كل شي إنقال بِـ لحظة فضفضة ، بيندفع تمنه غالي بِـ لحظة خلاف ♥️

- إياك أن تعطي هذا القلب لغير أهله .. إياك!

الخواجة عبد القادر | ٢٠١٢

‏"والخاطبُ يَنعُمُ بالنسَايبِ عِيدُهُ
وأهلُ العزوبة ما نالوا سِوى المعمولِ" 🤍

شكراً للناس يلي فارق بحياتها وجودنا ❤️

مِن فترة أخدت نظام جديد في علاقاتي مع النّاس، صرت حاول كون خفيفة على قد ما أقدَر..
بطَّلت أزعل مِن حدا؛ لأنّه عشمي مَحدود فيهُم.

يعني لو غلطت ما رح عاتبك أو آخُد الموضوع على أعصابي متل أوّل..
كُلشي صار سهل وبسيط بالنِّسبة إلي، مثلاً :
" تيجي نطلع؟ "
- تمام يلا.
" شو رأيك نأجِّلها؟ "
- تمام، مافي مُشكلة.

وهيك بمُنتهى البساطة..
قِصّة أقعُد أدقِّر على التصرُّفات متل زمان، وأصير أحلِّل وأعمل تفكير طويل عريض بِـ :
" ليش عمل هيك؟ "
" طيِّب شو قصده مِن هالحركة "
وإلخ مِن هالكلام خلص انتهى وولَّى.

هلق اللي بهمني حاليًّا، واللي بعتبرُه مقياسي الدائم :
" هو قدّيش هالبنت مرتاحة
- باقي الأُمور ما بتلزمني وما بتهمني، وبصراحة هيك كتير الوضع مُريح جداً 💆🏻‍♀️♥️

قناعاتي بتمثّلني بس انا ، مالها علاقة بحَدا غيري ولا حَدا الو علاقة فيها ..
بآمن انّو مسؤولية كل حَدا يتفنّن بصنع حياته وطريقة عيشتها ليتذوُق حلاوتها ..
مَيّال قلبي للأشخاص المُريحين يلي بتقبلوا طِباعي وانعزالي وصمتي بدون عَتب ، بدون تعب ..
اختيارتي انعكاس لشخصيتي ، والشخصيّة شي متل البصمة قَد ما تشابهت ما بتختلف 🤍.

- قررت أفـرمت قلبي ! ، و امسح غرامك كُـله !

اللهم لا تعلقني باحد فيكسرني .. ♥️

للأسف مافي ضمانات لأي شي ، مافي شي بيضمنلك إنك تضل سعيد أو إنك تكمل ب شي حاببو

فَـ حاول دايماً تنبسط باللحظة اللي انت فيها من غير ما تحسب لبعدين ، لان هاد رح ينقص من سعادتك كتير
اللي هي أصلاً وقتية ورح تخلص 💆🏻‍♀️.

غنيلي شوي شوي
غنيلي و خود عينيي 🎵.

في غُرفة بالقلب مسكرة ، بتخيلك ع طول بحالة شرود ..
غُرفة فيها كل كراكيب ذاكرتك وذكرياتك بالماضي
بين كُل فترة وفترة بتدخل عليها لتمسح عنها الغَبرة ..
لـ تبكي فيها على كُل لحظة وموقف مَر معك
بعدين رح تمسح دموعك
ترجع تقفلها ،
وترجع تفوت لحياتك عادي ..
بس بترجع بعد ما نفضت عن كتافك عبئ قلبك
كأنك مبين قدم الكُل انك مش مهتم لاي شي ،
بَس انت بالحقيقة محروق قلبك من كُلّ شي …

كنت روحي لما كان جوايا روح …

💆🏻‍♀️🤍..

في صوت جواتي دائماً بسمعو
بيحكيلي عن الماضي
بيجبلي قصص أنا نسيتها ..
وبيبلش القصة بكلمة بتتذكر !
بيذكرني بقصص غبية بأشخاص نفاهم الزمان من حياتي
بيجي صوت تاني بدو يحكيلي عن المستقبل
بيبلش بكلمة تخيل !
وببلش بتخيل قصص حلوة حتصير بالمستقبل…
بيقطع الصوتين صوت من الحاضر
وبيبلش بكلمة شو رأيك ؟
وبتذكر أنو رأيي مارح يغير الواقع ولا الحاضر
طبعاً لسا في أصوات كتيرة
ناطرة دورها لتحكي جواتي
صوت الندم
صوت الامل
صوت الوطن
صوت الاهل
صوت الحب..
أصوات كتير بلشت كلها تحكي مع بعضها
وكترة الأصوات بتعمل ضجة
جواتي صار في ضجيج
عم أسمع كل هالأصوات بس ولا صوت جرب يسمعني
صوتي مو مسموع لا جواتي ولا براني..
الكتابة بتنسمع اكتر من أصواتنا
الكتابة بتضل وبتتخلد
الاصوات بتموت …

بس كل الشغلات الي بتنكتب ما بتموت
إلا مايجي شخص يشوفها ويقرأها ويحس فيها

إنو تحبك بنت آدمية نعمة من الله:
تكون نقية وبنت أصل ،
تساعدك ع الدنيا ،
تحبك عنجد ،
تراعيك ، تخلصلك ، حنونه عليك، ومقررة تحبك بكل يوم أكتر،

مترباية وشبعانة عز ،

مابعبي عيونها غيرك ،مابتتصيد حدا ،ما بتحاول تلفت نظر حدا ولا بتقلل من احترامك ،
بتصونك بكل مكان،
بتدور عليك بكل مكان،
بتهتم فيك،

ما بتتأثر بكلام البنات ولا حدا بعلمها وبلقنها شو تقلك وكيف تحبك أو كيف تعلقك فيها،

ما بتهتّك بدراستها ،بجمالها ، بعيلتها ،بطوابير المعجبين، بإنها طولت لوافقت عليك ، كلّ همها تضلك بخير، ❤️

بتسامحك دايماً ،
بتعتذر إذا غلطت بحقك ،
بتحترم الناس يلي بتخصك ،
ما بتبعدك عن محبينك ،
بتشاركك اهتماماتك ،

بتتشاورو ع الحياة ،بتتعبو سوا لتفرحو سوا ، رفيقة بكتير مرات وحبيبة بكل المرات،

بنت صادقة إذا حبتك قادرة تخليك ببيتك الصغير جنة 🦋.

‌‎يمكن أصعب شي ممكن نمر فيه بهالدنيا
‌‎انو يكون جواتنا كتير حكي ...!!!
‌‎وحوالينا كتير ناس ممكن يسمعونا...
‌‎ومع هيك مانعرف نعبر عن اللي جواتنا ولا لأي حدا منن...منخاف ننفهم بطريقة غلط.. لأنو ماحدا منن عندو الأمان اللي منحتاجو

‌‎منخاف ننسمع بلا اهتمام لأنو كل حدا عندو همومو اللي بتكفيه

‌‎منخاف يبين اللي جواتنا سخيف... وهو رح يهدنا ويقتلنا

‌‎و كل مانجرب نحكي نسأل حالنا..

‌‎شو بدنا نحكي... ؟
‌‎كيف بدنا نحكي.... ؟
‌‎و لمين بدنا نحكي ..؟؟

هاي جايز كيفكم
حطولنا فولو للانجنير 🌝
وان شاءالله فترة ومنرجه للنشر 😙