‏البيوت المضطربه وحدها تعرف قيمة اللحظات السعيدة حين تأتي .

أستثمر عواطفك في شخص شُجاع لا يضعك في موقف محرج تطرح من خلاله أسئلة حول قيمتك، مُعاشرة الجبناء مضيعة للوقت والطاقة .

‏رغبتي حاليًا الهدوء
‏هدوء المشاعر هدوء الأفكار، هدوء الأماكن 🤝🏻💛

يستحال أن أندفع مرة أخرى
أخر مرة أندفعت ناحية أحدهم
مشيت في أرجاء البيت
لا أعرف كيف أتنفس
من البُكاءِ والندم 💔🥺

"الأريحيَّة التي يقدّمها وجودك يشتريها الإنسان بثمَن عمره ولو كان قصيرًا."💛

كنت أريد أن يصبح هذا الحبّ
بيتًا أو قصيدة لا أعرف ما الذي
حوّله إلى سكاكين 💔

مِنْ يعرف قيمة نفسه لن يقاتل لأجل من لا يدرك قيمته.
-يوسف الحسني، اعرف وجهك الاخر

طوبى لمن طحنتهُ التجربة كالقمح حتى صار خبزاً

_ حسين البرغوثي

‏غازي القصيبي كان يقول لزوجته "جلوسي مع الناس واجب، وجلوسي معك مكافأة على اتمامي الواجب.

‏"قُربه آمن
‏بُعده آمن
‏في خصامه آمن
‏مِثلَ هذا الشخص أريد أن أبقى معه طوال حياتي حتى لَفظ أنفاسي الأخيرة."

قبل فترة قلتا لي شيختي
يا شيخة أنا عندي ذنوب كتيرة ومعاصي بعملا في حياتي
وبكون فعلًا خايفة من العاقبة وعايزة أتوب
لكن ما حاسة بي شعور التوبة الصادق ده من جواي
يعني من شروط التوبة الندم والإقلاع عن الذنب وكده لكن أنا ما قادرة أحس بالندم ده فهمتيني؟
فبالتالي ما قادرة أخلي المعصية أو الذنب المعيّن ده
كيف ممكن أحس بي شعور الندم ده فعلاً عشان توبتي تكون صادقة وأخلي المعاصي دي وانزع حبها من قلبي؟

فقالت لَي يا صفية:
"والَّذِينَ آمنوا أشَدُّ حُبًا لله"
البحب ربنا فعلًا، ما بقدر يحرم نفسو من قُربو ومن إنو يتقرَّب ليهو بي فعل الطاعات وترك المعاصي
لكن محبة ربنا دي أصلًا أنا ازرعا جواي كيف؟!

هنا ده مربط الفَرَس
هل بتقدر تحب ليك زول ساي كده بدون أي سبب؟! وتظَل تحبو وتتقرب ليهو
لابُد يكون في سبب للمحبة دي
لازم تكون أصلاً بتعرفو عشان تحبو، وكلما زادت معرفتك بي صفاتو الطيبة كلما زاد حبك ليهو
فالأصل في محبة ربنا هو=معرفة ربنا!!

معرفة الله عز وجل هي سبب رئيسي في إننا نكون قادرين فعلًا نحب ربنا ونتقرب ليهو بالطاعة وترك المعاصي

يعني لو ما عرفتَ ربنا ما حتقدر تعبدو حق عبادتو
وما حتقدر تقيم شرع ربنا في الأرض وفي نفسك وفي رعيتك!

فـ عليهِ ياخوانَّا

بإذنه تعالى في الأيام الجاية دي حيكون عندنا (رِحلة إلى السَّماء)

ح نتعرف من خلالها على الله سبحانه وتعالى من خلال اسمائهِ وصفاتهِ سُبحانه

كل يوم بإذن الله ح يكون عندنا (فقط نصف ساعة)
عبارة عن فويس (لايف)، ح اقرا فيو اسم من أسماء الله الحسنى مستعينة بكتاب الأسماء والصفات
والريكورد حيكون محفوظ للي ما حضرت اللايف
وفي نهاية التسجيل بإذن الله ح نطلِّف الفوائد المرقنا بيها سوا من الاسم ده
ونعتبرها دي خطوة من خطواتنا الصغيرة في طريق جهادنا لأنفسنا وتقويمنا ليها

العايزة معانا، تنضم للقناة من هنا:
https://www.tg-me.com/+Vcpc0yXLw7szMjQ0

ح ننزل جدول بإذن الله فيو مواعيد المجلس، والاسم اللي ح نتدارسو ده، ويليهِ ح نرسل الفوائد والمعاني اللي طلعنا بيها بإذن الله
(القناة بنات بَس، وحنقبل فيها فقط الأسماء الصريحة)🌸

وخِتَامًا..
كَمَا قالت تسنيم
"اِنفروا خِفَافًا وثِقَالًا"
_قادرة؟ ما تقصّري
=ما قادرة؟! اتقَدَّرِي♥️

#صفية_مصطفى

بنحب بس ما بنعرف نتكلم ..

♥️♥️♥️

ما عارفة ابدا من وين و محل ما مسكت بيوجعني. ..

أبدا من عننا جوة البيت الواحد و كلام أهلنا معانا و كلامنا مع أهلنا ، و لا أتكلم عننا ك أصحاب ، و لا عن كلامنا لي بعض في العلاقات ..

عندي زول بيحبني , اااي ، الحب الواحد دة ، ما كلام انا استنتجته ، لا هو زاتو بيقول كدة .

يجي يتكلم معاي ، اقول ليه كيف ما فهمت الحاجه دي ، يشبكني ليك انتِ غبية !!

اسكت كده و اقوليه قلت شنو ، في محاولة انه يراجع نفسه من التلبيخ دة ..

يزيد في النهره ، قلت ليييييك انتتت غبييية

اقوم اقول ليه والله ياخ يمكن ما سمعتك كويس ،

رده يكون ما سمعتي ليه ،، طرشا ؟!!

و قِس على ذلك ..

ناس انت حيوانة ، مالك بليدة كده ..

شي بي جدية و شي بي " هظار "

و بالله اقيف لي هنا و خت لي سبعة خطوط تحت هظار دي ..

يا جماعة .. الكلمات البتطلع مننا ، عندها طاقة ..

اااي energy و ذبذبات

‎ الكلام ده ما شايله الهوا و ماشي ، لا

الكلام عنده وقع على القلب و الروح و العقل الباطن

و دي حاجة خطيرة جدا ، معظمنا في مجتمعنا دة مسجلين فيها صفر !

الكلمة بتمشي عقلك الباطن و تقعد ، مش الكلمة بيقولا ليك الزول و بس

لا

الكلمة حتى البتقولا لي نفسك في ساعة زعل

انا بليدة خلاص ..

مخك ما عنده فلتر ، بتاع زعل و فرح و دة بيهظر و ده قاصد يكاويني عشان بيحبني ..

بيمسك الكلمة و بيخزنا و ببدا يتعامل معاها كشي من الحقيقة .. و من ثم تترتب افكار ، تدور حول الاحساس السالب دة و الافكار تترجم لي مشاعر و المشاعر دي ، تخلي تفاعل الكون كله معاك بي شكل افكارك اللي اصلا سالبة !

انا ما عايزة اسمع في حياتي من حبيب ولا عدو كلمة ما انا بريدك شديد و بعبر كدة

لا غلط .. انت بتأذيني و كلامك شييييين

كلامك ما مفروض يقولو عدو لي عدوه ، خليك من حبيب لي حبيبه ..

الاب في البيت داخل و طالع ، يقوليك شوف محمد ود عمك فلان شاطر كيف ، انت ليك سنتين في سنه تالته !!

ده هسي كلام احسن منه تدي ولدك رصاصة ..!

يعني لو ادينا اي اب دوشكا و قلنا ليه هاك رصص ولدك دة ،، ما بيقدر !

لكن هو ما عارف انه كلامه اللي هو فاكره عتاب ولا تحفيز ولا ما عارفه حب

اكعب من الرصاص ..

عندي صديقه رسلت لي قالت ، لي لما امتحنت الشهادة ما جبت درجة كويسة. ، لما جيت اعيد ، ابوي قال لي لزومه شنو، خشي اي حاجة و خلاص اصلك حتبقي دكتورة. !

تعليقات الامهات للبنات ، حتى بالضحك ، القدرك عرسو .. صحبتك بي اولادها ، عايني شكلك كيف ..

حاجات مخك بيكون شغال error , error , error

سلبية بس .. تمرق من بين الالف كلمه ، نص كلمة تقدير

الباقي كله سالب

المأساه انه نابع عن حب ؟

هو الحب غيروه ؟!!

الانسانية الي هي أكبر من الحب .. بتدعونا اننا ندعم بعض ، نحفز بعض ، نتكلم بي شكل ايجابي ، اضعف الايمان ما ندي بعض كلام سلبي و محبط ..

التعليقات المؤذية البنقولا لي اصحابنا بي دافع الضحك و الهظار ..

سمينة كده قدر الضربة ! ضعيفة زي العضام ، وشك المنقر ده ، بنطلونك الواحد ده ..!

ما تناقشني ، و تقول لي انا متصالح مع روحي و عادي

انت ذاتك غلطان اذا .. تتصالح شي ، و تسمح للطاقات الفي الكلمات دي تتسرب ليك شي تاني

مخك ما بيفهم كده . بيحتفظ بالكلمات دي و خلاص

عشان كدة كلنا بنحاول نغير في اشكالنا ولا في نجاحاتنا ولا في علاقتنا و ما بنعرف

لاننا اصلا وصمنا نفسنا قبييييل بالافكار المندرجة من التسميات دي و التعليقات دي و الافكار هي مكمن التغيير الحقيقي .. !

عندي صديقة حامل ، ربنا يتمم ليها على خير و يفرحا بالبيبي بتاعا ..

انا عارفة انها خايفة و سعيدة في نفس الوقت ، مقبلة على مرحلة جديدة في حياتا ..

اي زول يمسكا ، تاني مافي ليك راحة ، النوم دة ودعيه ، تاني راجلك ده انسيه ، شغل ؟ انت قايلة حتشتغلي تاني ؟!!

ليه يا جماعة

ليه مافي زول واحد يمسكا من يدها و يقوليها لما تمسكي طفلك كل الكون حيتغير و كل كعب حتنسيه و الحياة حتكون اجمل و انت حتبقي انثى استثنائية انت حتبقي أم و رضاك من رضا ربنا و الجنة تحت اقدامك ..

ليه ما في زول يكلمها عن اول مرة يبتسم فيها ، و اول مرة يحبي و اول ضحكه و اول شهاده روضه ..

ليه كلامنا كله كعب و مر و شين ! و نحن بنحب بعض

طيب لو بنكره بعض حنعمل شنو يا خواني !!!

هذا الصباح ..

فكر في كلامك لي اولادك ، لي مرتك ، كلام اولادك لي بعض ، فكرو في اصحابكم ، في علاقاتكم في حبيباتكمً..

و اوزن كلامك و احساسك قبل ما تقوله ،، لانه الكلام ما بيقع الواطه الكلام بيقع في القلب و العقل و الروح ..

و احنا انعكاسات النجوم

و الواطة ضل رامية السما !

#سلمى_المصباح

‏أفضلُ شيءٍ فعلته، كان التوقف عن إخبارِ الناس بما يحدث في حياتي .

يَـودُ الواحدُ منّا لو يُمسكُ بيدِ شخصٍ يُحبّهُ، ويقولُ لهُ : ناشدتُكَ الله، لا تتغيّر كما تغيّروا !💛

أنا حاجات ثانية كتير
بس معاك حابّه أبقىٰ سِت.

- أنغام.

احياننا المشكلة مش فيك؛ المشكلة في العين إللي ما بتكتفي بشي 👌🤝

كلو بمضي .. وكلو بي الايام بروح
لا سعيد داملتو فرحة
ولا حزين بيدوملو نوح 📌💛

لو عرفوك وين ماشي ، صدقنى مش حتوصل ، خليهم يفكروا انك تايه🤝👌

وتظلُ تبحثُ عن خيالٍ هاربٍ
شبحٌ يشابُهني ولَن تلقاني

لا شيء يمكنهُ اعادةَ ما مضى
انا لَن اعود، وانتَ لن تنساني !"

- أريد أن أكون أول شخص تذهب إليه عندما لا ترغب بمحادثة أحد, أريد الاستماع إليك حين يهاجمك ضجيج العالم.