የኢትዮጵያ አየር መንገድ፣ ኤር ኦስትራልን እና ኤር ፍራንስን ጨምሮ በርካታ አየር መንገዶች ከቅዳሜ እስከ ሰኞ ወደ ማዳጋስካር የሚደረጉ በረራዎች ወደፊት መተላለፋቸውን ወይም መሰረዛቸውን አስታውቀዋል።

▪️አንታናናሪቮ ተቃውሞዎች ከተጀመሩበት ከመስከረም ወር አጋማሽ ወዲህ ትልቁን ሰልፍ አስተናግዳለች። በሺዎች የሚቆጠሩ ሰዎች ግንቦት 13 ተብሎ በሚጠራው አደባባይ እንደተሰበሰቡ ተዘግቧል። የእንቅስቃሴው ዋና አካል ፕሬዝዳንት አንድሪ ራጆሊናን እና የሴኔት ፕሬዝዳንቱ ሥልጣን እንዲለቁ የሚጠይቀው የ "ጀን ዚ" ስብስብ ነው።

▪️በርካታ መገናኛ ብዙኃን አንድሪ ራጆሊና ሀገሪቱን ለቀው እንደወጡ ቢዘግቡም፤ የፕሬዝዳንቱ ፅሕፈት ቤት “ፕሬዝዳንቱ አሁንም በሀገሪቱ ክልል ውስጥ ይገኛሉ” ሲል ትናንት አስተባብሏል።

ከማኅበራዊ የትስስር ገፆች የተገኙ ምሥሎች

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇪🇹🇮🇳 ኢትዮጵያና ህንድ በድንበር ተሻጋሪ የጤና ክብካቤ ትብብር ለማጠናከር እንደሚፈልጉ ገለፁ

በኢትዮጵያ የህንድ ኤምባሲ “በእሴታዊ የህክምና ጉዞ የግንኙነት ድልድይ መፍጠር" በሚል መሪ ቃል የጤና ክብካቤ ጉባኤ አዘጋጅቷል።

የሴቶችና ማህበራዊ ጉዳይ ሚኒስትር ዴኤታ ሑሪያ አሊ ህንድ የላቀ ህክምና ለሚፈልጉ ኢትዮጵያውያን ተመራጭ እንደሆነች በዚህ ወቅት ተናግረዋል።

ህንድ በህክምናው ዘርፍ ያካበተችውን እውቀት ከኢትዮጵያ ራዕይ ጋር በማጣመር ጠንካራ፣ ተደራሽ እና ሕዝብ ተኮር የጤና ክብካቤ ሥርዓቶችን መፍጠር ይቻላልም ብለዋል።

የህንድ አምባሳደር አኒል ኩማር ራይ በበኩላቸው በህንድ አቅራቢዎችና በኢትዮጵያ ባለድርሻ አካላት መካከል ትብብር ለማስፋት ጥረት እየተደረገ እንደሆነ ገልፀዋል።

ህንድ በኢትዮጵያ የመድኃኒት ማምረት አቅምን በማጠናከር ተመጣጣኝ እና ጥራት ያለው ህክምና ለማረጋገጥ እየተባበረች እንደሆነም አስታውቀዋል።

✅ ስፑትኒክ ኢትዮጵያ | 📲 መተግበሪያ | 👉 X

በእስራኤል ጥቃቶች በከፍተኛ ሁኔታ የወደመችው ጋዛ

በጋዛ ከተማ ምዕራባዊ ክፍል አል-ናስር አውራጃ የሚገኘው አል-ረንቲሲ የሕጻናት ሆስፒታል ሙሉ በሙሉ ወድሟል የሚባልበት ደረጃ ላይ ይገኛል (ቪዲዮ 1)።

በማዕከላዊ ጋዛ ከተማ የሚገኘው አል-ጃላእ ጎዳና ሙሉ በሙሉ ወደ ፍርስራሽነት ተቀይሯል (ቪዲዮ 2)።

ከማኅበራዊ የትስስር ገፆች የተገኙ ተንቀሳቃሽ ምሥሎች

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X