#الطميه_بديوان_بحر_الولاء_الجزء_١٧_.


لطميه للدفنه


يدفان الجسد والراس جاوينه
لاحصل اجفان أو لا امغسلينه
❥━──➸➽❥💔❥━──➸➽❥💔
يدفان الجسد بالله انتبه ليه      
هم حصل جفن غسلته بميه
تره اجروح الابجسمه ألف اوتسع ميه
الراس وياي واعليه شبح عينه
❥━──➸➽❥💔❥━──➸➽❥💔
كلي وين راسه راح عن جسمه
هم حصلت ماي اتغسله من دمه
امنتنزل الجسد بهداي الي شمه
كله تعاتبك زينب ياوالينه
❥━──➸➽❥💔❥━──➸➽❥💔
ماشفنه اليموت بلا جفن دفنه
كلي بيش لفيته او شنو جفنه
يشيعونه اليموت عشيرته شفنه
ووالينه برمح راسه امعلكينه
❥━──➸➽❥💔❥━──➸➽❥💔
يدفان الجسد لو شلته بهدايه
راسه على الرمح ومغرب اويايه
ما وصه عليه ولا حجه حجايه
عفته بلا دفن واحنه مشو بينه
❥━──➸➽❥💔❥━──➸➽❥💔
يدفان الولي ادري العتب جاسه
لاتدفن اخيي خل يرد راسه
بلكت من أرد ترجعله انفاسه
للديران يكعدلي ويودينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_١٢_.


فزاعيه للدفنه


عندك جفن يادفان
لو برمال لفيته
❥━──➸➽❥💔❥━──➸➽❥💔
يادفان خال ابني
اريدنك تجاوبني
انشدنك اوتنشدني
اشلون حسين دفنيته
❥━──➸➽❥💔❥━──➸➽❥💔
ماصحلك جفن لحسين
غسلته ابماي العين
وسعت الحفيره زين
وسط اللحد عدليته
❥━──➸➽❥💔❥━──➸➽❥💔
عندك جفن للعطشان
لو لفيته بلتربان
احجيلي عليه يادفان
وين امي خليته
❥━──➸➽❥💔❥━──➸➽❥💔
عفته علترب دامي
ابو اليمه بكه ضامي
اخذت الروس جدامي
دمعي ادموم هليته
❥━──➸➽❥💔❥━──➸➽❥💔
يادفان ابو اليمه
غسلت الولي ابدمه
وانه رايحه حرمه
فوك الهزل وانخيته
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_١٢_.


لطميه لدفن الأجساد


عطشان الولي يامن تدفنونه
رشو ماي لو ردتو تنزلونه
❥━──➸➽❥💔❥━──➸➽❥💔
رشو ماي اوصيكم يدفانه
ذبحوه العده والروح لهفانه
ابهيده اوياه لتلجمون جثمانه
ديرو بالكم بس لا تلجمونه
❥━──➸➽❥💔❥━──➸➽❥💔
يا دفان بالله اسمعني اشويه
رشو نحر اخوي حسين بميه
عطشان انذبح وايعاين اعليه
ابراضه باللحد يامن تشيلونه
❥━──➸➽❥💔❥━──➸➽❥💔
ابراضه اوياه هذا امدلل الزهره
لتلجمون اخيي الرضرضو صدره
اتراب الحار زيحه اليوم من حدره
عدكم ماي لو ردتو تغسلونه
❥━──➸➽❥💔❥━──➸➽❥💔
لو ردتو تدفنون الولي ابهيده
ابكتر حسين اخيي وسدو اوليده
رضيعه ابلا ذنب ذبحوه على ايده
لا حصل جفن ادري او تجفنونه
❥━──➸➽❥💔❥━──➸➽❥💔
لبو السجاد اريد اوصيك يابنّه
اتراب الحار زيحه امنللحد عنه
كله الراس يبرالي او يجر ونه
فوك الرمح كل ساعه يضربونه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٣_.


لطميه ليلة الدفن


يامن تشيل العطشان بهداي لم اوصاله
لاتلجم اجروح الجسد من داسته الخياله
❥━──➸➽❥💔❥━──➸➽❥💔
لاتلجم اجروح الولي لمن تحطه ابحفرته
بهداي شيله امنلكاع وارحم اشويه امصيبته
راسه يويلي مكطوع والشمس تصهر جثته
وانه رحت وي عدوان بيدي الم عياله
❥━──➸➽❥💔❥━──➸➽❥💔
يامن تشيل ابو علي عدل عليه اترابه
بهداي نزله بللحد بس لاتلجم اصوابه
مطروح اخيي بلشمس صاير دماه اخضابه
ضل نايم ابحر الثره او تفجع اخيي احواله
❥━──➸➽❥💔❥━──➸➽❥💔
يامن تشيل المذبوح عن الشمس فييله
كله مشيت اويه العده اوكلما جرالي اشجيله
ماصح بديه وادفنه وانصب عزه وابجيله
اخذوني غصب منه العده خليته فوك ارماله
❥━──➸➽❥💔❥━──➸➽❥💔
بلماي بخ كبر الولي بلكت تردله روحه
كلي يدفان الولي ماضمديت اجروحه
الراس من عاف الجسد عينه بكت مشبوحه
بلكت يوارونه الثره لايضل يفجع حاله
❥━──➸➽❥💔❥━──➸➽❥💔
يامن تواري المذبوح النحر نشف ادمومه
الراس خلاه و راح وي عيلته المهضومه
ابحر الشمس ضل مطروح وامغيرات ارسومه
اويمه ضحايه اعله الترب مطروحه كل ارجاله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t