صلاة الليلة السادسة للشهر الفضيل

خدمة محبي باسم الكربلائي تقدم:

📜:جبينك
🖋:حمزة السماوي
🔖:ليلة 22 رمضان 1441
🎼:#يتامه_يا_علي
https://www.tg-me.com/m7bebasim/45533

جبينك ياعلي تمسح جبينك
شيسكتني اذا يسكن ونينك
الوجه اصفر علي اتغير كرب موته
▪️▪️▪️▪️▪️
عزيزة روحك وكلبك تسميني
اذا خاطر الي عندك تحاجيني
الك يومين جرحك ما تروايني
ولا اتقرب لراسك تخليني
منو كلك اشوفك ياعلي بعيني!
تره براسي اكو طبره تأذيني 
طبرتك طاحت براسي طبرتك
يبويه بسجدتي الاولى ذكرتك
واحس اكثر علي اتغير كرب موته
▪️▪️▪️▪️▪️
رسومك من الاعمامه اشد صُفره
وملامح وجهك المبتسمه متغيره
وصل لاجدامك السم وصفت حمره
اللبن ما فاد جرحك يا نبي الفقره
نذر لله اذا حيدر يضل عمره
مشي للحج اروحن وامشي للعمره
قرينه شجم حرز يمك قرينه
إنه وام البنين شكد بچينه
عداك الشر علي تغير كرب موته
▪️▪️▪️▪️▪️
الاهم من هذا موقف واسمع تشرحه
جرح امي بدليلي رايح اتفتحه
جبينك من عرگ بيدك ابه تمسحه
تسكّن بالونين ودمعتك تصحه
شكثر عاش الحزن من ماتت الفرحه
يبويه وبالنهايه كلمن وجرحه
نصيبي امن الزمن هذا نصيبي
افز واصحه عله دموعي و نحيبي
شفت منظر علي تغير كرب موته
▪️▪️▪️▪️▪️
سمعتك وي اخوتي تسولف الاصعب
تكللهم مره من عدنه تتسلب
اكيد بلا نقاش ام الحزن زينب
وليهمك يبويه ولا تضل تنحب
إنه كد المآسي وعادي اتغرب
ولا تنسه إنه بنت الشطر مرحب
كفيله زينب تصير الكفيله
وحقك رفعة الراس العقيله
اله المحشر علي تغير كرب موته
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

فزاعيه حول الامام علي



*شعدها اليوم.  بت حيدر تون حيل*

متكدره عله ابوها  الرايح يشيل



تسمع لن ابوها يوصي بيهه
زينب غاليه يگل الوليهه
امانه بركيتك عينك عليهه
بتي مدلله.وما طالعه بليل


يكله ابجالنه مهيوبه هيه
وحيدر سولف عله الغاضريه
تالي اتشوفكم كلكم رميه
والخيل شيردها لو تجي الخيل