1- م تستسلم لي الاحاسيس و العواطف حاول اتجاوزها م تتجنبها لو انت عاز تثق في نفسك عيشها واتجاوزها بعد تعيشها لكن م تتجنبها وكن علي يقين انو دي جزو من الحياة وح تحصل ح تحصل اي كان هي شنو المهم انك م تستسلم و لا تتجنبها وتخاف لا عيشها وبعد تعيشها اتجاوزها وشوف المرحلة البعديها يعني واجها حليتها اهلاً وسهلاً م حليتها انت م في يدك شي والسلام عليكم💜✨

2- وقف اي كلام سلبي انت قاعد تقوله لي نفسك يومي وانت عارف قاعد تقول شنو وبتفكر كيف في افكار سلبية معششة في راسك انا م بقدر اعمل كدا انا م شاطر زي دا انا م بقبلوني في شغلي انا شكلي شين انا ماف واحدة او واحد بقبل بي انا م عندي قروش انا م عندي مستقبل كل الكلام دا وقفه وراجع نفسك باليل شوف انت قولتا شنو وربنا اراد ليك شنو وهل انت راضي بحكم ربنا دا ولا لا وغالباً ضعف الثقة بالنفس انت اللي سببه فيه يعني عادي تقول عن نفسك كلام وتصدقه ويبقى ليك حقيقة💜✨

3- البس ساعة ايوا البس ساعة صدقني ح تزيد ثقتك بنفس ومنظرك حيكون محترم والناس نظرتها ليك ح تكون غير وبينك وبين نفسك ح تكون انيق دا غير انها بتدل انك محترم وقتك وم الي ذالك صدقني حاجات بسيطة زي دي بس تأثيراتها عالية ودا م معناها تمشي تشري ساعة رولكس او اي ماركة تانية او الساعة الذكية لا اي ساعة بتتناسب مع شخصيتك وخلاص المهم ساعة في يدك واجدع الراسطات والاساور وشغل المراهقين دا خلي بالنسبة للاولاد الكلام دا💜✨

5- اتعلم تقول لا وتواجه الناس وبطل ضعف و مجاملات خايف تخسر الناس دي كلها لو قلت لا صدقني الناس ح يجي يوم وتخسرهم و تتزكر انو كان ممكن تقول لا في حاجة م عاجباك وضعفتا شخصيتك وم قولتا اعرف متين تقول لا ومتين م تقول وم تقول لا في حاجة مفترض تقول فيها نعم وم تقول نعم في حاجة مفترض تقول فيها لا يعني حكم نفسك وقول لا في اي حاجة م بتتوافق معاك طلعة سهرة حفلة اي حاجة م عايزها م تجامل قول طوالي لا انت كدا ثقتك في نفسك ح تزيد وكدا الناس ح تفهم حاجة واحدة انو الشخص دا واثق من نفسه لو م واثق م كان قال لا💜✨

6- العلاقات المسمومة احياناً الناس بتكون في علاقات مسمومة او توكسيك سوا لو اصدقاء او دفعة او ناس اهلك او ناس حولك بحسسوك انك ولاشي او بقللو من قيمتك او هم في نفسهم تاكلنها وضع البلد والحكومة وانو م حيستفيدو من القراية او الوضع صعب وانك بتضيع زمنك ناس زي ديل حاول اتجنبهم واتخطاهم حتى لو اصحابك شديد حاول م تسمع منهم مواضيع زي دي حتى لو خسيت كلامهم صح اتجنب وم تركز معاهم ولو عصرو عليك شديد افصلهم💜✨

7- مواجهة الخوف النقطة دي مهمة شديد في حاجات في حياتك ومواقف بتحصل ليك بتخليك خايف منها خليك شجاع وواجها ح يحصل شنو مثلاً اقرب مثال ليك مثلاً كسرتا كباية حقت امك وانت خايف من ردت فعلها وم عايز تعترف وساكت لا واجه وقول ليها دا انا ح يحصل شنو دا مجرد مثال الخلاصة انو اي حاجة واجهتك وانت خايف منها ومتردد واجها او اعملها وعقلك بقول ليك خليك في السيف سايت ومد رجلك قدر لحافك ومالك ومال المجازفات لا م تركز مع عقلك اعمل الحاجة الخايف منها طوالي عايز تتقدم لي بت وخايف يرفضوك امشي اتقدم عايز تقدم لي وظيفة وخايف يرفضوك امشي قدم ح يحصل شنو ح تخسر عادي لكن ح تكسب انك كسرتا حاجز الخوف عندك في الحاجة الخايفة منها دي و دي شي مهم وح يرفع ثقتك بنفسك لي مستوي عالي جداً💜✨

8- صحتك خلي بالك من صحتك اكل كويس اتمرن نوم كويس يعني اهتم بصحتك النفسية والذهنية والجسدية واهم شي الجسدية اطلع غير جو اعمل اشي بتحبو من الممارسات الرياضية خلي هرمونات السعادة ترتفع عندك صدقني ح تزيد ثقتك بنفسك💜✨

9- اعمل خير كل يوم قدم لي شخص حاجة او اشتري لي شخص محتاج حاجة او ادي اي حاجة ياخ ابسط حاجة ابتسم ليه في وشه دي فحد زاتها عمل خير وصدقة ليك وح تزيد ثقتك بنفسك💜✨

10- الحاجة دي مهمة شديد والله وياريت كل حد بعملها يبطلها وصدقني ح تزيد ثقتك بنفسك مليون % ومحتاجة شخص عندو قدرة تحكم في نفسه عالية عشان يعملها عشان كدا هي مهمة اللي هي تبطل الافلام الاباحية لو انت بتشاهدها الحاجة دي بقلل من مستوى تفكيرك وبتضعف جسمك وبتقلل من شخصيتك مع نفسك ودا غير انها حرام صدقني لو قدرتا تتخلص من الحاجة دي ثقتك بي نفسك ح تكون فل💜✨

انتي ما عايزة ترتبطي بالمعني الحرفي للكلمة..انتي مشكلتك اكبر من احتياجك لكلمة "بحبك ، ومشتاق ليك"..
انتي محتاجة زول يحسسك انك "بت ".. 💜

-محتاجة واحد ما تخجلي منو وتحكي ليه كل تفاصيل حياتك بكل العمق و المشاكل والتوهان الفيها..

محتاجة زول يسمعك عشان عايز يسمعك مش عشان دا واجب او فرض علية.. محتاجة تطلعي معاه طفولتك من غير ما يقول عليكي "نكديه او طفله "..وتحكي ليهو عن مشاكلك من غير ما يقول عليك "كئيبة"..

عايزة طبطبة وإحتواء مع عقل بينصحك ويكمل معاكِ احلامك.. 💜 ️

عايزة زول ما تخافي من الدنيا في وجوده ويتقبلك بكل عيوبك ومميزاتك ومزاجيتك البتتغير مليون مرة في الساعة.. يمسك إيدك قبل ما تقعي وتتسندي علية لما الدنيا كلها تبقي ضدك.. 💜

-عايزة واحد يعرف متين يبقي "حبيبك وصاحبك واخوكِ وابوكِ " يملي الفراغات الفي حياتك ، يعوضك عن كل ليالي البؤس والحزن العيشتيها..زول يحسسك فعلاً انو وجودك في الحياة مهم وإن الحياة ما بتكمل الا بوجودك ..

انتي عايزة تشبعي "طبطبة وإهتمام وحب وثقة وسند"..

كل الحاجات دي حاجه فطريه في البت عشان كده حكمي عقلك كويس شديد واختاري صح علشان ما تندمي

للأبد افضلو قولو الجمله دي :
"يارب لو الحاجه دي فيها خير قربها مني ولو فيها شر بعدها مني "
واستخيرو في اي شي ، استخيرو كتييررر
ربنا وقتها هيبعد منكم اي شي ممكن يكون سبب في انو يضركم ولو شويه 💜✨

البغادرو م حلوين وح تفوتكم حاجات كتيره حلوه🥺💜

اي زول فينا هو الوحيد اللي عارف الصعوبات الإجتازها والمراحل العسيره المرة بيها عشان ينجح فما تكترث وتدي اهتمام لكلام الناس السلبي عنك💜

متذكرين الحلقه دي يلا دا حالي مع اعضا القناة 😭😂