#الطميه_بديوان_أقل_الوفاء_في_مصائب_كربلاء_الجزء_٦_.


لطميه للهلال


والزهره حزينه اليوم عازوهه
هل شهر الحزن والزهره فجعوهه
❥━──➸➽❥💔❥━──➸➽❥💔
يا شيعه نعازي فاطمه الزهره
على المذبوح عاري ورضرضو صدره
على صدره الشمر كاعد يحز نحره
وعلتربان جثت حسين خلوهه
❥━──➸➽❥💔❥━──➸➽❥💔
يشيعه عازو الزهره المحزونه
حسين اعله الترب واعدا يدوسونه
وراسه اعله الرمح ويلي ينصبونه
وجثته اعله الترب بلخيل داسوهه
❥━──➸➽❥💔❥━──➸➽❥💔
عازوهه يشيعه البت رسول الله
فجعوهه العده ومنهه الدمع يجره
ومصابج يزهره الله الايجبره
وجثته اعداه من الراس عزلوهه
❥━──➸➽❥💔❥━──➸➽❥💔
يا شهر المحرم ريت لا هليت
بيك ام الحسن محزونه واهل البيت
وابيت النبوه كلي اشخليت
حتى ايتامه لرض الشام يسروهه
❥━──➸➽❥💔❥━──➸➽❥💔
الله يعين زينب علجره والصار
من بعد الختل شبو خيمهه ابنار
ولرض الشام مشوهه العده الكفار
والايتام كلهه ابحبل شدوهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٠_.


لطميه للمسير


المن هل محامل جدميتوهه
ابنص الليل والعيله رعبتوهه
❥━──➸➽❥💔❥━──➸➽❥💔
ابنص الليل وين اتريد يبن امي
كلبي ابشر يحس او كثرت همي
جبت اخواني وياك اوولد عمي
اليا ديره يبو اليمه نويتوهه
❥━──➸➽❥💔❥━──➸➽❥💔
المن هل محامل جدمت عليه
وين اتريد يا عطشان الاميه
حس كلبي بهضيمه او حيل ما بيه
ليش الحرم والاطفال جبتوهه
❥━──➸➽❥💔❥━──➸➽❥💔
وين ابهل سفر ناوين يلوالي
جدمت المحامل وانهظم حالي
مو تدري العرض خويه اشكد غالي
خاف اختك عكب عيناك يسبوهه
❥━──➸➽❥💔❥━──➸➽❥💔
وين اترف بيارغنه ابهلليله
جبت اوياك ابو السجاد هلعيله
تدري الهظم خويه ما الي حيله
او كل هاي المدارس سدديتوهه
❥━──➸➽❥💔❥━──➸➽❥💔
المن هل محامل جدمت عندي
او عفنه اديارنه التزهي وبلد جدي
خويه حسين ارحم دمعتي ابخدي
او للديران هلعيله دردوهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢٠_.


فزاعيه لنزول كربلاء


خطار اجينه الكربله
والوليان ويانه
❥━──➸➽❥💔❥━──➸➽❥💔
خطار هليله اخوتي
مهيوبه بيهم عزتي
نزلو او دكو خيمتي
او عباس شال الوانه
❥━──➸➽❥💔❥━──➸➽❥💔
جابوني وانه امدلله
وارهبني طاري كربله
وياي راعي المرجله
الكافل او خوانه
❥━──➸➽❥💔❥━──➸➽❥💔
خطار اجينه النينوه
نزلو بني هاشم سوه
عباس شيال اللوه
جاب الحرم ويانه
❥━──➸➽❥💔❥━──➸➽❥💔
خطار ضيفج كل هلي
اشبول ابو الحمله علي
حطو ابكاعج محملي
وعله اخوتي دوهانه
❥━──➸➽❥💔❥━──➸➽❥💔
عباس دكاه الطنب
من شوفتج كلبي ارتعب
يا كربله يرض الغرب
بيج اليوم حيرانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢٠_.


فزاعيه لنزول كربلاء


طاري الغاضريه اليوم
بلدلال صوبني
❥━──➸➽❥💔❥━──➸➽❥💔
طاريهه عمه عيوني
اخاف اهلي يضيعوني
والعدوان يسبوني
من شفت اخوتي تبني
❥━──➸➽❥💔❥━──➸➽❥💔
شنهي الكوم الاهوايه
صفت بلامسنايه
ملزوم النهر مايه
واحتارو خوال ابني
❥━──➸➽❥💔❥━──➸➽❥💔
جابوني لرض غربه
والله جيتي صعبه
اخيي راعي الجربه
خافنه يضيعني
❥━──➸➽❥💔❥━──➸➽❥💔
طاريج عمه عيني
اخاف اعداي توليني
وابن امي يخليني
اصيح او ما يجاوبني
❥━──➸➽❥💔❥━──➸➽❥💔
اشوفن كربله فقره
وحسين انحنه ظهره
حاير مهجة الزهره
احاجيه او ميسمعني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٠_.


لطميه لنزول كربلاء


احا يا كربله خطار جيناها
جبنه العايله واطفال وياها
❥━──➸➽❥💔❥━──➸➽❥💔
جبنه اعيالنه اوليهه تعنينه
اشوفنه حزين اليوم والينه
يعاين علحرم وايهل دمع عينه
او كل اخيامنه الليله نصبناها
❥━──➸➽❥💔❥━──➸➽❥💔
نزل محملي العباس ابو الرايه
بي عدوان ملزوم النهر مايه
هوس كافلي هليوم بلثايه
او كلبي انعشب من سمعيت طرواها
❥━──➸➽❥💔❥━──➸➽❥💔
احا يا كربله توحش اراضيهه
دك بيهه الخيم عباس واليهه
عليه امفصله الغيره او معانيهه
مهيوبه العقيله او زود ولياها
❥━──➸➽❥💔❥━──➸➽❥💔
مهيوبه العقيله اوزود كافلهه
اليوم ابكربله نزل محاملهه
هيبه امخدره واهوه امدللهه
يصيح ابصةت رايتنه رفعناها
❥━──➸➽❥💔❥━──➸➽❥💔
توحش كربله من وصلو اخواني
وانه امخدره او جيت ويه ولياني
اشوف اعله الشريعه اتحوط عدواني
او هاي اطفال والنسوان جبناها
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢٠_.


نعي لنزول كربلاء


يا كربله وحشه اوتونين
بيج اخوتي نزلو مسلحين
يا كربله اترابج عمه العين
❥━──➸➽❥💔❥━──➸➽❥💔
بيج اهلي نزلو سويه
او دك الخيم راعي الحميه
وانه خايفه واشلون بيه
امنسمعت بسم الغاضريه
❥━──➸➽❥💔❥━──➸➽❥💔
نزلو هلي وانه ابيا حال
سهم الهجر صوّب الدلال
حس كلبي بلهم اعله الاعيال
ابدار الغرب ابكه بلا ارجال
❥━──➸➽❥💔❥━──➸➽❥💔
ابكه غريبه بين عدوان
واتشيل من عندي الخوان
وايروح عزي او خدري الجان
❥━──➸➽❥💔❥━──➸➽❥💔
يا كربله خطار اجينه
او نزّلو خواني الضعينه
مهظوم كلبي اعله ولينه
❥━──➸➽❥💔❥━──➸➽❥💔
يا كربله نزلو هلي بيج
ترانه غريبه واعتب عليج
وحشه وضلامج ليش غاطيج
❥━──➸➽❥💔❥━──➸➽❥💔
نزلو بني هاشم الليله
نزّلوا وياهم العيله
وحسين اخيي وكف خيله
يا كربله عندج دخليه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

أعظم الله لنا ولكم الأجر
لبيك يا حسين 🏴

#الفزاعيه_بديوان_بحر_الولاء_الجزء_٢_.


فزاعيه للمسير


عاف اديار جده حسين
والغربه تعناهه
❥━──➸➽❥💔❥━──➸➽❥💔
حمل بلضعن هليوم
ماخذ عيلته المظلوم
ابرجله معتني للگوم
واترفرف رواياهه
❥━──➸➽❥💔❥━──➸➽❥💔
ماخذ عيلته وياه
وعليهم يرف الواه
تهمل بلدمع عيناه
مدري وين منواهه
❥━──➸➽❥💔❥━──➸➽❥💔
سد حسين هاي الدار
ماخذ كل اخوته اوسار
متعني لعد كفار
واخته اتسيل عيناهه
❥━──➸➽❥💔❥━──➸➽❥💔
من ودع گبر جده
او سالت دمعته ابخده
اونزل اهل الكرم سده
وحشه الدار خلاهه
❥━──➸➽❥💔❥━──➸➽❥💔
خلاه النزل مسدود
رايح للغرب ميعود
واخته حيلهه مهدود
هل دمعه او حاچاهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه للمسير


هل عاشور والحره كثر ونهه
على الوالي يشيعيات عازنهه
❥━──➸➽❥💔❥━──➸➽❥💔
لبو السجاد ونن حيل وابعبره
هذا ابن الرسول مدلل الزهره
نعازي فاطمه والزينب الحره
علخوان يوم الي مشو عنهه
❥━──➸➽❥💔❥━──➸➽❥💔
انعازي زينب الخوان عافوهه
وابهذا الشهر بحسين فجعوهه
من بعد الاهل للشام ودوهه
امصايبهه چثيره اليوم اذنهه
❥━──➸➽❥💔❥━──➸➽❥💔
هل شهر الكدر والنوح والاحزان
ابهلايام زينب تفگد الخوان
تروح اميسره للشام وي عدوان
من بعد الخدر ميسوره خلنهه
❥━──➸➽❥💔❥━──➸➽❥💔
امصاب حسين مثله لا جره اولا صار
زينب والحرم ميسوره وي كفار
هل شهر الحزن هلو الدمع غدار
اسهام الصابت ابن امهه يصيبنهه
❥━──➸➽❥💔❥━──➸➽❥💔
لا مريت يا شهر الحزن بيه
بي زينب اويه العدوان مسبيه
تروح اميسره للشام مهديه
لوعات العده بليسر كتلنهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي للمسير


يوم المشينه او حملينه
والديرة الغربه نوينه
اشوف الولي يمسح ابعينه
❥━──➸➽❥💔❥━──➸➽❥💔
عفنه المباني او ذيچ الديار
اوحمل ضعنه او للغرب سار
اوجبنه العيله ازغار واكبار
❥━──➸➽❥💔❥━──➸➽❥💔
مدري الظعن متعني لا وين
عفنه المجلس والدواوين
واليا بلد ما ادري ناوين
❥━──➸➽❥💔❥━──➸➽❥💔
شدو اخوتي محملي اليوم
واليا بلد ناوي المظلوم
او جاب الصبايه الحلوه الارسوم
❥━──➸➽❥💔❥━──➸➽❥💔
ابليل سارت هاي الاضعون
وحسين اخيي ايهل الاعيون
مدري اليا ديره يسيرون
❥━──➸➽❥💔❥━──➸➽❥💔
ساروا اخوتي او سارت الخيل
او حمل ضعنه ابتالي الليل
ويه الضعن جبنه المداليل
❥━──➸➽❥💔❥━──➸➽❥💔
ابظلمه طلعنه او جبنه الاعيال
اعاين لخوتي او مدمعي سال
او جدام ضعني اخوي خيال
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢١_.


لطميه للمسير


وين يبن امي تريد ابهلسفر
گلبي حس ابحزن من شفت الشهر
وين يبن امي تريد
وانته گاصد للبعيد
خايفه يحسين من غدر الدهر
❥━──➸➽❥💔❥━──➸➽❥💔
وين يبن امي تشد ارحالك
ابليل ظلمه لملميت اعيالك
امسارع ابممشاك شتهيالك
حده حداي الضعن برجالك
وين گاصد بلعجل
يلولي او عفت النزل
خايفه يحسين من غدر الدهر
❥━──➸➽❥💔❥━──➸➽❥💔
وين يبن امي تريد ابهلمسير
ابهلضعن ناوي ابسفرتك يلأمير
ما دريت ابسفرتك شنهو اليصير
او تدري دربك يلولي صعب او خطير
وين شايل يلولي
من تشد ابمحملي
خايفه يحسين من غدر الدهر
❥━──➸➽❥💔❥━──➸➽❥💔
خايفه من هلشهر واهلاله
بيه اشوف حسين اخيي اشحاله
للغرب ناوي يشيل اعياله
ماخذ اهله اوصحبته وارجاله
هل الاهلال اوفجع
صحت اخيي او مارجع
خايفه يحسين من غدر الدهر
❥━──➸➽❥💔❥━──➸➽❥💔
خويه وين اتريد ماخذ عيلتك
عايف الديران ظلمه ابشيلتك
خايفه ابهلشهر تجري امصيبتك
تمشي للغربه او تصعب ردتك
ماخذ اوياك الحرم
اويحدي شيال العلم
خايفه يحسين من غدر الدهر
❥━──➸➽❥💔❥━──➸➽❥💔
گلي وين اتريد خويه بلضعن
حسين من شفت المحامل جدمن
دمعتي هلت او دلالي حزن
يوم شفت النوگ ياخويه مشن
اوياك ماخذ عيلتك
يبو اليمه امروتك
خايفه يحسين من غدر الدهر
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه لملاقات الحر


شلهم علينه يلولي
والادروب لزموهه
❥━──➸➽❥💔❥━──➸➽❥💔
لزمو دربنه علينه
اشيردون يا والينه
ارجع يخويه بينه
اوهاي الحرم ردوهه
❥━──➸➽❥💔❥━──➸➽❥💔
هتي العساچر گربت
بينه يخويه حوطت
واختك يوالي أيست
امنلرايات شالوهه
❥━──➸➽❥💔❥━──➸➽❥💔
الخيل اجتنه اهوايه
وامنشرين الرايه
ترسو يخويه الثايه
واخيولنه حاطوهه
❥━──➸➽❥💔❥━──➸➽❥💔
حاطو دربنه يلولي
رجعنه يا تالي هلي
لديارنه يا بو علي
بعيالكم سكنوهه
❥━──➸➽❥💔❥━──➸➽❥💔
عدوان ميرحمونه
من هلساع حاطونه
خافنهم ايذلونه
او راياتنه ايطيحوهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لملاقات الحر


يحسين للاوطان رد العيله
ابن الرياحي اليوم معرض خيله
❥━──➸➽❥💔❥━──➸➽❥💔
يحسين ردنه للوطن يلوالي
ابجالك يخويه تدري راسي عالي
للغرب يبن امي سرت بعيالي
او تدري الهظم يا خوي مالي حيله
❥━──➸➽❥💔❥━──➸➽❥💔
ابن الرياحي اليوم جاي اعلينه
ردنه لعد اديارنه يلعينه
كلنه حرم واطفال تدري بينه
والحمل من عگبك منو ليشيله
❥━──➸➽❥💔❥━──➸➽❥💔
ردنه يخويه للوطن يا بو علي
من عگب عينك هلحراير تنولي
عفت المباني او ذيچ يا ديرة هلي
اتحاچيه والمدمع ابحرگه اتسيله
❥━──➸➽❥💔❥━──➸➽❥💔
يحسين لديار الغرب جبتوني
شلكم عليه خويه وهدنتوني
خاف العده من عگبك ايذلوني
وابگه يسيره يلولي وذليله
❥━──➸➽❥💔❥━──➸➽❥💔
عاف المدينه اوجاب كل اعمامه
او عباس يحدي بلضعن جدامه
وامسلحه وياه كل ازلامه
للغدر جاب ابو علي ارياجيله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي لملاقات الحر


المن جبت وياك عيله
او حملي ثجيل او من يشيله
ايسيرون والمدمع تسيله
❥━──➸➽❥💔❥━──➸➽❥💔
سارو امنبعيد او لفتهم
اجيوش او روايه عارضتهم
امنلرجعه للديره امنعتهم
❥━──➸➽❥💔❥━──➸➽❥💔
صدت الحره او هملت العين
اتگله ينور عيوني يحسين
داير علينه الجيش صوبين
❥━──➸➽❥💔❥━──➸➽❥💔
ردنه يخويه الذيچ الاوطان
من هسه يبن امي الغدر بان
طحنه يخويه بين عدوان
❥━──➸➽❥💔❥━──➸➽❥💔
ردنه يخويه الدار اهلنه
من گبل لا ينطش شملنه
الخيل هل لزمت دربنه
❥━──➸➽❥💔❥━──➸➽❥💔
يگلهه يخويه اوضوه عيوني
يزينب امنرجع يمنعوني
بخيولهم هل حوطوني
❥━──➸➽❥💔❥━──➸➽❥💔
ردتنه خويه اليوم هيهات
يزينب يبنت امي الامر فات
واتحملي خويه اللوعات
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه لنزول كربلاء


نزلت الحره ابكربله
او عباس هز الرايه
❥━──➸➽❥💔❥━──➸➽❥💔
دگ الامخيم بيهه
ابو الفضل واليهه
دمعاتهه تجريهه
والنهر لزمو مايه
❥━──➸➽❥💔❥━──➸➽❥💔
نزلت اليوم ام الخدر
عباس دگ الهه الصدر
ملزوم ياماي النهر
عليه الجيوش اهوايه
❥━──➸➽❥💔❥━──➸➽❥💔
نزلت الحره ابلوعه
والعدوان مجموعه
وحسين هل ادموعه
جاب الحرم ويايه
❥━──➸➽❥💔❥━──➸➽❥💔
اتگله يخويه ابو علي
يحسين ياتالي هلي
خافن نضل ابلا ولي
وانضل بلا حمايه
❥━──➸➽❥💔❥━──➸➽❥💔
العدوان كلهه امجمعه
واختك يخويه املوعه
سدوه درب المشرعه
ردنه يبعد اچلايه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الفزاعيه_بديوان_بحر_الولاء_الجزء_٢_.


فزاعيه لنزول كربلاء


صبت دمعت المظلوم
من نزّل بنات امه
❥━──➸➽❥💔❥━──➸➽❥💔
صبت دمعت عيونه
يدري الگوم يردونه
عدوان او يذبحونه
ايظل امخضب ابدمه
❥━──➸➽❥💔❥━──➸➽❥💔
هل ابو علي ادموعه
شاف الگوم مجموعه
زينب تبچي ابلوعه
من عگبه تظل حرمه
❥━──➸➽❥💔❥━──➸➽❥💔
نزلو كربله هليوم
هلت دمعت المظلوم
زينب حيلهه مهدوم
تشوف الگوم ملتمه
❥━──➸➽❥💔❥━──➸➽❥💔
حسين ايهل دمع عينه
او زينب شافته حزينه
واتگله يوالينه
چنهه هلأرض ظلمه
❥━──➸➽❥💔❥━──➸➽❥💔
اتگله للوطن ردنه
اطفال او حرم عدنه
نبگه خاف وحدنه
او يثگل علگلب همه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي لنزول كربلاء


الكربله جت العقيله
نزلت او مدمعهه تسيله
او عباس اجاهه او ربط خيله
❥━──➸➽❥💔❥━──➸➽❥💔
انزلي يگلهه اولا تهمين
وياچ ابو الكلفات تدرين
ابرگبتي يخويه لا تخافين
❥━──➸➽❥💔❥━──➸➽❥💔
هاي الارض نزليهه يختي
دونچ يخويه افدي رگبتي
من الوطن جبتچ اببختي
❥━──➸➽❥💔❥━──➸➽❥💔
حاچاهه واهمل دمع عينه
جبتچ يخويه امنلمدينه
كفلتچ او كافل هلضعينه
❥━──➸➽❥💔❥━──➸➽❥💔
اتخافين وآنه اخوچ موجود
اشحدهه العده توصل هلاحدود
دونچ الرگبه او حتى الازنود
❥━──➸➽❥💔❥━──➸➽❥💔
طلعي يخويه منچ الخوف
اضحي لجل عينچ هلچفوف
تدرين بيه ابهاي موصوف
❥━──➸➽❥💔❥━──➸➽❥💔
دنگ رگبته او نزلاهه
بلرايه هوس وأمناهه
واعله المصايب صبراهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لنزول كربلاء


برض الغاضريه حطوا ضعوني
منيوم الشفتهه صبن عيوني
❥━──➸➽❥💔❥━──➸➽❥💔
من شفت الارض گلبي كثر همه
صحت ابصوت يا خويه يبو اليمه
چنهه كربله ابعيني صفت ظلمه
لديار الوطن يا خوي ردوني
❥━──➸➽❥💔❥━──➸➽❥💔
هايه كربله يحسين هظمتني
ردني بلعجل منهه يخال ابني
اخافن يلولي ابغربه تضيعني
وياكم يخويه اشلون جبتوني
❥━──➸➽❥💔❥━──➸➽❥💔
لا تبني الخيم يحسين يلوالي
متعني لرضهه او جايب اعيالي
من يوم الشفتهه تيهت بالي
اخاف امنلعده يحسين يولوني
❥━──➸➽❥💔❥━──➸➽❥💔
اسمهه كربله يحسين تغدرنه
انته تنچتل واحنه تضيعنه
اوكل هاي العده تتمرجل ابحدنه
وانه اعزيزتك خافن يضربوني
❥━──➸➽❥💔❥━──➸➽❥💔
مكتوب الامر يا زينب الحره
وانتي اميسره ترحين وي كفره
وانه بس جسد نايم على الغبره
يشبون الخيم وآنه يذبحوني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

بصوت 🎤 الملة تبارك
وبقلم ✍ الشاعرة الملة أميرة أم محمد الكناني
القصيده📚 بديوان بحر الولاء الجزء 2