‏الحكيم تعرفه من سؤاله، والذكي تعرفه من جوابه.
‏- نجيب محفوظ

للغياب أسباب غامضة وللحضور حجة معلنة فما بين سنعود وعدنا فاصل من تفاصيل الحكايات التي لولا صمودنا وصبرنا عليها ما كانت لنا دروس من تجارب الازمان 💛

#صالحة_الهادي
#العودة 💛

نحن في أمدرمان العمر سرقنا والله
في سنتين الحرب دي كبرتنا شديد وانتهينا
والحياة فاتتنا كتير والله
الحزن بقى ظاهر في عيونا وفي اشكالنا وحتى لبسنا، ما الناس الكانت زمان نضيفة
حتى الملابس الجديدة بقينا نستخسرها في نفسنا
الناس بقت مزهللة شديد وما بتقدر تسمعك أقل من دقيقة حتى عيونا بقت متغيره والله
كنا صامدين وبنقول نحن أقوى بس كتر شديد علينا والله

بنمر بكوليرا وأزمة بنزين وقطوعات كهرباء لأيام طويلة
وبرمجة لساعات طويلة..
ونقل موية غير غلاء المعيشة وغلاء الأدوية
من مقابر لمقابر ومن بكاء لبكاء حتى أشكال المناسبات راحت من بالنا وبقينا مابنتذكر فرحتها كانت كيف
الناس ماشة لقدام، نحن في أمدرمان ماشين لتحت شديد.
اسأل ليك زول قول ليو آخر مرة اكلت ليك وجبة كان نفسك فيها متين؟.

حتى نحن اتغيرنا وبقينا باهتين وما بنتكلم كتير وما بنحب الظهور عايزين اليوم يعدي وبس، غير الحالة النفسية الداخلة فينا.
الله المستعان


منقول بحب 💛

الحمد لله حمداً كثيراً طيباً مباركاً فيه 💙
4.00
خريجة بإمتياز 🥹💙💙💙
وبروف الدفعه 💙

النجاح ده ما جاني مُقدَّم في طبق من ذهب، المعدل بيحكي وراه قصة طموح وصبر لا يعرف حدود.

أنا كنت وما زلت بعاني من ضعف سمع أصابني فجأة وعمري ١٠ سنوات، كنت بخش المحاضرات ما بقدر أسمع ولا أستفيد شي، بس عشان أشيل حضور، ما أكثر.

ومرات كنت بشرح للدكتور حالتي، فبيتفهم وبيعفيني من الحضور، الحمد لله.

كنت لا بقدر أسمع ريكورد، لا فيديو، لا غيرو، حاولت أبحث عن برامج تترجم لي الريكوردات، كلها فشلت وما لقيت شي يساعدني.

بقيت بقرأ برايي، فكان عبارة عن اجتهاد شخصي، الناس كانت بتوصل للمعلومة بخط مستقيم، لكن أنا كنت بمر على جبال من التعب والمعاناة عشان أوصل نفس النقطة.

لكن بتوفيق ربنا ورحمته وفضله، نجحت وجبت البروف وقفلت المعدل 😭💙
أثبت إنو النجاح مثابرة، ما إمكانيات، وأهم حاجة توفيق من الله 💙💙💙

وبكده نقدر نقول وبكل فخر:
رسمياً: شيراز محمد أحمد / أخصائي ثاني مختبرات طبية - قسم أمراض الدم والمناعة 💙

"إذا غامرتَ في شرفٍ مروم... فلا تقنعْ بما دونَ النجوم" 💙


Shiraz Moh Ahmed 💛✅

مساء الخير وبعد:

اتعودوا تخلّوا مسافات وتخُتوا حدود!

حلوة الرسمية
السلام من بعيد
الكلام السطحي
الضحكات الخفيفة
والمواضيع العامة

أما العمق والقرب والمحبة
مشاعر ليها ناسها ما أي إنسان من حقو ياخدها 💙

في حواراتنا الطويلة والمعقدة حين يقول " بنسبة لي . .

" تنتهي عندي وجهة نظر العالم"

بطولة الإنسان في هذه المرحلة، أن يبقى حيًّا، وشريفًا، وألّا يفقد عقله.

عبد الرحمن منيف✅💛

هي الخوه زاتها خشم بيوت 😕🤚

‏إذا كانت البدايات وحدها جميلة
دعنا نبدأ مجدداً
دعنا نبدأ مراراً وتكراراً
دعنا لا ننتهي أبداً
دعنا لا نتوسط ولا نتعمق ولا نمل فننتهي
دعنا نبدأ ثم ننسى إننا بدأنا ونعيد البداية
وننسى دائما
ان هناك نهايه❤️

‏هاتي يديكِ لكي أقبّل عطرها
أخشى غدًا أنْ لا يكونَ لقاءُ
هاتي يديك لكي أحقق ثروتي
فبدون وصلكِ كلنا فقراءُ
إني أعاني في الشعور هشاشةً
كوني بقربي فالحنان غذاءُ
وتحدثي .. إني لأعشق لثغةً
منها أمامكِ يركع الفصحاءُ
وتدللي .. وتغنجي .. وتبختري
مَن غيركِ القديسة الغيداءُ؟

والله انا أسهل زول ممكن تفصلو من حياتك، ما ح أسالك ليه ولا في شنو زاتو...

نظرياً : أنا عايز اسافر
عملياً : مامعاي إلا دُعاء السفر

شوف أنا عايزك تركز جداً في البوست دا
وتفهم كل حرف فيه 🤍

الحياة دي كلها بالنسبة لي عبارة عن معادلة
موزونة كالأتي :

أعمال صالحة + إجتهاد دنيوي + رضى = سعادة الدنيا والأخرة 🤍

الكلام دا معناه شنو ؟
معناه السعادة الحقيقية في إنك تكون قريب من ربنا
وجاهز للموت في أي لحظة 🤍😁
ودي طمأنينة 🤍
صلاتك في وقتها ..قرأنك ملازمك وتسبيحك وذكرك
ونوافلك .. وتركب عودك في أي عمل صالح بنفعك
لقيت شغل خير تشتغل .. بئر تشارك فيه بجنيه
المهم تنجض عبادتك 🤍

وكشاب مفروض تجتهد جداً في حياتك الدنيوية
تكالح يمين وشمال وتتقطع في شغلك وتمسك دا
وتفك دا لحدي ترسى علي خير 🤍

فحتلقى نص حياتك عبادة وسكينة ونصها التاني إجتهاد
في الشغل عشان توفر حياة كريمة 🤍

عن وردي لمن قال:
بعيد منك يموت صوتي.. ويغيب فرح الزمن يكمل وانت معاي ولا بندم..💛
و عن النصري لمن قال:
وانت معاي تبقى الدنيا زي جنة ويكون فيها الفراق مافي...💛

بإختصار شديد السعادة بتكمل لما نكون مع الناس البنحبهم..💛

#بيكو

قواعد شيلهم في حياتك برواق ☕💛


-عيش بالصبر فالصبر نهايتو جبر💛
-قول السمح ولو كان علي سبيل جبر الخاطر💛
-ما تنبش النهايات لانو البداية الجميل ثمرة ممكن تنمو بعد النهايات الحزينة💛
-لو اتعلمت انك تحسن اليقين بالله حتفهم بتوقيت قريب انو حسن يقينك بربك هو سر قوتك 💛
-ما تتسبق الاحداث كل المكتوب بجي في وقتو💛
-اغنج بخطواتك علشان تظهر بشريات انجازاتك💛
-مفاتيح الفرج كتيير بس انت خلي عندك بصيرة💛
-الباقي علي الماضي اصيل والاصالة ذوق ما مقسوم للجميع💛
-ما تختلف مع اخوك في حاجة مخلوقة علشان تزول لانو اخوك لو قيمتو بالعمرو قصير عمرك ما بتتقيم عندو بالتقيل💛
-افتح للاحزان باب الفضفضة فالحزن بالمشاركة مع البتحبهم بخف💛
-ما تكن عدو لعدو ولا عدو لحبيب فالمسامح متسامح مع نفسو قبل غيرو والحاقد عدو لنفسو قبل غيرو 💛
-كل ما تتفتح عليك احمد الله وصدقني الراجى من الله بعيش وبتعلى💛
-القراية مقياس الشهادة والخبرة مقياس سوق العمل💛
-ختاما اوعا تنسى رد الجميل صعب لكن حفظ الجميل واجب 💛

#صالحة_الهادي ✍️

في ختام اليوم اللطيف ده عاوز أقول..
اخسروا كل شيء.. بس ما تخسروا أهلكم..
لو في شخص واحد ح أقول ليك تعال على نفسك عشانه.. فهو كل فرد من أسرتك..
أي جهد مبذول عشانهم ما ضاع..
أي مال مبذول عشانهم ما ضاع..
أي أذى تحتمله منهم أو ليهم.. إنت مأجور عليه أضعاف..
ومن غير ما تنتظر منهم شكر أو رد جميل..

يا عزيزي.. لو كل العالم ضدهم.. خُد صف أهلك في كل شيء..
لو أخوك غلطان.. اقعد واتكلم معاه.. بس عمرك ما تجاهر بخلافاتكم.. أو تعيبه قدّام غريب..
لو عمل مهما عمل.. آخرك تسكت بس..

طبعًا متفهم دايمًا.. إنه في أفراد أذاهم لا يُحتمل حتى على أسرهم..
فعلاج الحاجات دي بكون بتخفيف التواصل والمعاملات المشتركة.. وتقليل أسباب الصدامات..
والدعاء ليه وليك بالهداية، والإصلاح..

وربنا يحفظ لينا كل أهلنا يا رب.. ويرزقنا ويرزقهم الصبر والحكمة..

#علي_عباس