📃 Ko‘chmas mulkka bo‘lgan quyidagi huquqlar yoki cheklovlar davlat ro‘yxatidan o‘tkazilishi lozim:

▪️Mulk huquqi;
▪️Doimiy egalik qilish huquqi;
▪️Doimiy foydalanish huquqi;
▪️Meros qilib qoldiriladigan umrbod egalik qilish huquqi;
▪️Ijara huquqi, shu jumladan ijaraga olingan yer uchastkasiga bo‘lgan huquqlar va majburiyatlarni boshqa shaxsga o‘tkazish (qayta ijaraga berish) natijasida yuzaga keladigan ijara huquqi;
▪️Ikkilamchi ijara huquqi;
▪️Xo‘jalik yuritish huquqi;
▪️Operativ boshqarish huquqi;
▪️Ko‘chmas mulkni ishonchli boshqarish huquqi;
▪️Bepul foydalanish huquqi;
▪️Renta;
▪️Ipoteka;
▪️Servitut;

💬Ko‘chmas mulkka bo‘lgan huquqlarga nisbatan qonundan kelib chiqadigan yoki vakolatli davlat organlari tomonidan qo‘yilgan (belgilangan) cheklovlar.

😏Mulkka qo'yilgan taqiqlarni: Bunda mulk garovda yoki garovda emasligi, sud yoki boshqa huquqni muhofaza qiluvchi organlar hujjatlari bilan ta'qiq qo‘yilgan yoki boshqa majburiyatlar belgilanganligini aniqlash lozim! Ko‘chmas mulk obyektida ta'qiq yoki cheklovlar mavjud bo‘lsa, xarid bitimi keyinchalik bekor qilinishi mumkin.

😞Ko'chmas mulkning haqiqiy chegara nuqtalari hududini: Agar yer uchastkasi sotib olayotgan bo‘lsangiz, kadastr hujjatlarida ko‘rsatilgan yer uchastkasi chegara hududi o‘lchovlarga mos kelishiga shuningdek, kadastr hujjatlarida ko‘rsatilgan bino va inshootlarning o‘lchov ma’lumotlari amaldagi o‘lchamlarga mos kelishiga ishonch hosil qiling. Aks holda, qo‘shnilar bilan ko‘chmas mulk mansubligi masalasida nizolar kelib chiqishi mumkin.

😟Hujjatdagi foydalanish maqsadning mos kelishi: Agar siz ishlab chiqarish (biznes) yoki turar joy uchun ko‘chmas mulk olayotgan bo‘lsangiz, kadastr hujjatlarida ko‘chmas mulkdan foydalanish maqsadi qanday ko‘rsatilganiga ya’ni "noturar yoki turar joy" yoxud "ishlab chiqarish" deb ko‘rsatilganiga e’tiborli bo‘ling. Agar ko‘chmas mulkdan hujjatda ko‘rsatilgan foydalanish maqsadidan boshqa maqsadda foydalansangiz Sizga nisbatan qonuniy choralar ko‘rilishi mumkin.

O‘zbekiston Respublikasining davlat tili o‘zbek tilidir.

O‘zbek tiliga davlat tili maqomining berilishi respublika hududida yashovchi millat va elatlarning o‘z ona tilini qo‘llashdan iborat konstitutsiyaviy huquqlariga monelik qilmaydi.