#tashrif #hamkorlik

Ta'limda hamkorlik yuzasidan Zarafshon shahar hokimi bilan uchrashuv bo‘lib o‘tdi

🇺🇿 2024-yil 12-dekabrdagi O‘zbekiston Respublikasi Prezidentining PQ-430-sonli qarori asosida hududlarda axborot-kommunikatsiya texnologiyalari sohasida malakali kadrlar tayyorlashni kengaytirish maqsadida TATU Zarafshon fakulteti tashkil etilishi belgilangan.

🏛 Shu asosda, 6-may kuni Muhammad al-Xorazmiy nomidagi Toshkent axborot texnologiyalari universiteti rahbarlari boshchiligidagi ishchi guruhining Zarafshon shahriga tashrifi doirasida Zarafshon shahar hokimi N. Rahmonov rahbarligidagi hokimlik vakillari bilan uchrashuv o‘tkazildi.

Uchrashuvda TATU Zarafshon fakulteti binosini mukammal ta’mirlash jarayoni, o‘qish davomida talaba va professor-o‘qituvchilar uchun qulay sharoitlar yaratish, ularni turar joy bilan ta’minlash hamda amaliyot bazalarini tashkil etish masalalari muhokama qilindi.

➡️ Delegatsiya, shuningdek, Zarafshon shahridagi ITga ixtisoslashtirilgan 14-sonli maktab va texnikum faoliyati bilan tanishdi. U yerda yaratilgan zamonaviy infratuzilma, o‘quv-uslubiy baza va yoshlarning IT sohasiga bo‘lgan qiziqishi o‘rganildi.

✅ Uchrashuv yakunida muhokama etilgan masalalar yuzasidan istiqbolli vazifalar belgilab olindi.

Ma’lumot uchun, TATU Zarafshon fakultetiga qabul jarayoni 2025–2026 o‘quv yilidan boshlab amalga oshirilishi rejalashtirilgan

🕊 Telegram 📱 Instagram 📺 YouTube 📱 Facebook ✅ Tuit.uz

#TTJga_tashrif
#Rektor_talaba_yoshlar_uchrashuvi

🏛 Muhammad al-Xorazmiy nomidagi Toshkent axborot texnologiyalari universiteti 3-sonli talabalar turar joyida istiqomat qiluvchi talaba-yoshlar bilan uchrashuv o'tkazildi.

👥 Uchrashuv davomida Kompyuter injiniringi fakultetining  talabalari bilan o'zaro fikr almashildi, yurtimizda axborot texnologiyalari sohasidagi yangiliklar, ilm-fan va ta'limda zamonaviy tendensiyalar haqida so'z yuritildi. Samimiy ruhda o‘tgan uchrashuvda talabalarni qiziqtirgan barcha savollarga atroflicha javob berdik.

🛡Shuningdek, TTJdagi mavjud shart-sharoitlar bilan yaqindan tanishildi, talabalar yashash muhitini ko‘zdan kechirildi.

🕊 Telegram 📱 Instagram 📺 YouTube 📱 Facebook ✅ Tuit.uz