🇺🇿🇺🇿🇺🇿🇺🇿

🌟 Kadastr agentligi tizimidagi inson resurslari mutaxassislari malakasi oshirilmoqda

🇺🇿O‘zbekiston Respublikasi Prezidentining 2023-yil 11-sentabrdagi PF–158-son Farmoni bilan tasdiqlangan “O‘zbekiston – 2030” strategiyasining 81-bandi hamda “Davlat fuqarolik xizmati to‘g‘risida”gi Qonunning 12-moddasida davlat xizmatchilarining o‘z kasbiy kompetensiyalarini muntazam oshirib borishi va har uch yilda bir marotaba malaka oshirib, sertifikatga ega bo‘lishi belgilangan.

🔹Mazkur talablar asosida, Agentlik tizimida inson resurslarini boshqarish va rivojlantirish masalalariga mas’ul bo‘lgan jami 80 nafar mutaxassis uchun “Yurist va Kadr” nodavlat ta’lim muassasasi tomonidan tashkil etilgan 36 soatlik (5 kunlik) qisqa muddatli malaka oshirish kurslari boshlab yuborildi.

📍 Malaka oshirish ishlari quyidagi tartibda amalga oshirilmoqda:

🟪 1-guruh: 2025-yil 23–27-iyun kunlari – Toshkent shahar va Toshkent viloyati hududlaridagi mutaxassislar ishtirokida, “Yurist va Kadr” NTMda;
🟪 2-guruh: 30-iyun – 4-iyul kunlari – Farg‘ona viloyati Kadastr boshqarmasida;
🟪 3-guruh: 7–11-iyul kunlari – Samarqand viloyati Kadastr boshqarmasida;
🟪 4-guruh: 14–18-iyul kunlari – Buxoro viloyati Kadastr boshqarmasida.

📚 Ayni paytda 1-guruh mutaxassislari uchun Toshkent shahridagi o‘quv kurslari davom etmoqda. Ular “Mehnat kodeksi bo‘yicha kadrlar xizmati faoliyatida qonun hujjatlari talablariga rioya qilish hamda mehnatga oid hujjatlarni to‘g‘ri rasmiylashtirish” mavzusida malakalarini oshirmoqda.

✅ Ushbu tadbirlar kadrlar salohiyatini oshirish, huquqiy bilimlarini mustahkamlash hamda inson resurslari boshqaruvi samaradorligini yanada kuchaytirishga xizmat qiladi.

#Kadastr_agentligi #inson_resurslari #malaka_oshirish

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿🇺🇿

🇺🇿🇲🇳O‘zbekiston Respublikasi Prezidenti Shavkat Mirziyoyev Mo‘g‘uliston Prezidenti Uxnaagiyn Xurelsuxning taklifiga binoan rafiqasi bilan birga 24-25 iyun kunlari davlat tashrifi bilan ushbu mamlakatda bo'ldi.

◼️Davlatimiz rahbari va rafiqasini Mo‘g‘uliston Prezidenti Uxnaagiyn Xurelsux rafiqasi bilan kutib oldi.

◼️Mo‘g‘uliston Davlat saroyida Prezidentlarning tor doiradagi va rasmiy delegatsiyalar ishtirokidagi muzokaralari bo‘lib o‘tdi.

◼️Ulan-Bator shahrida o‘tgan oliy darajadagi muzokaralar yakunida Davlat rahbarlari Keng qamrovli sheriklik munosabatlarini o‘rnatish to‘g‘risidagi qo‘shma deklaratsiyani imzoladilar.

◼️Ommaviy axborot vositalari vakillari bilan uchrashuvda Prezidentlar o‘tkazilgan muzokaralar natijalariga doir fikrlarini bayon qildilar.

◼️O‘zbekiston Prezidenti Shavkat Mirziyoyev va Mo‘g‘uliston Prezidenti Uxnaagiyn Xurelsux rafiqalari bilan birgalikda ikki mamlakat san’at ustalarining konsertida ishtirok etdilar.

◼️Prezidentlar rafiqalari bilan birga "Ix Tenger" davlat majmuasi bog‘ida daraxt ekdilar.

◼️O‘zbekiston Respublikasi Prezidenti Shavkat Mirziyoyevning Mo‘g‘ulistonga davlat tashrifi yakuniga yetdi.

#Prezident #DavKadastrPalata

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter