🥀🍃🥀🍃🥀
🍃🥀🍃🥀
🥀🍃🥀
🍃🥀
🥀 71 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🥀🍃

عند نيهال دخلوا البيت وجلست بتعب وتحس ظهرها بينكسر:سلام عليكم
أبو رائد وأن رائد وفوز:وعليكُم السلام
رائد جلس بجنب نِيهال ع يمينها بعد م جلّس مارِيا اللي صحت ع يسارها
فوز اشرت لرائد:بمعنى شفيها؟
رائد اشر لها بمعنى شوي اقولك
مارِيا:عمتو بابا شفيه
نِيهال اخذت نفس عميق وابتسمت بذُبول:م فيه شيء ي ماما إن شاء الله بخير
أم رائد وهي تشوف وجه نِيهال واضح التعب:نِيهال حبيبتي رُوحي انسدحي يُمه وجهك تعبان
رائد:يُمه فيه عشاء؟ ما كلت شيء تاكل ثم تنام
أم راد:ايوا يُمه جاهز بس كنا نستناكُم تجون برُوح احطه
فوز وهي تشوف مارِيا هاديه ابتسمت:تبين نلعب؟
مارِيا بطُفوليه:ايوا طفشت
فوز ضحكت وهي تقرص خدُودها بخفيف:وه فديت اللي طفشت اكلها انا؟
مارِيا ضحكت:لا لا م تاكليني
نِيهال ابتسمت وهي تقوم ورائد يقوم يساعدها
علشان تغير ملابسها دخلت الغرفه وهي تحس
بتعب مُو طبيعي ونزلت عبايتها علشان تبدل ملابسها
.
.
عند غيث طلع للصاله ولقى أمه تنتظره ابتسم وهو يبوس رأسها
هيا ابتسمت وهي تشوف يجلس:بعد وفاة أبوك ضاقت فيني الدنيا حسيتني ضعيفه ومقدر مقدر أربيك لوحدي لكن فجأه جاء ع بالي لمين اتركك! كيف اتركك! وانت من صغرك تراعيني وفرحتي الأولى
وابتسمت بتذكر وهي تاخذ نفس عميق:قلت لا ي هيا غلطانه م تتركينه اعتمدي ع نفسك شهادتك معك! جاء وقتها بدأت اشتغل وبدأت تكبر... و تعتمد ع نفسك كنت اغلب وقتك معي بالمكتب تنام ع الكنبه الي قدامي ويدك تحت خدّك وانا اشتغل واطالع فيك صار عُمرك ٢٣ سنه درست واجتهدت كنت تقول لِي دائماً بصير نفسك يُمه باخذ حقوق الناس م بتركهُم مظلومين كنت تقول كيف السجن يُمه ؟كيف يعيشون فيه حرام لازم اطلعهُم وضحكت
غيث ضحك بتذكُر:وكنتي تقولين البعض ي يُمه مثل الوحُوش اذا شافوا النُور يبون يحولونه لظلام و فِعلاً صدقتي
هيا ابتسمت:تدري إنت اسم ع مُسمى غيث وصرت فعلاً مثل الغيث تنزل ع الناس وتنبت قُلوبهُم واول قلب صرت له غيث ونُور قلبِي كنت متضايقه من بعد وفاة ابوك بس من كبرت نسيت هالضِيقه اشوفه فيك
وابتسمت والدُموع بعيونها:أنا فخُوره فيك ي الغيث ربيتك وصرت رجال عسى ربي يحفظك لِي وطبعاً صرت المُحامي ولد المُحاميه واخذت العلبه الصغيره اللي ع الطاوله ومدتها له هذي هديتي لك
غيث ابتسم وهُو يبوس يدها وياخذ العِلبه:ويخليك لِي ي هيونتي
هيا ضحكت:بيجيك عيال وانت تقول هيونتي
غيث:افا عليك بس ذا شيء خالصين منه
هيا ضحكت وبتذكُر:يلا يلا افتحها
غيث فتحها وطالع بالعِلبه اللي فيها مفتاح وورقه وابتسم بإستغراب:شذا؟
هيا ابتسمت:مفتاح لمكتبك ما يصير مُحامي بدُون مكتب
غيث ضحك بفرحه وصررخ والأرض مُو شايلته:وه يهييوووووووووووونتييييييييي أحــــبــك
هيا ضحكت من فرحته
اما غيث قام وهو يضمها ما كانت أم بس! كانت أم وأبو كانت أخت وأخو كانت صديقته وحياته كُلها م كان يقول لأصحابه شيء كثر م يقول لها
نُورا طلعت ع صوت صراخه وبإستغراب:شفيكُم
غيث وهو يضحك ويصفق وهو يمشي باتجاهها ومروق ويوريها المفتاح :مفتاح مكتب المُحامي الوسيم المزيون غيث
نُورا ضحكت ع روقانه:كُل هالصراخ علشانه؟
غيث ابتسم:آيش بعد ذَا؟ م هُو شيء بسيط بالنسبه لِي ومن هيون فديتها خلاص محد يكلمني وضحك
هيا كانت تطالع فيه وفي فرحته وتضحك.
.
.
عند أم تغريد كانت جالسه بالصاله واستغربت انها للحين م نزلت راحت فوق وهي تطق الباب لكن م فيه رد خافت وهي تروح لغرفتها وتاخذ المُفتاح الأحتياط وهي تفتح الغرفه بهدوء وتشوفها نايمه بالغرفه حطت يدها على فمها وهي تكتم شهقاتها من شكل بنتها اللي صارت هزيله والهالات متعبه وجهها والتعب ترجم نفسه ع وجهها
اقتربت منها وهي تغطيها وتقفل الإضاءه وتطلع وتتركها وما تبي تصحيها تبيها تبقى عندهُم وتدعي ربي يهديها
أبو تغريد دخل البيت ع نزول ام تغريد والدنيا ضايقه فيه بشكل يعجز عن وصفه تنهد:م جت معِي
أم تغريد عرفت شقصده ومسحت دموعها:جت ع اساس تاخذ اغراضها ونامت بدُون م تحس اتركها كفايه منعتني عنها وانت السبب في ذا كُله لو م منعتني قبل شُهور كان حالنا تمام لو وثقت فيها شوي كان حالنا مُو كِذا وانت اللي بتصلح هالشيء سوي اي شيء اي شيء
وشهقت بين دُموعها:بس اتركها تجلس عندنا لا تعيش لوحدها ارحمها خلاص م بقى من عُمرنا كثر م راح خاف ربك فيها
ومشت وتركته
أبو تغريد تسند ع الدرج ويحس نفسه متضايق ظلم بنته! صار مثل الغريب عليها صار مثل الغريب عليها!
دخل مكتبه وهو يفكر شيسوي.

🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀

🥀🍃🥀🍃🥀
🍃🥀🍃🥀
🥀🍃🥀
🍃🥀
🥀 72 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🥀🍃

عند ياسمين بغرفتها كانت جالسه
وتبكي وفاتحه البوكس اللي كانوا مخبينه من فتره
وام ولاء اعطتها هالبوكس اللي فيه كُل ذكرياتهُم وصُورهُم شافت صُورة تغريد معها وانهارت بُكاء وهي تتذكر شكلها اليوم ومُعاملتها عاملتها مثل الغريبه ومرّ الليل وسط بُكاؤها ومواجهتها لهالذكريات.
.
.
صباح يوم جديد
صحت نِيهال وهي تحس نفسها جالسه تموت من
الألم رفعت الغطاء الي كان عليه وانصعقت بـالدم اللي ملأ المفرش تحتها صرخت بخوف ودُموعها تنزل ألم وخوف
رائد كان بالصاله مع أهله سمع صرختها وقام بسرعه وهو يركض دخل الغُرفه وهو يطالع فيها بخوف:شفيك شفيك؟
وانصدم من شاف المفرش اللي صار لونه أحمر
ام رائد دخلت:شفيكُم يُمه وطالعت
ولفت ع نيهال وشهقت وهي تحط يدها ع فمها:تنزفين ي يُمه وطالعت برائد اللي من التوتر م يدري شيسوي:يلا شغل سيارتك نوديها المستشفى
نيهال كانت تصرخ بألم يقطع بطنها حرفياً:بموت آه يُمه وينك
رائد طلع بسرعه يشغل السياره أما ام رائد دخلت غرفة الملابس تاخذ عبايتها وملابسها.
.
.
عند تغريد عقدت حواجبها من اضاءة الشمس
اللي تسللت للغرفه وأزعجت بقوة سُطوعها طالعت بالغرفه اللي حولها وفزت بسرعه وهي مستغربه نفسها كيف نامت بدُون م تحس دخلت حمام غُرفتها ”أكرم القارئ“ وغسلت وجهها وتوضت وطلعت وصلت
وقامت وهي تفتح دولابها وتطلع شنطه وتحط فيها كُل ملابسها وأغراضها واحذت شنطه اصغر وهي تاخذ كُل كُتبها وصُورها وذكرياتها وباقي أشيائها
فتحت الكومدينا وهي تطالع ببوكها ابتسمت بتذكُر لهاليوم

فلاش باك.....
كانت تمشي بصالة بيتهُم وطفشت من الوضع أبوها بشغله وأمها وعلياء طالعين مع بعض كعادتهُم وهي الوحيده اللي جالسه بالبيت زفرت بطفش
وسمعت صوت الجرس توجهت للباب وفتحته بعد م شافتها من الشاشه اللي توضح الي عند الباب
تغريد بفرحه:هلا والله الحمدلله جيتي طفشانه حرفياً
ياسمين وهي ماسكه بيدها كيس هدايا صغيره ضمتها:هلا فيك،فديتني والله أحس فيك حسيت انك طفشانه وقلت أجي
تغريد ضحكت:لا والله؟
ياسمين بثِقه:ايوا حبيبتي
تغريد ضحكت:اقول يلا ندخل داخل
ياسمين:يلا ودخلوا مع بعض
وجلسوا بالصاله وتغريد راحت تقول للخدامه تجهز لهُم اشياء وجت
تغريد جلست بجنبها وانتبهت للكيس الصغير:شفيها ذِي؟.......
ياسمين ابتسمت وهي تاخذها وتمدها لها:هديه بسيطه مني لك
تغريد ضحكت وهي تاخذها وع ملامحها مرتسمه إبتسامه تاخذ القلب:الله الله ي قلبي ي رُوحي
فتحتها وطلعت البُوك وابتسمت بإعجاب:حُلوو وربي
ياسمين ضحكت:كنت بالمول وشفته قلت أشتريه لك لأنك قبل كنتي تقولين أبي أشتري بوك اذا طالعنا للمول وكُل مره تنسين
تغريد اقتربت منها وحضنتها وهي مبتسمه بحُب:ياسمين ياختي أحبك وربي يديمك
ياسمين ضحكت وبمزح وثِقه:أساساً أنا مِين ما يحبني
تغريد ضربتها ع ظهر بخفه:ياليل ثِقتك
ياسمين ضحكت بقوه

نرجع للواقع....
نزلت دُموعها والشوق فاضِح الشوق زاد عن حدّه لكن ما تقدر بهالسهُوله تسامحهُم
أخذت نفس عميق جداً وهي تسكر شنطتها وتسحبها لخارج الغرفه تسحبها وتسحب ذكرياتها وهُمومها
معها لوحدها هي وهُم م في أحد بيشاركها
فرحتها هه أي فرحه! وهي بهالوحده وبهالقلب الي باقي فيه آثارهُم وآثار الزمن
نزلت من الدرج وهي تشُوفهُم ع طاولة الأكل
وقفت لثواني وكملت طريقها ولما وصلت عند الباب استوقفها صوت خلفها
أبو تغريد بضيقه:تغريد يابوك سامحينا سامحينا
تغريد ضحكت بسُخريه وبدُون م تلف هزت رأسها بأسف ومشت بتكمل طريقها لكن تكلم بسرعه
أبو تغريد بخوف من ذهابها وعدم عودتها:خلينا نتكلم خمس دقايق بس طلبتك لا ترديني عادي عادي مُو لازم تسامحينا
تغريد قلبت عيونها وهي تاخذ نفس وتلف وهي تمشي للصاله وتجلس وأبو تغريد جلس بجنبها
لكن فزت بخوف وهي تبتعد عنه وتروح تجلس بكرسي بعيد عنه
أبو تغريد حز بخاطره خوفها منه وتوترها من اقترابه اخذ نفس وهو يتكلم:والله إني ندمان وكثير كُلنا ندمنا يشهد الله علي إني من بعدك م صرت أطيق أجلس بالبيت صحيح كنت اصدّك بس والله إني كنت أكابر حتى بمحاولتي إني أعتذر على اللي سويته أكابر وظلمت نفسي جداً وظلمتك وظلمت أمك راضي م تسامحيني بس عيشي معنا
وقام وهو يقترب منها رغم ضغطها ع قبضة يدها الواضح وتوترها وعيونها اللي نزلت بالأرض ورجفة جسمها
وقفت من صار مُقابلها تماماً
أبو تغريد:تكفين ي بنت أبوك واقترب بيبوس راسها
لكن استوقفته يدها اللي انحطت ع صدرها وحاولت تسيطر ع خوفها مثل ما قال لها الدكتور

🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀

🥀🍃🥀🍃🥀
🍃🥀🍃🥀
🥀🍃🥀
🍃🥀
🥀 73 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🥀🍃

اخذت نفس عميق وزرفرت وتكلمت
بثِقه وقُوه مُصطنعه:صحيح م أسامحك وصحيح م عدت نفس ما كنت بقلبي وصحيح عشت سنه ونُص بعيذه عنك بس للحين إحترامي لك موجُود وم بيتغير
أبو تغريد إبتسم وعيونه لمعت دمُوع:عسى ربي يسامحني تمنيت الولد وجاءني بنت بنت لو لاحظتها عرفت إنها جوهره ثمينه م هي عند غيري لكن صرت أعمى بقلبي وبعيوني وبعقلي بعد
تغريد وهي مُو متحمله كلام وتضايقت أكثر من سمعته
أبو تغريد:ها شقلتي؟
تغريد سكتت وم ردت
أبو تغريد:بسوي اللي تبين وعد بس اجلسي حولنا وحول امك لا تروحين وتتركينا
تغريد رفعت أنظارها :أي شي؟
ابو تغريد :والله اي شي بس ابقي معنا
تغريد:تمام
واخذت شنطتها وهي تصعد فوق وببالها موال دخلت الغرفه وهي تاخذ نفس عميق وبراسها كذا شغله فتحت شنطتها وهي ترجع ترتب ملابسها وأغراضها بشكل سريع
وتاخذ روبها وتدخل الحمام ”أكرم القارئ“ واخدت شور سريع عشان تطلع تخلص أشغالها
.
.
عند غيث كان قدام المرايه يعدل شماغه
وخلص ولبس ساعته وهو يتعطر وريحة عطره ملأت الغرفه دخلت نُورا وهي مبتسمه:شهالكشخه والريحه الطيبه بس ع وين؟
غيث ابتسم:برُوح أخطب
نُورا تغيرت ملامحها:تخطب! منجدك!
غيث ضحك:شفيك تصدقين مزحِي برُوح للمكتب تعرفين بشُوف كيف وكِذا من بُكرا بيبدأ دوامي
نُورا ضحكت براحه:كويس خوفتني
غيث ابتسم وهو يقترب ويبوسها ع السريع :مع السلامه
نُورا ابتسمت:مع السلام
وطلعت من الغُرفه للصاله وجلست ع جوالها
ودقايق وجت هيا :صباح الخير
نُورا ابتسمت وهي تنزل الجوال:صباح النُور
هيا وهي تجلس:وين غيث؟
نُورا بإبتسامه:راح لمكتبه
هيا ضحكت:يارُوحي متحمس
نُورا:مرااا
هيا بتذكُر:متى سفرتكم؟
نُورا بضيقه:مدري غيث م تكلم ولا قال شي بخصُوصها
هيا سكتت بإستغراب:تمام ياعيني أنا بذكره تلاقينه نسى ياقلبي والا متحمس أكثر منك
نُورا ابتسمت:إن شاء الله .
.
.
عند ولاء...
كانت نازله لمطعم الفُندق
وهي داخله كان هُو خارج انتبهت له وطالعت فيه لثواني وصدّت عنه بقرف
أبو ولاء وهو يكلم زوجته:وقفي دقيقه وبجيك
زوجته خزت ولاء:تمام
ولاء كانت تمشي لكن مسك يدها يستوقفها
ولاء تنرفزت منه ونفضت يدها من يده:بأي حق تمسك يدي تراك نفس الغريب
أبو ولاء:ست سنوات مرت م طاح اللي بقلبك!!
ولاء ضحكت بسُخريه وهزت رأسها بأسف: ياليلت تبتعد عني مابي أضرك خل فيه احترام بيننا لو شوي ومشت وتركته
أما هو تأفف بقهر وراح لزوجته وهو يمشي ويطلع من الفُندق بكُبره
ولاء جلست ع طاوله وهي تاخذ نفس عميق وتزفر قفلت عُيونها
وما حست الا بصوته اللي خلاها تفتح عُيونها:نعم إنت بكُل مكان!
عبدالله:اذا م عطيتيني الإجابه اللي أبيها لا تستغربين أدخل جناحك
ولاء طالعت فيه بقهر:أنا أقول لا تحدني ع شي مابيه ماني فاضية لك كُل يومين والثاني مقابله وجهك
عبدالله ضحك:تبين تشتاقين لي؟
ولاء طالعت فيه :فاضي إنت صح!! ماني فاضيه أنا خلصني بفطر
عبدالله:لك دخل بوليد وجريمة قتله والا لا؟
ولاء:مدري
عبدالله وهو يضغط ع أسنانه وبدأ يفقد هدؤه:ولاااء لا تجننيني ذي جريمه جريمه قتل عقلك يستوعب هالشي ولا!!
ولاء وهي تاكل بهدوء:أدري فيه عندك كلام جديد؟
عبدالله:شُوفي عاد والله العظيم م تعطيني إجابه أقول لأخوك عن كُل شي
ولاء ضحكت بسُخريه:قبل توصل له تكُون بمغاسل الموتى وابتسمت بسُخريه ورجعت نظرها
لصحنها وكملت أكلها
أما عبدالله كان مصدُوم:متأكده إنك بنت ! والله اللي أشوفه وحده ما تخاف وجريئه وطويلة لسان وقوية عين وشينة أطباع و..
ولاء ونظرها بالصحن قاطعته:م طلبت رأيك
عبدالله قام بقهر:إنتي يبي لك رجال يعقلك ويعقل عقلك ذا
ولاء ضحكت بسُخريه:أكيد هالرجال مُو إنت
عبدالله ضغط ع قبضة يده بقهر
وطالعت فيه:عشان أشبع فضُولك مُو خوف منك بس م لِي دخل في وليد ذا صحيح كان بيننا حِساب م انتهى و هددته وكنت بسوي تهديدي بس اللي قتله ربي يجزاه خير سهل علي ونقص عدد الحقيرين اللي بالأرض
عبدالله زفر براحه:كويس اعقلي ولف بيمشي
ولاء وهي تطالع بصحنها وتاكل:لو تبي الحين اتصل ع بندر وقوله كُل شيء م يهمني ولا تتجرأ مره ثانيه تهددني لأن ولا أحد يهمني ياليت يدخل بعقلك.
عبدالله ابتسم ع كلامها ومشى وتركها.
ولاء كملت أكلها بهدوء وخلصت وقامت وهي تاخذ شنطتها وتطلع من الفُندق. .

🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀

🥀🍃🥀🍃🥀
🍃🥀🍃🥀
🥀🍃🥀
🍃🥀
🥀 74 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🥀🍃

عند عهد بالمُستشفى كانت جالسه بهدوء ع كرسيها وسرحانه بعيد قطع سرحانها صوته:سلام
عهد رفعت عُيونها اللي تحكي وتنطق بالهم والضِيقه ابتسمت بخفيف:وعليكُم السلام
إياد إبتسم لحتى بانت غمازته: بعزمك ع حِسابي يلا بما اني بدأت شغلي وكِذا
عهد ابتسمت:ودي والله بس مقدر شغلي وتوني قبل ٣ أيام ماخذه إجازه
إياد اخذ نفس:يلا ماعليه مره ثانيه مع السلامه مابي أشغلك ولف بيمشي
عهد وحسته زعل:إياد ....
إياد لف لها وينتظر تتكلم
عهد بلعت ريقها:معليش اعذرني بس صايره لِي ظُروف هالأيام
إياد ابتسم:عادي،كُل شي بيمر إن شاء الله وايوا صح بيصير شي هالأسبوع ترقبيه
عهد:آيش؟
إياد؛ كنت بقولك بس انرفض عرضي الحين اجلسي انتظري
عهد ابتسمت:إن شاء الله ،شُكرًا
إياد:ولو يلا سلام
وطلع وتركها أما عهد إبتسمت ع الأقل صار شي حُلو لها ٤أيام مُو قادره تسوي شي وأخوانها يعاملونها كِذا م تعودت ع هالأسلوب منهُم للأسف لفت وهي تاخذ الملفات تشغل عقلها عن التفكير اللي أتعبها كثييررر
.
.
عند نيهال كانت بغرفة العمليات ولها ساعتين داخل ولا أحد طلع منهُم كان رائد متوتر جداً ويمشي رايح جايي
وأم وائد جالسه ع الكرسي وتدعي لها من قلبها والخوف ياكل قلبها وتدعي ربها يحمي نِيهال وطفلها
رائد طلع جواله اللي يدق من جيبه:هلا؟
عهد بخوف:جالسه أدق ع نِيهال من الصباح ليش م ترد؟ وينها؟
رائد وهُو شوي ويبكي:نِيهال بغرفة العمليات
عهد قامت بخوف وطاح القلم اللي بيدها اليسار بخوف:شفيها؟ ليش؟ صار لها شي!! وي..وينكُم انتوا؟؟؟؟
رائد:بمُستشفى***
عهد وهي تكلم صاحبتها اللي بجنبها وخايفه:برُوح لصديقتي هنا بغرفة العمليات تكفين امسكي مكاني شوي
صاحبتها”عهُود“:اوكي يارُوحي ماعليك
عهد راحت بسرعه وهي تبكي وخايفه عليها لسّى بنص الشهر السابع باقي شهرين ع ولادتها
دخلت المصعد وهي تحاول تهدي نفسها كثر م تقدر
كُل شي حولها جالس يضغط عليها ويخليها تنهار اخذت جوالها وهي تدق ع ولاء وتقول لها.
.
.
في بيت أبو تغريد...
كانوا جالسين بالصاله ويسولفون
وعلياء بعيد عنهُم وبالها مع صالح وبنفسها:شفيه ذا للحين م إتصل انا اوريك ي صالح ان م خليتك تبوس راسي وتعتذر مني مليون مره
صحت ع واقعها لما شافت نزُول تغريد اللي لابسه فُستان ناعم وتاركه شعرها اللي يوصل لخصرها ع طبيعته الناعمه
وحاطه مُرطب شفايف ومسكرا وتحس اشتاقت لهالحاله من زمان ما كشخت ولا لبست شي كِذا
أم تغريد إبتسمت وهي تشوفها نازله من الدرج:ي هلا والله
تغريد جلست بعيد عنهُم وتطالع بالتلفزيون اللي قدامها بتجاهُل
أم تغريد سكتت بضِيقه لازم تصبر اللي سووه فيها مُو بسيط
علياء كانت تطالع فيهُم بصدمه:بسم الله ! هذي شدخلها بيتنا !
تغريد كانت عيونها على شاشة التلفزيون وما كأنها سمعتها
علياء:منجدكُم مدخلين هالوقِحه بيتنا !
أبو تغريد صرخ:ولا كلمه انتي! عندك كلمه زينه قوليها م عندك رُوحي لبيت زوجك ولا تجلسين تسوين مشاكل لأختك
علياء قامت وهي ماسكه دُموعها:أنا أنا تسكتني علشان هذي وأشرت عليها بقرف
تغريد ونظرها ع الشاشه:هذي إسمها تغريد والا الأيام نستك إسم أختك !
علياء سكتت بقهر وهي تطلع من الصاله وتروح لغرفتها وتقفل الباب بقوه وقهر وإنهارت بكي كُل شي ضدها
صالح،أمها،أبوها حتى بنتها مارِيا مُو معها غطت وجهها بيدينها وبكت بقهر
نرجع للصاله ..
كان الهُدوء يعُم أرجاء الصاله..
أبو تغريد وهُو يطلع بُوكه طلع وحده من صرافاته ومدها لها:خذيها اشتري فيها اللي ناقصك وخليها معِك وقت تحتاجينها
شافها م لفت وعرف لو آيش م بتجي تاخذها نزلها ع الطاوله وهو ياخذ نفس ويقوم:يلا أنا بطلع للشركه اذا تبون شي اتصلوا
أم تغريد:الله معك وقامت معه وهي تودعه
تغريد لفت للصرافه اللي ع الطاوله زفرت وهي تاخذها وتقوم لكن قابلت بطريقها أمها
أم تغريد ابتسمت:تعالي يُمه سولفي معُي
تغريد ضحكت بسُخريه وهي تهز رأسها بأسف وتكمل طريقها بتجاهُل.
دخلت غُرفتها وهي تاخذ عبايتها وتلبسها وتلبس حِجابها ونقابها وتاخذ شنطتها وتطلع وكان السواق
حق البيت موجُود ركبت معه وهي تتوجه لمكان.

🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀

🥀🍃🥀🍃🥀
🍃🥀🍃🥀
🥀🍃🥀
🍃🥀
🥀 75 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🥀🍃

عند غيث ابتسم وهو يشُوف المكتب مقابل لمكتب أمه دخل وهو يطالعه بإعجاب من فخامته
قاطعه صوتها:عسى المقامُ بالمقام يليق
ضحك غيث وهو يتقدم ويبوس راسها
هيا مدت الكيس الصغيره:هالهديه بمُناسبة مكتبك الجديد
غيث وهو يجلس وهي تجلس مقابله له فتح الهديه وهو يطالع بالقلم اللي لونه ذهبي صافي وبالوسط محفُور عليه جُمله:
إنصر نفسُك أمام آلام الحياه وستنصُر الناس أمام الظُلم.
ابتسم بإعجاب من ذوق أمه اللي دائماً يعجبه وبكُل هديه تعطيه درس:يالبى الذوق ي هيون
هيا ضحكت:اقول ترا فالمكتب تقول لي استاذه وضحكت وهي تمثل الغُرور:تعرف مُحاميه كبيره لازم تقول استاذه
غيثث ضحك:ايوا يصير خير
هيا ابتسمت بتذكُر:ايوا شصار ع سفرتكُم؟
غيث تذكر:ايوا إن شاء الله اليوم بحجز ع أول طياره للمالديف
هيا ابتسمت:كويس الله يهنيكًم
غيث:امين معِك
هيا:ترا جتك ٨ قضايا لحد الحين ماشاءالله عيني عليك بارده
غيث:كيف عرفوا إني بدأت بمكتب؟
هيا ابتسمت:يعرفون إنك بتكون معي بشركتي وأقولك للحين يتكلمون عن أمس ودِفاعك الله يحفظك استودعتك الله
غيث ضحك:قلبي الخايفين الحُلوين
هيا ضحكت بخجل:لازم تخليني أستحي ي الغيث!!
غيث ضحك غمز لها:ذِي لعبتي
هيا ابتسمت:ايوا م قلت لي ليش تضايقت يوم قضية تغريد
غيث اخذ نفس:نُورا سوت حركه مالها داعِي وقاطعت كلامنا بطريقه مدري كيف
هيا ضحكت:هذا اللي مضايقك متأكد؟
غيث اخذ نفس:مدري يُمه
هيا قامت وهي تربت ع كتفه:انتبه ع قلبك ي الغيث لا يميل لغير زوجتك وطلعت لمكتبها
غيث اخذ نفس وهو يفكر.
.
.
عند تغريد كانت شايله أكياس كثيره بيدها الثنتين وأي شي يعجبها تاخذه وقفت وهي تدخل الكوفي بتعب وتنزل اغراضها ع الكرسي وتطلب
لها أكل علشان تقوم تكمل.
تسريع الأحداث..
اكلت وخلصت ودخلت الألعاب وهي تشتري كرت للألعاب وتملأه نُقاط وشافت أطفال واقفين ما يلعبون طالعت فيهُم بإبتسامه:تبون تلعبون؟
الأطفال بصراخ وحماس:ايوا ايوا،ايي،يلاا
تغريد ابتسمت وهي تعطي بطاقة الألعاب للمسؤول عن اللعبه وبدأ يسحب منها ويدخلهُم....

.
عند أبو تغريد كان كل خمس دقايق توصل رساله
بسحب مبلغ من البطاقة حقته اللي اعطاه تغريد والمبالغ كبيره مُو معقوله تنصرف بيوم واحد
اخذ نفس عميق وقاطعه صوت رساله بسحب مبلغ قدره ٨٥٠﷼ تنهد وهُو عارف مُبتغاها.
.
.
الساعه ٧:٣٤مساءاً ...
صحى صالح هو يدور أحد حوله لكن للأسف ما لقى أحد حوله ويبي يعرف مين جابه هنا
فز بخوف من تذكر ماريا وكان بيشيل المُغذي
لكن دخلت المُمرضه:وقف وقف لا تشيلها لسّى انت تعبان
صالح:برُوح برُوح لبنتي وبيتي بعدي عني
وبتذكُر:مين جابني هنا؟
المُمرضه:قالت انها اختك وكانت حامل ومعها بنت صغيره ورجال
صالح رجع جلس بتعب:وينها؟
المُمرضه:كانت تعبانه واخذها زوجها واخذ البنت الصغيره معه وراحوا
صالح وعرف انها تتكلم عن ماريا سكت وجلس اما هي عدلت له المُغذي وهي تطلع تجيب له اكل..
.
.
عند غُرفة العمليات كانوا فوز وأم رائد وأبو رائد ورائد وعهد وولاء واقفين ينتظرون خُروج الدكتور والقلق سيد الموقف لها ساعات بغُرفة العمليات وهذا اللي زاد قلقهُم
أما ولاء كانت تحس بشُعور قلق عليهُم ولأول مره تقلق ع شخص مُمكن لأنها تعرف نيهال من سنوات!
أما عهد وفوز كانوا يبكون والأفكار تلعب براسهُم
انفتح باب غُرفة العمليات وخرجُوا المُمرضات والدكتور
اللي وقف بتعب
رائد بخوف:شصار شصار ي دكتور؟
الدكتور بتنهيده:الأم بخير لكن الطفله عندها مشاكل صحيه بسبب الولاده المُبكره بنعتني فيها وبنسوي اللي علينا والباقي ع الله وين أبوها؟
رائد ويده ترجف أشر ع نفسه:أنا؟
الدكتور:بينقلون الأم لغرفة التنويم الحين بُكرا مرني مكتبي بكلمك بموضُوع مُهم
رائد هز راسه بمعنى تمام
أم رائد نزلت دمعتها:الحمدلله يارب
عهد مسحت دُموعها:افف اخيراً ياربي لك الحمد
فوز:وهي تشُوف نِيهال متمدده ع سرير والتعب ترجم نفسه ع وجهها حالتها كانت تعبانه جداً ...
رائد تقدم للسرير اللي يدفونه المُمرضات وهو يمشي معهُم وماسك يدها وبالغصب ماسك دُموعه خاف عليها وكثير ذِي رُوحه وحبيبة خاطره وقلبه اللي م يستغني عنها
ولاء طلعت من المُستشفى وهي تزفر براحه وركبت سيارتها حست م يحتاج تجلس زوجها واهله معها يكفي.
كذلك عهد طلعت بعد م دخلت عندها وتطمنت عليها
.
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 76 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

صباح يوم جديد....
عند بندر كان يستعد لليوم المُنتظر يوم حصاد التعب يوم بياخذ شهادة حِلمه يوم بتطبع في العقُول أجمل الذِكريات يوم تخرجُه من جامعة الطِب
كان لابس ثوبه الأبيض وغترته وساعة سوداء فخمه وكبكات وشوز أسود كان شكله فخم جداً ويلفت
الأنظار طلع من الغُرفه بعد م تعطر ونزل تحت وكانوا كُلهم ينتظرونه كان يشُوفهُم كُلهم موجُودين إلا ولاء ابتسم وهو فرحان بس لو كانت موجُوده كانت زادت فرحته
ياسمين إنتبهت له وهو يدورها بعيونه سكتت بتحطُم من اختها اللي ما تتغير
أم ولاء زغرطت بفرحه:حبيبي الدكتور أنا
ياسمين:فديت هالوسامه فديت
بندر ضحك بحمااس:والله كأنه عرسي مُو تخرجي
ياسمين ضحكت:مبروك ياعيوني عُقبال م أشوفك بمكتبك بالمُستشفى
أبو تغريد:مبرووك وانا ابوك
أم تغريد:مبروك
بندر ضحك:يبارك فيكُم
وطالع بساعته:يلا برُوح انا مابي أتأخر انتظروني
وطلع وتركهُم
أبو تغريد وأم تغريد طلعوا فوق لغُرفتهُم
أما ياسمين بقت بالصاله كان جوالها ع فخوذها سمعت صوت رنينه واخذته وردت:هلا
ولاء:تجهزي بسرعه بجي باخذك
ياسمين:ليش؟ وليش ما جيتي وربي حزن لما م شافك
ولاء تاففت :بتطلعين والا أمشي وأتركك
ياسمين بخوف:لا لا اصبري دقايق وطالعة لك
وقفلت الخط وهي تنادي الخدامه عشان تجيب عبايتها وتساعدها بلبسها وتطلع للسياره....

.
عند تغريد نزلت من الدرج وهي تنقز وبيدها جوالها الجديد جت وجلست ع طاولة الطعام واخدت توست وهي تفطر بهدُوء
أبو تغريد:صباح الخير
تغريد كملت أكلها وهي متجاهلته
أم تغريد طالعت فيه وهي تهز رأسها بأسف
وقامت وهي تشوف الخدامه نازله بعبايتها وشنطتها أخذتها ولبستها وجت بتطلع
لكن استوقفها صوته:انتبهي لنفسك
تغريد ميلت فمها بسُخريه ومشت وتركته وهي تطلع من البيت وتمر محل ورد وتاخذ بوكيه وتغلف الساعه
اللي شرتها أمس .
.
.
عند صالح كان ينتظر احد يجيه من أمس بس للأسف انسدح بيأس من زيارة أحد له
قاطعه دُخول رائد اللي سلم عليه بوِد وما كأن جمعتهُم مواقف سيئه من قبل: الحمدلله ع السلامة
صالح:الله يسلمك وين نِيهال؟
رائد ابتسم:نِيهال ولدت أمس
صالح بصدمه:احلف؟
رائد:والله
صالح:امش نشُوفها
رائد:يلا .
.
.
عند عهد ...
كانت تفطر بالمطبخ رفعت أنظارها ع دخُول سعد ومنصُور
قامت من شافتهُم وتركت أكلها وكانت بتطلع لكن وقفها صوت سعد:تعالي كملي أكلك م دخل جن
عهد إبتسمت إنه كلمها ولفت وهي ترجع تجلس وتكمل أكلها أما هُم أكلوا بصمت
.
.
عند نِيهال كانت صاحيه من ساعه وساعدتها المُمرضه بتغيير ملابس المُستشفى وبترتيب شكلها
وكانت منسدحه لترتاح وتنتظر رائد
قطع هدُوء الغُرفه صوت الباب اللي إنفتح ودخل صالح
أما رائد راح للدكتور علشان يبيه وعلشان حب يتكلمون لوحدهُم
نِيهال وهي تحاول تجلس م قدرت من التعب
صالح إقترب منها بسرعه وهُو يحضنها:كيفك ي ريحة أبوي؟ شسوت فينا الدنيا!!!!!..
نِيهال وهي منهاره بُكاء بحضنه كانت شاده عليه بقوه:مُو سايعتني كانت بس الحين سايعتني ياخوي بشوفتك وبضمتك لِي
صالح وهو يغير عليها: الحمدلله ع السلامه ومبروك ما جاك
نِيهال وهي تبتعد عنه وتمسح دُموعها:الله يسلمك،يبارك فيك
صالح بحمااس:الا صدق بنت ولا ولد؟
نِيهال ابتسمت بهدُوء:مدري لسّى م جاء رائد حتى المُمرضه م قالت لِي
صالح بحماس:أكيد راح يجيبه مدري يجيبها
نِيهال ضحكت وهي متحمسه مرااا ومتحمسه تشُوفها وتسميها وتحضنها متحمسه كثير.
.
.
عند أم تغريد...
نزلت علياء من غُرفتها وجلست بالصاله
أم تغريد:شفيك م نزلتي تفطرين؟
علياء:يهمكُم وجُودي؟
أم تغريد:أكيد!
علياء:ايوا واضح أمس باقي شوي وتطردوني وتبون الفكه منِي واليوم تسألين عني!!
أم تغريد:إنتي شفيك شعندك؟
علياء:م فيني شي
أم تغريد:صالح كلمك؟
علياء:لا
أم تغريد:كلميه إنتي
علياء بسُخريه:أنا مُستحيل
أم تغريد:بكيفك خليه يطلقك ويتزوج غيرك انتي اللي خربتي ع نفسك
علياء شهقت:ايش يطلقني ويتزوج غيري يُمه شفيك علي!
أم تغريد:م قلت شي هذا الصح يعني بينتظرك طُول العُمر!
وبتذكُر:تذكرين جارتنا ذيك أم سامي؟
علياء:ايوا اللي من بعد سالفة تغريد ما صارت تكلمك وتقط كلام شفيها؟
أم تغريد ضحكت:اليوم كلمتني وتعتذر مني وغيرها كثير عرفوا إن بنتي بريئه
علياء تأففت بعدم إهتمام وقامت :أنا بطلع مع السواق
أم تغريد:السواق مُو موجُود
علياء لفت:ليش وينه؟
أم تغريد بهدوء: مع تغريد
علياء تأففت بقهر:ياليل هالتغريد وراحت لغرفتها وهي مالها خلق شي.

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 77 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

عن رائد بغُرفة الدكتور..
الدكتور بهدوء:إنت عارف زوجتك ولدت ولاده مُبكره وقبل موعدها بشهرين ونُص وغير النزيف اللي جاءها
وصار لهالشي نتائج ع الطفله وع الأم مع الاسف كذا مُشكله صحيه والأهم واللي جالسين نحاول نساعدها فيها وحريصين عليها عندها نقص بالأكسجين والأكسجين مُهم للأطفال حالياً نازل مرا لكن لو نزل أكثر كُونوا مُستعدين لأي شي
رائد بصدمه:شقصدك بآي شي؟
الدكتور بصراحه:يعني مُمكن لا سمح الله تفقدونها
رائد بصدمه:م..منجدك انت!!! لنا سبع شُهُور ننتظرها مُستحيل اساساً بس باقي شهرين كان شهررين!!!!
الذكتور اخذ نفس:اهدأ ولا تسبق الأحداث إن شاء الله إنها بخير
رائد قام وهُو مصدُوم صحيح م شافها صحيح م مسكها صحيح م حضنها لكن يكفي إنه سمع نبضاتها يكفي إنه سمع تحركاتها ببطن نِيهال يكفي إنها بنته المُنتظره من سبع شهُور مشى بإتجاه عِناية الأطفال
ويحاول يهدي نفسه ببعض الجُمل:إن شاء الله بتشوفها ،شدعوه ي رائد إن شاء الله هي بخير لا تسبق الأحداث و إن شاء الله بتحضنها وبتلعب معها وهي بخير
اخذ نفس عميق وهو يشُوف المُمرضه تتقدم له:بغيت شي؟
رائد:بشُوف بنتي
المُمرضه:اسم الأم؟
رائد:نِيهال****
المُمرضه:تمام ادخل هِنا والبس اللبس المُخصص وادخل بهدُوء
رائد دخل الغُرفه ونبضات قلبه مُتسارعه بشكل
ويده ورجُوله يرجفون بقوه طلع من الغُرفه وهو لابس اللبس المُخصص وكمامه مغطيه فمه وغطاء مغطي شعره شاف المُمرضه تأشر ع سرير صغير بلون شفاف لف راسه بهدوء وقلبه يدق أكثر عض شفايفه وهُو يشُوف حجمها الصغير جِداً والأجهزه الكثيره اللي حول جسمها نزلت دمعته حرقه ع بنته اللي ما حضنها.
تقدم بخطواته وعُيونه تلمع ويحاول يداري دُموعه ويحس بقلبه مشاعر قادره توقف نبضاته
مد يده ليدها الصغيره جداً ابتسم وهو ضاغط
ع نفسه لا ينهار بهاللحظه وبنفسه:اللهُم إني أستودعتك إياها يا من لا تضيع ودائعه ..
ترك يدها بخفيف وطلع بسرعه ويحس نفسه لو بقى أكثر بينهار وهذا مُو وقت الإنهيار لسّى قدامه نِيهال كيف بيقول لها بنتك احتمال تموت!
نزل الملابس المًخصصه اللي عليه وطلع بسرعه من الغُرفه اللي بجنب العِنايه وطلع من قسم العِنايه بكُبره.
.
.
عند نِيهال....
صالح وهو يضحك تذكر:الا وين تركتي مارِيا؟
نِيهال ابتسمت:عند فوز
صالح بإستغراب:فوز !
نِيهال وهي تبلع ريقها بتعب:ايوا اخت رائد تحب الأطفال واساساً مارِيا مستانسه معها ماعليك بتنتبه لها
صالح سكت
نِيهال:م تبلحظ رائد تأخر بزياده!
صالح:الا والله بس مُمكن يخلص الأوراق
نِيهال سكتت وهي مُو مرتاحه نِهائياً .
.
.
عند ولاء وياسمين...
ولاء وقفت عند شاليه يطل ع البحر واطلالته تجنن حرفياً :شُوفي حُلو ومُناسب نسوي فيه سُبرايز لبندر
ياسمين بصدمه لفت عليها:انتي وسُبرايز ومن تفكيرك!!
ولاء نزلت وراحت من جهتها وفتحت الباب الخلفي وهي تنزل الكُرسي حق ياسمين وترجع لياسمين
فتحت بابها وهي تساعدها وتنزل دخلوا الشاليه
ولاء طالعت برِضا عن التجهيزات اللي كانت باديه من أمس الليل واكتملت طالعت بالطاوله اللي بنص الشاليه والبالونات اللي حولها والمسبح الي مليان بالبالونات وطاولة الضِيافه الي قدام المسبح وباقي بس يحطوا ضِيافتهُم عليها
ياسمين بإعجاب:حبيت حرفياً من متى ماشاءالله تبين الصراحه صدمتيني
ولاء :اقول امشي لسّى باقي شُغل بتسوينه
ياسمين ضحكت:يلا عمتي
ولاء ابتسمت وهزت رأسها يمين يسار
ياسمين ضحكت وصرختت:ماشاءالله وربي أستاهل هديه خليت ولاء تبتسم وأخيراً
ولاء ابتسمت ع هبالها:يلا م فيه وقت باقي ساعتين ويطلعون من حفل الجامعه
ياسمين وهي تحرك كرسيها:يلا
ومشوا ودخلوا داخل ونزلوا عباياتهُم وتوجهوا للمطبخ...
.
.
عند رائد وقف امام باب الجناح وبيده بوكيه ورد باللون الأحمر والأبيض،اخذ نفس عميق وهو يدخل وابتسم وهو يحاول ما يوضح لها نزل الورد ع الطاوله واقترب منها وهو يسلم عليها ويبوس راسها: الحمدلله ع السلامه
نِيهال ابتسمت من شافته:الله يسلمك يارُوحي
صالح قام:برُوح اخلص اوراق خُروجي عن إذنكُم
نيهال اكتفت بهز راسها وابتسامه
رائد:اذنك معك
رد الإبتسامه وطلع وتركهُم
نِيهال بحمااس:وين البيبي؟ ايوا صح بنت والا ولد؟ اكيد بنت وحُلوه نفسك صح ولا!!
اختفت ابتسامتها تدريجياً من شافته صد بعيونه عنها
نِيهال وهي تسكر عيونها وتفتحها وقلبها ينبض بشكل سريع كان عندها إحساس فيه شي والحين تأكدت فيه شي تكلمت بنبره باكيه:رائد شفيه؟
رائد جلس ع طرف السرير بجنبها وحط عيونه بعيونها ومسك يدها وهو يضغط عليها :م فيه إلا كُل خير بس البنوته من الحين تتدلع وتعبانه شوي ..

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 78 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

نِيهال نزلت دُموعها بإنهيار وذاكرتها رجعت لأمها ماتت بسببها واليوم بنتها بتموت بسببها هذا اللي جاء ببالها رمت نفسها بحضنه وهي منهاره بكي:تكفى لا يتكرر التأنيب
رائد اكتفى بأنه يشد عليها ما يبيها تكتم وتتعب بالنهايه ابتسم وهو يحاول يقنعها ويقنع نفسه:تعوذي من ابليس وما فيها إلا كُل خير إن شاء الله
نِيهال:لو ما توترت ما كان صار كُل ذا تسببت بموت امي والحين ببنتي أنا مُصيبه بكُل مكان أأذي اللي حولي حتى بنتي حتى بنتي
رائد وهو يبتعد عنها وتنرفز من كلامها:نيهاال! شهالكلام! لا تيأسين من رحمة رب العالمين م هقيتك ضعيفه كِذا!
نِيهال وزاد بُكاؤها:تعبانه حرفياً مابي شي من الدنيا الا إني أرتاح بشوفتها رائد انت عارف كنت انتظرها اكثر من اي شي ماني قادره أصدق متأكده انا فيها شي انا قريت قبل عن ذا الأشياء وبكت أكثر وهي تحط يدها ع وجهها وتحس بتعب فوق تعبها الجسدي
رائد اخذ نفس عميق:لا حول ولا قوة الا بالله
ومسك يدها وهو يبعدها عن وجهها:استهدي بالله و إن شاء الله بتشوفينها وبتحضنينها خليك نِيهال اللي اعرفها نِيهال القويه المُؤمنه بقضاء الله وما تقنط من رحمته
نِيهال مسحت دُموعها رُغم شهقاتها وتفكيرها اللي يسحبها لأشياء أعظم
ابتسم وهو يلطف الجو:طلعت نتفه نفسك ويدها نفس يدك حتى
نِيهال ابتسمت وهي تتخيلها قاطع حديثهُم دُخول أم رائد وأبو رائد وفوز ومارِيا...
ابتسمت من شافت مارِيا تحس انها بمُجرد تشوفها تبتسم حتى لو بقلبها هم م يعلمه الا الله مارِيا ركضت باتجاهها وهي تحاول تجي فوق السرير
رائد ضحك وهو يقوم ويشيلها:هوبا يلا اجلسي ولا تتحركين عشان ما تطيحين
مارِيا ضحكت بغُرور:أنا تبيره (كبيره)كثير م اطيح انت تطيح
فوز رائد وأم رائد وابو رائد ضحكوا اما نِيهال ابتسمت بهدوء
تقدمت منها ام رائد بعد م نزلت الأغراض اللي جابوها معهم وهي تسلم عليها:م تشوفين شر يُمه
نيهال:م يجيك
كذلك فوز وابو رائد
فوز باستهبال:لهدرجه خوف الولاده خلاك تولدين قبل شهرك
نِيهال ضحكت بخفيف:انتي تشوفين
رائد:اقول لا تتطقطقين ع زوجتي
فوز:الله الله والله زوجتك دراما شويتين
نِيهال:فووز لا تخليني ادعي عليك
فوز ضحكت:لا حبيبتي انا بعدين م بسوي دراما نفسك
نِيهال:نشُوف
فوز ضحكت اما نيهال ابتسمت وهي بالها مع بنتها وتدعي لها من كُل قلبها
عند صالح وقف عند الباب وهو يسمع صوت بنت وضحك م يعرفها عرف ان فيه احد عندها تنحنح وهو يطرق الباب ويوقف شوي ودخل
فوز نزلت نقابها بسرعه وهي مستغربه مِين جاي
مارِيا بحماس:رائد نزلني بسرعه
رائد ضحك:ماشاءالله اشتغل عند ابوك
مارِيا ضحكت وهي تركض لأبوها اللي شالها وهو يضمها
مارِيا:اشتقت لكك موت وين رحت !
صالح ابتسم:كان عندي شغل وجيت الحين محد يقدر ياخذني منك
مارِيا ابتسمت برِضا وهي ضامته من رقبته
وسكت باحراج منهُم ما سلم ولا شي نسى كُل شي
من شاف مارِيا ابتسمت وهو يحك رقبته بيده اليسار باحراج:السلام عليكُم،معليش م انتبهت لكُم
فوز كانت تطالع وجهه وكاتمه ضحكتها
أم رائد وأبو رائد عرفوا انه اخو نِيهال:وعليكُم السلام
رائد قام وهو يبي ياخذ مارِيا علشان م يتعب صالح
مارِيا صرخت وهي تحرك رجلها بقوه: اتركني
رائد ضحك وهو يبعد شوي:م تبين ترُوحين نشُوف البيبي؟؟...
مارِيا لفت عليه وابتسمت:يلا
رائد:يُمه يُمه ي المصلحجيه
مارِيا:انت
وبصعُوبة نطقت الكلمه:المصل..حيه
فوز كانت كاتمه ضحكتها وهمست لنِيهال:فديتني علمتها كيف تقصف الجبهات
نِيهال:وانا اقول شفيها بنت أخوي صارت سُوسه
فوز ضحكت:افا عليك انا عطيتها أسرع درسين بيوم لسّى باقي
نِيهال ضحكت وتحس نفسيتها تغيرت شوي من شافتهُم
رائد اخذها وهو يجلس وعلى يساره فوز وع يمينه
صالح
مارِيا:ايييي؟وين النُونو الصعير؟
رائد ضحك:الحين هُم يلبسوها وبتنام بعدين نرُوح لها
مارِيا بزعل:لا انا ابي الحين والا ازعل عليك
رائد وهو يبتسم رُغم اللي بداخله:افا ي ميمو تزعلين علي؟
مارِيا خزته:اييييييي يلا ودني
رائد ابتسم:تبين تزعجينها وهي نايمه بعدين تبكي وم تسكت؟
مارِيا هزت رأسها بـ لا
رائد:خلاص اجل نخليها يوم ثاني وقت تكون صاحيه علشان تضحك م تبكي
مارِيا سكتت باقتناع
أم رائد وهي تجيب الأكل اللي جابته لنِيهال وتحطه لها بصحن واعطتها ملعقه وهي تمده لها:كلي يُمه
نِيهال خذته بصمت وهي تبدأ تاكل بهدوء ..

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 79 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

صالح وهو يأشر لرائد بمعنى الحقني قام:عن اذنكُم شوي
وطلع وتركهُم
وم هي دقايق الا لحقه رائد
صالح:فيه شي مدري عنه؟
رائد تنهد وهو يقوله عن كُل شي
صالح وعرف موقف نِيهال ايش حيكون بتلوم نفسها نفس م لامتها قبل بوفاة أمهُم:لا حول ولا قوة الا بالله إن شاء الله كُل خير يارب
رائد بتعب:إن شاء الله
صالح:خل ندخل عشان ما يحسون
رائد:يلا ودخلوا من جديد
.
.
عند عهد كانت تحاول تخلص شُغلها بسرعه عشان ترُوح لنِيهال وتتطمن عليها......
.
.
عند غيث كان جالس يقرأ اول ملف قضيه جاه ولابس نظارته ويقرأ بتدقيق قاطعه صوت طرق الباب
غيث:تفضل؟
مُساعدة غيث:برا وحده إسمها تغريد سُليمان تبي تكلمك
غيث إبتسم لا شُعورياً:خليها تدخل
المُساعده بإستغراب:تمام وطلعت
غيث رتب طاولته وسكر الملف اللي كان بين يدينه وم هي دقيقه إلا دخلت تغريد وهي تمشي بهدُوء ونظرها بالأرض من الخجل وبصوت خفيف:السلام عليكُم
غيث إبتسم:وعليكُم السلام،يا أهلاً نقول مكتب مُبارك بما إن أول وحده دخلته بعدي وبعد هيون إنتي
تغريد إبتسمت
غيث ابتسم من شاف الورد اللي بيدها :الله الله من الحين صار عندي مُعجبين
تغريد ضحكت بخفيف
غيث بتذكُر:معليش تفضلِي
تغريد جلست وهي تنزل الورد و كِيس الهديّه ع الطاوله
غيث اخذ نفس عميق:عرفت إنك بقيتي ببيت أهلك
تغريد ببرُود:ايوا
غيث إبتسم:كيف علاقتك معهُم؟
تغريد ببرُود أكثر:للأسف م فيه رابِط يربطنِي معهُم غير إنهُم سبب وجُودي بهالدُنيا وليتني مُو موجُ....
غيث بمُقاطعه ونرفزه من حكيها:شقلنا يا تغريد حبِي نفسك بترضين بكُل شي حِبيها كُل الي حولك بيحبُونك
تغريد بسُخريه:م حولي سُوى ظلِي يا الغيث
غيث كتم إبتسامته من قالت الغيث وتكلم:عندك أمي وترا حابتك بزياده وعندك أختك وأبوك وأمك عندك نفسك وهذا المُهم
وإبتسم بمزح وأشر ع نفسه:عندك المُحامي القوي الغيث
تغريد ضحكت وهي فِعلاً تغيرت نفسيتها من حديثها معِه م تدري كيف صار قادِر يروقها بمُجرد حكِي!
تغريد إبتسمت:ايوا صدق دائماً نسُولف عنِي ليش م تسولف لِي عنك!
غيث ضحك:اها قصدك بتنقلب الآيه وتصيرين إنتي المُحاميه وأنا المُتهم
تغريد إبتسمت من خلف النِقاب:بالضبط
وبتقليد وهي متناسيه نفسها:يلا تفضل أسمعك
غيث ضحك من تذكر نفسه:ماشاءالله تطقطقين على مُحاميك
تغريد وهي مبتسمه:لا أبداً ترا م نسيت يلا تكلم
غيث ابتسم:عن آيش أتكلم؟
تغريد:عن حياتك عن أمك...
وأخذت نفس عميق:عن زوجتك مثلاً
غيث:من عُمري ثلاث سنوات تقريباً توفى أبوي وطبعاً أمي م عندها أهل كُلهم متوفين وأقاربها نسوها أو تناسوها خلينا نقُول بعد وفاة أبوي أمي كانت عندها شهادة المُحاماه بدأت تشتغل ع نفسها علشانِي وعلشان م نحتاج أحد وصارت لِي الأم والأبو والصديقه حرفياً هي أقرب إنسانه لقلبي وأبيع الدُنيا عشانها الإنسانه الي مستعد أعطيها عُمري وقلبي وم أعتقد قلبي بيحب أحد كِثرها
تغريد إبتسمت ع علاقته مع أمه دائماً ويعني من لقاءاتها مع هيا وغيث أسلوبهُم مع بعض م هُو أسلوب أم ولدها تحسه أسلوب مُحب ومُحبه صديقه وصديقه أخت وأختها حرفياً علاقتهُم حُلوه بشكل !!
غيث:صرت أحب المُحاماه منها واحياناً اساعدها في القضايا وبعدها درست وكان إختبار سنوات الدِراسه قضيتك أصريت عليها أمسكها وقالت نجاحك بيحدد مُستقبلك وأنا تمسكت في حلّها بكُل اصرار علشان أرد لها لو نُص الجميل وبرضوا علشان أحقق حِلمي وعلشان أنصُر مظلومه وضحك م أخبي عليك بالبدايه يأست منك لما شفت سُكوتك الطويل ولما قرأت قضاياك م كان عقلِي راضي يصدق إن فيه ناس فِعلاً يصير فيهُم كِذا بس الحمدلله نصرت المُظلومه وحققت حِلمي وأرضيت هيونه وضحك
تغريد بترقُب لردة فِعله:وزوجتك وينها بكُل ذا؟
غيث ابتسم:زوجتي م تزوجت الا من شهور زواج تقليدي يعني بس عرفت إنها كانت تحبني
وابتسم
تغريد :وأنت تحبها؟
غيث ضحك وطالع بالورد:ايوا ذَا لِي؟
تغريد تنرفزت من تهرُبه بس تجاهلت:ايوا حبيت أشكُرك ع اللي سويته لِي لو غيرك كان م رضى يشتغل بقضايا ميؤوس منها شُكرًا ع كُل شي وقامت
غيث بإبتسامه:إنتي بنت مُذهله حرفياً أتمنى لك التوفيق
تغريد بخجل:شكرًا مره ثانيه مع السلامه
وطلعت بسرعه وخدودها صارت حمراء بزياده طلعت من الشركه وركبت مع سواقها ..

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 80 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

عند ولاء كانت جالسه بحديقة الشاليه هِي وياسمين والجو كان حُلو وغائم
ياسمين بحماس:شالخطه كيف نجيبه؟
ولاء بتفكير:خليها علي فتحت جوالها وهي تدخل ع إسمه وتكتب:سلام،أعرف إنك حتكُون مع بندر بعد خُروجه من الجامعه ياليت تجيبه لشاليه*** الساعه ٨:٠٠مساءاً بس بدُون م يعرف وشكرًا مُقدماً، وقفلت جوالها..
ياسمين بتوتر:ولاء؟
ولاء رفعت نظرها:هلا؟
ياسمين:م تفكرين تسامحين أمي
ولاء ميلت فمها بسُخريه:ربك يسامح مالِي علاقه فيها أنا
ياسمين:بس....
وقاطعها صوت رِساله من جوال ولاء
ولاء اخذت جوالها وهي تفتحه وشافت ردّه
عبدالله:خدام أبوك أنا !
ولاء ردّت بتنرفُز منه:خلاص مابِي منك شي أعرف أدّبر حالي ما منك فايده وقفلت جوالها بقهرر وهي تشتمه بداخلها هُو الوحيد اللي قادر ينرفزها بحركاته اللي م تعتبرها غير لِقافه وتدُخل
ياسمين:شفيك؟
ولاء:ولا شي،اتصلي ع أمك وأبوك اذا يبون يحضرون،الشاليه كبير والحفل برضوا
وقامت:برُوح أتجهز أنا
ياسمين:خذِيني معِك بتجهز كمان
ولاء:يلا وتقدمت وهي تساعدها تخرج من الحديقه علشان يسهل عليها تحريك كُرسيها المُتحرك
.
.
عند عهد خلصت شُغلها وتوجهت لنِيهال
طقت الباب وابتسمت من شافت نِيهال وفوز بس اللي بالغُرفه ركضت لنِيهال وهي تحضنها بقوه وبكت بدُون شُعور:اه حبيبتييييي إنتي الحمدلله ع سلامتك خوفتينا وربي
نِيهال حضنتها اكثر وهي تبكي بصمت وتحس لو ردّت بتنهار بعد دقايق
فوز ضحكت:نسيتوني وربي
نِيهال ابتعدت عن عهد بعد م مسحت دُموعها:الله يسلمك ياقلبي
عهد ضحكت بين دُموعها وبحماس :وين النتفه الحُلوه بشُوف أكيد طالعة على خالتها فديتها
نِيهال وهي تبلع ريقها وبضِيقه:تعبانه إن شاء الله بس تتحسن يجيبونها
فوز بخوف:شفيها؟
نِيهال وهِي مُو قادره تسيطر ع نفسها غطت وجهها وانهارت بُكاء:مدري
فوز وهي تقوم وتضمها:ي قلبي إنتي اهدي إن شاء الله تعب بسيط وبعدين كُل الأطفال لما يولدوا يتعبوا شوي و إن شاء الله بتشوفينها عروس كمان بس لا تبكين
عهد وهي تكتم شهقاتها هي اللي فيها يكفيها وسمعت نِيهال وشافت انهيارها انهارت معها
فوز وهي تأشر لعهد
عهد وهي تحاول تسيطر ع نبرة صوتها:من جد إن شاء الله بتشوفينها وبعدين كُل الأطفال يتعبوا شوي
أنا أشوفهُم خليك قويه لا تصيرين ضعيفه
نِيهال بشهقات وحاضنه فوز بقوه:مانِي قادره أمسك نفسي أنا أموت عادِي بس هي تعيش تعيش وبكت اكثرر:مقدر أتحمل فقد أحد أحبه مًو عاد بنتي كنت أنتظرها تملي الفراغ اللي أحس فيه مقدر أتحمل .....
عهد وهي تقترب منها وتمسك يدها:إن شاء الله كُل خير الله م يترك أحد تفألِي بالخير وبتلاقينه إن شاء الله يلا عاد لا تبكين وامسحي دُموعك قبل يجي رائد ويشُوفك كِذا تعرفين انه يتضايق إذا شافك كِذا
نِيهال وهي تبتعد عن فوز وتمسح دُموعها: إن شاء الله
فوز لفت وهي م تبي أحد يشُوف دُموعها مسحتها بسرعه ولفت وبمزح:يلا عاد ي نهله ابتسمي وروقي
وانا برُوح أشوف رائد وين وياويلك اجي الاقيك كِذا تبكين ابي اجي الاقيك تضحكين
نِيهال ابتسمت
أما فوز طلعت وتركتهُم .
.
.
الساعه ٤:٢٢مساءاً
ياسمين وهي تطالع بلبسها بقهرر:منجدك تلبسين هاللبس مستوعبه بنات خالاتي بيجون وتعرفين حركاتهُم يعني
ولاء بعدم مُبالاه:هذا اللي ناقِص أهتم لرأيهُم
ياسمين:ولا يارُوحي حفل حفل هُو مُو منجدك تلبسي جينز وأسود وتيشيرت!!!
وحركت كُرسيها وهي تروح وتاخذ الجمبسوت اللي ع السرير:شُوفي ذا بيطلع يموت عليك وعلى جسمك
ولاء طالعت فيه وبكذب:م حبيته مرا
ياسمين صرخت بقهررر:ولااااااء صار لِي ساعه أقنعك مُو معقُوله راسك يابس بزياده
رمت الجمبسوت:اذا بتلبسينه البسيه واذا م تبين بكيفك اساساً من متى تاخذي برأيي م يهمك شي إنتي
ولفت كُرسيها ع المرايه بزعل أخذت الميك آب وبدأت تحط لنفسها وهي م تطالع بولاء أما ولاء اخذت جوالها وجلست
ياسمين طالعت إنعكاسها بالمرايه وخزتها بقهرر من عنادها .
.
.
عند أم تغريد كانت جالسه بالصاله وعلياء معها وتغريد تو جت بعد م خلصت اشغالها وجالسه ع جوالها....
أم تغريد:علياء
علياء وهي تنزل الحوال:هلا؟
أم تغريد وهي عارفه لو قالت لتغريد بترفض فقالت لعلياء بس:بُكرا برُوح لعزيمه عند أم أحمد تبين ترُوحين معِي؟
علياء:لا مالِي خلق
تغريد ونظرها بالجوال:أنا برُوح
علياء طالعت فيها بإستغراب:شعندك؟
تغريد:كِذا برُوح م عندي شي
علياء سكتت وهي تفتح جوالها وطالعت برقمه بقهررر:عمى بع...

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 81 ..

📚 😍 📃
📖 روايـــــــــــــة ✍🏼
{ يا غيث قلبي و نوره }

📖🖌 @storykaligi 🎀🍃

قاطعها رنين جوالها ورقمه ابتسمت بغرُور وردّت:نعم شتبي؟
صالح وهو ينتظر الدكتور يجي:ردي بأسلوب أحسن لك
علياء:داق تهددني !!!
صالح:أقول دقيت عشان أقولك تبين الطلاق ولا؟
علياء سكتت بصدمه:يكُون بعلمك بتزوج أنا إن شاء الله وإذا بتبقين ع ذمتي علشان مارِيا بس والا خاطرِي طاب منك أنتظر ردّك برساله سلام وسكر الخط
علياء كانت عُيونها بالمزهريه اللي قدامها قامت بصدمه ودمُوعها نزلت ومن قهرها ضربت المزهريه الي قدامها بقوه
أم تغريد بخوف:شفيك؟؟
علياء ركضت لغرفتها
أم تغريد وهي تناديها:علياء..علياء
لكن بدُون اجابه طالعت بتغريد اللي ع نفس وضعها والوضع عادي عندها
ردّت ع جوالها وبعد دقايق قفلت الخط وقامت
وهي ترُوح غُرفتها اللي مليئه بالشناط وكُل شي فيها منقلب اخذت عبايتها ونقابها وهي تلبسهُم
ونزلت تحت ومرت من الصاله وتكلمت بهدوء:العُمال بيدخلون لفوق
أم تغريد وقفت بأستغراب:ل..
تغريد مشت وم تركت أي مجال للحديث بينهُم
أم تغريد اخذت نفس وهي تهز رأسها بأسف ومشت لغُرفتها
بعد دقايق دخلوا العُمال غرفة تغريد واخذوا كُل اللي بالغرفه م عدت الشناط الي فيها كُل أغراضها وبدؤا يدخلوا الأثاث الجديد اللي ع ذوقها
وبعد أربع ساعات خرجوا وحاسبتهُم وطلعوا...

.
طلعت من الحمام أكرم القارئ..
وهي تطالع بنفسها ومُو عاجبها مرا
ياسمين طالعت بإعجاب وذُهول:اوووففففف طالعه تموتين شُوفي كيف ضابط عليك
وطالعت بوجهها : تعالي تعالي بحط لك ميك آب خفيف
ولاء برفض:لا بحط آيلاينر بس
ياسمين ابتسمت:وه بس جعلني آيلاينر
ولاء ابتسمت وهي تتوجه لمراية التسريحه وتحط لها ايلاينر سريع وروج خفيف جداً تحسست شعرها اللي صار يوصل لفوق كتفها تركته وهي ناويه تقصه وقت تفضى
ياسمين:نادي الخدامه تساعدني ألب..
ووقفت من تذكرت إن الخدامه بالبيت تأففت ودُموعها بعيونها مِين بيساعدها تلبس لفت وجهها عن ولاء وهي م تبيها تُشوف دُموعها
ولاء انتبهت لدُموعها وم تحملت وراحت أخذت فُستانها اللي ع السرير وجت لعندها:بساعدك أنا م أعتقد بيننا هالحكِي
ياسمين وهي تمسح دمُوعها وم تبي تخرب الميك آب:اوكي يلا .
.
.
الساعه ٧:٣٠مساءاً
عند عبدالله كانوا بمطعم هُو وبندر وبعد م خلصوا أكلهُم
عبدالله:قوم بنرُوح الشاليه حق الأهل باخذ شغله بعدها نتمشى عند البحر
بندر:رُوح وبنتظرك هِنا
عبدالله:لا مالِي خلق ابيك تسليني خلصني يلا
بندر قام:يلا
عبدالله كتم إبتسامته:منك فايده الحمدلله
بندر ضحك:طالع عليك فديت هالخشم
عبدالله ضحك وهو يركب السياره ويركب معه .
.
.
بالشاليه إجتمعوا الكُل أم ولاء وأبو بندر
وخوات أم ولاء وبناتهُم وعُمان بندر وعيال عُمانه
الرجال بِقسم والحريم بِقسم......
كانوا كُلهم داخل الشاليه ما عدا ولاء كانت بالحديقه وما تبي تجلس معهُم وم هي دقايق الا جاءها إتصال وردّت بلهفه:لقيتهُم ؟
الرجُل بأسف:لا مع الأسف بس لقيت أثر
ولاء بنبره وضحت فيها الفرحه ولأول مره بعد سنوات:منجدك؟ طيب رُوح شُوف
الرجُل:مُو سهله شوي
ولاء رفعت حاجبها الأيسر:من أي ناحيه؟
الرجُل:الموضُوع مُمكن يكُون فيه دم
ولاء:طيب خِذ معِك ناس م أعتقد صعب عليك !
كان خلفها ويستمع لحديثها بِدقه
ولاء التزمت الصمت من حست بأحد خلفها وكانت تمثل الهدُوء وانها م حسّت بوجُود هالشخص
لفت بسرعه وطاح الجوال من يدها ومسكته بحركه سريعه وهي تلف يده وراء ظهره
عبدالله بتآوه:الله لا ياخذك انتي كُل م اجيك تسوين لِي اصابه هذا وانا مسوي فيك خير
ولاء كتمت ابتسامتها ع نبرة صوته اللي واضح تألم فيها
وبجديّه:عشان تتعلم م تدخل أي مكان يعجبك
عبدالله:اقول اتركيني
ولاء بنرفزه منه:لا تتأمر الله الله عجيب!
عبدالله كتم إبتسامته:أقول أنصحك تتركيني
ولاء بإستفزاز:اترك نصيحتك لك ي حضرة المُفتش
عبدالله لف يدها بسرعه و بنفس طريقتها وصار ظهرها ملاصق لصدره ووجهه ع كتفها:ايوا قلتلك اتركيني نصيحه ولا م قلت
ولاء بتوتر:اتركني لا أكسر يدك
عبدالله ضحك وهو يبي يستفزها وبطقطقه:يلا اكسريها الكسر منك جبر
ولاء بقهر:وتتغزل كمان!!! وقِح صدق
عبدالله ضحك بقوه:ماشاءالله شهالكشخه ي رئيسه!
ولاء:اتركني قبل يجي أحد
عبدالله ضحك ووجهه ع كتفها وقريب من وجهها:اوفف من متى تهتمين لأحد
ولاء:م أهتم بس مهتمه للي بيشوفونه وكيف بتطيح من عينهُم وبعدين بندر وين؟
عبدالله:ينتظرني حسبالي اهلي هنا
ولاء بقهر:وانت فليتها صح؟
عبدالله بإبتسامه:افا عليك لزُوم نأدبك ..

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀