قصيده للعباس عليه السلام
بصوت الملة 🎤 أم ريام المحمداويه
وكلمات الشاعرة ✍ أم محمد الكناني
القصيدة 📚 بديوان بحر الولاء الجزء 2

قصيده لأولاد مسلم عليهم السلام
بصوت الملة 🎤 أم يوسف
وكلمات الشاعرة ✍ أم محمد الكناني
والشاعرة ✍ نشوان الكناني
القصيدة 📚 بديوان رحلة الأحزان الجزء 2

#الفزاعيه_بديوان_بحر_الولاء_الجزء_٢١_.


فزاعيه للقاسم عليه السلام


علعريس اجر ونات
صار امنلدمه اخضابه
❥━──➸➽❥💔❥━──➸➽❥💔
علعريس اجر ونه
من دم رگبته امحنه
بلميدان الامچنه
اوليدي چايد اصوابه
❥━──➸➽❥💔❥━──➸➽❥💔
نام ابساحة الميدان
گلبه امنلطعن خلصان
عفت امك تون بحزان
يلنايم بلاترابه
❥━──➸➽❥💔❥━──➸➽❥💔
شو چنه العرس مادام
امخضب بلدمه جسام
امك ليلهه متنام
دمع العين سچابه
❥━──➸➽❥💔❥━──➸➽❥💔
رمله اتنوح واتنادي
طايح لبّت افادي
حرمه اوتهت بلوادي
گلبي امفارگ احبابه
❥━──➸➽❥💔❥━──➸➽❥💔
صارت حنته دمه
رمله اتصيح يايمه
طش الشمل شيلمه
نار الولد لهابه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢١_.


فزاعيه للقاسم عليه السلام


جسام طاح اعله الترب
واعروسته امخليهه
❥━──➸➽❥💔❥━──➸➽❥💔
طايح ابميدانه يون
امخضب ابدمه ابن الحسن
حزنانه بت عمه اوتون
ابدم رگبته امحنيهه
❥━──➸➽❥💔❥━──➸➽❥💔
امخضب ابدم رگبته
احا يجاسم ونته
گومي اوفلشي خيمته
بلميدان راعيهه
❥━──➸➽❥💔❥━──➸➽❥💔
رمله تون علوالي
غيّر امصابك حالي
غيرك ييمه مالي
اصوابك كلف واليهه
❥━──➸➽❥💔❥━──➸➽❥💔
بنت حسين حزنانه
وامه عليه دوهانه
جاسم نام بكوانه
او دمعاتهه تجريهه
❥━──➸➽❥💔❥━──➸➽❥💔
يلتيه امه ابهيمه
ضلت خليه الخيمه
من طاح راعي الشيمه
ماضنه يرجع ليهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢١_.


لطميه للقاسم عليه السلام


احا يلنام بتراب الميادين
هاي امك حزينه اتجر بلاونين
❥━──➸➽❥💔❥━──➸➽❥💔
هاي امك حزينه او علت ونتهه
غيرك يلولد تدري اشبگه عدهه
چبيرة سن ييمه شلون ضلتهه
ما ضل حيل واهيه طاگهه البين
❥━──➸➽❥💔❥━──➸➽❥💔
هاي امك ييمه ما ترد ليهه
اصوابك صار بلدلال ياذيهه
تون عليك ما تگعد يواليهه
للعريس نذرت دمعت العين
❥━──➸➽❥💔❥━──➸➽❥💔
بهدوم العرس مطروح بلحومه
امك من عگب عيناك مهضومه
هدمت الحيل منهه اليوم مالومه
يبني ابطيحتك ضل محني حسين
❥━──➸➽❥💔❥━──➸➽❥💔
هاي الوالده البرباك تعبانه
من سهر الليالي اليوم نحلانه
عوف الموت يمه ماهو ميحانه
من عگبك تروح اويه الملاعين
❥━──➸➽❥💔❥━──➸➽❥💔
يايومك ييمه هدهد اعضامي
بلحومه نمت يوليدي او دامي
چنت احسب تجازي ارباي بحلامي
يلعريس شايل شيلتك وين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢١_.


نعي للقاسم عليه السلام


امعرس ييمه للمنيه
يلنمت برض الغاضريه
هم بعد الك يايمه جيه
لو رحت يمه او هاي هيه
❥━──➸➽❥💔❥━──➸➽❥💔
خيمتك يوليدي انصبتهه
وحناك يايمه اعجنتهه
بلخيمه بت عمك عفتهه
❥━──➸➽❥💔❥━──➸➽❥💔
يجسام گلي وين منواك
يصعب علي يلولد فرگاك
الدرب المنيه اخذني وياك
لو رحت يمه وين انه الگاك
❥━──➸➽❥💔❥━──➸➽❥💔
نايم على حر الترابه
او دم النحر صاير اخضابه
احاه يوليدي اوشبابه
يصعب علي والله اغيابه
❥━──➸➽❥💔❥━──➸➽❥💔
يلي نمت وامك عفتهه
ابديرت اجانب ضيعتهه
چا ليش يوليدي اهضمتهه
❥━──➸➽❥💔❥━──➸➽❥💔
جسام يصعب حيل يومك
ضلت تبچيني اهدومك
امخضبه الحلوه ارسومك
ياريت يومي گبل يومك
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢١_.


فزاعيه لعلي الأكبر عليه السلام


امك تريدك ياعلي
وابعازتك هليله
❥━──➸➽❥💔❥━──➸➽❥💔
امك تريدك يلولد
ياعلي الأكبر ماترد
ماترجع علينه بعد
امك تنادي انحيله
❥━──➸➽❥💔❥━──➸➽❥💔
فرگاك يبني اشگد صعب
نايم على حر الترب
وانه غريبه ابلامحب
وياي تبچي العيله
❥━──➸➽❥💔❥━──➸➽❥💔
ابعازتك هاي امك تون
يلتيهتهه بلحزن
انته الجبتهه بلضعن
من صار وكت الشيله
❥━──➸➽❥💔❥━──➸➽❥💔
عليه صعبه غيبتك
راحت الروح ابروحتك
تدريني يمه ابعازتك
عگبك اضل اذليله
❥━──➸➽❥💔❥━──➸➽❥💔
ياعلي الاكبر يابدر
مني خذوك اهل الغدر
موذر ابأيدين الكفر
فرگاك مالي حيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢١_.


فزاعيه لعلي الأكبر عليه السلام


شلون الشال ابنهه اتنام
واتعاين على امچانه
❥━──➸➽❥💔❥━──➸➽❥💔
شلون اتغمض العينين
امنيطگهه ييمه البين
شايل ياعلي لاوين
تعوف امك الحزنانه
❥━──➸➽❥💔❥━──➸➽❥💔
اشحال الشال واليهه
عگبه من يمر بيهه
شيرده بعد ليهه
منه الدار خلوانه
❥━──➸➽❥💔❥━──➸➽❥💔
يشيل الولد من عدهه
عگبه تضل وحدهه
والدمعه ابطرف خدهه
تضل ابنوح حيرانه
❥━──➸➽❥💔❥━──➸➽❥💔
شلون اتشيل من عندي
واخلافك اضل وحدي
بس دموعي ابخدي
يلفرگاك اذانه
❥━──➸➽❥💔❥━──➸➽❥💔
تبگه ابدارهه بلنوح
يوليدي يبعد الروح
يايمه الگلب مجروح
ودمعي يسيل جريانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لعلي الأكبر عليه السلام


ابدار اجناب عفت امك يواليهه
اگعد يا علي هليوم رد بيهه
❥━──➸➽❥💔❥━──➸➽❥💔
اگعد يا علي هاي امك احزينه
ابميدان الحرب طبت الاحنينه
تدور عليك واتگول الولد وينه
هاي الوالده وانته التجازيهه
❥━──➸➽❥💔❥━──➸➽❥💔
عفت امك ييمه ابديرت الغربه
تعبت بلربه واتعوفهه صعبه
طوله غاب عنهه او ضيعت دربه
حزينه الوالده يمته تلاگيهه
❥━──➸➽❥💔❥━──➸➽❥💔
اگعد يا علي هاي امك اتنادي
امضيعني ابغرب يالبت افادي
من عگبك ييمه امرافجه الحادي
نايم علترب ما تسئل عليهه
❥━──➸➽❥💔❥━──➸➽❥💔
ما تسئل عليهه يا ضوه عيني
اشلون تعوفني يا شمعت اسنيني
حال الموت يمه بينك او بيني
ريت الموت من عگبك يلاگيهه
❥━──➸➽❥💔❥━──➸➽❥💔
اشلون اتعوفني يا شمعت عيوني
عدوانك ييمه ما يرحموني
لا عدهم رحم لا دين ياذوني
امك للوطن منهو اليوديهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢١_.


نعي لعلي الأكبر عليه السلام


يبني يلاكبر يا ضوه العين
گلبي عليك انجسم نصين
ياولد وداك الدهر وين
❥━──➸➽❥💔❥━──➸➽❥💔
يشبه الرسول او ياعيوني
يلبيك عدواني فجعوني
شلهم عليه او مرمروني
❥━──➸➽❥💔❥━──➸➽❥💔
افراگك صعب واعليه مگدر
يا بعد دلالي يلاكبر
طايح ييمه بين عسكر
❥━──➸➽❥💔❥━──➸➽❥💔
اگعدلي يا شمامة الروح
گلبي عليك اليوم مجروح
احضرني ييمه ابطلعت الروح
طول العمر ما بطل النوح
❥━──➸➽❥💔❥━──➸➽❥💔
عليك اون يمه ابهيده
والگلب يوليدي اشيهيده
جبتني امندروب البعيده
❥━──➸➽❥💔❥━──➸➽❥💔
اريدك تردلي يلولي ابساع
يا علي الأكبر حلو الأطباع
معزت الابوجهك موش بطماع
اندهك ييمه من على الگاع
النومه ييمه مو للسباع
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢١_.


لطميه لعلي الأكبر عليه السلام


اگعد يا علي بسك امنلنومه
هاي امك تون اليوم مهضومه
❥━──➸➽❥💔❥━──➸➽❥💔
اگعد يا علي هاي امك اتنادي
وحدهه اتركتهه ابهيمت الوادي
باچر وين بيهه ناوي الحادي
تروح او تبگه علتربان بلحومه
❥━──➸➽❥💔❥━──➸➽❥💔
اگعد يا علي صبري وصل حده
عفت اليوم ابوك امحير الوحده
غيرك يلولد تدري اشبگه عنده
عليه خطت الحزن هليوم مرسومه
❥━──➸➽❥💔❥━──➸➽❥💔
هاي امك تون يمه امخليهه
بلميدان نايم ليش واليهه
من عگبك ييمه وين تاليهه
يكتل حيل يفراگ الولد يومه
❥━──➸➽❥💔❥━──➸➽❥💔
عفت امك ييمه ابكربله انحيله
يلاكبر علي ودموعهه اتسيله
احا يا نارهه ما تنطفي الليله
على النايم ابكونه او شاعه ارسومه
❥━──➸➽❥💔❥━──➸➽❥💔
اگعد يا علي هاي امك اغريبه
وافراگك يلاكبر اعظم امصيبه
تصيح الولد راح او بعد شيجيبه
للميدان طرت تركض ابهومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

https://www.tg-me.com/noor33224411

بنات انضمو لقناة الملة أم يوسف بيها القصائد مكتوبه وملحنه بصوتها

#الطميه_بديوان_بحر_الولاء_الجزء_٢١_.


لطميه للرضيع عليه السلام


اهزن بلمهد والمهد خالي
عبدالله الربه عذب احوالي
يبني خل احاچيك
اتناغيلي واناغيك
عينك غمضت وانه اشبگالي
❥━──➸➽❥💔❥━──➸➽❥💔
خالي المهد من عندك ييمه
صيواني عگب عيناك ظلمه
اشوفن منحرك خليني اشمه
يلفرگتك صعبه
وانه ابدار غربه
عينك غمضت وانه اشبگالي
❥━──➸➽❥💔❥━──➸➽❥💔
عبدالله ييمه او ريع چبدي
تناغيلي چنت من چنت عندي
يا ريع الگلب يا بدر سعدي
شلون اتحمل افراگ
ليك الگلب مشتاگ
عينك غمضت وانه اشبگالي
❥━──➸➽❥💔❥━──➸➽❥💔
جف اللبن من صدري يمدلول
هاي امك تون عليك شتگول
ملتمه العده اعله الماي واتجول
عطشان او يذبحوك
بلنبله يفطموك
عينك غمضت وانه اشبگالي
❥━──➸➽❥💔❥━──➸➽❥💔
عبدالله اشيصبرني اعله فرگاك
يمه للمنيه اريد وياك
وعلى الماي ليش اتذبحك اعداك
مني رايد الماي
واهوه ابحكمت اعداي
عينك غمضت وانه اشبگالي
❥━──➸➽❥💔❥━──➸➽❥💔
در مني اللبن يوليدي عليك
تون عطشان يبني وين اوديك
لو تنفتح روحي ابنصهه اخليك
لاچن علمنيه
يوليدي اشبديه
عينك غمضت وانه اشبگالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢١_.


فزاعيه للرضيع عليه السلام


اشذنبه رضيعي علنهر
عطشان شابح عينه
❥━──➸➽❥💔❥━──➸➽❥💔
اشذنبه عبدالله الطفل
والعطش لا ما ينحمل
مايدري بيه ابو الفضل
علمشرعه والينه
❥━──➸➽❥💔❥━──➸➽❥💔
حسين شال اوليده
والماي ماصح بيده
ضنه انتخه بعضيده
الحگ يخويه علينه
❥━──➸➽❥💔❥━──➸➽❥💔
بلمهد عبدالله يون
ودموع عينه اتهاملن
وينك يحماي الضعن
الماي جيبه لينه
❥━──➸➽❥💔❥━──➸➽❥💔
عبدالله عذب حالي
جيب الماي يلوالي
ابعينه دمعه ايلالي
كلنه العطش حس بينه
❥━──➸➽❥💔❥━──➸➽❥💔
عبدالله صعبه قصته
والله گضتني امصيبته
عطشان يبست چبدته
يمه تون سكينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢١_.


لطميه للرضيع عليه السلام


عطشان الطفل وانه نشف صدري
اشوفه ايلوج بلسانه او نفذ صبري
❥━──➸➽❥💔❥━──➸➽❥💔
عبدالله يريد الماي هليله
او كلهه امجابلتني او تنحب العيله
للعدوان يحسين الطفل شيله
وانه اعله رضيعي منحني ظهري
❥━──➸➽❥💔❥━──➸➽❥💔
يلوج الطفل عطشان او شبح عينه
اخذه للعده ابحضنك يبو سكينه
يرحمون الطفل بلكت يوالينه
ابخدر زينب عليك الزاچيه او خدري
❥━──➸➽❥💔❥━──➸➽❥💔
عطشان الطفل وايريدله اميه
وانه نشف صدري او حيل مابيه
بلكت يشربون اوليدي اشويه
عينه سوربت يحسين ما تدري
❥━──➸➽❥💔❥━──➸➽❥💔
عطشان الطفل وين اليّ يسگونه
شربت ماي عبدالله يشربونه
اشوفه امنلعطش هل ذابله عيونه
انه اشسويت يوليدي گصه دهري
❥━──➸➽❥💔❥━──➸➽❥💔
اهزن بلمهد وهوه يناغيني
عطشان ادري بيك اتون بعد عيني
بمصابك ييمه زايد اونيني
على عمرك ييمه كون من عمري
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢١_.


نعي للرضيع عليه السلام


عبدالله يايمه او ضوه العين
ياولد وداك الدهر وين
اون المصابك لو على حسين
❥━──➸➽❥💔❥━──➸➽❥💔
امصابك يلمدلل فجعني
نحل اعضامي وزاد حزني
عليك ابد ما بطل وني
❥━──➸➽❥💔❥━──➸➽❥💔
مهدك اشوفه اليوم خالي
يوليدي ياعزي او دلالي
يلتيهتني ابهظم حالي
❥━──➸➽❥💔❥━──➸➽❥💔
وياك اريد الموت وياك
اگعد تره درّن ثداياك
امك ييمه ونت احذاك
❥━──➸➽❥💔❥━──➸➽❥💔
رضيع يبني اشيطلبونك
من العطش غارن عيونك
ادري العده مايرحمونك
ابنبله ييمه يفطمونك
❥━──➸➽❥💔❥━──➸➽❥💔
مهدك ييمه عمه عيوني
شلهم عليه او يفجعوني
ابسهمك ييمه صوبوني
❥━──➸➽❥💔❥━──➸➽❥💔
شلهم علي دين او يچتلوك
عدوان يمه ما يرحموك
ابنبله اوليدي يفطموك
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه للرضيع عليه السلام


هذا الماي واوليدي انحرم منه
يابس يلرضيع السانه اشوفنه
❥━──➸➽❥💔❥━──➸➽❥💔
هذا الماي جاري والطفل عطشان
اوصل للنهر وهوه ابحكم عدوان
من عگبك يريته تيبس النهران
اولا يجري بعد عگبك واشربنه
❥━──➸➽❥💔❥━──➸➽❥💔
ياشط الفرات الماي بي يجري
اجيبه للرضيع اشلون ما ادري
عطشان الطفل يا جمرته تسري
مترحمني العده او تنطيني اشربنه
❥━──➸➽❥💔❥━──➸➽❥💔
اوليدي امنلعطش شو سلهم عيونه
ريت اعداه شربت ماي ينطونه
ما يحمل عطش خلهم يشوفونه
عطشان او تفرفر يجذب الونه
❥━──➸➽❥💔❥━──➸➽❥💔
هذا الماي يجري ريت لا شوفه
اوروحه امنلعطش عبدالله ملهوفه
يانهر الفرات انهجم بجروفه
ولا عطشان عبدالله وادفننه
❥━──➸➽❥💔❥━──➸➽❥💔
عطشان الرضيع ايلوج بلسانه
وانه امنين اجيبه او بيد عدوانه
ضلي ابلوعتچ بالله يحزنانه
وصارت علطفل بخيامنه حنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه للرضيع عليه السلام


حته الطفل ما رحموه وابنبله يفطمونه
❥━──➸➽❥💔❥━──➸➽❥💔
ملزوم العذب
واعلينه الدرب
مگصدهم عطاشه انموت واهمه مايرحمونه
❥━──➸➽❥💔❥━──➸➽❥💔
اشسوه ابكربله
ابنبله حرمله
نيشن علطفل بسهام واهوه امسلهم عيونه
❥━──➸➽❥💔❥━──➸➽❥💔
مذبوح ابسهم
امنلماي انحرم
حتى الطفل ما رحموه عدوان او يذبحونه
❥━──➸➽❥💔❥━──➸➽❥💔
جابه الخيمته
النبله ابرگبته
عطشان اويريد الماي من ادماه يسگونه
❥━──➸➽❥💔❥━──➸➽❥💔
وامه ليه دنت
شافته او بچت
شنهوه الذنب عدوان بوليدي يفجعونه
❥━──➸➽❥💔❥━──➸➽❥💔
ما عدهم رحم
لا غيرة زلم
ما عنده ذنب واجنين واهمه زين يدرونه
❥━──➸➽❥💔❥━──➸➽❥💔
ونت عمته
او شمت رگبته
ما عدهم حميه اتصيح ليش الطفل يرمونه
❥━──➸➽❥💔❥━──➸➽❥💔
غرگان ابدمه
عيونه امسلهمه
جاري بلشريعه الماي واعدانه يرحمونه
❥━──➸➽❥💔❥━──➸➽❥💔
يا يومه صعب
ما جاني ذنب
منكم راد شربة ماي يا عدوان تسگونه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه للوداع


الليله حسين وحده يا علي احضرنه
لا ناصر ولا امعين اليذب عنه
❥━──➸➽❥💔❥━──➸➽❥💔
احضرنه يا علي يا حاضر الشده
هذا حسين وحده او لا نصر عنده
احضرنه يا علي شبلك بگه وحده
حاير ضل ابو اليمه او يجر ونه
❥━──➸➽❥💔❥━──➸➽❥💔
وحده ضل ابو السجاد بخيامه
نامو علتراب انصاره وازلامه
يدري لا محال الموت جدامه
مسدود الدرب ما يگدر ايردنه
❥━──➸➽❥💔❥━──➸➽❥💔
وحده بلخيم واينوح ابو اليمه
ابهلنسوان والأطفال كل همه
لا ضله نصير اولا ولد عمه
وينك يا علي نتصارخ اسمعنه
❥━──➸➽❥💔❥━──➸➽❥💔
يامن حاضر السلمان وادفنته
هذا حسين بلهيمه يعوف اخته
ما يگدر يرد عدوان حاطته
صار النوح والتوديع بخيمنه
❥━──➸➽❥💔❥━──➸➽❥💔
لا ناصر ولا امعين اليحامينه
احضر يا علي لحسين والينه
الليله بلوداع حسين هل عينه
مابين الغرب باچر يضيعنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه للوداع


هذا الوداع ويه اخوي الليله
سهرانه ويه حسين هاي العيله
❥━──➸➽❥💔❥━──➸➽❥💔
الليله وداع ابو علي بخيامه
يدري المنايه والچتل جدامه
الليله ملتمه عليه ازلامه
باچر تضيع الحره وكت الشيله
❥━──➸➽❥💔❥━──➸➽❥💔
هذا الوداع ويه اخوي ابو علي
باچر عگب عيناه نبگه ابلا ولي
او هاي الحراير بيد كفره تنولي
وابگه يسيره عگب اخوتي اذليله
❥━──➸➽❥💔❥━──➸➽❥💔
يمخدرات خلنودع الوالي
هليله بس او باچر اويه انذالي
يبگون نومه والغرب تبرالي
واباري الأطفال وآنه انحيله
❥━──➸➽❥💔❥━──➸➽❥💔
هذا الوداع ويه اخوتي بلخيم
الليله تتلاعه اعيالي والحرم
باچر تضل اخيامنه ابلايه زلم
او سكنه العزيزه الدمع منهه اتسيله
❥━──➸➽❥💔❥━──➸➽❥💔
محله الوداع الليله وي خواني
بلحرب باچر تنچتل ولياني
وامشي يسيره ابلوعتي واحزاني
ما يبگه والي او للهظم نشكيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t