#الطميه_بديوان_بحر_الولاء_الجزء_٢٧_.


لطميه نزول كربلاء


يحدي اليوم عباس ابضعينتنه
حط ابكربله والكوم حاطتنه
❥━──➸➽❥💔❥━──➸➽❥💔
حط ابكربله بضعونه الليله
حاير بلحرم والمدمع ايسيله
دك بيهه الخيم هليوم للعيله
بعد هيهات للديران ردتنه
❥━──➸➽❥💔❥━──➸➽❥💔
بعد هيهات ما نرجع لرض طيبه
شلنه للغرب والشال شيجيبه
ما نرجع بعد وانطول الغيبه
ما نرجع ابد واتعود لمتنه
❥━──➸➽❥💔❥━──➸➽❥💔
حط ابكربله هليوم ابو الغيره
ما يدري العقيله طايحه ابحيره
من يوم الاجت ومفاركه الديره
اتعلت بلبجي هليوم ونتنه
❥━──➸➽❥💔❥━──➸➽❥💔
اليوم المشرعه اعله حسين ملزومه
تهل عيونهه زينب المهظومه
تكله هلارض ياخوي ميشومه
ريت اليوم لا دكيت رايتنه
❥━──➸➽❥💔❥━──➸➽❥💔
يحدي اليوم عباس ونزل بيهه
دك بيهه الطنب واخته يحاجيهه
يكلهه اوداعتج هلكوم لفنيهه
عينج يلعقيله اتشوف هدتنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢٧_.


فزاعيه لنزول كربلاء


حط ابكربله العباس
والرايه نزل بيهه
❥━──➸➽❥💔❥━──➸➽❥💔
حط ابكربله الليله
نزل محمل العيله
حمله اثكيل شيشيله
متحير يواليهه
❥━──➸➽❥💔❥━──➸➽❥💔
اليوم ايجول ابو فاضل
جايب زينب الكافل
يحاجيهه بدمع سايل
الرايه اترفرف عليهه
❥━──➸➽❥💔❥━──➸➽❥💔
حط اليوم بضعونه
ابو فاضل يعرفونه
ترهب خزرت عيونه
لو طب او لعب بيهه
❥━──➸➽❥💔❥━──➸➽❥💔
الوالي نزل أرحاله
كام اتهوس ارجاله
وهوه ابظهر الاخياله
واخته وين تاليهه
❥━──➸➽❥💔❥━──➸➽❥💔
دك الكافل الرايه
وحسين انشده رايه
يعاين للمسنايه
عدوان الامحوطيهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٧_.


لطميه لنزول كربلاء


يا عباس لتدك الصواوين
اجيت الكربله وجبت النساوين
❥━──➸➽❥💔❥━──➸➽❥💔
اجيت الكربله او وياك الأعيال
دكيتو الخيم شديتو الأحبال
ظلمه وموحشه نزلتنه يرجال
مدري وين بلعيله امغربين
❥━──➸➽❥💔❥━──➸➽❥💔
يا عباس لتدك الطنب بيهه
وحشه كربله وياذيني طاريهه
وياكم حريم وخايفه عليهه
وانتم بلضعن جنكم مرحلين
❥━──➸➽❥💔❥━──➸➽❥💔
يا عباس خويه ريض اشويه
شوف الجيش خويه امحوط عليه
ملزومه الشريعه وحيل ما بيه
ردونه لهالينه يطيبين
❥━──➸➽❥💔❥━──➸➽❥💔
أجيت الكربله والروح خلصانه
ابو اليمه تريده اليوم عدوانه
وانه خايفه اعله حسين وأخوانه
علتربان تبكون ومطاعين
❥━──➸➽❥💔❥━──➸➽❥💔
يا عباس رد بينه للديار
وياكم حرم يا خويه وازغار
مصيبتكم يخويه بلكلب نار
موش انته الجبتني وما كلت وين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٧_.


لطميه نزول كربلاء


رجع ضعنه للوطن     يلوالي
ابكربله خافن تذل احوالي
❥━──➸➽❥💔❥━──➸➽❥💔
من نزلت المهضومه
ابكربله الميشومه
اتكلهه يا جلثومه
كلبي وجعني مدري شتهيالي
❥━──➸➽❥💔❥━──➸➽❥💔
ردنه يبعد عيوني
ابهلارض لتنزلوني
خاف العده ايغلبوني
عكبك يبو اليمه الشمر يبرالي
❥━──➸➽❥💔❥━──➸➽❥💔
رجعنه خويه للنزل
عكبك تره احوالي تذل
تدري الهظم ما ينحمل
والعرض يابو الأكبر اشكد غالي
❥━──➸➽❥💔❥━──➸➽❥💔
ردنه الهذيج اديارنه
بعيده وكطعت اخبارنه
واظلمت من انوارنه
أبيومين اردن للوطن حسبالي
❥━──➸➽❥💔❥━──➸➽❥💔
خافن يذلوني العده
شوف الشريعه أمسدده
وحسين يبكه الوحده
لا يضل ناصر لا يحامي اعيالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢٧_.


نعي نزول كربلاء


يا كربله خطار أجينه
عفنه المباني أو غربينه
يلغاضريه حيي لينه
❥━──➸➽❥💔❥━──➸➽❥💔
حيي الهلي يلغاضريه
نزلو بني هاشم سويه
تدرين ذوله اهل الحميه
❥━──➸➽❥💔❥━──➸➽❥💔
بيج اخوتي نزلوا الليله
اشوف الولي مهدود حيله
ابهلارض يوم الوكف خليه
نزلني ونزل العيله
❥━──➸➽❥💔❥━──➸➽❥💔
يا كربله خطار عندج
أهل الكرم نزلوا ابحدج
شفتج مظلمه وما اودج
❥━──➸➽❥💔❥━──➸➽❥💔
يا كربله اليوم العشيره
مكسوره والكسره جبيره
بعدهم اخاف امشي يسيره
❥━──➸➽❥💔❥━──➸➽❥💔
يا كربله ابكاعج نزلنه
عباس دك بيهه طنبنه
أمّن ونزل محاملنه
❥━──➸➽❥💔❥━──➸➽❥💔
يلغاضريه رحبي بينه
عفنه بلد جدنه واجينه
شفناج وحشه وأيسينه
❥━──➸➽❥💔❥━──➸➽❥💔
وحشه نزلتج كربلايه
اشوف الولي وثب الرايه
آنه خايفه منج اهوايه
❥━──➸➽❥💔❥━──➸➽❥💔
يا كربله وحشه لكيناج
خفنه اعله أهلنه يوم شفناج
عفنه مبانينه وسكناج
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

مكتبة العليله بأدارة العلوية ام علي بصره

#الطميه_بديوان_رحلة_الأحزان_الجزء_١_.


لطميه لأم البنين عليها السلام( السفره بلدمع )


السفره بلدمع جينه أو فرشناهه
ومن أم البنين الحاجه ردناهه
❥━──➸➽❥💔❥━──➸➽❥💔
من أم البنين أنريد حاجتنه
وجينه بلدمع وأفرشنه سفرتنه
وننخه الما ترجع دوم نخوتنه
《 ننخاهه كل شده أتحلهه 》
❥━──➸➽❥💔❥━──➸➽❥💔
متفشل ولا ترجع الگصاده
وخلينخاهه وين الطالب أمراده
أيمشي أعليهه ذاك الداسو أفاده
《 أشمحلاهه وگفتهه أويانه 》
❥━──➸➽❥💔❥━──➸➽❥💔
وين العدهه حاجه وروحهه أنحيله
خلتگصد لعد سفرة الأكحيله
أو منهه أمرادهه تطلب أبهالليله
《 تنطيهه وأمراد العاجل 》
❥━──➸➽❥💔❥━──➸➽❥💔
السفره بلدمع مفروشه للحره
بيهه تحضر اللطامه والتقره
أبضيجه الناس كلهه ورايده النظره
《 ننخاهه لو ضاگت بينه 》
❥━──➸➽❥💔❥━──➸➽❥💔
والله أمجربه يا ناس طلبوهه
طيبه أو ما ترد محتاج جربوهه
وهاي أم البنين الكل يعرفوهه
《 أيسموهه وأم العباس 》
❥━──➸➽❥💔❥━──➸➽❥💔

*لخادمات الأمام الحسين 《ع》*
*الشاعرة الملة ✍ أم محمد الكناني*
*والشاعرة ✍ نشوان الكناني*
*غير مبرء الذمة كل من يتلاعب بلقصيدة*

https://www.tg-me.com/t198t

السفره بالدمع جينه وفرشناهه

بصوت 🎤 الملة أم يوسف
وبقلم ✍ الشاعرة الملة أميرة أم محمد الكناني
وبقلم ✍ الشاعرة نشوان الكناني
القصيده📚 بديوان رحلة الأحزان
الجزء 1

#الطميه_بديوان_بحر_الولاء_الجزء_٣٠_.


لطميه للعليله عليها السلام


وين الفارگوني      راحو ما اجوني
شالو ما يرجعون    بيه ما يسئلون
خافنهم نسوني     راحو ما اجوني
❥━──➸➽❥💔❥━──➸➽❥💔
اعاين للضعن من حمل وفات
شيردهم عليه بعد هيهات
عكب أهلي الكلب يجذب الحسرات
خلوني عليله وأجر ونات
وين أهل الحميه     شيردهم عليه
ما ظن يذكروني     راحو ما اجوني
❥━──➸➽❥💔❥━──➸➽❥💔
شالو للغرب والمدمع ايسيل
وانه اركض وراهم ناحله الحيل
مو تدرون يهلي جسمي انحيل
عني وين بويه شايل ابليل
طر الفجر بيه     وادموعي جريه
وياهم ماخذوني    راحو ما اجوني
❥━──➸➽❥💔❥━──➸➽❥💔
عكب عيونكم توحشني الدار
حزنانه عليكم ليل ونهار
ما تدرون بيه اشصار ما صار
من يوم المشيتو ماكو أخبار
ما كلتو العليله     من ضلت نحيله
وحدي ضيعوني    راحو ما اجوني
❥━──➸➽❥💔❥━──➸➽❥💔
شالو للغرب ما ضن يعودون
وانه أدري ابسفرهم ما يرجعون
ردتهم عليه صارت اضنون
يفراك الأحبه يعمي الاعيون
فركاهم كتلني     يلحملو عني
ليش اهلي جفوني    راحو ما اجوني
❥━──➸➽❥💔❥━──➸➽❥💔
عني حمليت ابليل يحسين
والفركه يبويه تعمي العين
ما تدري العليله اتجر بلاونين
بفراكك يبويه افجعني البين
ضل ابهظم حالي    ما واحد بكالي
حيرانه اتركوني     راحو ما اجوني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٣٠_.


لطميه للعليله عليها السلام


تهل العين .. بت حسين .. تصيح اهلي مشو عني
يجيني الليل .. انحيلت حيل .. واللوعات كتلني
❥━──➸➽❥💔❥━──➸➽❥💔
يمرني الليل بلونات وابفركاهم اتجوه
عليله والجسم نحلان واصبر علهظم كوه
مدري اليا بلد ناوين عني اهل الأمروه
وحدي اليوم .. اجر اهموم .. مهضومه وكثر وني
❥━──➸➽❥💔❥━──➸➽❥💔
يجيني الليل بلديران ما واحد يطب ليه
وين اهلي مشو يا صوب محد ينشد عليه
فركاهم صعب يا ناس لو صارت مغربيه
اريد احباب .. تدك الباب .. وعلى الحال تسئلني
❥━──➸➽❥💔❥━──➸➽❥💔
عليله الوحدي بلديران آ يا ونتي صعبه
عني الكربله ماشين وانه بكيت بلغربه
ابضعنه شال عني حسين وانه اتنوع الدربه
وحدي ابكيت .. اصد للبيت .. يصير غروب يوحشني
❥━──➸➽❥💔❥━──➸➽❥💔
عليله ابكيت اجر حسرات ما واحد بكه عندي
يجيني الليل أجر ونين تبكه دمعتي ابخدي
شالو للغرب كلهم وانه ناحله الوحدي
ما يلفون .. وايرجعون .. وانه الموت ياخذني
❥━──➸➽❥💔❥━──➸➽❥💔
لاوين الضعن يا صوب عني حملو كلهم
عليلة حال ما يدرون ما واحد يكللهم
وحدي ناحله بلدار وابكه ابشوك طارشهم
وانه الوحدي .. اببلد جدي .. اريد احبابي اتمرني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٣٠_.


لطميه للأحباب ~~ العليله عليها السلام


ريت اليوم كون اهلي يرجعون
شالو للغرب ماضن يعودون
خلوني غريبه     الراح منين اجيبه
النامو بلترب ردتهم اضنون
❥━──➸➽❥💔❥━──➸➽❥💔
شالو للغرب وآنه نحيله
عافوني اون وحدي وعليله
صعبه افراگهم مابيه حيله
الايشيلون اهلهه اتضل ذليله
غيبتهم بطيه     وآنه شلون بيه
يا ريت ابشهر وعليه يلفون
❥━──➸➽❥💔❥━──➸➽❥💔
ريت اليوم ترجعلي الاحباب
واسمع صوت رجليهم على الباب
كلبي اهواي ليهم شايل اعتاب
شيعود الي نامو جوه الاتراب
بيه الدار ظلمه      وآنه ابكيت حرمه
تزهي الدار جانت من يكعدون
❥━──➸➽❥💔❥━──➸➽❥💔
اصد الدورهم وحشه عليه
شالو للغرب واكطعو بيه
ما كالو بكت عدنه ابنيه
توحش دورهم وكت المسيه
وين اهلج يهلدار     منهم ماكو اخبار
عليه ضيم وأهمه ما يسئلون
❥━──➸➽❥💔❥━──➸➽❥💔
أحا يا نارهم حركت دليلي
من يوم المشو مهدوم حيلي
عليهم كل وكت سهرانه ليلي
اكل للعين لتبطلين سيلي
هلي أدموم يا عين     على العباس وحسين
يمته اويا وكت بيه يمرون
❥━──➸➽❥💔❥━──➸➽❥💔
اشكد مرن علينه ايام حلوات
ويه اهل المحنه والأمروات
ميردون ليه بعد هيهات
ما يرجع عليه الغرب ومات
شيردهم يلاحباب     نامو فوك الاتراب
يسوون الأحبهم دمع الأعيون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٣٠_.


لطميه للأحباب ~~ للعليله عليها السلام


وين عني شايلين احبابي
ليش شو طوّل سفر غيابي
❥━──➸➽❥💔❥━──➸➽❥💔
وين عني شايلين اليا كتر
وانه يهلي ذبل عيوني السهر
ريت وياكم كضه مني العمر
كضت روحي وما تشيل اثيابي
❥━──➸➽❥💔❥━──➸➽❥💔
وين عني اعزاز كلبي حملو
وحدي خلوني وعني غربو
صار الاغروب واهل كلبي بطو
من عكبهم من يضمد اصوابي
❥━──➸➽❥💔❥━──➸➽❥💔
شالو اهلي وبلنزل عافوني
لا اجه طارش ولا ذكروني
ما تبطل تهل دم عيوني
لا خبر منهم اجه ودك بابي
❥━──➸➽❥💔❥━──➸➽❥💔
افراكهم يحباب كلبي اشكد صعب
شالو اهلي وآنه عافوني ابغرب
لالي بلديره ولي ولا محب
اسهرت ليلي والدمع سجابي
❥━──➸➽❥💔❥━──➸➽❥💔
وين يهلي اليوم شديتو الضعن
وانه بلفركه تره عيوني عمن
من اهدكم مفرحت بس بلحزن
اضن متسمعون يهلي اعتابي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٣٠_.


لطميه لأم البنين عليها السلام


ساعد الله أم البنين      فاگده اليوم الحنين
والده وتنشد عليهم      من يودي أخبار ليهم
حسين يا كرة العين      فاگده اليوم الحنين
❥━──➸➽❥💔❥━──➸➽❥💔
آنه امكم وانشد عليكم تجون
آنه امكم مشت روحي أويه الضعون
آنه امكم وانتو الي نور الاعيون
آنه امكم والبعد لا ما يهون
داري خلوانه عليه     وينكم يهل الحميه
وين غربتو لوين      فاگده اليوم الحنين
❥━──➸➽❥💔❥━──➸➽❥💔
ردو ليه افراككم والله صعب
ردو ليه عفو اديار الغرب
ردو ليه ضاعت امكم بلدرب
ردو ليه وحدي ما ضلي محب
ريت يلفوني ابضعنهم     شالو ولا خبر منهم
وين يمه امغربين     فاگده اليوم الحنين
❥━──➸➽❥💔❥━──➸➽❥💔
فاركتكم واني ما احمل سهر
فاركتكم وانتو اغلا امنلعمر
فاركتكم غصب وازاني الدهر
فاركتكم ريت تلفون ابشهر
شلتو من اكبال عيني     ريت ابو الأكبر يجيني
اويه الضعن شايل حسين    فاگده اليوم الحنين
❥━──➸➽❥💔❥━──➸➽❥💔
ودعتكم وانتو رحتو ويه الضعن
ودعتكم والأعيون اشكد بجن
ودعتكم والكلب ضل بس يون
ودعتكم والمحامل غربن
اربعه راحو سويه     اخذتهم ابساع المنيه
اليابلاد امحملين     فاگده اليوم الحنين
❥━──➸➽❥💔❥━──➸➽❥💔
ابكيت وحدي ولا احد ينشد عليه
ابكيت وحدي لازمه فراش المنيه
ابكيت وحدي عگب عباس الشفيه
ابكيت وحدي وما اندل الغاضريه
راح حيلي من عكبكم     ما تفاركني صوركم
آه يا عملت البين      فاگده اليوم الحنين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٧_.


لطميه لأم البنين عليها السلام


عليمن هلّن أدموعج       يبدويه
على العباس لو زينب المسبيه
❥━──➸➽❥💔❥━──➸➽❥💔
عليمن طايحه ابحيره
على العباس ابو الغيره
لو علراحت ايسيره
من بعد الخدر شبعت مهضميه
❥━──➸➽❥💔❥━──➸➽❥💔
على العباس لو زينب
عليج أدري الامر يصعب
كلبج ليش يتعذب
شالو للغرب ما حجو بلجيه
❥━──➸➽❥💔❥━──➸➽❥💔
عليمن كلبج امغيم
على العباس الامشيم
لو زينب بجت من دم
لحسين الولي العايف غواليه
❥━──➸➽❥💔❥━──➸➽❥💔
أدري منهدم حيلج
ما نمتي أبد ليلج
بعد حسين ميجيلج
خواته غربن وأهوه اعلالوطيه
❥━──➸➽❥💔❥━──➸➽❥💔
ضل اعله الترب خده
لا ناصر بكه عنده
حاطوه العده وحده
جروحه البلجسد الف وتسع ميه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢٧_.


نعي لأم البنين عليها السلام


طلعت وراهم ودعتهم
أوداعت الله كالت الهم
الأربعه من عافو أمهم
يلهب كلبهه وفاركتهم
❥━──➸➽❥💔❥━──➸➽❥💔
شالو وخلوهه غريبه
مهضومه والدمعه سجيبه
واتصيح عباس ابو الهيبه
أمك بكت تبجي ابريبه
❥━──➸➽❥💔❥━──➸➽❥💔
أم البنين تلوج بلدار
من يوم شالو عنهه الاقمار
تبجي عليهم ليل وانهار
❥━──➸➽❥💔❥━──➸➽❥💔
الأربعه من فاركوهه
جبيره ووحدهه اتركوهه
عليهه ما ردو خذوهه
ضلت تون من ما اجوهه
❥━──➸➽❥💔❥━──➸➽❥💔
أم البنين تلوج بلدار
ابعتبهه الزجيه تنعى الاقمار
عليهم كلبهه يلتهب نار
❥━──➸➽❥💔❥━──➸➽❥💔
خلوانه دار أهل الحميه
عباس واخوانه الشفيه
عليهم بكت تبجي الزجيه
❥━──➸➽❥💔❥━──➸➽❥💔
اربع اقمار الما أجوهه
للغاضريه وفاركوهه
شالو الاولاد ونسوهه
❥━──➸➽❥💔❥━──➸➽❥💔
شالو عليهه ما يردون
هيهات ليهه ما يرجعون
أم البنين اتهل الاعيون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_أقل_الوفاء_في_مصائب_كربلاء_الجزء_٢١_.


لطميه لمسلم عليه السلام


ضجه اليوم برض الكوفه سواهه
سل امذهبه مسلم اوهزاهه
❥━──➸➽❥💔❥━──➸➽❥💔
يا ضنوة عقيل الحيد الامجنه
غضبان الاسد واليوصله فنه
بيده السيف سله واشردو منه
للعدوان كربهه مناياهه
❥━──➸➽❥💔❥━──➸➽❥💔
كالب كونهه لو اغضب عليهه
يعجب بلكلايف لو صرخ بيهه
مثل المرتضى لو كلب واديهه
حطم جيشهه اوكسر رواياهه
❥━──➸➽❥💔❥━──➸➽❥💔
امعرب بلنسب مثل البطل حيدر
فنه الكابلا لو هجم علعسكر
خلاهه الجثاث امطشره بلبر
كربانه المنايه اليوم خلاهه
❥━──➸➽❥💔❥━──➸➽❥💔
اسد غضبان مسلم صايل ابزوده
فنه الكابلا او وصل لحدوده
الهذا اليوم ضلت ليه مشهوده
عمه بلحريبه الروس كطعاهه
❥━──➸➽❥💔❥━──➸➽❥💔
مسلم من برز خله العده طشار
بلميدان يشبه حيدر الكرار
يكلبهه كلاب اويشب بيهه النار
حيد اوبلحريبه الموت راواهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t