#الفزاعيه_بديوان_بحر_الولاء_الجزء_٢_.


فزاعيه لمسلم عليه السلام


مأيوسه حميده ليش
من شال الولي عنهه
❥━──➸➽❥💔❥━──➸➽❥💔
مأيوسه حميده اليوم
ايتيمه والگلب مهضوم
تبچي اوتعتب المظلوم
واتجر ابحزن ونهه
❥━──➸➽❥💔❥━──➸➽❥💔
اتنادي ليش يتمني
شال او مانشد عني
ابوي اليوم ضيعني
عليه الدمعه اسيلنهه
❥━──➸➽❥💔❥━──➸➽❥💔
مسلم عاف الأبنيه
شال او مابعد جيه
وياه الوداعيه
يتمهه ابزغر سنهه
❥━──➸➽❥💔❥━──➸➽❥💔
شال الوالي بضعونه
او خلاهه ازغيرونه
ليهه يرد مضنونه
من شال الولي منهه
❥━──➸➽❥💔❥━──➸➽❥💔
شال او مايرد للدار
يتم عيلته المغوار
وابداره اليتامه ازغار
واللوعات كتلنهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لمسلم عليه السلام


تبچي اليوم بت مسلم يهاليهه
ازغيرونه حميده اتريد واليهه
❥━──➸➽❥💔❥━──➸➽❥💔
بته اليوم تبچي اتريد ابو طاهر
لاهوه ابسفر وايعود الأمسافر
واگلهه اليوم راح يعود لو باچر
اشلون ايتيمه ابو طاهر يخليهه
❥━──➸➽❥💔❥━──➸➽❥💔
ازغيرونه حميده او صارت ايتيمه
عافاهه ابوهه او طار الهيمه
اتصيح ابصوت يا ناس الابو خيمه
عيني الما اشوفك بيهه لعميهه
❥━──➸➽❥💔❥━──➸➽❥💔
ازغيرونه حميده اتصيح ما بيه
وآنه ابعازتك بويه تجي ليه
ابوي الچان خيمه ايضلل عليه
الأيتيمه بعد من ينشد عليهه
❥━──➸➽❥💔❥━──➸➽❥💔
ايتيمه اليوم ضلت بت ابو طاهر
ازغيرونه حميده او تكسر الخاطر
بلكوفه اعله مسلم هلعدو داير
خلاهه زغيره او من يربيهه
❥━──➸➽❥💔❥━──➸➽❥💔
منهو الي يربيهه الزغيرونه
بلكوفه ابوهه مسلهم عيونه
ما يرجع عليهه هاي مضنونه
ايتيمه واليتم يكتل درد ليهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#النعي_بديوان_بحر_الولاء_الجزء_٢_.


نعي لمسلم عليه السلام


تبچي حميده او تنحب اليوم
تندب ابوهه المات مظلوم
عفتني يبويه او گلبي مهضوم
❥━──➸➽❥💔❥━──➸➽❥💔
ارجع يبو طاهر الدارك
نوم الترب چنه حلالك
او مني تره انگطعت اخبارك
❥━──➸➽❥💔❥━──➸➽❥💔
تبچي اليتيمه او تهمل العين
عني غبت يا والدي وين
رد ليه يا مسلم يلاحنين
❥━──➸➽❥💔❥━──➸➽❥💔
بزرك يبويه يريدونك
ما يگدرون ايفارگونك
صارو يتامه ايعاتبونك
❥━──➸➽❥💔❥━──➸➽❥💔
حميده تهل اليوم الاعيون
يتيمه بگت والحيل مرهون
شوفتك بويه صارت اضنون
❥━──➸➽❥💔❥━──➸➽❥💔
يمته يبو طاهر تجيني
اشوفك وابطل دمع عيني
وعليك بويه ايخف ونيني
❥━──➸➽❥💔❥━──➸➽❥💔
يليتمتني ابزغر سني
اولا ناشدت يابوي عني
بعدني زغيره او كثر وني
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_١٠_.


لطميه لمسلم بن عقيل عليه السلام


احا يمسلم من وكع بلكوفه
ابديرت غرب واعداه عليه مصفوفه
❥━──➸➽❥💔❥━──➸➽❥💔
احا يمسلم ما اجوه خوانه
ابوسط بير اتكنطر امنحصانه
التمو عليه ابغربته عدوانه
ابهلحاله ابو السجاد ريت ايشوفه
❥━──➸➽❥💔❥━──➸➽❥💔
ابديرت غرب يتم اليوم اولاده
مسلم تكنطر بيه متدري الساده
صار الترب هليله ليه اوساده
بلبير طاح او هامته مكشوفه
❥━──➸➽❥💔❥━──➸➽❥💔
احا يمسلم ليش عاف عياله
مابين اهل كوفه اشلون احواله
ياريت تحضر ليه اليوم ارجاله
ياحيف عباس ابن عمه ايعوفه
❥━──➸➽❥💔❥━──➸➽❥💔
مايدري العباس مسلم بلغرب
مابين عدوانه تكنطر علترب
اشعطل العباس يندل الدرب
علنهر ضنه امكطعات اجفوفه
❥━──➸➽❥💔❥━──➸➽❥💔
ابديرت غرب مسلم تصب عيونه
اعله حسين خايف يوصل ايغدرونه
راس ابو السجاد العده يردونه
واعليه مسلم يبجي او كل خوفه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

قصيده لملاقات الحر
بصوت الملة 🎤 أم يوسف
وكلمات الشاعرة ✍ أم محمد الكناني
القصيدة 📚 بديوان بحر الولاء الجزء 2

قصيده للنزول في كربلاء
بصوت الملة 🎤 أم يوسف
وكلمات الشاعرة ✍ أم محمد الكناني
القصيدة 📚 بديوان بحر الولاء الجزء 2

قصيده للنزول في كربلاء
بصوت الملة 🎤 أم يوسف
وكلمات الشاعرة ✍ أم محمد الكناني
والشاعرة ✍ نشوان الكناني
القصيدة 📚 بديوان رحلة الأحزان الجزء 2

قصيده للمسير
بصوت الملة 🎤 أم يوسف
وكلمات الشاعرة ✍ أم محمد الكناني
القصيدة 📚 بديوان بحر الولاء الجزء 21

قصيده للعليله عليها السلام
بصوت الملة 🎤 أم يوسف
وكلمات الشاعرة ✍ أم محمد الكناني
والشاعرة ✍ نشوان الكناني
القصيدة 📚 بديوان رحلة الأحزان الجزء 2

#عمل_مشترك_.


لطميه حدي لشهر محرم الحرام( هلي دمعتچ )


يا عيني هلي دمعتچ شهر المصايب هل وصل
رفت روايات الحزن والدمعه من دم أبوجل
❥━──➸➽❥💔❥━──➸➽❥💔
وحسين شهره هل گرب نصبو العزه يا شيعته
بسم الله حداي الضعن لرض الغريبه نيّته
وزعوا الماي أبمجلسه وأتذكروا عطشه ولوعته
وياكم أمه فاطمه تحضر أو مدمعهه يهل
❥━──➸➽❥💔❥━──➸➽❥💔
ذكروه يا شيعة علي لوله المواكب تنصب
ذكرو دمعته وغربته ذكرو السلب ذكرو  النهب
من طاح برض المعركه فاضت أدمومه أعلى الترب
وأخته يلوعه أتحملت آ يلهضم ما ينحمل
❥━──➸➽❥💔❥━──➸➽❥💔
ما ينحمل آيلهضم وأخته مشت متيسره
واجساد أهلها اعله الترب من الرمال امغيره
بطفاله زينب يا خلگ ضلت حزينه أو حايره
ولروس بالدمعه تصد وأهيه على نوك الهزل
❥━──➸➽❥💔❥━──➸➽❥💔
وحسين نصبوله العزه يا شيعه دگوا عالصدر
ما ننسه يومه أبكربله لمن گطع راسه الشمر
گوموا نعازي فاطمه عالكسروا أضلوعه الكفر
سبط الرسول أو مهجته عطشان بالحومه أنچتل
❥━──➸➽❥💔❥━──➸➽❥💔

*لخادمات الأمام الحسين 《ع》*
*الشاعرة الملة ✍ أم محمد الكناني*
*والشاعرة ✍ نشوان الكناني*
*غير مبرء الذمة كل من يتلاعب بلقصيدة*

https://www.tg-me.com/t198t

قصيده لبداية محرم الحرام
بصوت الملة 🎤 أم يوسف
وكلمات الشاعرة ✍ أم محمد الكناني
والشاعرة ✍ نشوان الكناني

قصيده للعليله عليها السلام
بصوت الملة 🎤 أم يوسف
وكلمات الشاعرة ✍ أم محمد الكناني
والشاعرة ✍ نشوان الكناني
القصيدة 📚 بديوان رحلة الأحزان الجزء 2

#الفزاعيه_بديوان_بحر_الولاء_الجزء_١٠_.


فزاعيه لمسلم بن عقيل عليه السلام


مسلم من برز للكوم
طوعه اتهلهل اكباله
❥━──➸➽❥💔❥━──➸➽❥💔
مسلم شال بيده السيف
يحصد بيهم اعله الكيف
ما يرجف اسد وامخيف
هز الكون بفعاله
❥━──➸➽❥💔❥━──➸➽❥💔
يهتز مثل الارعيده
امشيم والحرب عيده
صال او بعد شيهيده
او ثوب الجود يحلاله
❥━──➸➽❥💔❥━──➸➽❥💔
طوعه اتهلهل ابحده
صال او بعد شيكعده
اليوم العايل ايرده
وايجول اعله الاخياله
❥━──➸➽❥💔❥━──➸➽❥💔
سواهه بحر من دم
ابو طاهر يلمشيم
من حيدر علي امعلم
الزود البيه اوبرجاله
❥━──➸➽❥💔❥━──➸➽❥💔
يبرز مايهم بيهم
ضل يتراجف عليهم
يحصد من يلاكيهم
او فنه اليوصل احذاله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢٧_.


لطميه لمسلم عليه السلام


هليوم الاسد مغدور بلكوفه
مو تدري اهلهه ابغدر معروفه
❥━──➸➽❥💔❥━──➸➽❥💔
هليوم الاسد مغدور والوحده
نقضوا بيعته ولا ضل نصر عنده
وعلى حسين تجري دمعته ابخده
شحاله اليوم ريت ابو علي يشوفه
❥━──➸➽❥💔❥━──➸➽❥💔
نقضوا بيعته هليوم ابو طاهر
ما بين الغرب ضل ما إله ناصر
ابو السجاد ريته اليوم اله حاضر
وايشوف الجيوش عليه مصفوفه
❥━──➸➽❥💔❥━──➸➽❥💔
ملتمه عليه جيش ابن مرجانه
وهوه غريب وابعيدين خوانه
طايح بلحفيره وهوه امنحصانه
واخذو للقصر وامشدده اجفوفه
❥━──➸➽❥💔❥━──➸➽❥💔
هليوم الاسد مغدور بلغربه
ما بين الاعادي وحالته صعبه
بعيد حسين ضل ايعاين الدربه
روحه امنلقتال اليوم مضعوفه
❥━──➸➽❥💔❥━──➸➽❥💔
مغدور الاسد واخوانه مو يمه
طايح بلحفيره صاحب الهمه
ما واحد حضرله من ولد عمه
على مسلم الجيش أمحدد اسيوفه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_بحر_الولاء_الجزء_٢_.


لطميه لأولاد مسلم عليهم السلام


واعدني الكفيل او مادره ابحالي
بلهيمه ادور ضايعه اطفالي
❥━──➸➽❥💔❥━──➸➽❥💔
ضاعو ما دريت اليا كتر راحو
اخافنهم عليه بلدرب صاحو
ما يدري الكفيل اببزرتي ضاعو
مدري ابچي عليهم لو على الوالي
❥━──➸➽❥💔❥━──➸➽❥💔
ضيعت الجهال او مادره بيه
يوم اخيول اميه داجت عليه
حرگو خيمتي او ضاعوا لعصريه
عدواني كفر ما رحمو ابحالي
❥━──➸➽❥💔❥━──➸➽❥💔
ضاعو بزرتي او عباس ما يدري
علتربان اخوتي او ضايعه الوحدي
ضيعت الجهال او ضيعت خدري
من بعد الدلال او خدري العالي
❥━──➸➽❥💔❥━──➸➽❥💔
ضاعو بزرتي او ما نهض ورادي
حرمه اوحايره وانشد ابهلوادي
اگعد يا كفيلي او دوّر اولادي
من كثر المصايب تيهت بالي
❥━──➸➽❥💔❥━──➸➽❥💔
ظيعت البزر من حرگو اخيامي
اگعد يا كفيلي او دوّر ايتامي
حرمه امحيره او ماگعدو ازلامي
كون الموت اخذني اوياهم اشوالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

قصيده لأولاد مسلم عليهم السلام
بصوت الملة 🎤 أم نور
وكلمات الشاعرة ✍ أم محمد الكناني
القصيدة 📚 بديوان بحر الولاء الجزء 2

قصيده لأولاد مسلم عليهم السلام
بصوت الملة 🎤 أم تبارك
وكلمات الشاعرة ✍ أم محمد الكناني
القصيدة 📚 بديوان بحر الولاء الجزء 2

#الطميه_بديوان_أقل_الوفاء_في_رثاء_أولاد_مسلم_عليهم_السلام_٢٢_.


لطميه لأولاد مسلم عليهم السلام


ادور علبزر فريت بلحومه
اكعدو ياهلي بسكم امنلنومه
❥━──➸➽❥💔❥━──➸➽❥💔
اكعدو ياهلي ضيعت ويلادي
محد كاملي من صحت بلوادي
ازغار اومادريت عليهم اشسادي
علتربان اخيي امسلبه اهدومه
❥━──➸➽❥💔❥━──➸➽❥💔
ماادري الصبايه وين الاكيهم
القصر ازياد كالولي اموديهم
والسجان ضالم مايحن بيهم
طاهر ضيعيته الحلوه ارسومه
❥━──➸➽❥💔❥━──➸➽❥💔
ضيعت الصبايه وانه ابلاوالي
مسلوبه اوغريبه اوبلهضم حالي
ادوّر ياكتر مدري على اطفالي
واصورهم ابكلبي اليوم مرسومه
❥━──➸➽❥💔❥━──➸➽❥💔
اكعدو ياهلي دورو مداليلي
ترانه امدوهنه اومني مشه حيلي
ضيعت الصبايه او مانمت ليلي
من يوم اوصلت كربله الميشومه
❥━──➸➽❥💔❥━──➸➽❥💔
صبايه ازغار كالولي امسجنيهم
اعله جرف الماي ويلادي امذبحيهم
عونه الشافهم عونه اليلاكيهم
انه الوالده اوضليت مهضومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_أقل_الوفاء_في_رثاء_أولاد_مسلم_عليهم_السلام_٢٢_.


لطميه لأولاد مسلم عليهم السلام


ظيعت البزر جاوين الاكيهم
وابن امي ذبيح اومادره بيهم
❥━──➸➽❥💔❥━──➸➽❥💔
ضيعت البزر وحسين مايدري
مابين العده وامحيره بمري
حركو خيمتي اومني مشو بزري
ماظلي ولي ليدوّر عليهم
❥━──➸➽❥💔❥━──➸➽❥💔
ضيعت الصبايه اوهلن عيوني
مابين العده خواني عافوني
يدري حسين بيهم مايرحموني
ابنفسي اكعد وياهم واحاجيهم
❥━──➸➽❥💔❥━──➸➽❥💔
بعد جاوين اشوف اولادي الحلوين
نايم علتراب وماسمعني حسين
تاهو مادريت اليابلد ماشين
يتامه بلغرب مايدري واليهم
❥━──➸➽❥💔❥━──➸➽❥💔
مني ضاع بزري اومادره الوالي
مابين العده اوينهظم ياحالي
نايم علوطيه ايكوم حسبالي
ياحر الترب غير معانيهم
❥━──➸➽❥💔❥━──➸➽❥💔
مايدري الحنين اعله الترب نايم
ابهيمه اويلغرب ضيعت الايتايم
علتربان طاحت ذيج الاعمايم
مايدرون ويلادي اشسده عليهم
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t

#الطميه_بديوان_أقل_الوفاء_في_رثاء_أولاد_مسلم_عليهم_السلام_٢٢_.


لطميه لأولاد مسلم عليهم السلام


حس اطفال بلهيمه يونون
عليهم جلجل الليل اويخافون
❥━──➸➽❥💔❥━──➸➽❥💔
مدري وين وداهم زماني
والمشوار يكلف تعباني
واعله ادروبهم لكعد واتاني
بلكت جم وكت ليه يرجعون
❥━──➸➽❥💔❥━──➸➽❥💔
اطفالي مشو ماادري بيهم
ماعندي ولي ايدور عليهم
امننام الليل جن اسمع بجيهم
اطفال ازغار جن ليه يريدون
❥━──➸➽❥💔❥━──➸➽❥💔
حس اطفال صاحو وين اهلهم
ازغار اويكسر الخاطر يتمهم
مشو صعب الدروب اورادو امهم
عليهه امعلمين او مايسكتون
❥━──➸➽❥💔❥━──➸➽❥💔
مشو بدروب خطره بلبساتين
بيهم مادره عباس الاحنين
طاهر وين منه غمضت العين
بعد جاوين الاكي حلو الاعيون
❥━──➸➽❥💔❥━──➸➽❥💔
من داجت علينه الزلم والخيل
مني اولاد مسلم فرو ابليل
حرمه من يدورلي المداليل
ابهيمه ضيعتهم مايردون
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/t198t