#الطميه_بديوان_منابر_النور_الجزء_٨_.


لطميه للسبي


ما يدرون طبيت ابدواوين
ظلو علترب عباس وحسين
❥━──➸➽❥💔❥━──➸➽❥💔
ظلو علتراب ازلامنه الزينه
كل احنه سبايه اخلاف والينه
حسين اعله الترابه ما مودعينه
ما يدرون ودونه العده وين
❥━──➸➽❥💔❥━──➸➽❥💔
ما يدرون اهلنه وين منوانه
مابين العده العباس خلانه
بس نسوان وايتام ويه عدوانه
( بلهيمه خلانه ونايم )
❥━──➸➽❥💔❥━──➸➽❥💔
ظلو علترابه ومنشدو بيه
لا والي الكعدلي وينشد عليه
حرمه ويه العده هليوم مسبيه
( امضيعينه اخواني اليوم )
❥━──➸➽❥💔❥━──➸➽❥💔
ضلوا عالتراب اجساد ممدوده
راحو للمنيه الراح شيعوده
عني شال اخوي الاحجي ابزوده
( اويه الحادي تيهني وشال )
❥━──➸➽❥💔❥━──➸➽❥💔
عله نوك الهزل هليوم رجبوني
اصد للروس وانه تهمل عيوني
ما كعدو اهل كلبي يزتوني
( عاين حالي يحسين اكعد )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_منابر_النور_الجزء_٨_.


نعي للسبي


درب اليسر والله اتعبني
ما يدري بيه يخال ابني
نايم بكه ما كام زتني
❥━──➸➽❥💔❥━──➸➽❥💔
نايم اخيي ما دره اليوم
مطروح علغبره المظلوم
شلون عينه تاخذ النوم
❥━──➸➽❥💔❥━──➸➽❥💔
نايم وخلاني غريبه
بلغرب ودموعي سجيبه
الوالي ليه من يجيبه
❥━──➸➽❥💔❥━──➸➽❥💔
من ركبونه فوك الاجمال
دمعي عله الوجنات همال
لا ظل خدر لا ظلو ارجال
❥━──➸➽❥💔❥━──➸➽❥💔
نام الولي وما كام ليه
يوم الي اخذوني سبيه
ليزيد ودوني هديه
❥━──➸➽❥💔❥━──➸➽❥💔
ما ظل ولي الينشد عليه
كلهه عله الغبره رميه
حرمه وخان الدهر بيه
❥━──➸➽❥💔❥━──➸➽❥💔
مشوّنه لدروب الابعاد
محد بكه بس علي السجاد
بحبال خشنه اليوم ينكاد
❥━──➸➽❥💔❥━──➸➽❥💔
درب اليسر يا خويه ذله
خله ابكلبي الف عله
ويه الحنين الدرب يحله
❥━──➸➽❥💔❥━──➸➽❥💔
عندي حرم يا خويه ويتام
انه ماشيه يحسين للشام
حرمه يخويه وبيد ظلام
❥━──➸➽❥💔❥━──➸➽❥💔
كلنه حرم واطفال عدنه
ويه الغرب نمشي وحدنه
جا وينه عباس الوعدنه
❥━──➸➽❥💔❥━──➸➽❥💔
الواعداني يكوم ليه
نايم ولا ينشد عليه
مكلوفه بطفال وسبيه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_١٧_.


لطميه لدخول الشام


ترهب حيل يا طبت الدواوين
ابلايه ازلام اجيت او تهمل العين
❥━──➸➽❥💔❥━──➸➽❥💔
ياهو الكال زينب طبت الشام
ميسوره مشيت اوليلي ما نام
اطبن للقصر ما عندي ازلام
علتربان ضل عباس وحسين
❥━──➸➽❥💔❥━──➸➽❥💔
صعبه يا هلي من شافني ايزيد
متشمت او يضرب راس الأعميد
وانه اميسره او يا دربي ابعيد
يا زينب يكلي جا هلج وين
❥━──➸➽❥💔❥━──➸➽❥💔
ابطبت الشام خويه نزفت اجروح
رحت اميسره او ما بطلت نوح
ريت اوياك خويه ماتت الروح
بعد جم دوب علشالوا تصبرين
❥━──➸➽❥💔❥━──➸➽❥💔
اشكد مرّت علي يحسين لوعات
بلزينه تلكونه الشمات
وآنه كاطعه ادروب البعيدات
يروحي اعله المصايب ما تحملين
❥━──➸➽❥💔❥━──➸➽❥💔
ما تدري يوالي اشعملت اعداك
يوم اليّ مشينه او فاركيناك
ما خلوني ابكه يلولي اوياك
عفتك علترابه بلميادين
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_١٧_.


لطميه لدخول الشام


ضيعني الولي او للشام جابوني
او ياصوط الشمر يلعب عله امتوني
❥━──➸➽❥💔❥━──➸➽❥💔
جابوني الغرب والوالي تيهني
ضل نايم على التربان خال ابني
ابنسوان ويتامه حسين كلفني
شفت ايزيد وانه هملن عيوني
❥━──➸➽❥💔❥━──➸➽❥💔
ضيعني الولي ونايم على اترابه
من حر الشموس امخزن اصوابه
يضربوني واصيحن حيل يا يابه
وصلت الشام ليش اليوم ما جوني
❥━──➸➽❥💔❥━──➸➽❥💔
ضيعني الحنين وما نشد بيه
ما يدري اليزيد اخذوني مسبيه
متشمت الظالم ينشد عليه
كومو للمدينه ابساع ردوني
❥━──➸➽❥💔❥━──➸➽❥💔
مليت الصبر والصبر ملاني
طبيت القصر وحسين ما جاني
احا يلبين وين اليوم وداني
تعالو يا هلي وياكم اخذوني
❥━──➸➽❥💔❥━──➸➽❥💔
احا يا طبت الشام امردت روحي
اشوف الراس يبرالي او كثر نوحي
اريد اهلي تجي وتضمد اجروحي
بكيت انحب وراهم ما يسمعوني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_١٧_.


لطميه لدخول الشام


للشام امن اجينه       ومجتفين ادينه
حرمه ابين ظلام       خلاني الولي اونام
جا عباس وينه         للشام امن اجينه
❥━──➸➽❥💔❥━──➸➽❥💔
يا عباس تدري ابطبت الشام
محتاره ابيتامه او سوط ظلام
احط متني واشاكف عن الايتام
والروس ابرماح اتدور جدام
اعاتب وانه حرمه      وما وياي زلمه
يا نوح الحزينه      للشام امن اجينه
❥━──➸➽❥💔❥━──➸➽❥💔
جابوني ابخرابه اعله الترايب
وما عندي ولي المن اعاتب
زينب وينهه او وين الخرايب
جا وين السبع عن اخته غايب
امشي ابلايه حماي     بس الروس وياي
ما يدري ولينه       للشام امن اجينه
❥━──➸➽❥💔❥━──➸➽❥💔
للديوان جابوهه الأميره
من بعد الخدر طبت يسيره
يتشمت بكه الما عنده غيره
آ يا كسرتي والله جبيره
وين حسين عني     وعباس الكفلني
ما يدري بجينه     للشام امن اجينه
❥━──➸➽❥💔❥━──➸➽❥💔
خويه ايزيد صاحالي تعالي
ابذيج الساعه موتي اشكد حلالي
ابكل خطوه اضيّع من دلالي
هاي امصيبتي الماهي اعله بالي
شلون الفاطميه     ابقصر الناصبيه
صدني ابطرف عينه    للشام امن اجينه
❥━──➸➽❥💔❥━──➸➽❥💔
يلكتله ابحميتك ما حماني
نام اعله النهر واتعذراني
بزنوده او نظر عينه فداني
ودعته او مشيت آنه او زماني
اتون اوياي الاطفال     واحنه فوك الاجمال
كلنه امجتفينه     للشام امن اجينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_١٧_.


نعي لدخول الشام


للشام طبينه يعباس
شو ما كمت يا راعي الطاس
حلتلك النومه يبو النوماس
❥━──➸➽❥💔❥━──➸➽❥💔
حلتلك النومه علشريعه
بيد العده عفت الوديعه
يا ريت تنهضلي اسويعه
❥━──➸➽❥💔❥━──➸➽❥💔
يا ريت تكعدلي واشوفك
واركب على ازنودك اجفوفك
يلي اتركتني ما اعوفك
❥━──➸➽❥💔❥━──➸➽❥💔
صرنه يخويه ابوليت اعداك
نايم على الشاطي تركناك
ريت المنيه اتصير وياك
ما ترهم العشره بلياك
❥━──➸➽❥💔❥━──➸➽❥💔
ما تدري طبينه الدواوين
وانته طريح او ماكو ايدين
يسئل يزيد اعله النساوين
امنين اجيب الكافل امنين
❥━──➸➽❥💔❥━──➸➽❥💔
طبت الشام اشكثر صعبه
واحنه حرم مابين غربه
ضربني الشمر بلسوط ضربه
علكافل اعيوني اتربه
نايم بكه وضيعت دربه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_أئمة_الهدى_الجزء_٧_.


لطميه للأربعين


ذيج المكبره وذولاك اهلنه
طرو اكبوركم يهل المحنه
❥━──➸➽❥💔❥━──➸➽❥💔
اطفال وحرم هليوم اجينه
محد من اخوتي الكعد لينه
من عدكم يخوتي ايسينه
بهموم وهظم يمكم كعدنه
❥━──➸➽❥💔❥━──➸➽❥💔
كعدنه اليوم يم كبور الاحباب
لهل كلبي اجيت وجايبه اعتاب
جا يمته ترجعولي يغياب
نمتو يا هلي واحنه انهضمنه
❥━──➸➽❥💔❥━──➸➽❥💔
اجيت اشكيلكم حال الهضمني
ما واحد كعد ليه ونشدني
يا ضيم اليسر والله تعبني
ما يدرون اخوتي وين رحنه
❥━──➸➽❥💔❥━──➸➽❥💔
ذيج كبوركم نيام بيهه
اكعدو للحرم لحكو عليهه
اسمعو اعتابهه وسمعو بجيهه
من ضيم العده والله خلصنه
❥━──➸➽❥💔❥━──➸➽❥💔
جينه انزور اهلنه وما يكعدون
فركاهم طويل ويعمي الاعيون
عاتبنه اشكثر جن ما يسمعون
باجر للمدينه نرد كلنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٢_.


لطميه للأربعين


شجاكم يا هلي طولتو النومه
يم اكبوركم رديت مهضومه
❥━──➸➽❥💔❥━──➸➽❥💔
لا والي الكعد علضيم ينشدني
عليه طوليتو يا خوال ابني
اريدن للوطن خوان الاتزتني
( زتوهه الحرمه العدكم )
❥━──➸➽❥💔❥━──➸➽❥💔
شجاكم نايمين او ما تسمعوني
عندي اعتاب يامن دلليتوني
صحت اشكد عليكم ما اجيتوني
( بلهيمه عفتونه او نمتو )
❥━──➸➽❥💔❥━──➸➽❥💔
شجاكم يا هلي محد سمع صوتي
يم اكبوركم واصيح يا خوتي
اوياكم يا هلي ريته كرب موتي
( ما ريده يا عمري الضايع )
❥━──➸➽❥💔❥━──➸➽❥💔
شجاكم يا هلي محد نشد بيه
لا عباس لا حسين الكعد ليه
اجيت اشكيلكم ضيم الجره عليه
( او بجاني يا ضيمي اهواي )
❥━──➸➽❥💔❥━──➸➽❥💔
عفناكم يخويه فوك الاترابه
ما واحد كعد ليه او فتح بابه
مشتاك الكلب هليوم لحبابه
( اشخفاهه ارجال الغيره )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢٢_.


نعي للأربعين


ذيج الأكبور او ذوله اهلنه
ابكربله الليله وصلنه
ليش الاهل ما كعدو النه
❥━──➸➽❥💔❥━──➸➽❥💔
وصلنه لهلنه او ما يكعدون
يهل الحميه لا تنامون
ردّت عليكم هاي الاضعون
وانتو الجره بينه متدرون
❥━──➸➽❥💔❥━──➸➽❥💔
على اكبورهم جينه او بجينه
محد كعد من حشمينه
لا نشدو اشصاير علينه
جنه سبايه او هسه اجينه
❥━──➸➽❥💔❥━──➸➽❥💔
ابكربله طبينه هليوم
كعدنه يم كبرك يمظلوم
عندي عتب طر كبرك او كوم
❥━──➸➽❥💔❥━──➸➽❥💔
عندي عتب يم الشفيه
نخيته ابهظم ما كام ليه
ما يدري ودوني سبيه
للشام من الغاضريه
❥━──➸➽❥💔❥━──➸➽❥💔
الروس يلوالي جبتهه
واعيالكم هل رجعتهه
اختك يخويه لو شفتهه
النوايب جثيره او غيرتهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الهوسات_بديوان_بحر_الولاء_الجزء_٢٢_.


هوسات للأربعين


رجعت الكربله هليوم مهضومه
ما كعدو هلي بكبورهم نومه
اكعدو يلحياده رجعت مالومه
جبت راس الشهيد امغيّره ارسومه
( اشهلنومه يسباع البر )
❥━──➸➽❥💔❥━──➸➽❥💔
رجعت الكربله الكبرك يخويه حسين
عفتك علترابه او ما اندلك وين
حرمه ارجعت عكب الواحد وسبعين
اجيت اشكي الجرالي امنلدهر والبين
( اشضميتي يكبور امنهلي )
❥━──➸➽❥💔❥━──➸➽❥💔
احا يا كربله رديتلج الوحدي
شو محد كعدلي او لا اجه عندي
اجيتج عكب اخوتي او دمعتي ابخدي
اريد اهلي ترجعني البلد جدي
اليوم ضيوف باجر للوطن نحدي
( شلون الوحدي ايخلوني )
❥━──➸➽❥💔❥━──➸➽❥💔
رجعت الكربله او محد كعد ليه
اريد انصب عزه للأربعينيه
اردن للوطن منهو اليرد بيه
مو هاي الامروه اولا الحنيه
( اشهلغيبه يرجال الغيره )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

رسالة الى الاخوات خادمات الحسين

بما انه نحن مقبلين على شهر الاصلاح وشهر تهذيب النفس
نهيب بيكم ان تكون مجالسكم عامرة بلخطابة والنصائح والتوعية
لفائدة الناس والاخذ بيدهم الى طريق الحسين هو طريق الحق والتضحية واللتزام والحب والمودة

فلا تنسين شي جدا مهم تذكري عندما سلكتي هذا الطريق يجب ان تكوني قدر المسؤلية هي مو مجرد مسك لاقط وصوت جميل لا
انت امام مسؤلية لتوعية المجتمع مثل ما تاخذين حقج بلاموال والاجر
يجب انت تجتهدي وتتعبي وتبحثي وتقدمي شي يرضي به الله عليك واهل البيت
لان هناك والله كثير من السلبيات في مجتمعنا واحنة مسؤلين عند الزهراء باجر ماذا خدمت او قدمتي للمذهب فما يكون جوابنا نقول فقط بكينا الناس
وهذا الشي لنا الفائدة هو الاجر هل الحسين محتاج بكائنا ام اصلاح انفسنا ليستمر اصلاحاته لو كان الحسين محتاج البكاء فأن الملائكة بكت والسماء والصخر دما لكن ماذا قدمنا للمذهب ماذا تحملنا لتبليغ رسالتهم للناس ونساهم في اصلاحهم
هذا هو ما يطلبه الحسين
عزيزتي انت فخر وانت قدوة لباقي النساء
جاهدي بتبليغ رسالتك لتنالي الدرجة الرفيعة بلدنيا والاخرة والاجتماع يوما ما مع الحسين والزهراء وهم شاكرين لك مجهودك وتعبك وهم متبسمين بوجهك راضين عنك
الله ما اجمل هذا الشعور

وشي اخر جاي نشاهدة في بعض تجمعات خادمات الحسين مع الاسف هذا تصرفهم غير مقبول اطلاقاً عند الزهراء ع وهو
اذا ارادت احد الخادمات المشاركة معها بلمجلس لا تسمح لها او تحاول تبرز نفسها وتستعرض بلمجلس بنية جلب الناس لها وتاخذ وقت كثير بحيث يتعب المستمع حتى لا يسع الوقت لزميلتها وانتم شاهدتو هذه الحالة اكيد
والبعض الاخر لا بعد اقوى هي ترفض مشاركتها وبصوت علي بحيث تخجل زميلتهة بلخدمة الحسينية
وبعض الاحيان تحصل مشادات كلامية بينهن حتى بالفاظ معيبة لا تمد لاخلاق الحسين وخدامه بصلة
فيا خدام الحسين تحلو باأخلاق الحسين اذا انت خادمتهم وهكذا اخلاقك فلا نعتب على الناس العاديين
واذا لم تقدرووعلى هذه المسؤلية نرجو منكم ان تتنحو جانبأ ونترك المجال لمن هو كفؤاً لها
وتذكرو اخلاق رسول الله حينما اوصفه الله ,( انك لعلى خلق عظيم ،)

اللهم ربي يوفقنا ويوفقكم لخدمتهم بصورة صحيحة
واتمنى لكم التوفيق جميعا احباب الغالي
اختكم ✏️🖊️ وخادمتكم
أم ابراهيم البصراوية

ارجو منكم نشرها لجميع الكروبات خدام الحسين كتوعية لهم

السلام عليكم خدام الحسين عليه السلام
ديوان فرسان الطفوف الجزء ٨ و٩ و١٠ الخاص بشهر محرم وصفر
تجدونها بهاي المكاتب 👇👇

1-         البصرة
        مكتبة دار الدعاء
    07716860773
●●●●●●●●●●●●●●●
2-        البصرة الگرنه
        مكتبة الغدير
     07712668559
●●●●●●●●●●●●●●●
3-            كربلاء
           مكتبة الكفيل
    07724112934
●●●●●●●●●●●●●●●
4-         الناصرية
        مكتبة أبو محمد
      07705504973
●●●●●●●●●●●●●●●
5-            الكوت الحي
            مكتبة القبس
        07829396624
●●●●●●●●●●●●●●●
6-           الحلة
   مكتبة الحسن المجتبى
      07806772872
●●●●●●●●●●●●●●●
7-          الناصرية
       مكتبة نور الزهراء
      07808201784
●●●●●●●●●●●●●●●
8-           البصرة المدينة
       مكتبة الأمام الصادق
       07705644357
●●●●●●●●●●●●●●●
9- .         بغداد
      سوق الأولى
     أبراهيم المعوق
●●●●●●●●●●●●●●●
10-              بغداد
              مكتبة الغدير
                          ‏ 07711395580 ‏
●●●●●●●●●●●●●●●
11-          النجف
          حسن الطريحي
     07832535076
●●●●●●●●●●●●●●●
12-            مكتبة العليله
                   البصرة
      ‏ 07705677443 ‏
●●●●●●●●●●●●●●●
13-         مكتبة سيد مؤمل الهاشمي
                     ميسان
              07732026735
●●●●●●●●●●●●●●●
14-             مكتبة أبو تيسير
              البصرة الزبير
                07711719920
●●●●●●●●●●●●●●●
15-        مكتبة البحار
            كربلاء المقدسة
         07602403290
●●●●●●●●●●●●●●●
16-          مكتبة أنوار الزهراء
                       البصرة
            07830177501
●●●●●●●●●●●●●●●

ملاحظة / يوجد خدمة توصيل لكافة المحافظات 🚙🚙🚙🚙🚙🚙🚙

حبايب هاي عناوين وارقام المكاتب 👆👆 تلكون بيها ديوان فرسان الطفوف بجزء ٨ و٩ و١٠ .. وحته ديوان رحلة الأحزان الجزء ٢ و٣ المشترك بيني وبين الشاعرة نشوان الكناني هم تلكونه عدهم