#الفزاعيه_بديوان_بحر_الولاء_الجزء_٢_.


فزاعيه للمسير


عاف اديار جده حسين
والغربه تعناهه
❥━──➸➽❥💔❥━──➸➽❥💔
حمل بلضعن هليوم
ماخذ عيلته المظلوم
ابرجله معتني للگوم
واترفرف رواياهه
❥━──➸➽❥💔❥━──➸➽❥💔
ماخذ عيلته وياه
وعليهم يرف الواه
تهمل بلدمع عيناه
مدري وين منواهه
❥━──➸➽❥💔❥━──➸➽❥💔
سد حسين هاي الدار
ماخذ كل اخوته اوسار
متعني لعد كفار
واخته اتسيل عيناهه
❥━──➸➽❥💔❥━──➸➽❥💔
من ودع گبر جده
او سالت دمعته ابخده
اونزل اهل الكرم سده
وحشه الدار خلاهه
❥━──➸➽❥💔❥━──➸➽❥💔
خلاه النزل مسدود
رايح للغرب ميعود
واخته حيلهه مهدود
هل دمعه او حاچاهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه للمسير


هل عاشور والحره كثر ونهه
على الوالي يشيعيات عازنهه
❥━──➸➽❥💔❥━──➸➽❥💔
لبو السجاد ونن حيل وابعبره
هذا ابن الرسول مدلل الزهره
نعازي فاطمه والزينب الحره
علخوان يوم الي مشو عنهه
❥━──➸➽❥💔❥━──➸➽❥💔
انعازي زينب الخوان عافوهه
وابهذا الشهر بحسين فجعوهه
من بعد الاهل للشام ودوهه
امصايبهه چثيره اليوم اذنهه
❥━──➸➽❥💔❥━──➸➽❥💔
هل شهر الكدر والنوح والاحزان
ابهلايام زينب تفگد الخوان
تروح اميسره للشام وي عدوان
من بعد الخدر ميسوره خلنهه
❥━──➸➽❥💔❥━──➸➽❥💔
امصاب حسين مثله لا جره اولا صار
زينب والحرم ميسوره وي كفار
هل شهر الحزن هلو الدمع غدار
اسهام الصابت ابن امهه يصيبنهه
❥━──➸➽❥💔❥━──➸➽❥💔
لا مريت يا شهر الحزن بيه
بي زينب اويه العدوان مسبيه
تروح اميسره للشام مهديه
لوعات العده بليسر كتلنهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي للمسير


يوم المشينه او حملينه
والديرة الغربه نوينه
اشوف الولي يمسح ابعينه
❥━──➸➽❥💔❥━──➸➽❥💔
عفنه المباني او ذيچ الديار
اوحمل ضعنه او للغرب سار
اوجبنه العيله ازغار واكبار
❥━──➸➽❥💔❥━──➸➽❥💔
مدري الظعن متعني لا وين
عفنه المجلس والدواوين
واليا بلد ما ادري ناوين
❥━──➸➽❥💔❥━──➸➽❥💔
شدو اخوتي محملي اليوم
واليا بلد ناوي المظلوم
او جاب الصبايه الحلوه الارسوم
❥━──➸➽❥💔❥━──➸➽❥💔
ابليل سارت هاي الاضعون
وحسين اخيي ايهل الاعيون
مدري اليا ديره يسيرون
❥━──➸➽❥💔❥━──➸➽❥💔
ساروا اخوتي او سارت الخيل
او حمل ضعنه ابتالي الليل
ويه الضعن جبنه المداليل
❥━──➸➽❥💔❥━──➸➽❥💔
ابظلمه طلعنه او جبنه الاعيال
اعاين لخوتي او مدمعي سال
او جدام ضعني اخوي خيال
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢١_.


لطميه للمسير


وين يبن امي تريد ابهلسفر
گلبي حس ابحزن من شفت الشهر
وين يبن امي تريد
وانته گاصد للبعيد
خايفه يحسين من غدر الدهر
❥━──➸➽❥💔❥━──➸➽❥💔
وين يبن امي تشد ارحالك
ابليل ظلمه لملميت اعيالك
امسارع ابممشاك شتهيالك
حده حداي الضعن برجالك
وين گاصد بلعجل
يلولي او عفت النزل
خايفه يحسين من غدر الدهر
❥━──➸➽❥💔❥━──➸➽❥💔
وين يبن امي تريد ابهلمسير
ابهلضعن ناوي ابسفرتك يلأمير
ما دريت ابسفرتك شنهو اليصير
او تدري دربك يلولي صعب او خطير
وين شايل يلولي
من تشد ابمحملي
خايفه يحسين من غدر الدهر
❥━──➸➽❥💔❥━──➸➽❥💔
خايفه من هلشهر واهلاله
بيه اشوف حسين اخيي اشحاله
للغرب ناوي يشيل اعياله
ماخذ اهله اوصحبته وارجاله
هل الاهلال اوفجع
صحت اخيي او مارجع
خايفه يحسين من غدر الدهر
❥━──➸➽❥💔❥━──➸➽❥💔
خويه وين اتريد ماخذ عيلتك
عايف الديران ظلمه ابشيلتك
خايفه ابهلشهر تجري امصيبتك
تمشي للغربه او تصعب ردتك
ماخذ اوياك الحرم
اويحدي شيال العلم
خايفه يحسين من غدر الدهر
❥━──➸➽❥💔❥━──➸➽❥💔
گلي وين اتريد خويه بلضعن
حسين من شفت المحامل جدمن
دمعتي هلت او دلالي حزن
يوم شفت النوگ ياخويه مشن
اوياك ماخذ عيلتك
يبو اليمه امروتك
خايفه يحسين من غدر الدهر
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه لملاقات الحر


شلهم علينه يلولي
والادروب لزموهه
❥━──➸➽❥💔❥━──➸➽❥💔
لزمو دربنه علينه
اشيردون يا والينه
ارجع يخويه بينه
اوهاي الحرم ردوهه
❥━──➸➽❥💔❥━──➸➽❥💔
هتي العساچر گربت
بينه يخويه حوطت
واختك يوالي أيست
امنلرايات شالوهه
❥━──➸➽❥💔❥━──➸➽❥💔
الخيل اجتنه اهوايه
وامنشرين الرايه
ترسو يخويه الثايه
واخيولنه حاطوهه
❥━──➸➽❥💔❥━──➸➽❥💔
حاطو دربنه يلولي
رجعنه يا تالي هلي
لديارنه يا بو علي
بعيالكم سكنوهه
❥━──➸➽❥💔❥━──➸➽❥💔
عدوان ميرحمونه
من هلساع حاطونه
خافنهم ايذلونه
او راياتنه ايطيحوهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لملاقات الحر


يحسين للاوطان رد العيله
ابن الرياحي اليوم معرض خيله
❥━──➸➽❥💔❥━──➸➽❥💔
يحسين ردنه للوطن يلوالي
ابجالك يخويه تدري راسي عالي
للغرب يبن امي سرت بعيالي
او تدري الهظم يا خوي مالي حيله
❥━──➸➽❥💔❥━──➸➽❥💔
ابن الرياحي اليوم جاي اعلينه
ردنه لعد اديارنه يلعينه
كلنه حرم واطفال تدري بينه
والحمل من عگبك منو ليشيله
❥━──➸➽❥💔❥━──➸➽❥💔
ردنه يخويه للوطن يا بو علي
من عگب عينك هلحراير تنولي
عفت المباني او ذيچ يا ديرة هلي
اتحاچيه والمدمع ابحرگه اتسيله
❥━──➸➽❥💔❥━──➸➽❥💔
يحسين لديار الغرب جبتوني
شلكم عليه خويه وهدنتوني
خاف العده من عگبك ايذلوني
وابگه يسيره يلولي وذليله
❥━──➸➽❥💔❥━──➸➽❥💔
عاف المدينه اوجاب كل اعمامه
او عباس يحدي بلضعن جدامه
وامسلحه وياه كل ازلامه
للغدر جاب ابو علي ارياجيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي لملاقات الحر


المن جبت وياك عيله
او حملي ثجيل او من يشيله
ايسيرون والمدمع تسيله
❥━──➸➽❥💔❥━──➸➽❥💔
سارو امنبعيد او لفتهم
اجيوش او روايه عارضتهم
امنلرجعه للديره امنعتهم
❥━──➸➽❥💔❥━──➸➽❥💔
صدت الحره او هملت العين
اتگله ينور عيوني يحسين
داير علينه الجيش صوبين
❥━──➸➽❥💔❥━──➸➽❥💔
ردنه يخويه الذيچ الاوطان
من هسه يبن امي الغدر بان
طحنه يخويه بين عدوان
❥━──➸➽❥💔❥━──➸➽❥💔
ردنه يخويه الدار اهلنه
من گبل لا ينطش شملنه
الخيل هل لزمت دربنه
❥━──➸➽❥💔❥━──➸➽❥💔
يگلهه يخويه اوضوه عيوني
يزينب امنرجع يمنعوني
بخيولهم هل حوطوني
❥━──➸➽❥💔❥━──➸➽❥💔
ردتنه خويه اليوم هيهات
يزينب يبنت امي الامر فات
واتحملي خويه اللوعات
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه لنزول كربلاء


نزلت الحره ابكربله
او عباس هز الرايه
❥━──➸➽❥💔❥━──➸➽❥💔
دگ الامخيم بيهه
ابو الفضل واليهه
دمعاتهه تجريهه
والنهر لزمو مايه
❥━──➸➽❥💔❥━──➸➽❥💔
نزلت اليوم ام الخدر
عباس دگ الهه الصدر
ملزوم ياماي النهر
عليه الجيوش اهوايه
❥━──➸➽❥💔❥━──➸➽❥💔
نزلت الحره ابلوعه
والعدوان مجموعه
وحسين هل ادموعه
جاب الحرم ويايه
❥━──➸➽❥💔❥━──➸➽❥💔
اتگله يخويه ابو علي
يحسين ياتالي هلي
خافن نضل ابلا ولي
وانضل بلا حمايه
❥━──➸➽❥💔❥━──➸➽❥💔
العدوان كلهه امجمعه
واختك يخويه املوعه
سدوه درب المشرعه
ردنه يبعد اچلايه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه لنزول كربلاء


صبت دمعت المظلوم
من نزّل بنات امه
❥━──➸➽❥💔❥━──➸➽❥💔
صبت دمعت عيونه
يدري الگوم يردونه
عدوان او يذبحونه
ايظل امخضب ابدمه
❥━──➸➽❥💔❥━──➸➽❥💔
هل ابو علي ادموعه
شاف الگوم مجموعه
زينب تبچي ابلوعه
من عگبه تظل حرمه
❥━──➸➽❥💔❥━──➸➽❥💔
نزلو كربله هليوم
هلت دمعت المظلوم
زينب حيلهه مهدوم
تشوف الگوم ملتمه
❥━──➸➽❥💔❥━──➸➽❥💔
حسين ايهل دمع عينه
او زينب شافته حزينه
واتگله يوالينه
چنهه هلأرض ظلمه
❥━──➸➽❥💔❥━──➸➽❥💔
اتگله للوطن ردنه
اطفال او حرم عدنه
نبگه خاف وحدنه
او يثگل علگلب همه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي لنزول كربلاء


الكربله جت العقيله
نزلت او مدمعهه تسيله
او عباس اجاهه او ربط خيله
❥━──➸➽❥💔❥━──➸➽❥💔
انزلي يگلهه اولا تهمين
وياچ ابو الكلفات تدرين
ابرگبتي يخويه لا تخافين
❥━──➸➽❥💔❥━──➸➽❥💔
هاي الارض نزليهه يختي
دونچ يخويه افدي رگبتي
من الوطن جبتچ اببختي
❥━──➸➽❥💔❥━──➸➽❥💔
حاچاهه واهمل دمع عينه
جبتچ يخويه امنلمدينه
كفلتچ او كافل هلضعينه
❥━──➸➽❥💔❥━──➸➽❥💔
اتخافين وآنه اخوچ موجود
اشحدهه العده توصل هلاحدود
دونچ الرگبه او حتى الازنود
❥━──➸➽❥💔❥━──➸➽❥💔
طلعي يخويه منچ الخوف
اضحي لجل عينچ هلچفوف
تدرين بيه ابهاي موصوف
❥━──➸➽❥💔❥━──➸➽❥💔
دنگ رگبته او نزلاهه
بلرايه هوس وأمناهه
واعله المصايب صبراهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لنزول كربلاء


برض الغاضريه حطوا ضعوني
منيوم الشفتهه صبن عيوني
❥━──➸➽❥💔❥━──➸➽❥💔
من شفت الارض گلبي كثر همه
صحت ابصوت يا خويه يبو اليمه
چنهه كربله ابعيني صفت ظلمه
لديار الوطن يا خوي ردوني
❥━──➸➽❥💔❥━──➸➽❥💔
هايه كربله يحسين هظمتني
ردني بلعجل منهه يخال ابني
اخافن يلولي ابغربه تضيعني
وياكم يخويه اشلون جبتوني
❥━──➸➽❥💔❥━──➸➽❥💔
لا تبني الخيم يحسين يلوالي
متعني لرضهه او جايب اعيالي
من يوم الشفتهه تيهت بالي
اخاف امنلعده يحسين يولوني
❥━──➸➽❥💔❥━──➸➽❥💔
اسمهه كربله يحسين تغدرنه
انته تنچتل واحنه تضيعنه
اوكل هاي العده تتمرجل ابحدنه
وانه اعزيزتك خافن يضربوني
❥━──➸➽❥💔❥━──➸➽❥💔
مكتوب الامر يا زينب الحره
وانتي اميسره ترحين وي كفره
وانه بس جسد نايم على الغبره
يشبون الخيم وآنه يذبحوني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

بصوت 🎤 الملة تبارك
وبقلم ✍ الشاعرة الملة أميرة أم محمد الكناني
القصيده📚 بديوان بحر الولاء الجزء 2

#الطميه_بديوان_بحر_الولاء_الجزء_٢١_.


لطميه لأم البنين عليها السلام


ساعة فرگة اقماري ضلت مظلمه داري
والله شيبيتوني يمه اوراحن عيوني
ليش انگطعت اخباري ضلت مظلمه داري
❥━──➸➽❥💔❥━──➸➽❥💔
آنه ام البنين او نار تغلي وسط دلالي
بولادي الزمان اندار بيهم كدر احوالي
چانتلي اربعه اقمار بيهم بانيه آمالي
مثل الورد شباني
بيهم دهري بچاني
مچويه ابجمر ناري
ضلت مظلمه داري
❥━──➸➽❥💔❥━──➸➽❥💔
شالو للمنيه اليوم وابكل همّه متعنين
ضنوة حيدر اقماري همهم بس اقامت دين
اضحي ابعمري واولادي اقدمهم فده لحسين
عگبهم ما يلمني البيت
وياهم رحت يا ريت
عافوني ابدمع جاري
ضلت مظلمه داري
❥━──➸➽❥💔❥━──➸➽❥💔
حياتي اگضيهه بلآهات عگب الاربعه واشلون
مشو وانعاب دلالي بيه اقماري ما يدرون
مدري سافر ولاوين واليرحون ميرجعون
الكل واحد جرح واحساس
لتلوموني يا هلناس
حزني شاده افكاري
ضلت مظلمه داري
❥━──➸➽❥💔❥━──➸➽❥💔
بيهم حاربيت النوم أبد ما غمضت عيني
صبت دم دموع العين لحظة فرگه ابنيني
حگي لو أون للدوم حگي النوح واونيني
صوبني الدهر سهمين
امصاب الاربعه وحسين
ظلمه ليلي وانهاري
ضلت مظلمه داري
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٣٠_.


لطميه لأم البنين عليها السلام


ساعد الله أم البنين      فاگده اليوم الحنين
والده وتنشد عليهم      من يودي أخبار ليهم
حسين يا كرة العين      فاگده اليوم الحنين
❥━──➸➽❥💔❥━──➸➽❥💔
آنه امكم وانشد عليكم تجون
آنه امكم مشت روحي أويه الضعون
آنه امكم وانتو الي نور الاعيون
آنه امكم والبعد لا ما يهون
داري خلوانه عليه     وينكم يهل الحميه
وين غربتو لوين      فاگده اليوم الحنين
❥━──➸➽❥💔❥━──➸➽❥💔
ردو ليه افراككم والله صعب
ردو ليه عفو اديار الغرب
ردو ليه ضاعت امكم بلدرب
ردو ليه وحدي ما ضلي محب
ريت يلفوني ابضعنهم     شالو ولا خبر منهم
وين يمه امغربين     فاگده اليوم الحنين
❥━──➸➽❥💔❥━──➸➽❥💔
فاركتكم واني ما احمل سهر
فاركتكم وانتو اغلا امنلعمر
فاركتكم غصب وازاني الدهر
فاركتكم ريت تلفون ابشهر
شلتو من اكبال عيني     ريت ابو الأكبر يجيني
اويه الضعن شايل حسين    فاگده اليوم الحنين
❥━──➸➽❥💔❥━──➸➽❥💔
ودعتكم وانتو رحتو ويه الضعن
ودعتكم والأعيون اشكد بجن
ودعتكم والكلب ضل بس يون
ودعتكم والمحامل غربن
اربعه راحو سويه     اخذتهم ابساع المنيه
اليابلاد امحملين     فاگده اليوم الحنين
❥━──➸➽❥💔❥━──➸➽❥💔
ابكيت وحدي ولا احد ينشد عليه
ابكيت وحدي لازمه فراش المنيه
ابكيت وحدي عگب عباس الشفيه
ابكيت وحدي وما اندل الغاضريه
راح حيلي من عكبكم     ما تفاركني صوركم
آه يا عملت البين      فاگده اليوم الحنين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_رحلة_الأحزان_الجزء_١_.


لطميه لأم البنين عليها السلام على طور يمه زينب وين وداچ الزمان( ها يلولاد )


ها يلولاد ... وصل يوم الغاضريه
ها يلولاد ... رفعوا راسي للمنيه
صيروا سور حسين ... كحلولي العين
ها يلولاد ... رفعوا راسي للمنيه
❥━──➸➽❥💔❥━──➸➽❥💔
يا ضوه عيوني ... يمه وفوني
وفوا حگ أرباي برض الغاضريه
فدوه تعب أرباي ... السلوتي ورجواي
لبو اليمه حسين يا روح الزچيه
ما أوصيكم ... أفتخر بيكم
أعرف أتوفون يم خير البريه
خل يهل موحي ... وتكثر أجروحي
من أثر أربع نجوم أمن الثريه
ها يلولاد ... خل أمر بأعظم مصيبه
ها يلولاد ... ولا ترد زينب غريبه
مقيده الأيدين ... كحلولي العين
❥━──➸➽❥💔❥━──➸➽❥💔
يمه يالكافل ... بالحرب قاتل
باچر الحوراء يدعوهه الغريبه
أنشر الرايه ... تعرف الغايه
تگلب الحومه على الماي وتجيبه
أبذل المهجه ... وأدعي وأترجه
وأفدي هالروح السبط طه وحبيبه
بهذي چفينك ... تنصر الدينك
دينك المذبوح بالگاع التريبه
ها يلولاد ... عينكم ما أريد تغفل
ها يلولاد ... والعلم عالي ومينزل
لا تخلوا حسين ... كحلولي العين
❥━──➸➽❥💔❥━──➸➽❥💔
بالحرب صوله ... مرعب أبطوله
حيدر الكرار چنه وگر علينه
طشر العسكر ... هذا أبن حيدر
صاحو الأنذال گطعوهه اليمينه
آه يالزهره ... گطعوا اليسره
وبالسهم طايح لچن نابت أبعينه
وأنه وصيته ... بيهه ربيته
لا تخلي حسين يا حامي الضعينه
ها يلولاد ... عفيه أعليكم يالأسباع
ها يلولاد ... من أبوكم عدكم أطباع
بالله محروسين ... كحلولي العين
❥━──➸➽❥💔❥━──➸➽❥💔

*لخادمات الأمام الحسين 《ع》*
*الشاعرة الملة ✍ أم محمد الكناني*
*والشاعرة ✍ نشوان الكناني*
*غير مبرء الذمة كل من يتلاعب بلقصيدة*

https://www.tg-me.com/t198t

قصيده لأم البنين عليها السلام
بصوت الملة 🎤 أم يوسف
وكلمات الشاعرة ✍ أم محمد الكناني
القصيدة 📚 بديوان أئمة الهدى الجزء 4

#الفزاعيه_بديوان_بحر_الولاء_الجزء_٢_.


فزاعيه للعليله عليها السلام


ضعن اهلي سره بليل
بس آنه امضيعيني
❥━──➸➽❥💔❥━──➸➽❥💔
ضعن اهلي سره ياصوب
من عندي الولي معتوب
لاطارش ولا مكتوب
منهم عاد يلفيني
❥━──➸➽❥💔❥━──➸➽❥💔
ماودو خبر ليه
عافوني ابمهضميه
والطارش بطه عليه
حتى ايبطل اونيني
❥━──➸➽❥💔❥━──➸➽❥💔
شالو بلضعن عني
عافوني اجر وني
مصاب حسين حيرني
وافراگه عمه عيني
❥━──➸➽❥💔❥━──➸➽❥💔
تبچي عليهم عيوني
ما ظن بعد يلفوني
مشتاگه يشوفوني
افراگ الاهل عاميني
❥━──➸➽❥💔❥━──➸➽❥💔
شالو للغرب كلهم
فردوني انه منهم
الهاي الدار شيردهم
خلوانه اوتبچيني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه للعليله عليها السلام


عدهم عليله بلوطن
ليش حسين ماجاهه
❥━──➸➽❥💔❥━──➸➽❥💔
عدهم عليله امحيره
سهرانه والمدمع جره
والنار بيهه اموجره
من يوم ماخلاهه
❥━──➸➽❥💔❥━──➸➽❥💔
يامن يگله الحاله
من شال ويه عياله
يافرگته چتاله
اومحد بگه وياهه
❥━──➸➽❥💔❥━──➸➽❥💔
عدهم عليله بس تون
من يوم ماشال الضعن
وعيونهه ويلي عمن
منهو اليجيب ادواهه
❥━──➸➽❥💔❥━──➸➽❥💔
الفرگه ثجيله اوتنتحب
وافراگهم والله صعب
عدهه لبوهه اشگد عتب
من حملو ولياهه
❥━──➸➽❥💔❥━──➸➽❥💔
تبچي اوتون لعليله
والفرگه حيل اثجيله
من صار وكت الشيله
عليهم هان فرگاهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه للعليله عليها السلام


شيعود الحنين الحمل او شال
لا طارش يوديلي او لا مرسال
❥━──➸➽❥💔❥━──➸➽❥💔
شيعود الحنين او يگعد اوياي
واسولفله اشجره امنهموم دنياي
وابگلبي عتب للوالي اهواي
خلاني واخذ وياه الاعيال
❥━──➸➽❥💔❥━──➸➽❥💔
لا طارش ولا مرسال اجاني
بين اجناب والوالي جفاني
مرضي اثگيل حيل او تعباني
يدريني عليله من مشه اشگال
❥━──➸➽❥💔❥━──➸➽❥💔
يدريني عليله عافني ابليل
وافراگه صعب وايهدم الحيل
يوم الي مشه ما گلي انشيل
احا يفراگ ابوي اشلون چتال
❥━──➸➽❥💔❥━──➸➽❥💔
نص الليل ساير ضعن الاحباب
او طول حسين ابوي اشلون من غاب
اريد اگعد واتاني ابعتبت الباب
بس اسمع بسمهم مدمعي سال
❥━──➸➽❥💔❥━──➸➽❥💔
نحلني المرض والحيل مهدوم
شال الكربله ابضعنه المظلوم
ايبارون العليله او هاي ملزوم
لا عم البگالي او لا بگه خال
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي للعليله عليها السلام


تبعت الضعن والضعن رايح
وراهم بگيت اصيح صايح
عفتوني يهلي بلنوايح
❥━──➸➽❥💔❥━──➸➽❥💔
لا وين يلشلتوا ابضعنكم
عليله بگت هليوم بتكم
لا هي ارجعت لا ودعتكم
امنبعيد تتنوع ضعنكم
❥━──➸➽❥💔❥━──➸➽❥💔
ما ودعتكم يلتسيرون
خافن عليه ما ترجعون
اخذوني اوياكم خاف تبطون
❥━──➸➽❥💔❥━──➸➽❥💔
ريضو يبويه للعليله
يامن تشوفوني نحيله
او ثوب العلي ما بيه اشيله
❥━──➸➽❥💔❥━──➸➽❥💔
اخذوني اوياكم رگد حيلي
اريد اليباريني ابليلي
مريضه تره او ذايب دليلي
❥━──➸➽❥💔❥━──➸➽❥💔
عليله او يهزني الريح صوبين
اوياكم اخذوني يلمضعنين
اريد الينشف دمعت العين
❥━──➸➽❥💔❥━──➸➽❥💔
اريد الينشف دمع عيني
وايمرني كلساعه او يجيني
شالو اوهد حيلي ونيني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t