Сўх туманида аҳолига сайёр ҳуқуқий ёрдам кўрсатилмоқда

Айни кунда Сўх туманида аҳолига ҳуқуқий масалаларда амалий ёрдам кўрсатиш мақсадида сайёр хизмат тадбирлари ташкил этилмоқда.

Ушбу тадбирларда Давлат хизматлари маркази, ФҲДЁ бўлими, адлия бўлими ходимлари иштирок этиб, аҳолининг ҳуқуқий саволларига жавоб бермоқда.
Сайёр хизматлар қуйидаги жойларда ташкил этилди:

30-сонли болалар мусиқа ва санъат мактаби (Янгиариқ маҳалласи);

Болалар ёзги соғломлаштириш оромгоҳи;

27-сонли умумий ўрта таълим мактаби (Тул маҳалласи).

Тадбирлар давомида фуқароларнинг ҳуқуқий мурожаатлари тингланди, уларга тегишли маслаҳатлар ва ҳуқуқий тушунтиришлар берилди.

Сайёр хизматлар аҳоли учун қулайлик яратиш, ҳуқуқий билимларни ошириш ва давлат хизматларидан самарали фойдаланиш имконини беради.

Сўх тумани ҳокимлиги Ахборот хизмати

🇺🇿https://www.tg-me.com/suxliklars

🌍Веб сайт|💬Facebook|✅Telegram| 📹Youtube |📸 Instagram

Фарғонада замонавий пахта териш техникалари йиғилмоқда

"Ўзагролизинг” АЖ нинг Фарғона вилояти филиали ҳудудида “Svant Fergana” компанияси томонидан Хитой Халқ Республикасидан олиб келинган замонавий пахта териш машиналарини йиғиш ишлари босқичма-босқич амалга оширилмоқда.

Режага кўра, умумий ҳисобда 300 дона техника олиб келиниши белгиланган бўлиб, бугунги кунга қадар уларнинг 80 таси тўлиқ йиғиб тайёр ҳолга келтирилган. Фарғона вилоятининг ўзида эса жами 130 дона техникани йиғиш режалаштирилган.

Йиғилаётган ушбу замонавий техникалар бир қатор устунликлари билан ажралиб туради. Энг аввало, пахтани тоза, сифатли ва зарар етказмасдан териб олади. Бу техникалар бир вақтнинг ўзида 500 нафар ишчининг ишини бажара олади. Бу эса пахта йиғим-терими мавсумида меҳнат ресурсларидан самарали фойдаланиш, инсон ресурсларига тушадиган босимни камайтириш ва айни пайтда ҳосил йиғимининг тезкорлигини таъминлашда муҳим омил бўлиб хизмат қилади.

Fergana.uz|Facebook|Instagram|Youtube|X

Farg‘ona davlat texnika universitetida mehnat yarmarkasi va “Biznes marafon” trening mashg‘ulotlari bo‘lib o‘tdi

Farg‘ona davlat texnika universitetida “Dolzarb 90 kun” loyihasi doirasida mehnat yarmarkasi hamda “Biznes marafon” seminar-trening mashg‘ulotlari tashkil etildi.

Tadbir Farg‘ona viloyati hokimligi, viloyat prokuraturasi, Yoshlar ishlari agentligi, Oliy ta’lim, fan va innovatsiyalar boshqarmasi hamda bir qator tegishli tashkilotlar hamkorligida o‘tkazildi.

“Muvaffaqiyatli bandlik — sifatli ta’limning ishonchli kafolati!” shiori ostida tashkil etilgan mehnat yarmarkasining asosiy maqsadi oliy ta’lim muassasalari bitiruvchilarini ish bilan ta’minlash, ularni kasb-hunarga yo‘naltirish hamda tadbirkorlik faoliyatiga keng jalb etishdan iborat bo‘ldi.

Yarmarkada viloyatdagi 30 dan ortiq yirik korxona va tashkilotlar ishtirok etib, 1 ming 200 dan ziyod bo‘sh ish o‘rinlari taklif etildi. Unda 2 ming 100 nafardan ortiq bitiruvchi talabalar qatnashdi.

Fergana.uz|Facebook|Instagram|Youtube|X