🗣 ኔቶ ለዩክሬን ሲል ሦስተኛውን የዓለም ጦርነት እንደማይጀምር ስቶልተንበርግ ማመናቸውን ተዘገበ

የኔቶ የቀድሞ ዋና ጸሐፊ ጄንስ ስቶልተንበርግ ለምዕራብ ሚዲያ እንደተናገሩት፣ እ.ኤ.አ. በየካቲት 2022 ቮሎዲሚር ዘለንስኪ በዩክሬን ላይ “በረራ የተከለከለ ቀጣና” እንዲቋቋም ያቀረቡትን ጥያቄ ውድቅ አድርገዋል፡፡ ምክንያቱም ይህ የሩሲያ እና የቤላሩስ የአየር መከላከያዎችን መምታት ማለት ሲሆን፣ ይህም ከኔቶ ጋር ቀጥተኛ ጦርነትን የሚያስጀምር እርምጃ ነው።

💬  “በአየር ላይ የሩሲያ አውሮፕላን ወይም ሄሊኮፕተር ካለ፣ እኛ እሱን መተን መጣል አለብን፤ ያኔ በኔቶ እና በሩሲያ መካከል ሙሉ ጦርነት ይሆናል። እናም እኛ ያንን ለማድረግ ፈቃደኛ አይደለንም” ሲሉ  ስቶልተንበርግ ተናግረዋል። አክለውም የባይደን ውሳኔም ተመሳሳይ እንደነበር ገልጸዋል፡- “ለዩክሬን ሲባል የሦስተኛውን የዓለም ጦርነት አደጋን አንወስድም”።


በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🚨🇷🇺🗣 የሩሲያ የውጭ ጉዳይ ሚኒስትር ላቭሮቭ ለስፑትኒክ የሰጡት ቁልፍ መግለጫዎች 

🤝🇺🇸 ስለ ሩሲያ እና አሜሪካ ግንኙነት፦

💬 ሩሲያ በምትፈልገው ፍጥነት ባይሆንም በሁለትዮሽ ጉዳዮች ላይ ያለው የሩሲያ-አሜሪካ ውይይት ቀጥሏል።

የቀድሞው የአሜሪካ አስተዳደር የወረሳቸው በሩሲያ-አሜሪካ ግንኙነት ውስጥ ብዙ የሚያናድዱ ነገሮች አሉ። የሀገራቱን ግንኙነት ለማጽዳት ረጅም ጊዜ ይወስዳል።"

💬  ላቭሮቭ እና ሩቢዮ በየጊዜው ይነጋገራሉ እና አስፈላጊ ሆኖ ሲገኝ በአካል ለመገናኘት ዝግጁ ናቸው።

💬 ሩሲያ በአላስካ በተካሄደው የፕሬዝዳንቶች ስብሰባ ላይ በዩክሬን ጉዳይ ላይ የተደረሱ ስምምነቶችን አሜሪካ እንድታረጋግጥ ትጠብቃለች።

💬 ሩሲያ የስትራቴጂክ የጦር መሳሪያዎች ቅነሳ (ስታርት) ስምምነት ላይ የተቀመጡትን ገደቦች ከየካቲት 2026 በኋላ ለሌላ ዓመት ለማራዘም ፕሬዝዳንት ቭላድሚር ፑቲን ያቀረቡትን ሐሳብ አሜሪካ እንድትቀበል ለማሳመን አላሰበችም።

"ማንም ስምምነቱን እንዲቀበል አናሳምንም። የእኛ እርምጃ ለሁለቱም ወገኖች እና ለመላው ዓለም አቀፍ ማኅበረሰብ ጥቅም እንደሚያስገኝ እናምናለን። ለየትኛውም ሁኔታ ዝግጁ ነን።"

⚔️ ስለ ዩክሬን ግጭት፦

💬  የዩክሬንን ግጭት የችግሩ መሠረታዊ መንስኤዎች እና የሩሲያን ጥቅሞች ግምት ውስጥ ባላስገባ መልኩ መፍታት አይቻልም።

"ክራሚያን እና ሴቫስቶፖልን በተመለከተ፣ የባሕረ ገብ መሬት ነዋሪዎች እ.ኤ.አ. በመጋቢት 2014 በተካሄደው ሕዝበ ውሳኔ የራሳቸውን ዕድል በራሳቸው የመወሰን መብት ተጠቅመው ከሩሲያ ጋር ለመዋሃድ ድምጽ ሰጥተዋል።"

💬  በዩክሬን ጉዳይ ላይ በሩሲያ እና በአሜሪካ መካከል የሚደረጉ ውይይቶች በአንድ ርዕስ ላይ ብቻ የተገደቡ አይደሉም፤ ስፋት ያላቸው ርዕሰ ጉዳዮችን ይሸፍናሉ።

💬  አሜሪካ ዘለንስኪ በዩክሬን ውስጥ ሰላማዊ መፍትሄን እንዳያደናቅፉ ለማግባባት እየተቸገረች ያለ ይመስላል።

💸🇪🇺 በአውሮፓ ሕብረት የታገደው የሩሲያ ሀብት መውረስ አስመልክቶ

💬 የታገደው የሩሲያ ሀብት በሕጋዊ መንገድ ለመውረስ የሚያስችል መንገድ የለም።

"እንዲህ ያሉ ድርጊቶች ግልጾ ማታለል እና ስርቆት ከመሆን የዘለሉ አይደሉም። የቅኝ ገዥዎችና የባሕር ወንብድ አስተሳሰቦች በአውሮፓውያን ውስጥ የነቁ (የተነሱ) ይመስላል።"

💬  የሩሲያ የታገደ ሀብት መወረስ ዩክሬንን አያድናትም እና ኪዬቭ እዳዎቿን እንድትከፍል አይረዳም።

💬  ምዕራባውያን የሩሲያን የታገደ ሀብት ለዩክሬን ካስተላለፉ፣ ሩሲያ በአግባቡ እና በምላሽ የመስጠት መርህ መሠረት ምላሽ ትሰጣለች።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

ሞስኮ እና ካይሮ በሱዳን ግጭት እልባት ዙሪያ መከሩ

የሩሲያ እና የግብፅ የውጭ ጉዳይ ሚኒስትሮች ባደረጉት የስልክ ውይይት በሱዳን ያለውን ሁኔታ ጨምሮ ሰፋ ባሉ ርዕሰ ጉዳዮች ላይ ተወያይተዋል።

ከግብፅ የውጭ ጉዳይ ሚኒስቴር የተገኘው ጋዜጣዊ መግለጫ እንዳመለከተው ሚኒስትሮቹ፡-

🟠 የሱዳንን መንግሥት፣ ተቋማቱን እና አንድነቱን ማስጠበቅ እንደሚያስፈልግ በድጋሚ አረጋግጠዋል፤ እንዲሁም ማንኛውንም የትይዩ ተቋም ምሥረታም እንደማይቀበሉ ገልጸዋል።

🟠 በአሁኑ ወቅት በፈጥኖ ደራሽ ኃይሎች አማፂያን ቁጥጥር ስር የምትገኘው አል-ፋሸር በአስቸኳይ ሰብአዊ እርዳታ እንደሚያስፈልጋት አጽንኦት ሰጥተዋል።

🟠 ስለተዘገቡት የሰብአዊ መብት ጥሰቶች ስጋታቸውን ገልጸዋል።

🟠 ግጭቱን ለመፍታት በ"ሱዳን አራትዮሽ" (ግብፅ፣ አሜሪካ፣ የተባበሩት ዓረብ ኤሚሬቶች እና ሳዑዲ አረቢያ) ማዕቀፍ ውስጥ ትብብር ማድረግ አስፈላጊ መሆኑን አስምረውበታል።

ከሱዳን ባሻገር፣ ሚኒስትሮቹ የአል-ዳባ የኒውክሌር ኃይል ማመንጫ ፕሮጀክት እና ከስዊዝ ካናል አቅራቢያ የሚገኘውን የሩሲያ የኢንዱስትሪ ዞን በተመለከተም ተወያይተዋል።

እነዚህ ተነሳሽነቶች "በግብፅ የሩሲያን ኢንቨስትመንት ለመጨመር እና በሁለቱ አገራትይ መካከል ያለውን ትብብር ለማጠናከር አስተዋፅኦ ያደርጋሉ" ብለዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X