🔴 🧠💡📚

❗️Кузги фойдали машғулот: Кунда бир соат пиёда юриш ҳаётимизни қанчалик ўзгартиради?

✅ Бугунги тезкор замонда узоқ вақт компьютер олдида ўтириш, смартфон ёки телевизор қаршисида вақт ўтказиш инсонлар саломатлигига салбий таъсир этмоқда.

🔎 Айниқса, камҳаракатлик туфайли кўпчилик ортиқча вазн, қон айланиш муаммолари, юрак-қон томир ва суяк-мушак тизими касалликларидан азият чекяпти. Бу глобал муаммонинг олдини олиш учун эса мутахассислар оддий машғулот — пиёда юришни тавсия этмоқда.

🚶Тиббий нуқтаи назардан қараганда, кузнинг салқин ва ёқимли ҳавосида яёв юриш нафақат жисмоний, балки руҳий саломатликка ҳам ижобий таъсир кўрсатади.

❓Хўш, унинг яна қандай фойдали жиҳатлари бор?

🤔 Гап шундаки, инсон ўзини ҳар томонлама соғлом ҳис қилиши ва ташқи кўринишининг кўркам бўлишида ушбу машғулотнинг аҳамияти катта. Сабаби яёв юрилганда гавданинг барча мускуллари ҳаракатга келади. Қолаверса, у ички органлар фаолиятига ҳам ижобий таъсир этади.

➡️ Натижада организмда моддалар алмашинуви яхшиланиб, юрак томирлари, шунингдек, нафас ва асаб тизими мустаҳкамланади. Эрталаб ишга кетаётган пайт пиёда юриш ҳам жуда фойдали. Бу вақтда инсон кечаси ухлаб, дам олгани сабабидан тўхтамай, 30-40 дақиқа бемалол яёв кеза олади.

📌 Ишхонадан чарчаб чиққандан кейин ҳам имкон бўлса, автобус ёки автомашинага чиқишга шошилманг. Йўлнинг бир қисмини пиёда босинг. Чунки фаол ҳаракат одамни тинчлантиради, чарчоқни олади.

📎 Шунингдек:

🔘 Бир кунда 4 маротаба 10 дақиқадан пиёда юришни одат қилсангиз, қон босимингиз меъёрлашади.

❇️ Тез-тез қадамлар билан кунига 120 одим ташласангиз, 15 дақиқада 100 ккал.дан халос бўласиз. Мана, сизга озишнинг арзон ва қулай усули!

🔎 Асабий иш кунининг “юк”ларидан халос бўлмоқчимисиз? Унда ҳар куни 20 дақиқа пиёда юринг. Натижа сизни хурсанд қилади.

🚬 Чекишни ташлашни истаганлар ҳам хумор тутганда 20 дақиқа пиёда юрсалар, бу хоҳиш айни шу дақиқаларда ўз-ўзидан йўқолади.

🔬Пиёда юриш ўт пуфаги ҳамда ичакларнинг тўлқинли ҳаракатлари ошиши туфайли ўт қопида тош пайдо бўлиши ва қабзиятнинг олдини олади.

✅ Ўтказилган тадқиқотларга кўра, доимий пиёда юрган инсонлар шамоллашни тезроқ енгиб ўтади. Сабаби у иммунитетни мустаҳкамлайди.

✔️ Таҳлилларга қараганда, ҳар куни 1 соат давомида пиёда сайр қилган кишилар юрак хасталикларига камроқ дучор бўлади. Шу билан бирга, у вегетатив асаб тизимининг ҳолатига ижобий таъсири орқали қон босимини пасайтиради, юрак фаолиятини яхшилайди.

‼️ Шундай экан, доимо пиёда юришга одатланинг!

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 1️⃣2️⃣3️⃣4️⃣5️⃣

📊 ЖССТ прогнозига кўра, 2050 йилга бориб, дунёда қандли диабет билан касалланган беморлар сони ҳозиргидан қарийб 3 баробар ортиб, бир ярим миллиард нафарга етиши мумкин.

🥙 Мутахассислар фикрича, бу хасталикни соғлом турмуш тарзи, айниқса, тўғри овқатланиш орқали "жиловлаш" мумкин.

📹 Юқоридаги видеороликда шу ҳақда сўз юритилади.

🔵@ssvuz|🔵@ssvmatbuotkotibi|👥Facebook | 📷Instagram

🔴 ‼️‼️

✅ Как было отмечено на прошедшей в столице международной научно-практической конференции на тему «Междисциплинарный современный подход к дерматовенерологии и эстетической медицине», в последние годы это направление в нашей стране динамично развивается.

❓ Так каких результатов удалось достичь за прошедший период?

❓ Какие задачи стоят впереди?

❓ И насколько полезными оказались выводы, полученные в ходе общения специалистов во время конференции?

📹 На эти и другие вопросы вы найдете ответы в видеосюжете, подготовленном Пресс-службой Минздрава.

Пресс-служба
Министерства здравоохранения.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

❗️ БМТ: Ҳар йили 1,2 миллион киши йўл-транспорт ҳодисалари қурбонига айланмоқда

🚗 Одамлар ҳаётига зомин бўлаётган омиллар кўп. Шулардан бири йўл-транспорт ҳодисаларидир.

📊 Бирлашган Миллатлар Ташкилотининг янги ҳисоботига кўра, ҳар йили дунё бўйича 1,2 миллион киши шундай ҳалокатлар қурбонига айланмоқда. Қолаверса, 50 миллионга яқин одам турли даражада тан жароҳатлари оляпти.

💬 БМТ Бош котиби Антониу Гутeрришнинг таъкидлашича, ҳозир йўл-транспорт ҳалокатлари дунёдаги ўлим сабаблари орасида саккизинчи ўринда туради.

📌 5 ёшдан катта болалар ва ёшлар орасида эса бу — энг кўп ўлимга сабаб бўлаётган ҳолат. Жабрланувчиларнинг катта қисми пиёдалар, велосипедчилар ва мотоцикл ҳайдовчиларидир.

🗣 Ташкилот раҳбарининг маълум қилишича, бу глобал муаммонинг оқилона ечими бор. Шаҳарсозликни яхшилаш, хавфсиз жамоат транспортини йўлга қўйиш, шлем ва хавфсизлик камарларидан мажбурий фойдаланиш орқали ижобий натижаларга эришса бўлади.

‼️Қолаверса, тезликни назорат қилиш ҳамда фавқулодда ҳолатлар учун самарали протоколларни жорий этиш миллионлаб инсонлар ҳаётини сақлаб қолиш имконини беради.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🖋 O‘zbekiston – Yevropa Ittifoqi: yangi bitim iqtisodiy sheriklikning arxitekturasini belgilaydi

↗️ Kengaytirilgan sheriklik va hamkorlik to‘g‘risidagi Bitim O‘zbekiston va Yevropa Ittifoqi o‘rtasidagi munosabatlarni yangi bosqichga olib chiqdi.

↗️ Hujjat nafaqat siyosiy muloqotni institutsional darajaga ko‘tarmoqda, balki iqtisodiy pragmatizm va amaliy manfaatlar asosida hamkorlikning huquqiy poydevorini yaratadi.

↗️ O‘zbekiston uchun Bitim Yevropa bozorlariga eksport imkoniyatlarini kengaytirish, xalqaro standartlarga mos ishlab chiqarish tizimlarini joriy etish hamda to‘g‘ridan to‘g‘ri xorijiy investitsiyalar oqimini tezlashtirish imkoniyatini yaratadi.

↗️ Shu bilan birga, u GSP+ imtiyozlaridan keng foydalanish va Jahon savdo tashkilotiga a’zolik jarayonini tezlashtirishga xizmat qiladi.

✅ Bitim O‘zbekistonning xalqaro munosabatlarida yangi bosqichni ochdi - geosiyosiy emas, iqtisodiy pragmatizm va amaliy manfaatlar ustuvor bo‘lgan sheriklik modeli.

➡️ Batafsil

Sog‘liqni saqlash vazirligi
Matbuot xizmati.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

❓Қорақалпоғистонда ташкил этилган “Аллергия ва астма” мактаблари қандай натижа бермоқда?

👩🏻‍⚕️ Илмира Разикова,
Республика ихтисослаштирилган аллергология ва клиник иммунология илмий-амалий тиббиёт маркази директори:

💬 — Оролбўйи минтақаси аҳолисида нафас йўллари билан боғлиқ сурункали касалликлар, жумладан, бронхиал астма ва аллергик ринитга чалиниш ҳолатлари нисбатан кўпроқ учрайди. Бу ҳолат ҳудуддаги экологик муаммолар ва уларнинг асоратлари билан боғлиқ.

📌 Шу боис кейинги йилларда давлатимиз раҳбари ташаббуси билан минтақада экологик вазиятни барқарорлаштириш чоралари кўрилмоқда. Ўз навбатида, бу ерда яшовчи аҳолининг саломатлигини тиклашга катта эътибор қаратиляпти.

➡️ Хусусан, марказимиз томонидан ўтган қисқа даврда Қорақалпоғистон Республикаси аҳолиси орасида атопик синдромни эрта аниқлаш, ташхислаш усулларини татбиқ этиш илмий-амалий лойиҳаси амалга оширилди.

🏥 Президентимиз топшириғига биноан, пилот лойиҳа сифатида Нукус шаҳри кўп тармоқли марказий поликлиникаси ва ҳудуддаги 10 та бирламчи тиббиёт муассасаси қошида “Аллергия ва астма” мактаблари ташкил этилди.

📋 Бунинг учун ушбу мактабларда фаолият юритувчи оилавий шифокорлар 36 соатлик ўқув дастурларига мувофиқ қайта тайёрланди. Хасталикнинг оғир шакл ва босқичларида аниқ ташхис қўйиш учун ана шу шифокорларга онлайн маслаҳатлар бериб бориш тизими йўлга қўйилди.

✅ Ҳозир “Аллергия ва астма” мактаблари томонидан нафас йўллари аллергик касалликлари билан оғриган беморларни махсус сўровномалар орқали аниқлаб, уларда махсус тери синамалари ҳамда текширувларни ўтказиш амалиёти жорий қилинган.

🔬 Қолаверса, марказимизнинг Қорақалпоғистон Республикаси филиали ва Нукус шаҳри кўп тармоқли марказий поликлиникасида илк бор ташқи нафас тизимига аллергенлар таъсирини провакация, яъни аллергенлар юборилганда бронхоспазмни юзага келтириш орқали текшириш усули йўлга қўйилиши муҳим янгиликлардан бири бўлди.

🔎 Айни пайтда минтақа аҳолиси орасида бронхиал астманинг молекулар-генетик маркерлар ёрдамида персоналлаштирилган клиник даволаш протоколларини ишлаб чиқиш лойиҳаси бўйича ҳам изчил иш олиб бориляпти.

📍 Нукус шаҳрида ўтказилаётган Саломатлик марафони доирасида бу йўналишдаги ишларимиз қамрови янада кенгайди. Марказимиз ва унинг тегишли ҳудудий филиалларидан жалб қилинган мутахассислар кўмагида минг нафарга яқин беморлар кўрикдан ўтказилди.

➡️ Текширувлар давомида бронхиал астма, аллергик ринит, қаварчиқлар ва атопик дерматит аниқланган беморларга саломатлигини тиклаш бўйича тегишли тавсиялар берилди.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram

🔴 🟦🟦🟦

❓Тиббий суғурта тизими қандай самара беряпти?

✅ Тиббиёт йўналишидаги туб ислоҳотлар моҳиятига инсон манфаатлари устуворлиги чуқур сингдирилган. Буни мамлакатимизда йўлга қўйилаётган давлат тиббий суғуртаси тизими ва унинг дастлабки натижалари мисолида ҳам кўриш қийин эмас.

❓Хўш, ушбу тизим қандай самара беряпти?

💬 — Президентимизнинг тегишли қарорига мувофиқ, 2025 йил 1 январдан Қорақалпоғистон Республикаси, 1 июлдан Навоий ва Самарқанд вилоятлари, 1 октябрдан эса Бухоро, Хоразм ва Қашқадарё вилоятлари муассасаларида давлат тиббий суғуртаси янги механизми жорий этилди, — дейди Соғлиқни сақлаш вазирлиги Тиббий суғурта бошқармаси бошлиғи Шуҳрат Алмарданов. — Аслида, бу борадаги ишлар 2024 йил 1 октябрдан Сирдарё вилояти ва Тошкент шаҳри муассасаларида бошланган бўлиб, ҳозирга қадар муайян ютуқлар қўлга киритилди.

📊 Давлат тиббий суғуртаси механизми жорий этилган ҳудудлардаги 167 та муассаса билан тиббий хизматлар хариди бўйича шартномалар имзоланиб, бирламчи тиббий-санитария муассасалари “аҳоли жон бошига”, стационарлар “ҳар бир даволанган ҳолат”, айрим муассасалар эса “глобал бюджет” усулида молиялаштирилмоқда.

📈 Натижада бирламчи тиббий-санитария ёрдами муассасаларига қатновлар 20 фоизга ошгани, тор соҳа мутахассисларига мурожаатлар 12 фоизга, туман ва шаҳар шифохоналарида даволанган беморлар 16 фоизга камайганлигини мамнуният билан таъкидламоқчимиз.

💊 Поликлиникаларда эса беморларни “Реимбурсация” дастури асосида
28 турдаги дори воситалари билан бепул таъминлаш амалиёти жорий этилди ҳамда шу йилнинг 6 ойида 348 минг нафар беморга 718 мингта рецепт шакллантирилиб, 18 млрд. сўмлик дори-дармон берилди.

💬 Бу саъй-ҳаракатларимиз қандай самара бераётганлигини туман ва шаҳар шифохоналарига инфаркт билан ётқизилган беморлар 2,5 фоизга, бош мия қон айланиши бузилиши билан мурожаат қилганлар 3,2 фоизга камайганининг ўзи кўрсатиб турибди. Бошқа бир қатор хасталиклар бўйича ҳам ана шу каби ижобий ҳолатни кузатиш мумкин.

📉 Яна бир рақамга эътибор қилинг: беморларни шифохоналарга асоссиз ётқизиш кўрсаткичи 40 фоиздан 18 фоизгача камайишига эришилди.

💻 Ишимизни янада яхшилаш учун даволаш-профилактика муассасалари 51 млрд. сўмлик 22,5 минг дона компьютер ускуналари билан таъминланди ва локал тармоқ ўрнатилди. Айни чоғда муассасалар “Ягона тиббиёт тизими” (DMED)га уланди ва 45 минг нафар бирламчи тизим тиббиёт ходимлари IT йўналишида ўқитилди.

‼️ Умуман олганда, 2026 йил якунига қадар давлат тиббий суғуртасининг янги механизмини Республикамизнинг барча ҳудудида йўлга қўйишни режа қилганмиз. Бу эса биздан катта масъулият ва фидойилик талаб этишини яхши тушунамиз.

Соғлиқни сақлаш вазирлиги
Матбуот хизмати.

🔵@ssvuz|🔵@ssvmatbuotkotibi|👥Facebook | 📷Instagram