يا جماعة العرس دة ما بالبساطة الانتو شايفنها دي ..
ما اي أتنين بحبو بعض خلاص مفروض يعرسو ..
ما معناها البت وصلت سن معينة خلاص مفروض تعرس
ولا أنك تشوف ليك بت سمحة في عرس أو يرشحوها ليك تقوم تعرسها ..
العرس دة مسؤولية كبيرة شديد ، تكاد تكون أكبر مسؤولية بيشيلها الانسان طول حياته
أنا بستغرب شديد من الناس اللي أول مما أوضاعها المادية تتحسن أول شي بيفكرو فيهو العرس بدون مراعاة لانه هل هم قادرين يفتحو بيت فعليًا ولا لا
العرس أساسه انك توصل مرحلة كافية جداً من النضج البخليك قادر تشيل مسؤولية نفسك أولاً
ودرجة كافية من العقل إنك تقدر تتعامل مع مشاكل الحياة ،ومع المشاكل البتحصل ليك مع الشريك بصورة كويسة.
ودايماً تحاول تطلع بأقل الخسائر
العرس دة عمر كامل يعني حتى الحب دا بيكون أول ايام بس بعدها بتظهر الحاجات على حقيقتها بعيداً عن بريق الحب ،
بتظهر العيوب الكنتو غاضين النظر عنها قبل العرس
وبعدها الموضوع ببقى فيهو أطفال وتربية وسهر وتعب ..
ياخي أسوأ شي ممكن تعمله لأطفالك إنك تجيبهم في بيت مشوه ، الأطفال ما بينسو المشاكل البتحصل قدامهم وبتكون الحاجة دي قاعدة في نفسهم دايماً ..

إذا ما ضامن انك ح توفر لأولادك بيئة كويسة ما تعرس ..

إذا شايف في إختلاف جوهري ما بتجازف بينك وبين شريكك ما تعرس ..

إذا كان الحب هو الدافع الوحيد للعرس بدون وجود أرضية تفاهم مشتركة ما تعرس ..

إذا ما حتقدر تعامل أولادك بدون ما تفضل واحد على التاني ما تعرس ..

إذا ما حتقدر تكون إنسان متزن نفسياً وقدوة حسنة قدام أولادك ما تعرس ..

والله أسوا شي بنعاني منه نحن كسودانيين تحديداً التشوه الأسرى دا لأنه دي الحاجة الوحيدة الما بتتجازف ، ودي الحاجة الوحيدة اللي عمره البني آدم ما حيقدر يتعافى منها ، كونه يطلع من بيت كله مشاكل وخلافات
فأنا شخصياً بحترم شديد الأسر القدرت تتكيف مع صعوبات الحياة وقدرت تطلع في الآخر أبناء معافيين نفسياً ..

فـا رفقاً بأنفسكم ورفقاً بأولادكم ياخ

منقول بتصرف

«عندما تتعافى وتنضج، ستدرك أن:
- وضع الحدود ليس أنانية.
- الخلاف ليس هجومًا شخصيًا.
- رأي شخص آخر فيك، ليس انعكاسًا لقيمتك.
- العناد لا يحمي صورتك الذاتية.
- النميمة ليست تواصلًا.
- ما تعتقده ليس صحيحاً دائمًا».

د-تيسير حسون

♥️

علاقاتنا هي مشاريعنا الخاصة و استثماراتنا الخاصة شديد ..

اذا ما بذلنا فيها مجهود و تعبنا عليها مستحيل نتوقع منها تنمو و تزدهر .

الناس بتدخل العلاقات و بتتوقع منها تمشي و تكبر بالانقسام الفتيلي بس و انت كل اللي عليك تقعد تتفرج .

و دة من أهم اسباب فشلها و بؤسها ..

أو انها بتدخل العلاقة و تتوقع انها في العلاقة دي متلقي بس كل اللي عليه انه يستقبل هبات الطرف التاني ..

اللي ما بقدر يستثمر في العلاقة ما يقبل عليها ..

انت لما تفتح مشروع مستعد ما تنوم الليل و انت واقف على نجاح كل خطوة فيه .

العلاقات العاطفية أكبر و أضخم مشروع تستلمه .. لو ما وقف على كل خطوة فيه

لو ما اتقبلت انه في خطوة في المشروع دة ممكن ما تنجح زي ما عايز

دة ما معناته المشروع كله فشل .. دة معناته انك تقعد تراجع نفسك و خطواتك السابقة و شنو ممكن يتصلح ..

مستحيل ما نختلف .. مستحيل ما نتشاكل .. مستحيل!

المجهود الحقيقي ما اننا ما نختلف او نتجاوز .. لا المجهود الحقيقي في اننا بنتعامل كيف مع الخلاف و بنعامل بعضنا كيف في الخلاف!

المجهود المقصود اننا نبذله ما في الخلافات و بس .. لأنه الناس عندها مفهوم مغلوط انه الخلافات هي اللي عايزة الناس تتناقش

حتى اللي متفقين فيه ..

كيف نطور من بعض .. كيف نتقدم في الحياة .. انا ح اعرف اقدم ليك شنو .. و انت حتقيف وين مني

نحن شركاء بالفعل ولا بس اتنين عايشين مع بعض و كيفما اتفق الحياة ماشة !

ما كل انجذاب بين اتنين بيعني حب .. ما كل حب ييعني علاقة و ما كل علاقة هي فعلا علاقة صحية و ناجحة !

الحب ديدن الحاجات و أساسها و ملحها ، لكنه ما كل شي

ان انت لم تجتهد و تسعى انك تكبر حبك ، مشروعك ، و انتاجك في الحب ..

فإنت مجرد مستهلك بائس منتظر الحياة تتصدق عليك بمنحاتها و تهديك نفسك في آخر الطريق و دي حاجة أقرب لأحلام اليقظة منها للواقع !

لما تقول لي زول بحبك و عايزك معاي ، أسأل نفسك ، كيف تُبنى الحيوات و كيف تأسس المشاريع ؟

و اذا ما بتعرف اتعلم ، نحن بنتعلم عشان ننجح في اي حاجة كيف ما نتعلم ننجح حبنا و حياتنا ..!

هذا الصباح متأخر..

ما بتعرف الحب كنت تسأل عنه !

♥️♥️♥️

#سلمى_المصباح

"معاد نشره

عبارة (نحن نحيا مرّة واحدة) يجب أن تُقرأ كخبر عاجل كل يوم.
- عبدالرحمن الحميري

‏هناك صنفٌ مِن العلاقات اسمُه علاقة "مُرِيحة"، ولا يُمكن وصفه بأبلغ مِن ذلك، وَهْم الأركان الآمنة، والزوايا الحَرجة، ومرافئ البوْح، وشواطئ الأمان، وملاجئ الهروب، ومخابئ التخفّي.!

واقعنا كسودانيين:.
يا تعيش مع اهلك بدون مستقبل
يا تعيش مع مستقبلك بدون اهل
💔

"أما السودان فأنا أحمله بين جوانحي حيثما ذهبت وحيثما أذهب هذا هو الوجع الأول والوجع البدائي واللانهائي"

_ الطيب صالح

عندما تكون مطمئن في قرارك ، لا تُكثِر المشورة.

الإنسان البطيء في إعطاء الوعود ، أكثر مصداقية في الحفاظ عليها .

وكيفن بيتحقق حلم..
لي ناس بتصحى عشان تنوم❓💔🥺

إترك القصة التي لم تعد تخدمك، فبقائها ضرر وسد أرزاق لخيرات تريد أن تجد طريقها إليك👌💛

ستدهشك سرعة انتهاء الأشياء التي أوهمتك
أنها أبدية

«إنهُ عالمٌ لا نحيطُ بوجودِه»

‏"مقياس القبول: يحبّونك الأطفال"

أول مَن يَركُض للمُساعدة ، مَن جرّب شُعور الهَلع .

‏هناك أمور جيدة لكنها ليست لك، وأشخاصٌ
رائعون ليسوا من نصِيبك، وأماكن رحبة لن
يكون لك متّسع فيها،
لا قَدْحًا فيك ولا منقصة، ولكن للحياة
احتِمالاتها ولن تُلائِمك كلها بالضرورة 💛

‏"أعلى مَراتب التوازن النفسي هو
‏عدم السّعي لتصحيح سُوء الظّن بك."
👌💛

‏"دائمًا أقول أن الحب هو المغفرة، لكن ثمة أشياء الله وحده يستطيع غفرانها. وأنا إنسان."

" لاَ تُواعِدُوهنَ سِرّاً "

للآبـاء شَرفْ، وللبيُوتِ أبْـوابْ، وللرِجَالِ عَهْـد.

قال رسول الله صل الله عليه وسلم :
"ما تركتُ بعدي فتنةً هي أضرُّ على الرجال من النساء"
#العوالق_عوائق