⬛️◼️القصيدة-6-◼️⬛️

رَحلَت سريعاً والأسى يَحكيها
       واليتمُ    جلَلَّ   أوجُهاً    لِبنِيها 
والعمرُ منها كالزهورِ فلم  يَدُمْ 
        إلا  ثمانٍ     بعدَ   عشرِ   سنِيها 
فهيَ الوديعةُ والرهينةُ بعدما
    أختُلِست وقد  رُدَت  جوارَ  أبيها
آهٍ   لها  ماذا رأت وتجرَعت
   من جبتِ أصحابٍ  ومن طاغيها
هجموا جِهاراً ثم شبُوا نارَهُم
     بالبابِ   والزهرآءُ    لآذت   فيها
فإذا الزنيمُ بعصرةٍ كُسٍرت بها
        تلك الأضالِعُ   والدِما   تُجريها
فهوى الجنينُ أمامَها مُستشهِداً
       وبصدرِها    مسمارُها   يُؤذيها
بقِيَت تئِنُ من المصابِ ليالياً
            وبقلبِها     آلآمَها     تُخفيها
أوصَت علياً أن يُعفِيَ قبرَها
           وعليهِ  ناحَ   ودمعُهُ  يُرثيها
لهفي لأيتامٍ لها و بوحشةٍ
       صرخاتُهُم حتى العِدا تُشجيها
والطهرُ زينبُ تكتوي بفراقِها
         تنعى  البتولَ  وعينُها  تَبكيها

#سمير_الصالحي
#النجف_الأشرف

--------------------------
🌑 نعي -مجردات

يمه  الگلب  عگبج   تگطع
وعيوني   ماترضاش  تهجع
زينب  أنه    وحالي    تلوع 
والصبر  يا زهره    تضعضع
كل  يوم  اگولن  كون  ترجع
وآنه اعتب وأهمل  المدمع
وادري المعاتب موش ينفع
وسفه  الشمل راح   وتوزع


#سمير_الصالحي
#البصرة_الفيحاء

‏كعده استشهاد فاطمة الزهراء ع
‏
ياعلي لحك عليه. صدري وعيوني او اديه
‏حشمة يهل الحميه. صدري وعيوني واديه
‏١---------
‏ياعلي احجيلك همومي بداري  من هجموا عليه
‏بالرحه جنت انه اديرن ياعلي او تعبان اديه
‏فجأه لن بابك يطرقه بكل صلافه ابن الدعيه
‏جاي ويريدك بالعلن. تمد ايدك تصافح وثن
‏أو لن مجمع شيوخ الفتن. ضد علي حامي الحميه
‏
‏حاوطوا دارك يحيدر. شتموني واني كوثر
‏وما تعدي هالمسيه. صدري وعيوني او اديه
‏٢--------
‏شفت ما واحد يرده شعل نيران اعله بابي
‏ياعلي اضطريت اكلمه كمت مستوره بحجابي
‏كتله ما موجود انته شسوه ليحسبوه صحابي
‏جا كلي دارج يشتعل. لا كتله حامل بالطفل
‏يرفسها بابي وتنهدل. اوهذا ياحيدر صوابي
‏
‏ياعلي ومحد يرده. وعلارض مطروحه ورده
‏ياعلي شعظم الرزيه. صدري وعيوني او اديه
‏٣---------
‏الباب من وكعت يحيدر جوت امتوني او اديه
‏صرت انحي الباب عني بابي لن ترجع عليه
‏منها لن بسمار طالع واظن بسمار المنيه
‏مابيه اتنفس بعد. وما نادي ياحيدر مدد
‏ما زيد عليك الشدد. من النبي عدك وصيه
‏
‏ياعلي تصبر مؤكد. كلك الهادي محمد
‏تنكسر بنتي الزجيه. صدري وعيوني او اديه
‏٤---------
‏ياعلي أولادك اجوني وانه تحت الباب انازع
‏تبجي أولادك يحيدر طفت النار المدامع
‏حسين لن ينطيني ايده كربله بعيونه اباوع
‏وركضتها زينب للطفل. ميت تنادي او مو عدل
‏موقف يحيدر موسهل. محد العنه يدافع
‏
‏والحسن بدموعه ناده. للجرح اصبح ضماده
‏عليه خفت وانه الي بيه. صدري وعيوني او اديه
‏٥---------
‏الباقي ياحيدر تعرفه ارد أوصيك بوصيه
‏هاي اخر ساعه يمك حان موعدها المنيه
‏السببة مقتل جنيني  نفسي عنهم مو رضيه
‏انت التشيع جنازتي. ياعلي وهاي وصيتي
‏عن الي سرقة بسمتي. اخفي كبري من الوطيه
‏
‏
‏وادم اوكلها اذيه. اخفي كبري من الوطيه
‏بلكت يهود عليه. صدري وعيوني او اديه
‏٦-------
‏ياعلي وغسلني بيدك وقره يس وتصبر
‏لا تضل تحمس بروحك ازمه وتعديها تكدر
‏وبالقضاء مؤمن يحيدر انت ابن الله اكبر
‏بيدك تنزلني الكبر. وهنانه مطلوب الصبر
‏وتتلمس هنانه امر. هذا لي ياذيك اكثر
‏
‏ياعلي عنك خفيته. كلبك يطك لو حجيته
‏الخاتمه يعيوني هيه. صدري وعيوني او اديه
‏٧------المصيبه
‏خلصت ايامي يحيدر وداعة الله ياعيوني
‏الله ليوفق العصرني ابني مات وشتموني
‏وخايفه اعله اولادي حيدر يروعوها الروعوني
‏الله الها ولدي ياعلي
‏هم مثلي باجر تنولي
‏يغلي الحقد بيهم غلي
‏بمحكمة ربك حيدر كلمن الياخذ جزائه
‏
‏
‏✍️زين العابدين طوير

‏وآويلاه كسر الضّلع
‏آه وآه كسر الضّلع
‏***
‏كسر الضّلع كلش صعب
‏بحساسي يمرد والگلب
‏شلون الزّچيّة تنضرب
‏━━━❖✿❖━━━
‏والخد حسافة ينصفع
‏وآويلاه كسر الضّلع
‏***
‏ﷲ اليساعد فاطمة
‏متخضبـة أويلاه ابدمه
‏لاذت وره الباب ابحمه
‏━━━❖✿❖━━━
‏وعليها يزداد الدّفع
‏وآويلاه كسر الضّلع
‏***
‏نادت يفضة من هوت
‏عالذّاري چن وردة انحنت
‏رغم الألم سكته بچت
‏━━━❖✿❖━━━
‏خافن بچيها ينسمع
‏وآويلاه كسر الضّلع
‏***
‏هيّه أم أبوها وكوثره
‏وصى النّبي بيها وقرا
‏الياذيها ياذيني تره
‏━━━❖✿❖━━━
‏وبالحشر ليظن ينشفع
‏وآويلاه كسر الضّلع
‏***
‏وحسين زينب والحسن
‏ضلوا يتامة للمحن
‏واليفگد أم فاگد وطن
‏━━━❖✿❖━━━
‏تخلـص حياتـه بالدّمـع
‏وآويلاه كسر الضّلع
‏***
‏عالزّاكيّة الباب اندحر
‏ضلع المحبة اللي انكسر
‏والمحسن ايصيبه الخطر
‏━━━❖✿❖━━━
‏وتخيلوا شلون الوضع
‏وآويلاه كسر الضّلع
‏***
‏والصّبر لازم حيدرة
‏أمر الوصيّة ايصبره
‏لو سيفه وﷲ ايزمجره
‏━━━❖✿❖━━━
‏بلحظة المناحر تنگطع
‏وآويلاه كسر الضّلع
‏-------------------&---------------------
‏بقلـم: أميـر الزبـيدي

🔶ميمر 🔶

ما ننسى ضلع الزهراء ؛ و كلمة وأنّ و السطره


@1
مصابج يبضعه بالقلب عاش اسنين
هم انتي بيتج كربلا و مثل احسين
نار الخيم و الباب نفس النارين

و بسمار الي بضلعج جان ؛ صاب الحسين بصدره

@2
و الباب ما يفرق ابد عن الخيل
كسروا ضلوع المصحف البي ترتيل
صار الخشب عالزهره مثل السجيل

بعد الكسر لاضلاع ؛ القُرأن عاش بحسره

@3
و اليوم مسكور و يون القرأن
و يبجي عليها بكل صلاة الأذان
و سورة الكوثر صار اسمها الاحزان

إنَّ اعطيَناكَ الزهْراء ؛ بس ماتت من العصره

@4
بيت النبوه و معّدن الرساله
بيت الي جبرائيل يتعناله
حركوه ولدها للحَطَب حماله

متواصله هاي النار ؛؛؛؛؛:: من النبي للزهره

5@
التاريخ ما يرحم عليكم ينعاد
و النار الحقد لا ما اضن ليها اخماد
بنتج يزهره هم يجيها الجلاد

يضربها و اطب الشام ؛ و تسبيها هاي الزمره

6@
كلكم سمعتوا اشوصه بعده المختار
الله و كتابه و من سكن هذا الدار
هاي المجازه ابابه حطيتوا النار

بيت الي يگضي الحاجات ؛؛ نيران بي مستعره


7@
لو جان حيدر سيفه باقي بيمناه
لوله الجره و لوله النبي ما وصاه
چا خله اشجعهم يجي يترجاه

ادخيلك علي يكرار ؛ يحجي و يجر العبره

8@
ما شفت بيهم لا شجاع و رجال
و لا واحد يوفّي بكلمته التنكال
جانوا صحابه بالأسم و الاشكال

خنجر غدرهم موجود ؛ و بكل زمن لالعتره

9@
تلبسون ردتوا لالخلافه الجلباب
شنهو ذنبها فاطمه و ذنب الباب
يا وسفه سماكم رسول الله اصحاب

سورة مسد بالقرأن ؛ تنعاد في كل مره



خادم الزهراء الشاعر( مصطفى ثامر الحلفي)

‏«لسان حال الإمام علي بفقده السّيدة الزّهراء -عليهما السّلام-»
‏يا گبـر گــاطع هــواي (بمعنى الهواء)
‏هــندس بعــيني ضـواي
‏ليــش تقبلها الأحبه ما أشـــوفه
‏ ----------------------------------------
‏ابـحسبت الليــل
‏ينگضي الحـيل
‏وآنـــه المفارگ هواي اشضال عنـدي
‏
‏ماخــذ الـــرّوح
‏تارك اجــروح
‏وصفـنتي للزّهرة مردت حيل چبـــدي
‏
‏أذكــر أيّام
‏عــمري بآلام
‏لـــكن اتمر الثواني وآني وحـــدي
‏━━━❖✿❖━━━
‏يا گبر تمشي السّنيـــن
‏بس يضل بيّه الحنيـــن
‏ليــش تقبلها الأحبه ما أشـــوفه
‏----------------------------------------
‏خابـــت اظنون
‏ ذبلــت اعيــون
‏ترابـك الماخذلي عافيتي وزهرتــي
‏
‏يمـــها ونيت
‏ابهمي رديت
‏شگد أليمــة ابكسرتي لداري رجعتــي
‏
‏اشلون حــــسرة
‏الباب أنظـــره
‏اعتاب اليـــودع وطن تعتـب دمعتــي
‏━━━❖✿❖━━━
‏يمّك إيطيح الجنين
‏آخر أحفــاد الأمين
‏ليــش تقبلها الأحبه ما أشـــوفه
‏----------------------------------------
‏أرد أسألك
‏ابچلمه أگلـــك
‏اشحال فاطم يا گبر گلــي ابــ وضعــها
‏
‏تدري حزنان
‏خوفي تــربان
‏من دفنت الغاليّة لچمت ضلعـها
‏
‏إبالي الضّلوع
‏ ويّه الدّموع
‏باللّٰه هـــم وسط الترب كفت دمعها
‏━━━❖✿❖━━━
‏گلي غيـرها التــراب؟
‏يا گبــر ردلي الجواب
‏ليــش تقبلها الأحبه ما أشـــوفه
‏----------------------------------------
‏غربة الصّباح
‏تلـفي الــجراح
‏موحشة هالحظــة مـن دون الحبـيبة
‏
‏إلـــها مشــتاگ
‏والوكت ضاگ
‏اشسوت الفرگة ابجرح عافه طبيــبه
‏
‏گـــوه أنهـــض
‏حيــلي مرتـض
‏أعثر ابــ وجــه الهــوى شنهل المصيــبة
‏━━━❖✿❖━━━
‏والرفـع بچفـوفه بــاب
‏ما حمــل هسّه الغياب
‏ليــش تقبلها الأحبه ما أشـــوفه
‏---------------------------------------
‏ابروحي آهات
‏تروي صيحات
‏گــبري لــهفة فاگد اتمنــيته يمّـها
‏
‏يشفى الصّـواب
‏ ابمـلگى الاّحـباب
‏حتى أشكي اهموم گلبي وتشــكي همّـها
‏
‏أحچي بسكوت
‏شوغـــة الــموت
‏يــوم راحت سلوتي وطــرني ســهمــها
‏━━━❖✿❖━━━
‏هالسّهم بضلوعي صار
‏يشتعل بنفاسي نار
‏ليــش تقبلها الأحبه ما أشـــوفه
‏-------------------&---------------------
‏بقلـم: أميـر الزبـيدي

هذا الصدر ينزف اه .ينزف دمه او منكسر
عالعتبه دم والبسمار. فعل البشر لو اقدار
ينزف دمه منسكر
١-------
عن الكسر شنكول شنهو السبب
اسال واريد جواب من العرب؟
وياهو الذي يستحق منه العتب
يتطاول اعله الراس صار الذنب

مو كره هذا وتنكيل .مكسور النه صدر
نستفسر اعله الاسباب. توصلنه اصحاب ارهاب
ينزف دمه منسكر
٢------
ماجن بشر عدها عقل معرفه
جن مفترس من الرسول اشتفه
والهيجي طبعه شلون شتوصفه
يهجم على دار الذي يشرفه

اليرفسله باب احنه نكول...قلة ادب تعتبر
توضحت تربات الحيد. عالسيف ما مد الايد
ينزف دمه او منسكر
٣--------
تحمل وزرها اعله الصراط الحطب
بهذا وزرها تشتعل و اللهب
وينعرض كدام النبي اوعن كثب
مشهد هجوم الدار عن يا سبب


من ينعرض شنهو تكول. والنبي يمعن النظر
مو احنه لو احنه تكول؟ . ويشوف بعينه المرسول
ينزف دمه منسكر
٤-------
عالعتبه واكع للنبي ارويحته
والجمر أمه بالدمع طفته
تحطه بصدرها للكسر لجمته
تحطه بحِجرها للحَجر فطرته

بين الحِجر والمكسور .الالام هاي شكثر
عالحِجر تنزف لعيون. عالصدر دم بالله شلون
ينزف دمه منسكر
٥------
شيصير صدر ام الحسن ياعرب
عصر او اكسر شتم او عليه الحطب
محسن عليه والحسن وشكد تعب
مكسور صدر الطاهره بلا سبب


صدر الي لم ارض الله. هاليوم صار بخطر
مو عالنبي جسروا لا. جسرو على صدر الله
ينزف دمه منسكر
٦-------
جبريل يستاذن قبل طرقته
ردت عليه الصحبه هالحركته
او حيدر ابن عم النبي جتفته
وللمحكمه باطل اهي ساكته




تنتقم من الكرار. مو بالوجه بالغدر
الكدامه ما ترفع ايد. اخ ويجتفوه للحيد
ينزف دمه منسكر



✍️زين العابدين علاء طوير

آنَه الْغَرِيبِ تْيَتَّمِتْ مِنْ زُغْرِي
عَلَى فَرْگَاهَه تِهِلِّ دْمُوعِي
أُمِّي مَاتَتْ وِاخْتَنْگْتِ بْقَهْرِي
جَمُرْ حَسْرَاتِي تِشِبْ بِضْلُوعِي
فَاطِمَه مَاتَتْ فَاطِمَه
وَآنَه عَبْرَاتِي نَهَرْ فُوگِ الضِّلِعْ سَاجِمَه
نَوَّحِتْ مِنْلِچِمْ نَوَّحِتْ
كِلْشِي رِدْتَه بْدِنْيِتِي أُمِّي تِظَلْ سَالِمَه
نِشَدْتِ بْدَمْعَةِ الْعِينْ
يُمَّه شُوفِي الِحْسِينْ
وْلِيدِچْ طَاحْ گَلْبَه هْوَايَه مَجْرُوحْ
چَبْدَه مْنِ الْأَلَمْ ذَابْ
مَاكُو مِثْلِچِ صْوَابْ
مَجْرُوحِ وْيِعَالِجْ طَلْعَةِ الرُّوحْ
----------------------------------
يُومْ عَافَتْنِي الزِّچِيَّه الزَّهْرَه
شِفِتْ بِعْيُونِي صُوَرْ مَالُومَه
فَاتِحَةْ حِزْنِي ابْتِدَتْ بِالْعَصْرَه
هِوَتْ عَالْغَبْرَه تِوِنْ مَهْضُومَه
عَالثَّرَى نَامَتْ عَالثَّرَى
شْسَوَّه بِسْمَارِ الْغَدُرْ بِيهَه وِسَفْ مَا دِرَه
مِنْ نِبَتْ بِالصَّدُرْ مِنْ نِبَتْ
أَمْسَى دَمْهَه الْيِجْرِي لُو دَمِّ الْعَرِشْ هَالْجَرَى
أَوِيلِي بْرَفْسَةِ الْبَابْ
مِحْسِنْ بَاسِ الِتْرَابْ
وِالْبَابِ الِّذِي مْنِ الْهَادِي مَطْرُوگْ
چَا لِيشِ اشْتِعَلْ نَارْ
هِتْكَوْ حُرْمَةِ الدَّارْ
لِطْمُوهَه عْلَه خَدْهَه وْچَفْهَه مَحْرُوگْ
----------------------------------
بْهَاذَه حَالِي تْصَوَّرِتْ أَيْتَامِي
لَمَنْ يِلْگُونِي خَضِيبِ مْعَفَّرْ
حِيلْ مَا بِيَّه وَاطِيحَنْ ظَامِي
وْيِجِي ذَبَّاحِي يِحِزِّ الْمَنْحَرْ
عِيلِتِي تِنْوِلِي عِيلِتِي
تِحْتِرِگْ فُوگِ الْأَهَلْ بَاچِرْ تَرَه خِيمِتِي
بْلَا خِدِرْ زِينَبِ بْلَا خِدِرْ
لِيلَةِ الْحَادِي عَشَرْ تُوصَلْ تِصِدْ حَالِتِي 
تِضِيعِ بْكَرْبَلَه اطْفَالْ
تِجْرَحْ چَفْهَه الِحْبَالْ
وِسَافَه وِالدَّرُبْ مَا يِرْحَمِ زْغَارْ
بَنَاتِي يْشِبْعَنِ مْصَابْ
وِيلِي يْدَوْرَنِ حْجَابْ
وْرَاسِي عْلَه الرُّمُحْ كِلْ سَاعَه يِنْدَارْ
----------------------------------
يَمِّي زِينَبْ تِجْذِبِ بْعَبْرَتْهَه
تِصَبُّرْ بِيَّه وَاصَبُّرْ بِيهَه
شْلُونْ بَاچِرْ عَالْهِزِلْ حَالَتْهَه
مِنُو يْصَبُّرْهَه مِنُو يْوَاسِيهَه
بِالْيِسُرْ بِتْ عَلِي بِالْيِسُرْ
مَا يِظَلْ عِدْهَه أُخُو يِمْنَعْ سِيَاطِ الشِّمُرْ
نَاحِلَه مْنِ الْأَسَى نَاحِلَه
وِالْعُيُونِ الصَّلْفَه مَا تِتْرِكْ عَلِيهَه سِتُرْ
عَزِيزَةْ گَلْبِي وَيَّايْ
لَاچِنْ بِالطَّفِ عْدَايْ
تِوَدِّيهَه الْقَصُرْ وِتْعَايِنَ ارْجَاسْ
تِطُبْ إِخْتِي عْلَه دِيوَانْ
طَاغِي تْشُوفَه فَرْحَانْ
يِنْشِدْهَه الْعَدُو چَا وِينَه عَبَّاسْ
----------------------------------
الشاعر حسن خنافر العاملي
#الليالي_الفاطمية

في استشهاد السيده الزهراء عليها السلام

#وزن الفائزي



يا نعش گلي الشايِلَه في ظلمة الليل
شيّب دليلك ياعلي وهدّم لك الحيل

____


يانعش گلي ياعلي هذا التشيله
مستور بالظلمه ومعاه  لمّه قليله
احناه ظهرك والدمع المن تسيله
إشبيك يا حامي الحمه من شيلته تميل


___


يانعش گلي ياعلي غيّرلك ألوان
شيّب  ارموشك والوجه چن مختلف بان
إبليله وحده ياعلي واسنين كبران
يانعش هزك هالكثر بچفوفك اثگيل ____


تركض ورا هذا النعش زينب تناديك
يابويه ريض بالنعش حطه واحاجيك
نعش الزجيه فاطمه وماظل گلب بيك
شيْسكّت اونين الگلب وايهدي
إلدليل



—————

نعش الزچيه فاطمه واتشيْعه هالساع
شيْلِمه حزنك والالم  واتشيله ياقاع
ابفرگتها گلبك ياعلي واشلون ملتاع
مفگوده سلوة خاطرك  تابوتها اتشيل


————

اتسكت يتامى فاطمه واتهدي هالروح
ومنك نزف هذا الگلب  مو جرح اجروح
ظلمه  وألم  هذا المسا  باحزانه ايبوح
كل ساعه تسحگ عالقلب چن حافر ابخيل

————-
#بنت_الشمري

يـــاأبـــاعَــــبـْــدالله الــحُــسَـــيـــن
صــلــوات الله عَــلــيْــكَ 🤲🏻


بأَبِي عَبْدالله لاتَيْأسُواْ
ـ
حلوه الگعده يم بابه
شحلاة العين سچابه
آ يحسين ومصابه
مولانا الحُسين

وسولِف وي إبنْ فاطم 
الرياحي وجاي إلك نادم
خويدم ردت موخادم
مولانا الحُسين

بالْعَويلِ وَالْبُگاءْ تَزَوَدواْ
ـ
ورغم اسهام لبگلبه
ورغم إعياله بالغربه
ترا اليستقبله يحبه
مولانا الحُسين

شفيع المُذنبين اسمه
وطريقه باب للرحمه
ڪل الخير ابواليمه
مولانا الحُسين

وبعَزِيزِ الزَّهراء تَمَسَّڪُواْ
ـ
السّفينه الأوسع انشوفه
والغرگان ميعوفه
الأمان بأربع احروفه
مولانا الحُسين

عشگه بنينوى خَضّر
وياهو بينه من قنبر
التّعب يسوه ابوالاڪبر
مولانا الحُسين

وبسَّفِينَةِ الْنّجاةْ مَاتِغرَقُواْ
ـ
ودم الأنبياء مسفوح 
بطور الگربلائي تنوح 
واويلي على المذبوح
مولانا الحُسين

قرآن وذبيح الطف
سُورةسُورة بالمُصحف
تَبڪي دَماً تتوصف
مولانا الحُسين

يَاذَّبِيحَ گربَلاءْ ڪُلّ يَنْدِبُواْ 
ـ
«الگهف» عالرمح تترتل
«ولَيالِ العَشرِ» بالمقتل
«والتَّڪوير» تنعى التّل
مولانا الحُسين

«والزُّخُرف» بچت يَمّه
«والصّافَّات» مزدحمّه
«والوَاقِعَة» طف دمّه
مولانا الحُسين

گادَتْ إنَ الْجِبَالْ تَتَفَطَّرواْ  !
ـ
ابـو فــدك الــشّــامــي ✍🏻

#ربـــيــع الــثــانــي ـ 1447هـ

#الليالي_الفاطمية

الفاطمية١٤٤٧/ نعي
💧💧💧💧💧💧💧

*نصاري:(الوافر)*

انا أمي التي كانت أميرة
مضت عن هذه الدنيا صغيرة
لها في الصدرِ أضلاعٌ كسيرة
وصدرُ الطفلِ في الأحشاءِ يُكسَر

وبين البابِ نادت والجدارِ
أكاد ُ أموتُ من عَصرٍ ونارِ
حَذارِ النار َ تدنو يا صغاري
بعينِ اللهِ يا أبناءَ حيدر !!!

***
*أبوذيات:*

١/أعاينُ كسرَ أضلاعي وأشهَدْ
وعند اللهِ أشكوهم وأشهَدْ
أؤذِّنُ عند إسقاطي وأشهَد ْ
وليُّ اللهِ حيدر ُ للبريّه !!

٢/زماني حنظلٌ مُرٌّ وعصري
سقاني الهم َّ في كسر ٍ وعصرِ
يغطّي الشمسَ في ظُهرٍ وعصرِ
دخانُ الليلِ في دارِ الزكيّه!!!!

محمد طالب العاملي

Custom Commands