#foydali

🔺Google Calendar yoki To Do List kabi ilovalar yordamida o‘zingiz uchun eslatmalar yozib qo‘ysangiz, “Topshiriq esimdan chiqibdi” degan bahonaga o‘rin qolmaydi...

✔️ Har qanday topshiriq va vazifalarni telefoningizdagi ilovaga belgilab qo‘yish orqali kuningizni tartibli qilishingiz, barcha ishga o‘z vaqtida ulgurishingiz mumkin.
(😁Lekin esida bo‘la turib bajarmaydigan dangasalar ham topiladi)

▶️Vazifa esidan chiqib, bajarmay keladigan kursdoshlarga jo‘natib qo‘yamiz

❤TalabaYoshlar – Ulashing va obuna bo‘ling!

#kayfiyat

😁 Talaba darsga qimirlamay quloq solib oʻtiribdimi?
Demak, uni telefonining zaryadi tugagan...

❤TalabaYoshlar – Ulashing va obuna bo‘ling!

📌Til sertifikati yo’q abituriyentlar bundan buyon 1-fani chet tili bo’lgan yo’nalishlarga topshira olmaydi

Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.

❗️Rasmga e’tibor bering: 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

❓Bu nima degani?

Masalan, 1-fan “ingliz tili” deb yozilgan bo’lsa, aynan ingliz tilidan sertifikat kerak bo’ladi. Nemis yoki turk tilidan sertifikati borlar bu yo’nalishga topshira olmaydi.

Lekin 1-fan “chet tili” deb ko’rsatilgan bo’lsa, unda qaysi tildan sertifikati borliginining qizig’i yo’q. Istalgan tildan olingan tasdiqlangan sertifikat o’taveradi.

➡️ Tasdiqlangan sertifikatlar ro‘yxati bu yerda

❤TalabaYoshlar – Ulashing va obuna bo‘ling!

🗣Jamoat transportlaridan foydalanganimizda nimalarga e’tibor berishimiz kerak?

Metro vagonlari to‘lib qolsa, kirishga harakat qilmang. Ichidagi yosh bolalarga, keksalarga noqulaylik tug‘dirishi mumkin.

📎Jamoat transportlarida odamlar ko‘proq bo‘lsa, sumka, ryukzaklaringizni qo‘lingizga oling.

📎Jamoat transportlarida yoningizdagi sherigingiz bilan baland ovozda gaplashmang.

📎Jamoat transportlarida keksalar, ayollar va yosh bolalarga joy bering.

📎Kimdir sizga qo‘pol gapirsa, e’tibor bermang. Shunchaki o‘tib keting.

📎Baland ovozda telefonda gaplashib, yoki musiqa eshitib ketmang. Atrofdagilarga noqulaylik tug‘dirishi mumkin.

📎Jamoat joylarida iloji boricha o‘tkir hidli atirlardan foydalanmaslikka harakat qiling.

📎Va asosiysi, atrofdagi odamlarga qarab kayfiyatingizni tushirmang. Har doim xushchaqchaq bo‘lishga harakat qiling.

💬 Sizningcha, jamoat transportlarida yana nimalarga e’tibor berishimiz kerak?

❤TalabaYoshlar – Ulashing va obuna bo‘ling!

❗️Kambag‘al oilalar a'zolarini kasb-hunarga o‘qitish xarajatlari vaucher tizimi asosida qoplab beriladi

Bu bo‘yicha Prezident qarori qabul qilindi. Unga ko‘ra:

↪️2025-yil 1-fevraldan kasblarga oʻqitish maqsadida ajratiladigan stipendiyalar nogironligi boʻlgan shaxslarga, shuningdek, muddati 3 oydan koʻp davom etadigan oʻquv kurslariga qabul qilingan Kambagʻal oilalar reyestridagi oilalarning ishsiz aʼzolariga toʻlanadi.

↪️2025-yil 1-maygacha ishsiz aholini, shu jumladan, ustuvor ravishda kambagʻal oilalar aʼzolarini kasb-hunarga oʻqitish xarajatlarini qoplab berish boʻyicha vaucher tizimi joriy qilinadi.

🗓 Mazkur tizim 2025-yil 1-fevraldan Samarqand viloyati va Toshkent shahrida sinovdan oʻtkaziladi.

❤TalabaYoshlar – Ulashing va obuna bo‘ling!

💸 Talabalar stipendiya puliga bemalol yashasa bo‘ladi.

– Faqat oxirgi 25 kuni qiyin oʻtadi-da😅

❤TalabaYoshlar – Ulashing va obuna bo‘ling!

⚡️Nukus, Buxoro, Farg‘ona va Namangan texnika universitetlari tashkil etiladi

Prezident Shavkat Mirziyoyev 22-yanvar kuni oliy ta’lim va ilm-fan sohasidagi ustuvor vazifalarga oid taqdimot bilan tanishdi.

Yig‘ilishda Nukus, Buxoro, Farg‘ona va Namangan texnika universitetlarini tashkil etish loyihalari taqdimot qilindi. Unga ko‘ra, yangi yo‘nalishlar ochilib, xorijiy dasturlar tatbiq qilinadi, talabalarning ilmiy-innovatsion jarayonlarda ishtiroki kengaytiriladi, oliygohlarga sanoat hamkorlari biriktiriladi.

Umuman, bu yo‘nalishdagi 35 ta muassasani yiriklashtirish hisobiga, 22 ta texnika universiteti tashkil qilinadi. Shu yil oxirigacha yana 17 ta muhandislik maktabi ochiladi.

So‘nggi yillarda oliy o‘quv yurtlarida ilmiy salohiyat 41 foizdan 45 foizga oshgan. Lekin, aksariyat ilmiy tadqiqotlar sanoat va ishlab chiqarishdagi zamonaviy tendensiyalarni qamrab olmayapti.

Shu bois doktorantura kvotasini taqsimlashda iqtisodiyotning drayver sohalariga ahamiyat qaratish, ilmiy daraja va unvonlar olish tartibini takomillashtirish bo‘yicha ko‘rsatmalar berildi.

❤TalabaYoshlar – Ulashing va obuna bo‘ling!

#kayfiyat

🏜Qadim zamonlarda olis bir viloyatdagi jodulangan universitetda yovuzlik va qayg‘u nimaligini bilmaydigan mitti mavjudotlar yashar ekan. Ular o‘zlarini “talabalar” deb atashardi. Talabalar juda inoq edi. U yerda yana “ustoz” ismli afsungar ham yasharkan. U talabalarni juda qiynar edi.

“Talabalarni yomon ko‘raman, seni yiqitaman, hammangizni yiqitaman, bittangiz ham qolmaysiz. Qo‘limga tushasan-kuuu. Bir kuni shpargalkangizni topib kulini ko‘kka sovuraman”, derdi.

Shpargalka esa hamon topilgani yo‘q. Ammo baʼzan ustozning do‘q-po‘pisalari universitetni larzaga keltirardi.

↪️Yilida ikki marta ustozlar tomonidan talabalarga hujum uyushtirilardi. Bu hujumni ular “sessiya” deb atardilar. O‘sha kunlar uchun talabalar 6 oy tinimsiz mehnat qilishardi. Barcha talabalarga hujumdan eson-omon chiqishlarini tilab qolamiz.

Albatta hazil, shogirdlariga bilim berib, ilm olishlari uchun jon kuyduradigan ustozlarning umri uzoq bo‘lsin!

❤TalabaYoshlar – Ulashing va obuna bo‘ling!

❓ Qanday holatda talabalar stipendiyadan ajralishi mumkin?

📌 Hozirgi kunda O‘zbekiston talabalari uchun stipendiya miqdori 517.880 so‘m etib belgilangan. Oddiy holatlarda davlat grantida o‘qiydigan yoki stipendiyali kontrakt to‘laydiganlar shuncha stipendiya olishadi.

🖇Semestr davomida barcha fanlarni aʼlo, yaʼni “5” baho bilan (86 ball va undan yuqori to‘plagan) tamomlagan talabalarga 6 oy – 1 semestr davomida stipendiyaning 20 %i miqdorida 103.576 so‘m qo‘shimcha stipendiya belgilanadi. Shunda talaba 621.456 so‘m stipendiya olishi mumkin.

➖Lekin semestr davomidagi fanlarni 30% va undan kam o‘zlashtirsa, yaʼni yakuniy nazoratlarning 30%ida “3” baho olsa (masalan, 1 semestr davomida 6 ta fan o‘tiladigan boʻlsa, talaba ularning 2 tasidan “3” baho olsa, 33,(3) %ini o‘zlashtirmagan hisoblanadi), semestr davomida stipendiyadan ajraladi.

Hurmatli talabalar, yakuniy nazoratlarni yaxshi baholarga topshirishga harakat qiling!

❤TalabaYoshlar – Ulashing va obuna bo‘ling!

‼️Talaba-qizlar taksiga chiqqanda ehtiyot bo‘linglar, insofi bir chaqaga qimmat odamlar ham bor...

🚎 Jamoat transportidan qo‘ymasin, ham arzon, ham xavfsiz.

❤TalabaYoshlar – Ulashing va obuna bo‘ling!

🗣Kiberxavfsizlik bo‘yicha davlat universiteti tashkil etiladi

O‘zbekiston Respublikasi Prezidentining “Cyber university” davlat universitetini tashkil etish to‘g‘risida”gi qarori qabul qilindi.

↪️Axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-tahliliy tizimlarni yaratish, robototexnika va boshqa turdosh sohalar bo‘yicha kadrlar tayyorlash universitetning asosiy vazifalaridan biri etib belgilanadi.

↪️Universitet to‘liq akademik, moliyaviy va tashkiliy-boshqaruv jihatdan mustaqil bo‘lgan davlat oliy ta’lim muassasasi hisoblanadi va bitiruvchilarga davlat namunasidagi diplom beriladi.

↪️Unda talabalarni o‘qitish davlat granti va to‘lov-kontrakt asosida olib boriladi.

↪️Universitet tarkibida IT-klaster (axborot texnologiyalar parki, texnopark) tashkil etiladi va ilg‘or xorijiy tajribaga asoslangan texnologik va innovatsion g‘oyalarga yo‘naltirilgan startap loyihalarni yaratish hamda amaliyotga joriy etish uning asosiy faoliyat yo‘nalishlaridan biri etib belgilanadi.

⏺Universitetda o‘quv jarayoni 2025-yil sentabr oyida boshlanishi rejalashtirilmoqda.

❤TalabaYoshlar – Ulashing va obuna bo‘ling!

Oʻzbekistondagi 3 ta oliygoh “TOP-1000” nufuzli oliygohlar qatoriga qoʻshildi.

📌Buyuk Britaniyaning nufuzli “Times Higher Education-THE” reyting tashkiloti “World University Rankings 2025 by Subject” fanlar boʻyicha dunyoning eng nufuzli oliygohlar roʻyxatini eʼlon qildi.

Oʻzbekistonning quyidagi oliy taʼlim muassasalari mazkur roʻyxatdan joy oldi.

➡️TIQXMMI Milliy tadqiqot universiteti
➡️Oʻzbekiston Milliy universiteti
➡️Toshkent axborot texnologiyalari universiteti

❤TalabaYoshlar – Ulashing va obuna bo‘ling!

🇺🇿O‘zbekistonda 2024-yili o‘rtacha hisoblangan nominal ish haqi 5 mln. 357 ming so‘mga yetdi

☑️Hududlar bo‘yicha eng ko‘p maosh Toshkent shahri (9,1 mln. so‘m) va Navoiy viloyatida (6,8 mln. so‘m). Eng kami esa – Qashqadaryo va Surxondaryo viloyatlarida (3,8 mln. so‘m).

❤TalabaYoshlar – Ulashing va obuna bo‘ling!

🎓 Talabashunoslik atamalari

↪️Talaba – bir so‘mi yo‘q millioner.
↪️Sessiya – yarim yillik uyqudan uyg‘onish.
↪️Stipendiya – hayot mazmuni.
↪️Seminar– 80 daqiqa o‘limga tik boqish.
↪️Ma’ruza – kecha chala qolgan uyquning davomi.
↪️Domla – sessiyada qo‘lga tushmas qasoskor.
↪️Tanka – najot kemasi.
↪️Dekanatga chaqirilgan talaba – oy borib, omon qayt.
↪️Parta – yangliklar doskasi.
↪️Oshxona – talabalar orzusi.
↪️Oshqozon – ta’tilga chiqqan xodim.
↪️Kutubxona – uyqu xonasi.

Kommentda davom ettirish sizdan...

❤TalabaYoshlar – Ulashing va obuna bo‘ling!

#diqqat_elon

📚 @kitobxonyoshlar kanalini munosib adminga topshirmoqchiman.

‼️Agar sizga kitobxonlik yo‘nalishi qiziq bo‘lsa, kanal yuritishni yoqtirsangiz, o‘zbek tilida imloviy xatolarsiz yoza olsangiz, hammani qiziqtiradigan postlarni saralab joylashni eplayman desangiz bu imkon siz uchun!

☝️ Quyidagi so‘rovnomani erinmasdan, yaxshilab to‘ldiring. So‘rovnoma javoblari asosida kanal adminligi uchun nomzodlarni saralab olaman. Nomzodlarga bir nechta vazifalar beraman va eng yaxshi bajargan 1-2 nafariga @kitobxonyoshlar kanali adminligini topshiraman.

So‘rovnomani to‘ldirish:

➡️ https://forms.gle/XqkQiB5qjJC9SxK88
➡️ https://forms.gle/XqkQiB5qjJC9SxK88

Kanal yuritishni yangi adminlarni o‘zi to‘liq eplashni boshlagandan keyin alohida oylik yoki reklamadan ulush ham berilishi mumkin.

#TOP1000 #Reyting

⚡️Diplomlari to‘g‘ridan to‘g‘ri tan olinadigan TOP-1000 talikka kirgan OTMlar ro‘yxati

Ushbu ro‘yxat 2025-yil uchun e’lon qilingan bo‘lib, har yili yangilanib turadi.

Ma’lumot uchun, TOP-1000 oliygohlarni tamomlagan talabalarning diplomlari O‘zbekistonda imtihon sinovlarisiz tan olinadi (nostrifikatsiya qilinadi).

❤TalabaYoshlar – Ulashing va obuna bo‘ling!

Sessiya tugagandan keyin talabalarning hayoti

❤TalabaYoshlar – Ulashing va obuna bo‘ling!

#qonunchilik_yangiliklari

☄️Buxoro davlat texnika universiteti tashkil etiladi

Buxoro muhandislik-texnologiya instituti hamda Buxoro tabiiy resurslarni boshqarish instituti negizida Buxoro davlat texnika universiteti tashkil etiladi.

📌 Muhandislik, ishlab chiqarish, oziq-ovqat texnologiyasi, yengil sanoat, neft va gaz, yashil energetika, arxitektura va qurilish, transport va logistika, agrotexnologiya, axborot texnologiyalari va dasturlash sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda neft va gaz muhandisligi sohasida Ilg‘or muhandislik maktabi faoliyati yo‘lga qo‘yiladi.

✅ 2025/2026-o‘quv yilidan:

➖ Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi;

➖ Universitet professor-o‘qituvchilari va doktorantlari yetakchi xorijiy oliy ta’lim va ilmiy-tadqiqot tashkilotlariga ilmiy stajirovka va malaka oshirishga yuboriladi;

➖ Yirik ishlab chiqarish korxonalari va tashkilotlarni Universitetga sanoat hamkori sifatida biriktiriladi;

➖ 2026-yil 1-yanvardan Universitetga akademik, tashkiliy va moliyaviy mustaqillik beriladi.

❤TalabaYoshlar – Ulashing va obuna bo‘ling!

#qonunchilik_yangiliklari

⚡️Namanganda ham uchta davlat oliygohlari birlashtirilmoqda

Namangan muhandislik-texnologiya instituti, Namangan muhandislik-qurilish instituti va Namangan to'qimachilik sanoati instituti negizida Namangan davlat texnika universiteti tashkil etiladi.

✅Muhandislik, qurilish, to'qimachilik, axborot texnologiyalari va dasturlash, ishlab chiqarish, qayta ishlash hamda xizmat ko'rsatish sohalari bo'yicha, shuningdek, hududning yuqori malakali kadrlarga bo'lgan ehtiyojiga muvofiq oliy ma'lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda yuridik shaxs maqomisiz Ilg'or muhandislik maktabi faoliyati tashkil etiladi.

✅ 2025/2026-o'quv yilidan ish beruvchi korxona va tashkilotlarning real muammolari asosida bitiruv malakaviy ishlari hamda magistrlik dissertatsiyalari mavzulari bankini shakllantirish va talabalarning bitiruv malakaviy ishi hamda magistrlik dissertatsiya himoyalarini ish beruvchi korxona va tashkilotlarda tashkil etish choralari ko'riladi.

➖ 2026/2027-o'quv yiligacha Universitetning kamida ikkita bakalavriat ta'lim yo'nalishi va uchta magistratura mutaxassisligining xalqaro tan olingan tashkilotlar akkreditatsiyasidan o'tkazilishi ta'minlanadi.

➖ 2025-yildan yirik ishlab chiqarish korxonalarini Universitetga sanoat hamkori sifatida biriktiriladi.

✅NamMT, NamMQI hamda NamTSIda tahsil olayotgan barcha talabalar o'qishini Universitetda davom ettiradi va 2024/2025-o'quv yilidan boshlab bitiruvchilarga belgilangan tartibda Universitet diplomi beriladi.

❤TalabaYoshlar – Ulashing va obuna bo‘ling!

😄 Biz bilgan maqol va iboralar talabalar talqinida:

↪️Dars ishtaha ochar, talaba darsdan qochar.
↪️Talabaning yugurgani sessiyagacha.
↪️Boshingda ukaska sinsa ham mavzuni gapir.
↪️Bilimi zo‘r birni yiqitadi, tankasi zo‘r mingni.
↪️Yaxshi qiz gruppadan ortmaydi.
↪️Domlani kelganda ko‘r, bahoni qo‘yganda ko‘r.
↪️Uch bahoyim, tinch qulog‘im.
↪️Ko‘p gap sessiya paytida yuk.
↪️Abituriyent bilan talabani qancha qilma tarbiya, ... boʻlur, aslo bo‘lmas odamiy.
↪️“Yaxshi” talaba sessiyada “chopadi”.
↪️Talabaga “40 hunar” oz.
↪️Talabaning makri qirq domlaga yuk bo‘lar.
↪️Talaba “yetti xazina”ning biri;
↪️Universitet ikkinchi uyim.

Kommentariyalarda davom ettiring👇

❤TalabaYoshlar – Ulashing va obuna bo‘ling!