‏جعل كل أيام عمرك ربوعٍ في ربوع
‏ أنت ياللي تفضح الزين ليلة الأربعاء .

إمتلكتي غايته ! .. لو كان ماله فيك " غايه "
‏و إنتصرتي في عيونه و إعترف لك بـ الهزيمه

‏أنتي ( الفارع ) بـ قد و جد و أسماء و كنايه
‏من عشق مثلك يجوز من الهوى و شداد ريمه .

اللهم صل وسلم على نبينا محمد .

-

أشوف المبادي والتقاليد والأعراف
‏خواطر يتامىّ مالقت من يجبّرها

‏أشوف الهقاوي باركه والوهم سيّاف
‏وتقبل مشاريهي رجاء ويتعذّرها

‏أكابر عن الخذلان والظلم والإجحاف
‏وأثر ما يضر العالم إلا مكابرها .

أجفاك و أقاصيك حب و كرامة
أبغاك مني ما تضيع أنت بالذات

أبغاك تبقى قامةّ ويش قامة
و أرفض مطيحك لو تطيح السماوات

لو أصلبك و تضل مرفوع هامة
مثلك حرام يطيح حتى لو مات .

‏كل منشوقة قوامٍ و نقاضة جعود
‏جعلها تفدا مواطيك يالترف العنيد .

لو ان ساقي من اللوعة يبي يبرك
‏إلا ان وجهي من الحشمة يبي الحشمة .

يرتاح من حطوا على راسه الطين
ويشقى بعده اللي تعوّد وجوده .

بنت عزٍ ماهي من بايعات الغرام .

انا لو مايشفع لي معك حظي المنحوس
شفع لي وفاي وكبر شاني وثقل اسمي .

يا حسنٍ كل ما طرّوا ذوات الحسن والأنساب
‏عرفت إنك من أحفاده وجدّانك من أسلافه

‏ورثتيهم مثل ورث الملوك اللي تقص أرقاب
‏ويزبن في ذراهم من خسر داره .. ومشرافه .

‏اعذرني ان خاب ظنك يا سمو العشير
بغت تزين الظروف و غيّرت رايها .