ናይጄሪያ የተዘረፉ ቅርሶችን ለማስመለስ የምታደርገው ጥረት ጠንካራ ድጋፍ እንዲያገኝ ጠየቀች

የናይጄሪያ ኢዶ ግዛት መንግሥት ባሕል ቅርስን መልሶ በማግኘት ረገድ ያለውን ሚና አጉልቶ እንደሚያሳይ በመጥቀስ፤ የተዘረፉ የቤኒን የጥበብ ሥራዎችን ወደ ሀገር የመመለስ ጥረት ቀጣይ ድጋፍ እንዲያገኝ ጥሪ አቅርቧል ሲሉ የአካባቢው መገናኛ ብዙኃን ዘግበዋል።

🗣 በ1897ቱ የቤኒን ሥርወ መንግስት ላይ በብሪታንያ የተፈፀመውን ወረራ መነሻውን ያደረገው "ኦሳሜዴ" የተሰኘው ፊልም በቤኒን ከተማ ሲመረቅ ንግግር ያደረጉት የቱሪዝም እና የፈጠራ ኢኮኖሚ ዘርፍ የገዥው ከፍተኛ ልዩ ረዳት ዶ/ር ሙኒራት ለኪ፤ ፊልሙን "በተዝናኖት አማካኝነት የባሕል ጥበቃ ጉልህ ምሳሌ" ሲሉ ገልፀውታል።

“ታሪካችንን ለማካፈል ጠቃሚ ነው። ዛሬ ዓለም ስለ ቤኒን ታላቅ ግንብ (ሞአት) እና ስለ ነሐስ ቅርሶች መመለስ እያወራ ነው፡፡ ስለዚህ ይህ ፊልም አሁን መውጣቱ ወቅታዊ ነው” ሲሉ ተናግረዋል።

👉 ልዩ ረዳቱ በንግግራቸው ኦሳሜዴ ትክክለኛ ታሪክ አተራረክ እንዴት ቱሪዝምን እና ወጣቶችን ማሳተፍ እንደሚችል እንደሚያሳይ አፅንዖት ሰጥተዋል። የፊልሙ ፕሮዳክሽንም በኦሶሶ እና ፉጋር አካባቢዎች ሥራዎችን በመፍጠር እና የነጋዴዎችን ተሳትፎ በማሳደግ የአካባቢውን ኢኮኖሚ እንዳሳደገ አክለዋል።

የኦሳሜዴ ዋና አዘጋጅ ሊሊያን ኦሉቢ ፊልሙን ለቤኒን ሕዝብ "የካሳ ክፍያ" ሲሉ ጠርተውታል። ዋናዋ ተዋናይት ኢቪ ኦኩጃዬ ኤግቦህ ደግሞ በቤኒን ውስጥ መተወን ጥልቅ ትርጉም እንደነበረው ተናግራለች።

“በእውነተኛው ንጉሳዊ መንግሥት ስርዓት የቤኒን ተዋጊን ሚና በመጫወት፤ የቀድሞ አባቶቻቸውን እንደምናከብር አውቅ ነበር።”

ዳይሬክተር ጀምስ ኦሞክዌ የይዘቱን ትክክለኛነትን ለማረጋገጥ ቡድኑ ከቤኒን የታሪክ ምሁራን ጋር የፈጠረውን ትብብር አውስተዋል። ተዋናይ ዊሊያም ቤንሰን ደግሞ የተመልካቾችን ምላሽ "በእነሱ ላይ የተንፀባረቀ ኩራት" ሲል ገልጾታል።

📽 ኦሳሜዴ ጥቅምት 7 በናይጄሪያ ሲኒማ ቤቶች መታየት የሚጀምር ሲሆን በዓለም አቀፍ ደረጃ በእንግሊዝ ጥቅምት 21፣ 2018 እና በሰሜን አሜሪካ ጥቅምት 28 ለዕይታ እንደሚበቃ ተጠቁሟል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

የአፍሪካ ኅብረት ለማዳጋስካር ቀውስ አህጉራዊ የሽምግልና ጥረቶችን ለመደገፍ ዝግጁ መሆኑን ገለፀ

መግለጫው የአፍሪካ ኅብረት የሰላም እና ደህንነት ምክር ቤት፤ ፕሬዝዳንት አንድሪ ራጆሊና ከሀገር መውጣታቸው ከተዘገበ በኋላ በማዳጋስካር ያለውን ሁኔታ በተመለከተ አስቸኳይ ስብሰባ ማድረጉን ተከትሎ የመጣ ነው።

◻️ ከደቡብ አፍሪካ ልማት ማህበረሰብ እና ከህንድ ውቅያኖስ ኮሚሽን ጋር በመተባበር "ሰላማዊ፣ ሁሉን አቀፍ እና አፍሪካ መር የመፍትሄ ሂደትን" ለመደገፍ ዝግጁ ነኝ ብሏል።

👉 ኅብረቱ "ማንኛውንም ሕገ-መንግሥታዊ ያልሆነ የመንግሥት ለውጥ በጽኑ እንደማይቀበል" በድጋሚ ያስታወቀ ሲሆን፤ "በእርጋታ እና በሕገ-መንግሥታዊ ማዕቀፍ ውይይት ማድረግ" አስፈላጊ እንደሆነ አጽንኦት ሰጥቷል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇪🇹 አራት የኢትዮጰያ ባንኮች በአፍሪካ 100 ምርጥ ባንኮች ዝርዝር ውስጥ ደረጃቸውን አሻሻሉ

🌍 የአፍሪካ ቢዝነስ መጽሔት ባወጣው የ2025 የአፍሪካ 100 ምርጥ ባንኮች ደረጃ ዝርዝር ላይ የኢትዮጵያ ንግድ ባንክ 29ኛ ደረጃውን ሲያስጠበቅ አራት ተቋማት በከፍተኛ ደረጃ ማሻሻል አሳይተዋል፡፡

➖ አዋሽ ባንክ አ.ማ. 18 ደረጃዎችን በማሻሻል 50ኛ ደረጃን ይዟል፣
➖ የኢትዮጵያ ልማት ባንክ ከ44ኛ ወደ 43ኛ ከፍ ብሏል፣
➖ ዳሽን ባንክ በ16 ደረጃዎች ከፍ ብሎ 71ኛ ሆኗል፣
➖ አቢሲኒያ ባንክ በ17 ደረጃዎች ከፍ ብሎ 72ኛ ሆኗል፡፡

📈 በ100 ምርጥ ባንኮች ዝርዝር ውስጥ በ2014 ሁለት ባንኮች የነበሯት ኢትዮጵያ ዘንድሮ 93ኛ ደረጃን በመያዝ ወደ ዝርዝሩ የተካተተው የኦሮሚያ ህብረት ስራ ባንክን ጨምሮ በአሁኑ ወቅት ስድስት ባንኮችን ማካተት ችላለች፡፡

አህጉራዊ ደረጃን የሚመሩ ባንኮች፦

🇿🇦 ስታንዳርድ ባንክ ግሩፕ (13.2 ቢሊዮን ዶላር) መሪነቱን አስቀጥሏል፣
🇪🇬 የግብፅ ብሔራዊ ባንክ (7.3 ቢሊዮን ዶላር)
🇲🇦 የሞሮኮው አቲጃሪዋፋ ባንክ (6.2 ቢሊዮን ዶላር)

◻️ በምስራቅ አፍሪካ ቀጣና ኬንያ በአስር ባንኮች መሪነቱን ይዛ ብትቀጥልም፤ የኢትዮጵያ ባንኮች በምስራቅ አፍሪካ የፋይናንስ ዘርፍ ተወዳዳሪነታቸው እየጨመረ መጥቷል፡፡

✅ ስፑትኒክ ኢትዮጵያ | 📲 መተግበሪያ | 👉 X