اغلبنا جاري ورا العلاقة لدرجة بقينا شايفين الما بيعمل علاقة او ماببرتبط انسان مريض او معقد او فيه مشكلة ..

👈 بس اغلب الجروا نحو العلاقات جنو شنو غير الالم وزيارة الاطباء النفسييين او البحث عن استشارات خاصة .. !!

_ ماحاقول ليكم ما تحبوا لان اظن انت/ي كبار لدرجة بتعرفوا الصح مم الغلط والحلال والحرام ..

_ بس ياريت لو اصريت وداير تحب ماتستعجل في العلاقة دي خالص او ما تستعجل في ان بتين ترتبط بس ..

"لان صدقني البيجي بسرعة بيختفي بسرعة"

❒️ في نفس الوقت ماتستعجلوا العلاقات ايضا لان العلاقه ما اتنين بيحبوا بعض وبس. العلاقات مسؤولية يا اخواانا واذا ما قادرين عليها ما تستعجلوها خالص ..

_ ودايركم تعرفوا كونكم لقيتوا الشريك المثالي ليكم ده ما بيعني انكم حاتلقوه بدون عيوب لان صدقوني حايكون مليان عيوب فيبقي السؤال ..

👈🏼 بعد تختفي لحظه الحماسة البتحصل في بداية كل علاقه هل بتقدر تتقبل شريك ده بعد تظهر كل عيوبه ولا لا؟

_ ذكرت "لحظة البداية" لان ببساطة في بداية كل علاقه ما بنكون شايفين عيوب الطرف التاني ما علشان نحن عميانين لا خالص، بس لان كل شخص بيحاول يظهر اجمل ما فيه لكن كوننا نظهر اجمل مافينا ده ما بيعني ان حانقدر نستمر عليه للابد..

_ لان بالجد تغيير الشخصية صعب شديد فحانقدر نلعب دور اننا مثاليين علي طول ..!!

👈🏼 فعلشان كدا قبل تدخل في علاقة حاول انتظر واتعرف علي عيوب شريكك ده بس في نفس الوقت ما تخليك المراقب والحكم بس، انت برضك شاركه بعيوبك واديه حرية الاختياار ان يتقبلك بعيوبك دي او يرفضك ..

_ لو رفضك ممكن تزعل وتقول ياريت ما حكيت وماوريته حقيقيتي .. لكن بعد ده كله صدقني اخير تتالم هسي في البداية بدل تتعمق معاه اكتر ويجي في يوم من الايام يقول ليك بكل بساطة ما كنت قايلك كدا ..!! :'(

العلاقات القوية " ما بتحصل بسهولة ، بتحتاج وقت وصبر واتنين يعدوا كل الظروف الصعبة مع بعض 👌💜."


❒️ فعلشان كدا للطرفين ما تستعجلوا في الدخول في علاقه لان صدقوني دخول اي علاقه ساهل بس الصعب هو الخروج منها والاصعب هو الاستمرار فيها ..

_ فكونك ما دخلت في علاقة او ما دخلتي في علاقه ده ما بيعني انكم معقدين او فيكم عيب لا والله ده بيعني انكم لسة مالقيتوا الشخص البيشبهكم لان صدقوني يوم تلقوا الزول البيشبهكم بتلقوا روحكم تلقائيا بدون ما تحسوا دخلتوا في علاقه معاه .. ^_^


☚️ فعلشان كدا خذوا وقتكم وانتظروا لان بالجد لو دخلتوا بسرعه ما حايدوكم حلاوة ولا الفرحه حاتكون دايمة لان العلاقه ما حب ورومانسية بس فالعلاقه فيها مشاكل ودموع وانكساررر كتييير ..


❒️ فقوة العلاقه ما بتتحدد بمدي حب الطرفين لبعض ابدا والله العلاقة دايما بتتحدي بعدد المشاكل الاتعدوها الطرفين مع بعض، وبتتقاس ايضا بمعرفة الطرفين لكل عيوبب بعض وتقبلها ..


👈 ففي النهاية كدا ..

"م تحاول تغير من شكلك او طباعك عشان تعجب زول ، العايزك ح يحبک زي ما انت 💜🌸 .."

‏وَقِيل في الصَبر: "هُو القبوُل الهادِئ بَأن الأموُر يُمكِن أنّ تتحقَق بترتيِب يختلِف عَن الّذي تظُنه فِي عقلك، بتدبيرٍ عظيمٍ مِن الله❤️.


#للخير_نسعى.

بسال روحي دايما ..

👈🏼 ليه نحن بنعمل الحاجات الدايما بيحذرونا منها نسبة لخطورتها ..؟

_ وصراحه ما بلقي اجابة مقنعة ..

فابسط توضيح علي كلامي ..

_ ان نحن بنمشي بنبحث عن العلاقه رغم معرفتنا ان حاننكسر بسببها ..
_ ايضا بنلعب بالكهرباء رغم تحذير الكبار لينا ..
_ بنلعب لعبة "سلك لماع" ودي لعبة سودانية رغم معرفتنا بخطورتها ..
_ بنمشي البحر برضو بالرغم من تحذيرنا ..
_ وبنرغب الزنا والتحرش رغم تحرييمه مش من بشر لا من الخالق ربنا سبحانه وتعالى

" وبصراحة كدا في الكتييير من الحاجة النحن بنعملها رغم تحذير الكبار لينا منها نسبة لخطورتها"

❒️ فقعدت مع نفسي وحاولت اخرج باستنتاج يكون مقنع بالنسبة لي علي الاقل ..

_ فلقيت ان في

_ ان نحن بنعمل الحاجات دي ظانين في داخلنا يمكن يحصل غير الحصل لغيرنا " يعني انا بدخل في علاقه علشان متاكد ان ما حانكسر زي صحبي الانكسر"

_ ان الشو الاعلامي البيتلقاه الفعل المرفوض نعمله اكتر من الشو الاعلامي اللي مفروض يتلقاها الفعل المفروض نعمله " يعني ببساطة كدا نحن بدل نقنع الناس انهم ما يعملوا الحاجة الفلانية بنقنعهم انهم يعملوها بس بطريقة غير مباشرة وده يمكن لسبب البشر في تجرب المحرم والبيحذورنا منه"

_ والتفسير الافضل بالنسبة لي هو عدم معاقبة الفاعل بالعقاب المناسب " يعني ببساطة الليله بنقول لزول ما يسرق بس بيمشي يسرق لكن ما بنعاقبه بنتكلم معاه بس او العقوبة بتكون خفيفة فتاني بيمشي يسرق وبيلقي نفس العقوبة وبيواصل في السرقة وده كله ببساطة لاننا ما وقعنا عليه العقاب المناسب"



❒️ فانا شايف بالنسبة للناس البتعمل اعلانات تسويقية بدل تحاول تحبب الناس بالمنتج يكفي انها تقول ليهم " ماتشتروا منتجنا ده لانكم حاتخسروا قروشكم" فعقلتا ببساطة حايرسخ الاعلان ده في عقولنا وحايدفعنا ان نشتري المنتج علشان نعرف هل فعليا حانخسر قروشنا ولا لا .. ^_^


👈🏼 خلاصة ..

الداير يعمل الغلط بيعمله، والداير يجرب شي تاثيره السلبي اكتر من الايجابي حايجربه لان كلنا اذا ختينا في راسنا حاجة حاننفذها يعني حاننفذها ..
فياريت نبطل الشو للناس " عن انهم مايعملوا كدا او ما يفعلوا كدا" لان مرة واحدة بتكفي بتنبيه الناس والباقي تاني تنفيذ العقاب وبكدا الناس ما حاتجرب الحاجة المنهي عنها..
اما بالنسبة للعلاقات فاغلبنا بيخش العلاقه وعارف انها بنسبة 99% احتمال ماتدوم بس برضو بيخشها فده ماعنده علاج او حل الا انه يتعلم من غلطه لمن يدخل العلاقة دي وما يجي يلوم نفسه بعد العلاقه تنتهي..

▪محمد .. يا بسمة انا ح دايريك في موضوع خشنفشاري كدا 😂اللي هو بمسنا كلنا ما اكذب عليك حتلقي نفسيك بين السطور في كتير من الاحيان و داير منيك تركزي معاي تمام .. !!

.▪بسمه .. يا ربي محمد دا داير يقول لينا شنو الليه دايما ماعطنا بالمواضيع الطويله عارفني ما بحب السيناريوهات الطويله دي ..انت عارف انا بتجاوزها احيانا .. لاني مضغوطه شديد شديد عندي الف شغله غيرها ..!!😐

.▪محمد.. ما تزهجي يا بسمه فالنجاح و التطور ما بجي بالساهل بجي بعد تعب بعد الم بعد جهد كبير فانتي حالينا علشان ما متعودة على قراءة السيناريوهات الطويله بكدا حاسة بالموضوع صعب و بياخد منيك زمن بس يا بسمة انتي لو كنتي متابعة.. محمد عمر جزاه الله خير عمل دورة كامله بخصوص العاداة ان كيف تكسبي عادة جديدة و كيف تتخلي عن عادة قديمه سيئة..ان كيف تواجهي الغضوط بكل انواعها ..!!

.▪بسمه ..بس ي محمد انا دخلت جديده لي اسبوع و مش عارفة اي حاجة عن الدورات اللي بتتكلم عنها دي ..!!

.▪محمد .. شوفي يا بسمه في كتير من السيناريوهات المماثله و المفيدة كمان بس انتي كلفي نفسيك شوية و ارجعي لورا باذن الله حتلقي حلول لمشاكل كتيرة ..!!

.▪بسمه.. طيب ي محمد انا ح اكلف نفسي و اراجع منشوراتكم و ان شاء الله القى اجوبة زي ما قلت لي ..تسلم ي محمد !!

.▪محمد ..العفو يا بسمه و شكرا مقدما ع الزمن تبعيك بس برضه ما ح اخليك اسي يلا الاهم جاي فيلا اجهزي للمعط !!😂

فيا بسمة👈 موضوعنا الاساسي تبع اليوم هو "دوريك في سيناريو حياتيك "داير كل تركيزيك معاي ..!!

.▪بسمه.. تمام 😁

.▪محمد .. حلو .. يلا اختاري اهم علاقة في حياتيك ..اهم علاقة .علاقتيك مع زوجيك ..علاقتيك مع ابوك ..علاقتيك مع اولاديك ..علاقتيك مع ريسئيك في الشغل ..علاقتيك مع زميليك في الجامعه ..اختاري يلا ..

.▪بسمة.. اخترت ..🙈

.▪محمد..كويس يلا جاوبي على سؤالي ..في العلاقة دي انتي بتلعبي دور مين ؟...دور الضحية؟ ..وله دور الجاني؟ ..وله دور المنقذ ؟

.▪بسمة ..كيف بلعب دور مين معليش بس سؤالك مبهم شوية عارفاك من البداية مخطط تجيب لي اسئله صعبة زي دي ..ي اخوي و يا اختي سواله مبهم صح؟ .. انا و بالمناسبة ي محمد انا م بحب الاسئله الصعبة..!!😂


.▪محمد .. 😂😂شوفي يا فاطمة..بسم الله بسمة .. طيب كلاميك حلو شديد و براك قلتي اي حاجة قبل ما نبداها و ندخل في محتواها ح نقول عليها صعبة بس بمجرد ما تقولي بسم الله و تبدي ح تلقيها عادية .يلا تابعي بالتفصيل الممل و شوفي الاسئله الصعبة تبعيك ساهلة كيف و مرت بي اغلبنا .فيلا نبدا ..!!✍


بتلعبي دور الشخص اللي بضحي بنفسه في سبيل الطرف التاني .و بعمل اي حاجه بقدر و ما بقدر عليها عشان يسعده و يرضيه من غير اي مقابل و لو كلمة حلوه او حتى نظرة شكر ..الشخص اللي بقدم الطرف التاني على نفسه في كل حاجة طول الوقت ..الشخص اللي بيدي باستمرار و مش مستني ياخد الشخص اللي بيدوب كل يوم و كل ليله عشان غيره يتهنى و يرتاح ..👈 ف دا يا ستي اسمه دور #الضحية .!!

.▪بسمه ..ليه انت بتسميه الضحية و ليه هو بلعب الدور دا ؟

.▪محمد ..طيب هو بيلعب دور الضحية عشان يثبت لنفسه و يحس قدامها انه دايما مظلوم و مغلوب ..دا اسمه تهرب من المسؤليه و الاحساس بالذنب ..و ببساطة برمي الاحاسيس دي لغيره ..عن طريق لعب دور الضحية..!!

.▪بسمه .. اممم كلامك صح ي محمد ..يلا انت قبيل ذكرت دور الجاني ف وضح لي يعني شنو جاني ..

.▪محمد.. حاضر .. صراحة بعجبني الانسان المصر على المعرفة يلا تابعي معاي ..شخصية خالد الخياليه ..!!
خالد دا ..بتلعب دور الشخص اللي بيدي اوامر كتير ،و متوقع من طرف العلاقة التاني انه يكون مطيع و يسمع الكلام و ما يقول لا لاي سبب ؟الشخص اللي شايف نفسه ممكن يعمل اي حاجه في اي وقت بغض النظهر عن تاثير دا على غيره ..الشخص اللي ينتظر من الاخرين العطاء و السماح بدون حدود و بدون ردود ..الشخص اللي مش بيرضى بسهوله ..الشخص اللي غضبه صعب و قاسي اللي محتاج اعتذار و اعتذار و اعتذار عشان يرضى و مية اثبات عشان يصدق ..فدا يا حبيبي اسمه دور #الجاني ..!!

.▪محمد .. طيب ليه بيعمل كدا ؟..اتوقعت سؤاليك دا 😂
👈يلا ح اقول ليك دا واحد داير ينتقم من نفسه و من الحياه بسب عقده النفسية اللي ما قادر يحتويها في نفسه ف بيعمل كل دا في شخصيتيك و من خلاليك .. و براك لاحظتي فوق ..!!

.▪بسمه.. انا ي محمد وقعت في الغلط دا لاني كنت فاهماه بصورة تانية حرفيا و من الليله حبدا تصحح و ترتيب علاقاتي كويس ..بس قريت افكاري كيف ..!!😂

.▪محمد ..ما قريتها .و ما ح اقدر .و مافي حد ح يقدر اصلا يقراها ما تختي في باليك ان في ناس بتقرا الافكار ..ممكن تقولي يتوقع بس يقرا دي مافي خالص..!! 😂

.▪بسمة ..ي محمد انا اتبسط شديد لما عرفت المعلومة دي ..و ح اتبسط اكتر اذا حكيت لي عن المنقذ.. !!💙🙈


.▪محمد ...شكليك مهتمة بيه شديد لاني شايفك مركزه في شخصيته كتير ..ما يكون دا البيست فرند.. !!😂..جدا يلا مدام مهتمه

ركزي معاي في البوست ..👇
الشخص الحنين اللي بساعد الاخرين بكل سخاء و بقدم ليهم الحلو.. و دايما يرمي اطواق النجاة للاخرين دايما سند للكل فهو ..المحبوب ..المرغوب فيه..المخلص ..المنتظر..و بتستمع للكل و بتفهم الكل .يطبطب على كتف.. دا و يمسح دموع دا .. الشخص الهادي الناصح.. الرزين ..القريب ..ف دا يا بسمه اسمه دور #المنقذ ..!!

.▪ بسمة ..حرفيا لقيت نفسي في اليسناريوو و اكتر حاجة عجبتني فيه شخصية المنقذ لان عندي حد الحوار دا حرفيا بمثله .بس ي محمد في البداية تعامله دا يعني كان م بقصر معاي و دايما بتفهمني لغاية ما اتعلقت بيه شديد يعني كان حرفيا المنقذ تبعي..!!

.▪محمد ..منقذ مين يا بسمه دا مستحوذ عليك 😂 بسمه ..كيف ؟.حرفيا ما بقصر معاي ...محمد طيب اضرب ليك مثل بسيط ..شوفي صحبتيك اللي بتقرا في الجامعه ..بسمه مالها ؟🙄

.▪محمد ..طيب يلا عندها نفس قصتيك دي عندها حد دايما بحقق ليها كل طلبتاتها من غير ما تطلب حتى تعامله حلو .لابعد الحدود ..دايما معتمده عليه في كل شي .و هو فرحان بدور المنقذ و هي مستمتعة بالدور لابعد الحدود.و بعد المعامله السمحه و الطويله خلاص اتاقلمت مع الوضع و بقت ما بتقدر تستغني عنه ..لانها كل ما تتخلى عنه ح تفتقد المعامله و الطيبة و الحنية تبعه ببساطة شديدة هو امتلكها ..!!



انت اي انت .. اللي بتقرا في البوست دا ..عرفت انت بتلعب دور مين في علاقات حياتك ..اكتشفت السيناريو اللي راسمه لنفسك و بتكرر في كل يوم !؟ارقم ١ اوعى تندم ..بالعكس حمد ربنا انك شوفت بعينك و عرفت الحاصل..!!

رقم 2رقف /فورا ممارسة الدور الموذي ليك و لغيرك اعمل ستوب كبير و عيد/يترتيب حياتك/ي..و قيم علاقاتك/ي و صحح/ي مسارها ..و كفاية اذى لغاية هنا ..!!

رقم 3ما تمسح/ي لي حد ان يمارس معاك دور من الادوار دي في علاقتك/ي بيه و ما تسمح ي كمان لحد يطلع منك/ي دور و تمارسه معاه ..لان" الضحية"دايما بحسس اللي حواليه بالذنب..و" الجاني" دايما ينتقم من الاخرين ..و النقذ دايما يمتلك و يستحوذ و يستبيح الحدود .. !!

#اخيرا_خليك_حقيقي
#خليك_حقيقية
#اتحمل_مسؤلية_نفسك_بجد
#مسؤلية_علاقتك/ي_بجد

#ماتبقى #جاني ..لا #منقذ ..لا #ضحية .

محمد يعقوب ✍

بداية تغير ...👌


@Rivatril

عش كل لحظة كانها اخر لحظة في حياتك .
عش بالإيمان عش بالامل
عش بالحب عش بالكفاح
و قدر قيمة الحياة✨

المؤثرات التي تستقبلها من المجتمع من حولك ..تؤثر في عقلك الباطن و حالتك المزاجية مهما كانت تافه. !!💙

.▪ممكن يكون الكلام خيالي بالنسبة ليك و مش عنده اي معنى ..طيب داير تجرب عشان تكتشف بنفسك و تتاكد تتاكد!! ؟

▪.احمد :يلا نبدا !!💚😚

▪.طيب حلو يلا اقرا كل مجموعة من الكلمات يبطئ و راغب تاثيرها في مشاعرك ..و لاحظ/ي كيف يختلف الاحساس من مجموعة لاخرى .!!

▪.👈المجموعة الاوى ..!!
تعاسة _حزن _سواد _ظلم _قهر _فساد_موت_عذاب _فشل_الم_ذل_عجز_هزيمه_ظلام_اكتاب ..الخ .

▪.👈المجموعة التانية .. !! _جمال_سعادة_زهور_انتعاش_فرحة_نعم_حلوى_ابتسام_نشاط_قوة_سرور_تفاؤول_حديقة_روعة_نشوة_استمتاع_لعب_ضحك_حماس_نجاح_مرح_انجاز_احلام_شوكولاته_متعة_جنة_حب_حياة_لعب_مزاج_انتعاش...الخ

هل لاحظت/ي الفرق وله م هل 😂 تلقائا ح تلقى نفسك ابتسمت او على الاقل ابتهجت و ارتحت بعب تغير افكارك في المجموعة الاولى كررها 😂👌


▪.👈بالضبط لو لاحظت ان من الممكن بذات نفسنا ناثر في حالتنا المزاجية ،بتغير المؤثرات الموجودة حولنا ..او على الاقل نجاهل المؤثرات السلبية !!🖤
@Rivatril :👈دا معرفي

شعورك في المجموعة الاولى ..و المجموعة التانية بصراحة ☝️💙

انا اتغيرت
التغير دا حاجه إجباريه كلنا بتمر علينا ، بس كونك تعكس التغير و تخلي حاجه ايجابيه و تعرف كيف تستغلوا دا المهم، لانو التطور حاجه اختياريه، انت البتختار تتطور و تزيد من ثقتك و قدراتك
عشان كدا أبدا طور من نفسك، أبدا بي نفسك💕
#ملاذ_عبدالحليم

‏خُلق الحزن لتعرف طعم الفرح فلو لم يُخلق الظلام لما عرفت النور ، دائماً تُعرف الأشياء بضدها و إن كنت قد تذوقّت مرارة الكسر ستتذوّق حلاوة الجبر 💛✨

لاتجبر أحدا على حبك،.حتى وإن كنت تحبه😶🙏

👈🏼 في سؤال كان بيلف في بالي علي طول ليه نحن لمن نعجب بحاجة بنمل منها او بننصدم منها لمن نقرب منها وفي نفس الوقت ليه لمن نكون بنكره حاجة او شخص معين ونقرب ليه بنلقاه عكس تصورنا خالص ؟


_ الجواب او الحكمة شايفها موجودة في الاية دي قال تعالى : عسى أن تكرهوا شيئا و هو خيرا لكم وعسى أن تحبوا شيئا وهو شرا لكم والله يعلم وأنتم لا تعلمون "


☚️ بس برضو علشان نستفيض خلونا نتكلم ونفضفض شويتين مع بعض .. 🤗💜

_ بيحصل مرات ان بنحلم او بنتمني نمتلك جوال معين وبعد نمتلك الجوال ده حايكون فينا اعجاب اتجاهه في البداية لكن اعجابنا اتجاهه ببدا يقل مع الزمن وحانشوف الجوال الكنا بنحلم بيه ده ابسط من عادي (بيتصل، وبيصور، وبيدخل نت، وبيلعب العاب) فبنبدا نمل ونفتش في الجديد علشان نفس التجربة العشناها مع التلفون ده ..

❒️ نفس الكلام ده بيحصل في عالم الاعجاب بالشخصيات او بالعلاقات بس هنا بيحصل بشكلين مختلفين :

_ اولهما ان بيحصل يوم من الايام بنعجب بشخصية معينة ولتكن فتاة علي سبيل المثال، فبتعجبنا بنت نسبة لجمالها او ذكائها او مرحها او ظرافتها وزينا زي اي زول بيحب حاجة معينة بنحاول نمتلكها او بالاحري نقرب منها ونقدر نتكلم معاها علي الاقل بس بعد نقرب منها ونتكلم معاها، وبعد فترة زمنية حانبدا نمل من الفتاة دي ونشوفها ابسط من عادية وزيها زي اي بنت تانية ماف فرق الا جمالها او ذكائها او الحاجة الخلتنا نعجب بيها ..

_ التصور الثاني ان بنكره حدا او فتاة لسبب ما اما لعدم جمالها " مع ان ماف حدا شين" او لزيادة وزنها او لثرثرتها او لعدم حفظها للاسرار لكن بيجي يوم من الايام وان نلقي روحنا مع البنت دي في حته واحدة فبنبدا نتعرف عليها وصراحة كدا بننصدم بنلقاها عكس التصور الكنا خاتنه ليها بنلقاها (مرحة، ولطيفة، وضحكتها صادقة، وشهمه، وبتحفظ الاسرار برضو، ده غير انها انسانة اكتر من جميلة) ..


👈🏼 فهنا بقيت اسال نفسي ليه ده بيحصل او ليه دايما بيحدث عكس التصور الكنا خاتنه او الختيناه في راسنا ؟

_ فما لقيت اجابة افضل من دي ..

ان نحن لمن نعجب بشخصية معينة او بحاجة معينه بنضع ليها تصور اكبر من تصورها الحقيقي ( يعني بنختها اهمية او مكانة اكبر من اهميتها او مكانتها الحقيقية) فلمن نمتلك الحاجة دي او نصبح قريبين منها بنلقي تصورنا الكنا واضعنه فيها كذب او محض خيال فبنشوفها عادية مع انها ماعادية (بس بسبب الانصدام حانشوفها عادية) فبنبدا نمل ونزهج ونبتعد منها او نسيبها ..

في نفس الوقت لمن نكره شخصية معينة او حاجة معينة ما بنكون واضعين ليها قيمة اكبر من قيمتها الحقيقية لان بكل ببساطة بنكون واضعين ليها قيمة اقل من قيمتها فلمن نقرب منها بنتفاجئ وننصدم من قيمتها الحقيقية وبنشوفها احسن بكتيير مما كنا بنعتقد وغالبا بنلقي روحنا منسجمين معاها ومقربين ليها اكتر وبنبدا نحبها اكتر بدل نزهج منها ..


☚️ فالمشكلة ببساطة كانت بتكمن في تصورنا ان نحن لمن تعجبنا حاجة بنديها قيمة اكتر من قيمتها فلمن نشوف قيمتها الحقيقية بننصدم وبنزهج لكن لمن نكره حاجة معينة بنضع ليها قيمة اقل من قيمتها الحقيقية فلمن نقرب منها بنشوف انها اكبر من القيمة او التصور الواضعنه ليها ..



" فما كل شخص انت بتعجب بيه لازم تقرب، فمرات لمن يعجبك حدا معين ماتقرب منه علشان ماتنصدم بقيمته الحقيقية"

" ما كل شي بيعجبنا بيكون زي ما مفتكرين مرات بيكونوا اقل بكتييير من اعجابنا ليهم"

" الحاجة البعيدة المنال بتكون حلوة بس لمن نقرب ليها او نمتلكها بتصبح اكتر من عادية"

" ماكل شخص بنكرهه بيدل ان كعب او اقل من مكانتنا مرات الناس البنكرههم ديل بيكونوا افضل ناس دخلوا حياتنا"

" بطل تنظر للناس وتقسمهم لقسمين قسم بتحبهم وقسم بتكرهم لان حاتفقد ناس كتيرة بسبب تقسيمك ده"


👈🏼 خلاصة سواء كنتي حلوة او شينة، سمينة او ضعيفة، بصحة تامة او لا .. 🏵️
دايرك تكوني مبسوطة وتعيشي حياتك زي ما انتي دايرة بس فيما يرضي الله 💜🤲🏻

_ الليلة لمن تشوفي روحك شينة ممكن تكرهك نفسك لكن صدقيني كونك ماتكوني حلوة شديد ده اجمل شي لان اي شخص حايقرب منك وحايحبك ابدا ما حايقرب منك او يحبك علشان شكلك فانتي ببساطة حاتكتسبي ناس صح ..

_ والليلة لمن تحسي روحك جميلة وماف بنت زيك ماتفرحي ولا تزعلي كتير بالناس الحوليك لان صدقيني اغلبهم حارسنك علشان شكلك او علشان ذكائك او علشان علاقاتك ..


❒️ فمن الاجحاف بالنسبة ليكم الاتنين " شينة او جميلة" تقيسوا رضاكم وتقبلكم لنفسكم بعدد الناس الحوليكم او بمدح الناس او ذمهم لاشكالكم 💜

_ فلو كنتي شينة انتي حلوة ..
_ ولو كنتي حلوة انتي حلوة ..

والخيار عندك 🏵️🤗

إذا عُرضت عليك أمانة المنصب و حملتها، فتذكر أنها تكليف ستُسأل عنه يوم الدين، أمّا إذا اعتقدت ـ ولو لوهلة ـ أنها تشريف يهابك و يحترمك بسببها الخلق، فتذكر هيبة المحشر لتنسى ترهات ما اعتقدته.

"مصطفى صادق الرافعي" 🧡

لن يفهموك ؛ فأنت تتحدثُ عن أمرٍ قطعتَ فيه
آلاف الأميال تفكيراً ولم يمشوا فيه خطوة
واحدة ، لن يشعروا بك ، فأنت تشرح شعوراً
جال في قلبك كل ليلة ملايين المرات ولم يطرق
قلبهم ليلة ، ليس ذنبهم بل هي المسافة الهائلة
بين التجربة والكلمات ! ♥️

#أحمد_خالد_توفيق
.

سلام عليكم 💛

_ إن شاء الله حانبدا بداية جديدة في القناة ..

_ وحانركز فقط علي المحتوي النفسي بكل انواعه ..

_ وحانركز ايضا علي تقديم الورش النفسية " والاستشارات النفسية"


👈🏼 إنتظرونا في بداية قوية وجديدة بإذن الله 💛🌸

اثناء ما كنت بتصفح بوستات ال linkdin لقيت بوست ظريف لشاب مصري اسمه محمود عثمان بيتكلم فيه عن كيف تقدر تكون عادة ناجحة وتستمر عليها ..  💛

_ فالبوست بيقوم علي اهم مبدا في تكوين العادات الا وهو " الاستمرارية اهم من النتائج"، فالكاتب بشرح عن ان كيف الخطوات الصغيرة  اللي بنبداها هسي بتكون سبب في تعلمنا العادات الكبيرة اللي بنحلم بيها، وبتكون سبب في وصولنا لاهدافنا  ..

وبيضرب امثال علي كدا مثل ان .. 👇🏻

- بدل تفكر في انك تتقن الانجليزية فكر في انك يومي تحفظ 5 كلمات انجليزية ..

- وبدل تفكر في جسم رشيق ورياضي فكر في تخصيص 30 دقيقة للمشي او الرياضة ..

- وبدل تفكر تحفظ القران كاملا فكر في نص ساعه يوميا تحفظ فيها كم آية ..

ولحدي الان كلامه بسيط وساهل واي حدا بيقدر عليه ومافيه اي مفاجاة، بس المفاجاة كلها بتحصل لما الحاجات الصغيرة دي تكبر وتصنع لينا التغير اللي نحن عاوزنه  .. 💛💪

⬅️ فبعد عام غالبا حااتكون :

1- اتقنت اللغه الانجليزية تقريبا ولو م اتقنتها حاتكون بقيت فوق المتوسط فيها  ..
2- حفظت القران كاملا تقريبا، ولو ما حفظته حاتكون حفظت فيه اجزاد كثيرة ..
3- حصلت علي جسم رياضي ورشيق، ولو م حصلت عليه حاتكون خلقت جسم جيد جدا ..

فالجميل ان كل ده بيحصل باقل مجهود منك وما بحتاج قوة ارادة عالية لان انت هنا " حاتشتغل بالبسيط مش بالاكثر"، فطول ما انت حاتواصل بالبسيط يبقي مافيش اي جهد حاتخسره، وحاتقدر تكون كل الحاجات دي بدون اي جهد ( ودي الجملة الدايرين نسمعها كلنا 😉)  ..


تصدق ده كله انت حاتكون عملته بدون ما تحس اصلا وبدون ما تكلف نفسك طاقة كبيرة 😅



👈🏼 فالبوست ده فعليا بيعتمد علي طريقة " العادات الصغيرة" اللي هي بتركز علي اقل الخطوات اللازمة علشان تكون عادة كبيرة 💛

_ وفعليا لو انت/ي اتبعتوا الطريقة دي واستمريتوا عليها يوميا حاتلقوا روحكم بعد فترة كونتوا العادات الكنتم بتحلموا تكونوها في حياتكم ^_^

❇️ والجزئية دي بتذكرني بكتاب قريته " عن فن خداع العقل" اللي بيتناول فيها الكتاب وبيقول ..

_ " ان انت لو جيت تقول لعقلك انك داير تكون عادة معينة والعادة دي كانت محتاجة لطاقة كبيرة، فعقلك حايحاول يفتش لاعذار تقنعك ماتكون العادة دي، وده كله علشان يضمن راحته وعدم بذله للجهد "

_ لكن لو وصلت لعقلك رسالة ان العادة اللي داير تكونها دي مش محتاجة مجهود كبير فعقلك هنا حايساعدك لان حايضمن ان ماحايخسر شيء 💛

👈🏼 فالفكرة كلها بتقوم على  ..

_ انك تختار العادة الكبيرة اللي داير تكونها  ..
_ بعديها تحدد اقل الخطوات اللازم اللي حاتكونها بيها زي ماموضحة في الامثلة الفوق ..
_ ثم بعديها تبدا علي طول  ..
_ واهم شي ماتفكر في النتيجة فكر في الاستمرارية " لان القليل الدائم خير من الكثير المتقطع"


#Mohammed_Omer
#Yes_You_Can

"شعورك بالتشتت الآن لا يعني أنك ستبقى هكذا طويلًا، بطريقةٍ ما ستأخذ الأمور مسارها الصحيح، فوضى الأفكار في رأسك ستترتَّب، القلق الذي يسكنك ستحلّ الطمأنينة مكانه، القرارات التي تتخبَّط فيما بينها سيختار الله لك أصلحها مادُمت قد استخرته و دعوته و صبرت، و الغد الذي كان كابوسًا غير واضح المعالم سيصبح واقعًا جميلًا.. فقط المزيد من الصبر و الدعاء، و الثقة الحق في ربِّ الأرض والسماء." ❤️