Падтрымайце каманду фонда "Краіна для Жыцця"!

Штодня мы робім тое, што дае паратунак многім пацярпелым ад рэпрэсій і падтрымлівае ў гэтыя няпростыя часы: арганізуем гуманітарныя ініцыятывы, распачынаем новыя праекты і ўдасканальваем тыя, што ўжо працуюць, робім тэматычныя зборы, клапоцімся пра жыхароў нашага шэлтара, няспынна дбаем пра нашыя сацсеткі. Гэта ўсё — для вас і праз вашую падтрымку.

Сягоння мы звяртаемся да вас з асаблівай просьбай: падтрымайце нашу каманду!

Вячаслаў Жукаў, праектны дырэктар фонду:

«Сітуацыя сапраўды няпростая і ў пэўным сэнсе парадаксальная: у сувязі са скарачэннем знешняга фінансавання ў нас застаюцца рэсурсы на дапамогу людзям, але фінансаванне на адміністрацыйнае суправаджэнне значна скарочанае — іншымі словамі, на працу самой каманды грошай не стае. Цяпер мы перабудоўваем унутраныя працэсы і вельмі разлічваем на падтрымку беларусаў, якім не ўсё адно. Гэта дапаможа нам працягваць справу і заставацца эфектыўнымі.»

А каманда ў нас сапраўды класная. Нашым працэсам камунікацыі і ўзяемадзеяння можна толькі пазайздросціць, і планаў у нас даволі шмат. З-за фінансавай нестабільнасці гэта ўсё можа стаць не актуальным.

Ваша дапамога сягоння вельмі важная для нас, як ніколі. Падтрымайце нас, а мы будзем падтрымліваць іншых. Дзякуй, што вы побач.

☕️ Buy Me a Coffee
🎁 Patreon

Яшчэ ёсць 2 дні!

30 жніўня — апошні дзень прыёма заявак на гуманітарную дапамогу.

Хто можа звярнуцца?

🔹 палітвязні з інваліднасцю (у тым ліку былыя);
🔹 сем’і палітвязняў (у тым ліку былых), дзе ёсць дзіця з інваліднасцю.

Гэта будзе матэрыяльная падтрымка — да 300 еўра.

Не марудзьце! Падавайце заяўку ўжо сёння.

👉 Запоўніць форму

💛 Калі вы хочаце падтрымаць гэты кірунак — да канца жніўня яшчэ можна зрабіць ахвяраванне:
🔗 Ахвяраваць

Дапамогу атрымаюць тыя, каму яна сапраўды патрэбная.

1 верасня — дзень, калі дзеці ідуць ў школу. Але падрыхтоўка да навучальнага года — няпростая справа для многіх беларусаў, якія вымушана пакінулі сваю краіну.

Такія звычайныя рэчы, як набыццё вопраткі, канцылярыі і іншых патрэбных рэчаў, становяцца выпрабаваннем для сем'яў.

Паглядзіце відэа! Гэта — адна са шматлікіх гісторый, звязаных з вымушанай эміграцыяй.

❤️ Не забывайцеся на тое, як важна дапамагаць людям ва ўразлівым становішчы.

А калі вы хочаце падтрымаць каманду, што займаецца юрыдычнай дапамогай і падказвае беларусам правільны шлях у няпростай сітуацыі, — пераходзьце па спасылцы!

☕️ Buy Me a Coffee
🎁 Patreon

Фонду «Краіна для Жыцця» хутка 5 гадоў!

За гэты час мы неаднаразова сутыкаліся з непаразуменнямі: да гэтага часу нас блытаюць з грамадскім рухам і YouTube-каналам «Страна для Жизни».

Пазіцыя фонду — прыцыповая нейтральнасць. Мы не падтрымліваем палітычныя сілы, наша місія — дапамога людзям.

Цяпер мы абмяркоўваем магчымую змену назвы — каб пазбегнуць непаразуменняў і яшчэ больш выразна паказаць, хто мы ёсць і за што стаім.

Наш праектны дырэктар Вячаслаў Жукаў у інтэрв'ю "Еўрарадыё" усё патлумачыў вельмі дакладна.

Глядзіце запіс эфіру па спасылцы.