يرتاح من حطوا على راسه الطين
ويشقى بعده اللي تعوّد وجوده .

بنت عزٍ ماهي من بايعات الغرام .

انا لو مايشفع لي معك حظي المنحوس
شفع لي وفاي وكبر شاني وثقل اسمي .

يا حسنٍ كل ما طرّوا ذوات الحسن والأنساب
‏عرفت إنك من أحفاده وجدّانك من أسلافه

‏ورثتيهم مثل ورث الملوك اللي تقص أرقاب
‏ويزبن في ذراهم من خسر داره .. ومشرافه .

‏اعذرني ان خاب ظنك يا سمو العشير
بغت تزين الظروف و غيّرت رايها .

يازين الصبر زيناه لو هو ما حوله زين
عسى صبري اللي يوجّع الكبد يشفع لي .

وش قيمة سلاحي ليا قابلك يالسحر المباح
‏ كم عالمٍ من نظرة عيونك زهقّت أرواحها

‏ لا والله ان سلاحي اللي في يدّي ما هو سلاح
‏انشهد ان الموت منها و السلاح سلاحها .

اللهم صل وسلم ع نبينا محمد .. اللهم في يوم الجمعة جمل حالنا وأحوالنا وأجعل للسعادة مستقراً في قلوبنا وأجعل لنا من كل ضيق مخرج .

ولا يجرحك مثل الخطا من طرف غالين
وكلٍ يجي رزقه على قد نياته

وراعي الوفا ينهج على منهج الوافين
ومتصنّع الطاله تضيع اتجاهاته

وأنا منزلي عند النشاما يسر العين
وقسمي مع اهل الطيب علّيت راياته .

يا الغايب اللي لا جيت .. أفز لك فزه
‏لا تختبر صبري .. و تستنزف أبياتي !

‏من صرت أقدّر صباح السبت و أعزه
‏دريت ، بـ إنك سبب في كل ضحكاتي .

لا تسكت سولف أنت السالفه بـ شْفاك ما تنمل
‏معك حلو الكلام اللي يجي في .. غير ميعاده .

كل ما أذنبت وتذكرت غفّار الذنوب
‏تنغرس بين الجوانح قواطيعٍ رهـاف

‏والله لا فيني جهالة ولانيب مغصوب
‏غير يشعاني من إبليس وأعوانه إشعاف

‏أنجرف للهو، والغيّ، واللحن الطروب
‏وإن سمعت الله أكبر خفق قلبي وخاف

‏يا الله اغسلني بعفوك وشدّ أزري بتوب
‏ساعةٍ طاحت دموعي على صحن الطواف .

‏- سعود مبارك .

نسيت اني سليل المجد لاخايف ولا محدود
‏انا اللي بقطع ذراعي قبل لاتلوي ذراعي .

اللي يشوّه صورة ايامي ظروف
اللي يحسّن صورة ايامي أنتي .

لا تردّى وأنت عندي مقدر ومحشوم
لجل ماعدك من أهل المقابر وأنت حي .

يارب الفرحة ليا زانت من يديني تروح
مير العزا بإن الولي لاحب له عبدٍ إبتلاه .

لا تزيديني من الحرمان محرومٍ بليّا
‏يالحياة اللي ثلاث ارباعها حزن وسماجه .