#uchrashuv #Hamkorlik

📶 Bugun Muhammad al-Xorazmiy nomidagi Toshkent axborot texnologiyalari universiteti va Polshaning Systemics PAB kompaniyasi o‘rtasida uchrashuv bo'lib o'tdi.

Uchrashuvning asosiy mavzusi — TATU hududida zamonaviy 5G o‘quv-ilmiy tarmog‘ini yaratish va ushbu yo‘nalishdagi uzoq muddatli hamkorlik istiqbollarini muhokama qilishdan iborat bo‘ldi.


✅ Uchrashuv so'ngida TATU hududida ilmiy va o‘quv maqsadlarda foydalaniladigan to‘liq funksional 5G tarmog‘ini barpo etish, o‘zaro tajriba almashinuvi va bilimlarni transfer qilish, yaqin oylarda maxsus o‘quv-laboratoriya muhitini yaratish ishlarini boshlash, Polsha OTMlari bilan stipendiya dasturlari yuzasidan kelishuvlar ustida ish olib borishga kelishildi.

🕊 Telegram 📱 Instagram 📺 YouTube 📱 Facebook ✅ Tuit.uz

#IlmiyIntegratsiya #uchrashuv #hamkorlik

TATU va Xitoy Shinjon moliya va iqtisodiyot universiteti o‘rtasidagi xalqaro hamkorlik istiqbollari muhokama qilindi.

👥 Joriy yilning 20-may kuni Muhammad al-Xorazmiy nomidagi Toshkent axborot - texnologiyalari universitetiga Xitoyning Shinjon moliya va iqtisodiyot universiteti rektori boshchiligidagi delegatsiya tashrif buyurdi.

💬 Tashrif davomida universitetning ilmiy-texnik bazasi, Xitoy kompaniyalari bilan amalga oshirilayotgan hamkorlikdagi loyiha va qurilgan laboratoriyalar bilan yaqindan tanishtirildi. Tashkil etilgan uchrashuvda axborot texnologiyalari va iqtisodiyot sohalarida amalga oshirilayotgan ishlar va bu yo'nalishda hamkorlik qilish, bakalavr darajasida raqamli texnologiyalar, iqtisodiyot va menejment yo'nalishlarida qo'shma ta'lim dasturini ochish imkoniyatlari muhokama etildi.

🖋 Uchrashuv so'ngida akademik kadrlar almashinuvi, ilmiy tadqiqotlar va kadrlar tayyorlash bo‘yicha ikki universitetning rasmiy hamkorligini boshlab beruvchi hamkorlik memorandumi imzolandi.

🕊 Telegram 📱 Instagram 📺 YouTube 📱 Facebook ✅ Tuit.uz

#TATU #ITU #Hamkorlik

TATUda xalqaro hamkorlik sari yangi qadam!

🏛 Kuni kecha Xalqaro Telekommunikatsiya Ittifoqi (ITU) vakillari — Farid Nakhli (dastur koordinatori) va Konstantin Savin (ekspert) universitetimizga tashrif buyurdi.

🔎 Tashrif davomida mehmonlar dastlab universitetning ilmiy laboratoriyalari, zamonaviy infratuzilmasi hamda talabalar uchun yaratilgan sharoitlar bilan yaqindan tanishdilar.

🤝Shundan so‘ng tomonlar bir qator hamkorlik yo‘nalishlari, jumladan, TATUning ITU a’zoligiga yaqinlashuvi va to‘laqonli a’zo bo‘lish imkoniyatlari, TATU talabalari va professor-o‘qituvchilari uchun ITU tomonidan tashkil etilayotgan tanlovlar, stipendiya dasturlari va standartlashtirish jarayonlarida ishtirok etish imkoniyatlari, shuningdek, ITUning raqamli bilim, innovatsiya va axborot-kommunikatsiya texnologiyalarini barqaror rivojlantirishdagi asosiy vazifalari bo‘yicha hamkorlik rejalari muhokama qilindi.

🗒 ITU – ta’lim orqali innovatsiyalarni qo‘llab-quvvatlovchi, axborot-kommunikatsiya texnologiyalari sohasida global standartlarni belgilovchi yetakchi tashkilotdir.

🚀Telegram 📷Instagram 🎬 You Tube 🔵Facebook ✅ Tuit.uz