عندك خبر يالمنتظر ضـلع أمـك الزهــره
عندك خبر يالمنتظر وأنته أعرف بكسره

ثار ثار للكسر    *   ثار ثار ننتظر

*--------------------*------------------*

فاطمة يبــــــن الحسن عندك خبرهـــه
وتعرف الجاب الحطب واللي عـصرهه
إلأجه لـــــدار الطهر بـيـده وسـعـرهـــه
ماطفت نــــاره وبـعـد موجود أثرهــــه

أهل السقيفه الحاقده اشكم واحد اطلبــه
أهل السقيفه الحاقده اللي خانوا الصـحبه

وين وين يابدر     *    ثار ثار ننتظر

*----------------------*------------------*

دفعوا البـــــاب بحقد زمـرة عـصـابــه
ودّعوا بعد النبــــي همـــه الصـحـابــه
خلوا المحسن على العتبــه بخضابـــه
وانته يالمهدي اتعرف زين ابـمـصـابـه

طاح الطفل وتألمت فاطم تـــــره بجرحه
طاح الطفل وتألمت موقف صعب شـرحه

طاح طاح بالغدر    *    ثار ثار ننتظر

*---------------------*--------------------*

خانوا الهادي بـكـسـر ضـلـع لـبـضـعـتـه
رادوا الزهره الـزچـيـه تـبـچـي سـكـتـه
وللأسف بعـض البشر گـالـوا صـحـبـتـه
نـدري تكشف زيـفـهـم وتـوضـّح انـتـــه

يتنطّرك يبن الحسن ثــــار الطهر بـعـده
يتنطّرك يبن الحسين سيف العدل حِده

عين عين تنسطر     *    ثار ثار ننتظر

*-----------------------*-------------------*

شرّعو نهج القتل جـــــوه الـســقـيـفـه
وابتدوا وي فاطمه الحــره العـفـيـفــه
ننتظر شخصك يجي وشـايـل رهـيفـه
وتنكشف اهل الجـهـل والمـو نـظـيـفـه

أتحاكم الجاب الحطب يمهه وشعل ناره
أتحاكم الجاب الحطب محسن يرد ثـاره

بيك بيك ينجبر    *    ثار ثار ننتظر

*--------------------*------------------*

نفس الوجّوه الهاجمت بـيـت الـزجـيـه
داسوا أعله حـسـيـن يـوم الغـاضـريـــه
العصـروا الـزهـره الـطـهـر وبـلا حـمـيـه
حـركـوا الـخـيـمـه وخذوا زينب سبيــه

نفس الوجّوه بكربله ونفس الحقد بيهــه
نفس الوجوه بكربله يالمهدي أجت ليهـه

نار نار تستعر    *   ثار ثار ننتظر

*--------------------*---------------------*

✍بقلم خادم الزهراء ع
     الشاعر رعد الجريخي


https://www.tg-me.com/sxggnj

نادت أبدمعهـا              حيدر ما سمعها
الليله  يالموالي              انحـب الضلعـها


التموا اصحاب السقيفه الــدارها وداسوهـا
بحقـد صاح الثاني ناده الـبـابهـا حـرگوهــا
طاحت اعله الارض طاحت تون من سمعوها
بالسمه نـاده المنـادي الفاطـمـه عـصـروهــا
بهجمه ناصبيه
طاحت الزچيـه
الليله يالموالي                  انحب الضلعها


ابلا رحم هجمو عليهـا مارعــو والـدهـــا
خلف باب العـفـه لاذت والخجل سانـدهــا
لأن بس اطفال عــدها وشافها الوحـدهــا
ارذل الناس الضربها وصار احمر خدهــا
الشمس بس رادوها
تطـفــه ماطـفــوهــا
الليله يالموالي              انحب الضلعها




الليله عـرش الباري نــاده والمـلائـك تنحب
شافـو بطـيحـت الـزهــره النار گامت تلهـب
فوگ هظم الزهره موقـف چان هوه الاصعب
امها من كسرو ضلعها ازغـيـره چانت زينب
زينب الهـضمـهـــا
بلوعه شافت امها
الليله يالموالي                انحب الضلعها


الگالو اعله النبي يهجر ناس بس مبغـضه
الگعــد والسوه السقـيـفـه الله يلعـن حـضه
الكسر ضلع الزهره يسمع من تنادي فضه
النبي لــو حـاضر الصدره مستعــد يـرضه
سمعـوا  آل اميه
البخـت بالوصيه
الليله يالموالي               انحب الضلعها



الزهره كل الجنه اخـذت نفحه من عطرها
الزهره دنيه والزهره آيه وشرفت خدرها
الامـه يـالـلاسف كلها اتجاهـلـوا قــدرهــا
ولهـــذا الباري قــرر يخـتـفـي گــبــرهــا
الفاطمه حملها
حيدر وغسلها
الليله يالموالي                انحب الضلعها





شاعر اهل البيت (ع)
رياض الرسل الجابري

https://www.tg-me.com/sxggnj

مثل زينب بت علي ما صح بشر
احتار ملك الموت من يمها حضر
▣========▣◈▣========▣
▣========▣◈▣========▣
حكمه من الباري هايه حكمته
مقدر اعله البشر كلمن ساعته
والعقيله الف مره ميته
له بصغرها يوم عاشور العصر
▣========▣◈▣========▣

من الطفوف ام عون كل ساعه تموت
وتذكر امصايبها كل لحضه التفوت
ومن اصعدت علتل وله صاحت بصوت
حسين حي انهض وصل لينه الشمر

▣========▣◈▣========▣

وبعد يا موقف دنا ليها الاجل
للشريعه اكَصدت ماكَام الكفل
وجتفوها ونخوا يمها الهزل
وصاح حاديها ابشري باليسر

▣========▣◈▣========▣

تحتضر بالحضه ضلت بت علي
من ادخلت ديوان ويه  الاجنبي
وخارجيه يصيح ليها الخارجي
وحيل حبل جفوفها عمدا يجر
▣========▣◈▣========▣

جسد زينب والكَلب كله جروح
من صغرها لحد ما طلعت الروح
احتار بيها والوضعها ضل ينوح
بت علي خلص عمرها بالقهر

▣========▣◈▣========▣

✍نور الولايه الفاطميه

https://www.tg-me.com/sxggnj

٠

رجوع السبايا

يحسين اكعد شوف العيله
يمكم زينب هاي اليله
▪︎▪︎▪︎▪︎

يحسين اختك زينب ردت
وين  خواني  عليكم  نشدت
طيور الدنيا وياها الگصدت
والسجاد اتهدم حيله_يحسين اكعد شوف العيله
▪︎▪︎▪︎▪︎

يمكم مثل الورده أوذبلت
واعله اترابك خدها خلت
وياها ادموم الدمعه الهلت
ولو بعد اكثر هم تبجيله_يحسين اكعد شوف العيله
▪︎▪︎▪︎▪︎

عباس اكعد ها يعيوني
بمصاب ارقيه اتواسوني
چانت تصرخ بويه احموني
جراها الترچيه بحيله_يحسين اكعد شوف العيله
▪︎▪︎▪︎▪︎

ضربوني ياخويه وعفتك
حسره بكلبي وماكلمتك
مشكورالوافيت لاختك
بسمك كلبي كل ترتيله_يحسين اكعد شوف العيله
▪︎▪︎▪︎▪︎

عفتك يالوالي وموبيدي
حرمه وبالغربه امشي وحيدي
ومثلك يابس هم وريدي
وصاير وجهي بلون الشيله_يحسين اكعد شوف العيله
▪︎▪︎▪︎▪︎

يبن امي وهذا ابنك شوفه
مثلي روحه هم ملهوفه
زايد حزنه وفاض جروفه
ودينك لوطاح يتجيله_يحسين اكعد شوف العيله
▪︎▪︎▪︎▪︎

يحسين اسمع صوت اعيالي
كلهن صاحن وين الوالي
فظه الصاحت ها يالغالي
فظه اني اسمعني تشكيله_يحسين اكعد شوف العيله
▪︎▪︎▪︎▪︎

فظه ويانه وماعافتنه
هم مسبيه وهم خدمته
حبهه الخالص من حبتنه
زينب وشهد هالتفظيله_يحسين اكعد شوف العيله
▪︎▪︎▪︎▪︎

يحسين اسمع هاي حجايه
وفايه الدينك وفايه
ننصركم معروفه الغايه
لوموت وحبكم نمشيله_
يحسين اكعد شوف العيله
كلمات
الملا احمدالسـالمي
اللهم_عجل_لوليك_الفرج

https://www.tg-me.com/sxggnj