رسَّـل ليها :

مسـاء الخير المالِـي قلبـك
وجابِـك لَي
و النور الطالِـع منك في كُـل مكان
مُتواجده فيهُ .

ربنا يبارِك لينا ويزيدنا سعادة، ويملأ
قلوبنا مودة و رحمة و رِيد ♡

اللهم بارِك ..

وانتو
حيرزقكُـم شريك الحيـاة
الصالِـح الطيّـب
اللي يخاف الله فيكُـم و تعيشـوا في خير
و سَـعادة
و راحَـة بـال .

أبشِـروا ♥️
#الوتر
#تيسير_الصادق

قبل كم شهر زي اليوم ده
كنت في السعودية ، صلّـيت العِـشاء وقلبي مقبوض .

ماما الله يديها العافية سافرَت أمـريكـا
وهي عيّـانة
ولازِم أكون معاها

بس بحسابـاتنا كَـبشر مُـستحيل تبقى قريب!

جَـوازي
قـَرّب ينتهي
وكل اللي قَـدّمُـوا الفترة دِيـك ما أدُّوهُـم تأشيـرة .

قلت :
يا بِـت يا تيسير
ربك كريم وقادِر ييسّـر ليك السَـفرة دي
بس أدعِـي بيَـقِـين

وخلّـيك مُـتوَكّـلة على ربنا ♡

دَعـيت الحمدُلله ، وقبل ما أنـوم
قلت لأختي :
الشهر الجـاي
زي الوقت ده حأكون بَـصَـلّي في العِـشاء
في
الولايات المُـتحدة الأمريكيـة
بإذن الله

وبِـقيت مُواصلة في الدُعـاء
بفضل ربنا سبحانه
وبتحَـرّى
أوقات الإجابة

الحصَـل شنو ؟

ماشاءالله تبارك الله
خِـلال ٣ أسابيع مما بديت الإجـراءات
كنت مُـصلّـية العِـشاء
في أمريكا

مع مامـا الله يحفـظها ♡

وكاتبة ليكُم كلامي ده
عشان أقول ليكُم

مافي مُـستحيل نهائـي ، ربنا قادِر يرزقكُـم كل شي
في بالكُـم

اتمنـوا أي شي ، المَـنّاي لَـقّاي
وأدعوا
بيَقِين وألِـحّوا مع السعي

وقَـريب
حتكُـونوا مكان حابّـين مع الناس اللي بتحِـبّوها
وانتـو بخير
وعافيـة وسعادة وهنـاء .

أبشِـروا ♥️
#الوتر
#تيسير_الصادق

صباح الخير 💕

حَـبّـيت أذكّـركُـم
إنـه :

ليُقضى بالذّكر ما لا يُقضى بالفِـكـر!

رَطّـبُـوا ألسِـنتكُم
بِـذكر ربنا
سُـبحانه وتعالى ، سبّـحُـوا
إستغفـروا
حَـوقِـلُـوا
وصَـلّـوا على رسـولنا الكريم ﷺ ♡

تـكسَـبوا أجر
وقلوبكُـم تتطَمّـن
وتعِـيشُـوا في خيـر و راحـة
وسُـرور .

فاللهمّ ارزقني لِـسانًا ذاكِـرًا لك شاكِـرا، أن ترزقني أيـامًـا طَيّـبة و تجعل عُـمري مُـبارَكـا، فتغفـِر لي و ترحمني، خاتِـمتي حَسُنةً ومُسـتقرّي الجـنة .

مُمكن نصلّ على الحبيب! ♥️
#الذكر
#تيسير_الصادق

•واحـد من معـارِفـنا اتـوفـى
ربنا يرحمـه ويغفـر ليهُ .

لمن كنت في العـزاء ، عـِرِفـتَ إنه كان بِـطَـلّـع
حقـيبة رمـضـان
وبيحرِص يكون فيـها كل أنـواع المُـكسرات!

كان بـقول لأولاده
هُـم ما حيشـتروها ، لازم نحنا نشتـريها ليهُـم 🥹

•راجل كبيـر في عُـمره
كلما يجـي يشـرب عصـير لازِم يعـزِم معاهُ
اتنـين
من الناس البسـيطة في الشـارِع

على نَـفس نـوع العصِـير!

•حـجة كبيرة أولادها اتـزوّجـوا
و رحَـلوا بعيـد منها

كانت بتقـول لينا :
لمّـن أكـون نفسي في باسطـة ولا حـاجة حِـلوة
بشتريها
وبمشي لـناس فُـلانة

عشان نـاكُـلها أنا وهي وأولادهـا ، بشِـيل شوية
آكُـلها
وبخلّـي ليهُم الباقـي ♡

•في عـائلـة مُـلتَـزمة و حالها مَـيسـور
ماشاءالله تبـارَك الله

ولدهم بحِب يغيّـر عربيته كل سنة
بالمُـوديل النازِل جديد!

أبوهُ في مرة قال ليهُ :
ما حتشتري عـربية جديـدة إلا لمّـن
تدفَـع
مُـقَـدّم تاكسي
لأسرة أطفـال أيتـام عشان أمهـُم
تقدَر تأكّـل أولادهـا .

وفِـعلًا الولد عمَـل كده
والأم شَـغّـلَـت أخـوها
في التاكسـي ، و وضعها اتحسّـن كتير الحمدُلله ♡

"لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ"🌱

جـّرب ولـو لِـمـرة واحدة في حياتك
إنك تنفِـق
من أكتر حاجة بِـتحِـبّـها عشان تنال البِـر

وخلّـيك مُـتذكّـر دايمًـا
إنه
الـبِرَّ يَهْدِي إِلَى الْجَنَّةِ .

فاللهُمّ اجعلني من عبادِك المُـنفِـقين، أسألُـك الرزق الوفـير من كرمـك، والعُـمر المُـضيء بِـنورِك، وعافيتك اجعلها لنا حـظًا وقسـما .

ممكن نصلّ على الحبيب! ♥️
#الصدقة
#تيسير_الصادق

عملت كُـل اللي عليك صاح ؟

إجتهـدت
وحاولـت
وصبـرت ..

طيب أنا جاية أقول ليك
ما تزعَـل ، وخلّـيك مُـتطمّـن

ربنـا حيعَـوّضـك
ويجبُـر خاطـرك
ويدّيـك خـير كتيـر ينسّـيك كُل اللي
مرّيـت بيه ♡

فاللهُمّ إني سلّمتُك أمري و دروب سَـيري فـحُفـها برحمتِك ولُـطفك، أن تُيسـر أمري وتُبارِك سعـيي، و ترزُقني رجائي في خيرٍ وعافيـة .

مُمكن نصلّ على الحبيب! ♥️
#الوتر
#تيسير_الصادق

قالت :
جارتـنا أرملـة عندها خمسـة أطفال
رحـَـلت قريب جنبنا .

ما بعرِف عنها
حاجـات كتيرة ، لكن كنت بعايِن ليـها
كل يوم بالشـبّـاك

شكلـها سعيـدة شديد ، دائمـًا مُـبتسمة!

مبسوطة مع أولادها
وأولادهـا طـوّالي نضيفين ، ومُـهَـذّبين

وأولادي قالوا
إنهم شـاطـرين كمان في المـدرسة

مُـحتارة كيف قادرة على ده كله براهـا..!

أنـا عِـندي
طفلـة واحـدة ، ما قادرة عليـها

شغالـين أنا و زوجـي
مُـرَتـباتنا الإتنين
وعندنا ركـشة شغالـة بناخُـد منها إيـراد
و بعد ده ما مُـرتاحِـين ، ولا مُـلَـحّـقين على حاجة!

جـارتي دي
ولدها الصغير بِـقى سمين في الفترة
الأخيرة
قلت أكيـد ده من أكل المطـاعم
والسندوتشات

ياربي بتجـيب القروش دي كُـلها من وين ؟

معـناها في زول بِـساعِدها

يمكن حتتـزوّج واحـِد غنيان ، شكلـه حنسمَع بالخبر
قـريب

أنا مُـتأكّـدة لأنه
شُـفتها قبل يومين راجعة نُـص الليل
مُـتقَـيّـفة

محـظوظة ما زيّي أنا!

بعد فترة علاقتي بيها بِـقت أقوى

عِرِفـت إنها
بتبكي كل يوم على فُـراق زوجـها 🥺

عِـرِفـت إنه عندها مـرض ما قادرة
تتعالَـج منه
و صابـرة و مُـحـتسبة ، وضاحـكة عشان
ما تخوّف أطفالـها

ولدها صحّـته اتصلّحـت عشان
جاهُ مرض السُـكري
وبِقى بياخُـد إنسـولين!

مافي زول بِـساعِـدها بصورة دايمة
عشـان كده
بتمشي تساعِـد في البيوت

ويوم جات مُـتأخّـرة ده
كانت في
بيت مُـناسبة بتساعِـدهم لـوقت مُـتأخّـر عشان
تَـقدَر تاخُـد
قروش زيادة 🥺

خَـلّت أطفالها
مع أخـتها ، وكانت مُـقلّقـة عليهم

خِـجِـلت من نفسي!

ربنا يغفِـر لَـي حَـسَدي
ويسهّـل عليها وعلى أطفالها
..

الحَــسِد سوء أدب مع الله .. !

ربنا يحفظنا منـه

و نتذكّـر دائـمًا إننا بنعـايِن من بعيد ومن برة
لكن جُـوّة
في قِـصص و تفاصيل كتيرة
فـايتانـا!

ما حنعرِفـها ، ولا ضروري إننا نعرِفـها

عشان كده نعيش راضـِين
بالعِـندنا
ما نعايِن لِحَق الناس
ونسعَـد لِأفراحهم ، ونحمِـد ربنا .

فاللهُم جبـرًا يملأ قلوبنا ويَفيض، نسألُك سلامة القلب والنوايا، أن نعيش أيّامنا في خيرٍ وسلامٍ وعافية، خاتمتنا حسُنة ومُستقرنا جنّات الخُلدوالنعيم .

مُمكن نصلّ على الحبيب! ♥️
#الحياة
#بيوت_متطمنة
#تيسير_الصادق

بتحِـب علي كايرو ؟!

معناها بتحِب ليهُ الخير
والحاجة السمحة ، و بتتمنّى تقدّم ليهُ شي ينفعُه الآن ..

و دي حتعمَلها كيف!

تمسَح كل الأغاني بتاعته اللي في تلفونك ولابتوبك ،
وما تعمل شير للأغاني
في ال stories بتاعت الواتس والفيس .

والكلام ده
لكل الفنانين اللي اتوفوا ، ما علي كايرو بس!

رسولنا الكريم ﷺ
قال :
"إذا مات ابن آدم انقطع عمله إلا مِن ثلاث :
صدقة جارية ، أو علم ينتفع به ، أو ولد صالح يدعو له"

الواحد بعد يموت عملُه بينقطِع
لكن في حسنات
بتكون مُتواصلة زي المذكورة في الحديث ده ♡

وكمان في ذنوب جارية!

عشان كده لو بتحِبّوهُ جَد جَد
وقّفوا أغانيهُ عندكم وما تنشورها، وأمسحوها عديل
من كل الأجهزة
اللي في يدينكم ، و كلّموا معاكم باقي الناس .

فاللهم ارحَم علي كايرو وجميع موتى المُسلمين، اعفُ عنهم وعافِهم وتجاوز عن سيئاتِهم، وارزقنا حُسن الخاتمة واجمعنا بمَن فارقونا في جنات الخُلد والنعيم .

ممكن نصلّ على الحبيب!♥️
#تيسير_الصادق

كان أحد الصالِـحين
يُـوقِظ أبـناءه لِـصلاة الـفجر
فيقول :

قُـومُـوا للصلاة ..

لا نريد أني ينقص أحـد مِـنا في الجـنة!

فاللهُمّ اجعلني ممّن يُـؤدون الصلاة حُـبًا لك وتقَـرُّبا، أن أُقـيمها لأرتاح بـها لا لأرتاح منها، و اجعلني مُقيم الصلاة ومن ذريتي ربنا وتقبّـل دُعـاء.

ممكن نصلّ على الحبيب! ♥️
#الفجر
#تيسير_الصادق

خُـت في بالك
إنه الحـلال مُـمكن يكون عـادي

ما مُـبهِـر!

يحتـاج مـنك صَـبُـر
شـديد عشان
تصـَل مرحلة الرضـا ، فتَـسعَـد

لكـن الحاجـة الأكـيدة
الحَـلال
أبـرَك وأجمـل وأطيَـب ♡

بخلّـيك
عايش في أمـان ، وانت واثـِق
إنـك ما بتغضـِب ربنا

فخـلّـيكُـم مُتذكّـرين :
نحنا عليـنا نرضي رب العالمين
في الأحـلـى
وفي الأصـعَـب
وكُـله مـبني على مُـجاهَـدة النـفوس!

فاللهُمّ آتِ القُلوب خَـير مَن يرعـاها، و زكّـها أنت خَـير مَـن زَكّـاها، اجمعها بالرفقـة الطيّـبة الصـالِحة، وانثُـر المسـرات على جانِـبَيها مع المودة والرحمة واليَـقين.

مُـمكن نصلّ على الحبيب! ♥️
#الوتر
#تيسير_الصادق

عارفِـين معنى اليَـقين ؟

يعني تكون طالِـع من البيت
بعدما رجعتَ
ليهُ دقائق بَـس!

بالَك مشغول
مع أمك
طالعة من عمليـة في المُستشفى، المطـر
نازِل تقيل وقِـيل إنها عاصـِفة 😁

تلفونك
شحنه بسيـط
ومُـتأكّـد إنه الشبكة في المُستشفى
مُـشَـوّشـة
عشان الأجهـزة!

ومُـتشوّق لـ وِردَك بتاع المُـراجعة اليوم
مع رفيـقتك
ومُـتأكّـد إنها حتتيـَسّـر بإذن الله ♡

تـراجِع
وتَـسرُد طُـول الطـريق
اللهم بارِك
وأبـوك يستَـمِع ليك

فتقول لنفـسك :
حتتيسّـر يا تيسير 🥹

فـتَـدعي
من جُـوة قلبـك :
"يارب
تيسّـر لَـي
مُـراجعة اليوم بدون تأخـير، وتشفـي مـاما
وتطمّـننا عليها"

تصَـل المُستشفى
بالسلامـة ، تتطمّـن على والدتك
وتشحَـن تلـفونـك
وتتفـاجأ
بالشبـكة مُـمتازة

وتلقى غُـرفة إنتظـار هادئة وتنجِـز وِرد
مُراجعتك لليوم

سُبحان الله
والحـَمدُلله حمدًا كثيرًا طيّـبًا مُـباركًا فيه ..

طوّالـي جاء
في بالِي
قَـول الشيخ في ثنائه على الله تعالـى :

"لا يـشغله صَـوت عن صَـوت" 🥹

قعَـدت أقول :
وما بِـمِـل
عن إلـحاحـنا
في السُـؤال ، ولا تِـكرارنا للدُعـاء!

عشان كده
أي شي شاغِـل بالك وتفكيرك
وحاسّـي بيهُ طَـوّل = راجِـع فيهُ اليَـقين ♡

وفي كُـل مرة
تسأل ربنا وتدعي
أمـلأ قلبك يَـقين شديد ، ما تقول الأسباب ولا تفكّـر
حتحـصَـل كيف
ولا متـين!

أدعـي
ونـاجي ربنا
وأسأله سُبـحانه ، وانت مُتأكّـد إنه
حَـيستَـجيب .

فاللهُـمّ وفّقـنا للدُعـاء واغمُـر قلوبنا باليَقين، اعطِ كُـلًا منا سُـؤله على خيرٍ وعافية، وأدخِلنا الفردوس الأعلى أجمعين.

ممكن نصلّ على الحبيب! ♥️
#الدعاء
#تيسير_الصادق

مامـا الله يديها العافيـة
قبل ما تدخُـل العملية مفروض تترَكّـب
ليها كانيـولا (فَراشة)

قدُر ما حاولوا يلقوا
ليها وريـد
ما إتلـقـى!

قالوا خلاص يجيبوا ممرضين من وحدة
إسمها الفريق الخـاص
Special team

بيستخدموا أجهـزة عشان يعرفوا بيها
مكان الأوردة بالتحديد

حاجة مُـتطوّرة ماشاءالله

لمن بتفاكـَروا كده
بابا قال لَـي :
ما علينا إلا ندعي و نقول الحَـوقلة
يا تيسير

و بإذن الله
ما تحتـاج للقِـصة دي كُـلها .

بديناها ، دقائق
والوريد إتلقى الحمدُلله 💕

إتذَكّـرتَ قصة
وحدة من البنوتات بتحكي إنها داخلة
إمتحـان بعد
وفـاة أختـها
بـ ١٠ يوم ، وما قارية ولا حاجـة!

قبل الإمتحـان بيـومين
خافَـت شديد
إنهـا ترسـب ومُـعَدلهـا يتأثر ، فتحت قـروب
في الواتس
لِـقَـت
فيديـو بيتكلّـم عن الحـوقَـلة

قالت حسّـيت بيها رسالـة من ربنا ♡

قعدتَ أحـَوقِـل
من اللحظـة دِيـك لحدي يوم الإمتـحان

جاتني طمأنينـة كأنه ما كنت خايفة
قبلها
و ماشاءالله جاوبتَ على كُل الأسئلة
بسُـهولة شديدة

لمن النتيجة طلَـعَـت لِـقيت روحي
جايبـة A
ومن وقتـها
عندي وِرد يومي بقول فيهُ الحَـوقلة

وحياتي كُـلها من تيسير للتاني
ومن خيـر لـِخير
الحمدُلله رب العالمين ♡

يخوانّا
الحوقلة دي جميلة جداً، كلما تتفكّر في معناها
بتزيدك
طمأنينة وتوكّل ويقين .

ده غير إنها كَنز من كُنوز الجنّة!

فاللهم اجعلني التقيّة النقيّة، ذاكرةً لك شاكِرة، مُنعمّة بِرضاك عني ومُؤنَسَةً بتقواك، أن تكون خاتِمتي حسُنة ومستقرّي في أعلى الجِنان.

ممكن نصلّ على الحبيب!♥️
#الذكر
#تيسير_الصادق

صبـاح الخيـر 💕

أبـدأ يومـك بـِسُـورة البقـرة .

وعِـيش إحسـاس
الطمـأنينـة و الأمـان و راحـة البـال

وسُـبـحـان الله حتلقى الدُنيـا
كُـلها
مُـتيسّـرة و بتضحَـك ليك ♡

خلّيـها على صفحتك ،، ذكّـر غيرك ،، في ميزان حسناتك

مُمكن نصلّ على الحبيب! ♥️
#القران
#تيسير_الصادق

صحبتنا عايـشة في مصـر
أمبارح مشـَت السـوق مع أخـوها عايزة عِـباية

قالت لي :
دخلتَ محـَل لِـقيت فيهُ عبايـة
جميلة
وخامتهـا حِـلوة شديد ماشاءالله
معـرُوضـة
بـ ٩٠ جنيـه

ما صَـدّقـتَ 😁

ده سِـعر ما بيتلقي بسهـولة
لِـعباية زي دي!

أخوي سألـه من مقاسي
قال مافي
إنتهـى

زعِـلتَ وطلعنا من المحل
قلبي واجِـعني عديل
لأنه العِـباية سمـحة ورخيـصة

بعد محلّـين بالضبط
لِـقيت
نفس العِـباية بالضبـط 😁

وما في مقاس غير مقاسـي
آخـر قِطعة
و بـ ٩٠ جنيه برضـو

قلت لأخـوي أجري خلّـينا نحاسِـب
ما صدّقـتَ لقيتـها

الراجـل قال لينا
عشان آخر وحدة
شـِيلـوها
بـ ٦٠ جنيـه ♡

اتذكّـرتَ لمن زِعِـلتَ
عشان ما لقـيت
مقاسـي في المحل الفـات ، ربنا صـرَف عني
شِـراية دِيـك
عشان يعوّضـني بالأحسـن لَـي 🥰
..

خُـتّـوا في بالكُـم
إنه كل حاجة بتحصَـل لـخير
البِـناخدُه لخـير ، والبِـضـيع مننا لخـير

والحمدُلله
في السراء والضراء ،الحمدلله
دائمـًا وأبـدا ♡

فاللهُمّ جبرًا وسعادةً تغمُـر قلوبنا وتفيض، نسألُك حُسن الخاتـمة وأن تجمعنا في الجنة على سُرُرٍ مُنقابلين .

ممكن نصلّ على الحبيب! ♥️
#الحمدلله
#تيسير_الصادق

صبـاح الخيـر بتوقـيتنا ☺️💕

عايـزة أسألـك :
قَـريت وِرد القُـرآن
الليلة ؟

ما قريته
عشان مشـغـول ، ولا ما لقـيت ليهُ وقت ؟

طيب
قاعـِد في التلفون ليك كم ؟

و حتقعُـد تاني كم ساعة
عشان تتابـِع
الأخبار وشمـارين تلاتة مع التعليقات!

طيب سؤال تاني :
آخر مرة ختمتَ القُـرآن متين ؟

رمضان الفـات 🥺

ونـاوي تختـِمه متين
المرة الجايـة بإذن الله ؟

رمضان الجـاي
أو اللي بعـده!

حأقول ليك :
•هل نحنا
واثقين إننا نعِيـش لحدي
الوقت داك ؟

•الإلتزام بـوِرد القُرآن كل يوم
عايز شوية
مُجاهـدة
لكن ما صعب ولا مُـستحيل

•أبدأ بيهُ يومك
و براك حتشُـوف البَـركة والخير
الوفير
اللي حيغمُر حياتك بكُل تفاصيلها ♡

خلّيـها على صفحتك ،، ذكّـر غيرك ،، في ميزان حسناتك

مُمكن نصلّ على الحبيب! ♥️
#القران
#تيسير_الصادق

قال :

لمّـن بِـقيت أدِس منها الحاجات
اللي بحبـها
عشان ما تتعَـب وتعملـها ، عِـرِفـتَ
إنها

أعظـم حـاجة قلبي بِـحِـبّـها ♡

ربنا يحفظها ويقـَدّرني أسعِـدها، ويدِيـم علينا كُـل نِـعمة جَـمّـلَـت حياتنا بالخير والبرَكـة والعافيـة .

وانتو
حيرزقكُـم شريك الحيـاة
ذو الخُـلُق والدين
اللي يخـاف الله فيكُـم وتعيشـوا في
جَـبر
وسَـعادة و هَـنا .

أبشِـروا ♥️
#الوتر
#تيسير_الصادق

"الشهادة السودانية ليست نهاية الحياة!

قصة محمد نورين
من الفشل في المرحلة الثانوية لمهندس
في شركة أبل المشهورة .

محمد بقول :

في عام 1998، امتحنت الشهادة السودانية لكن كنت ناسي حاجة مهمّة شديد. ناسي إنو السنة دي ما زي أي سنة. السنة دي كانت حترسم شكل حياتي كلها

ظهرت النتيجة، ومشيت مع أولاد الحِلّة المدرسة، أدوني نتيجتي... جبت 78%. الرياضيات كانت من أقل المواد – لو ما خانتني الذاكرة، جبت فيها 73.

كان عندي شغف شديد بالعسكرية، وكنت في الثانوي نشيط في الكديك، كنت القائد التاني في المدرسة. عشان كده قدّمت لأكاديمية كرري للتقانة العسكرية. أقل نسبة كانوا بيقبلوها كانت 78%… يعني دخلت بالعافية.

بدأنا المعاينات، وفترة المعاينات كانت حلوة شديد. اتعرفت على شباب قمة، وأصحاب بعضهم لسه معاي لي هسي. ختيت كل آمالي وطموحاتي في الأكاديمية دي: عسكرية ترضيني، وهندسة ترضي أمي وأبوي.

كنا بنتخيل نفسنا لابسين البدلة العسكرية، مخططين كيف حنسكن، وحنعمل شنو في الإجازة.

لكن… بعد تلاتة شهور، ظهرت النتيجة. مشيت الرئاسة جنب كبري السجانة. ما وصلت البورد، لقيت الناس بتبعد مني. عرفت إنهم ما قبلوني.

وقفت قدام البورد، عيوني وقعت على اسمي
وتحته مكتوب:

"لم يقبل".

اللحظة دي... حسّيت إنو حياتي خلصت. كل الخطط، الأحلام، الأحاديث اللي كنت بقولا لأصحابي، دفنتها تحت البورد داك وطلعت.

مشيت، مشيت لحد ما تعبت، بعدين ركبت المواصلات ورجعت البيت. قعدت جنب أمي، وكنت متفق معاها إنو أقسم ليها من مصاريف الأكاديمية.

قعدت جنبها... وبكيت. والله بكيت بكا حار.

قالت لي:
الخير في ما اختارو الله... ربنا كاتب ليك حاجه أحسن، أصبر وتشوف بعينك."

من اليوم داك، قفلت موضوع القراية. مشيت اشتغلت... مره طلبه، مره نقاشه، وفي النهاية بقيت صبي مع ولد عمتي المهندس، في شغل التكييف.

كنت شغّال عتالة، أنضف وأبهّي وأصنفر. مكيف الموية بيكون وسخان، أنا أصنّفرو وأديه بهيه، الزول يجي يستلم يقول جديد.

لكن ما كان همّني أعرف المكيف ده شغال كيف... كنت عايز أعيش وبس.

قعدت في الخرطوم، برجع البيت مرة في الشهر. سنة 1998 عدّت، وناس دفعتي دخلوا جامعاتهم وأنا ما دخلت . جات سنة 1999، وناسها كمان دخلوا جامعاتهم. وأنا لسه مع مكيف الموية.

سنة 2000 بدت… وأنا لسه في نفس مكاني. لحد يوم، جاني ولد عمتي وقال لي:
"أبوك دا لاقاني وقال ليك تجي الكدرو، عاوزك في موضوع مهم."

مشيت البيت… لقيت أبوي. قالي لي:
"الكلام البتعمل فيهو ده مابينفع. خطتك شنو؟"

قلت ليهو:
"والله يا أبوي، خطتي بكرة عندي مكيفين في الطائف."

قال لي:
"يا تعيد الشهادة، يا تقدم بي القديمة."

من ساعتها، فتّشت كتبي القديمة، وقررت أرجع أقرا… وأعيد الشهادة.

وقتها كان باقي 6 شهور للامتحان. قررت أدرس منازل. فجأة… الطّاقة السلبية اللي فيني اتقلبت لإصرار، عزيمة، نار مولعة.

كل يوم، ساعتين صباح، تلاتة مساء. عيد؟ بكا؟ عرس؟ زهج؟ مافارق كنت بقعد بقرأ.

عامل جدول صارم، كل مادة مقسّماها لأجزاء، وكل جزئين بقراهم في اليوم، وبكتب ملاحظات على أدائي.

ما كنت حاسّ بشي… لا ثقة لا خوف، بس ملتزم.

جات الامتحانات… وامتحنت.

يوم النتيجة، مشيت وزارة التعليم. قاعد تحت الشجرة، مستني الزول البينده الأسامي.

فجأة… الزول سكت، رفع راسو وقال:
"ما شاء الله… ناس منازل!"
ونادى اسمي… مد لي ورقة فيها النتيجة.

جبت:
91.4%
100 في الرياضيات
96 في التخصص
94 في الفيزياء والكيمياء

طابقت الاسم… طابقت رقم الجلوس…
ده أنا؟ واللهِ أنا؟

رجعت البيت، أمي استقبلتني:
"يا ولد جبت كم؟"
"91"
"بطل الهظار يا محمد، جبت كم؟"
"91 والله، يا أمي"

بكيت… وبكاها معاي.
زغردت، لمّت نص الكدرو في البيت.

الناس في السوق قالوا:
"نورين بتاع المكيفات… جاب 91!"

بعدها دخلت جامعة الخرطوم تخصص هندسة كهرباء وبعد التخرج اشتغلت مع شركة شلمبرجير أكتر من 10 سنين.
5 منها في هجليج، سنة في أنقولا، والباقي في تكساس.

وفي 2018 قدّمت استقالتي من شلمبرجير.
ووقّعت عقد شغل جديد:

مهندس برمجيات مدمجة في شركة Apple – كاليفورنيا"

فاللهُمّ مافي قلوبنا وأكثر، سَـدّد خُـطانا وبارِك مَسعـانا، أن ترزقنا سعادة الدنيـا بقُربِك، وتُـدخلنا الجنة أجمعين .

ممكن نصلّ على الحبيب! ♥️
#النجاح
#تيسير_الصادق

قال :
نـزَحت مع أمي وأخواني من الخرطوم
مشـينا كسـلا .

فقدتَ شُـغلي
وأي قروش لامّـيها صرفناهـا على السفر
والمـعيشة

بِقيت شغـال شُـغل
اليوم بالـيوم!

في فترة اشتغلـتَ في حافلة
بسوقـها الصباح
وآخر اليوم بدّي سِـيد العربية حقّ اليوم

كنت لمن أركَـب الحافلة
أول شي
بشغّـل إذاعة القُـرآن الكريم ♡

ومحدّد لَي
مسافـة
بقطـعها كل يوم وبكون بـصلّـي على النبي ﷺ

شُـفتَ
خير كتيـر شديد
بصلاتي عليهُ ﷺ

الشغل إتسَـهّل لَي شديد
والمسـافات البعيـدة بشوفها قَـريبة ، ومعنوياتـي
عالية
ماشاءالله

وبِقيت
أدخّـل قروش كتيرة لدرجة
سِـيد العربية
استـغـرَب

قال لي :

أول مرة زول يجِيب لَي
إيراد قدُر ده!

انت مُـشغّل معاك جِـن يا زول ؟😁

أمي الله يـدّيها العافية
نفسها تشوف الكـعبة وتعَـمّـر

واصلتَ صلاة على الرسول ﷺ
مع الدعـوات

وبين يـوم وليـلة
جـاني عَـقد عمـَل في الخليـج
وحالـي إتبدّل

سَفّـرت أمـي
العُـمرة
وعَـرّستَ لأخواتي الحمدُلله ♡

وحاليًـا بفتّـش
على الزوجـة الصـالـحة ، وواثق إنه
ربنا حيكـرِمني
بإذنه تعالى

حـرفيًـا عايش شُـعـور "تُـكفى همّـك"
ويارب ترزقني
غُـفران الذنـوب .

فاللهُمّ مافي القلب وأكثـر، نسألُك سعادة الدُنيا برِضـاك ورحمتك، ونعيم الآخـرة و والِدَينا وأحبّـتنا أجمعين .

مُمكن نصلّ على الحبيب! ♥️
#الصلاة
#تيسير_الصادق

في زمن بني أمية حصـَل موقـف
لسعيد بن زيد

الموقف ده
خَـلّى أهل المدينة يتكلموا عنه
زمن طويل جدًا .

أروى بنت أوس قالت إنه
سعيد بن زيد
شـال جزء
من الأرض بتاعـتها ، وضمّـاها لأرضه

وبِقت تتكلّـم عن الموضوع ده
وتحكي بيهُ
وسـط المُـسلمين!

بعد داك
رفعت القضية لـمروان بن الحكم
والي المدينة

فقام مروان بن الحكـم رسّـل
لِـسعيد بن زيد
ناس يتكلّـموا معاهُ

الموضوع بِـقى صعب
على صاحب رسول الله ﷺ 🥺

وقال :
يرونني أظلمها!

كيف أظلمها
وأنا سمعت رسول الله ﷺ يقول:
"مَـن ظلـم شِـبرًا من أرض
طُـوّقـه يوم القيامة
من سبع أرضين"

وواصَل كلامه و دعـا :

اللهم إن كانت كاذبة
فأعمِ بصرها واقتُـلها في أرضـها ..

وما مَـرّ وقت طويل
و جاء سـيل
ما حصل زيّـه قبل كده، فكَـشف عن
الحَـد اللي
كانوا مُـختلفين فيهُ!

وظهر للمسلمين
إنه سعيد كان صـادِق ♡

وبعد شهـر
أروى بنت أوس جاها عمى!

وكانت ماشى في الأرض بتاعتها
قامَـت
وقعت في البئر..!

عبد الله بن عمر
قال :
فكُـنا ونحن غلمان
نسمع الإنسان يقول للإنسان: أعماك الله كما أعمى الأروى

ولا عجب في ذلك فإن رسول الله ﷺ يقول :
"اتقِ دعوة المظلوم فإنه ليس بينها
وبين الله حجاب"

فكيف إذا كان المظلوم
هو سعيد بن زيد ، أحد المُـبشرين بالجنة ♡

فاللهم إنا نسألُـك أمان النّفس وصفاء القُلوب مع راحة البال، أحيِنا وأمـِتنا على سُنّة رسولنا المُصطفى الهادي، احشُرنا في زُمرَته و ارزقنا شفاعته، وأورِدنا حوضَه هانئين مُطمئنين ومُكرَمين برؤية وجهك الكريم .

مُمكن نصلّ على الحبيب! ♥️
#السيرة
#تيسير_الصادق
🌱

أي بنـوتة اتعَـرّفتَ عليها
وطلعَـت من الفاشر، بتكُـون فيها طِيبة
وحِـنيّة ♡

كُـل الناس اللي قابَـلوني من الفاشـر
ناس مُـحترمـين
وطـيبين
وبكـونوا أهل صلاة وقُـرآن و ذِكـر

اللهم بارِك ..

أهـل الفاشِـر صبَـروا
و صَـمدوا
و دافَـعوا عنها بشجاعـة شديدة!

وبإذن الله
ربنا حيجبُـر خاطرهم ويحفظهم
وينصُـرهم
عاجِلًا غير آجِـلا

فاللهم إنا استودعناك الفاشر وأهلها، ارحـَم الشـهداء واشـفِ الجـرحى،و رُدهـا سالمةً غانِـمة.

مُمكن نصلّ على الحبيب! ♥️
#الفاشر
#تيسير_الصادق

•في قلب الفاشر
توسلت امرأة إلى مليشي وجّه سلاحه نحوها صارخة :
مـا تقتـلني
عندي طفل رضيع!
​
ردّ المليشي ببرود
صادم :
ومن قال لكِ أن تَلِدي امباي ؟
​
وبدون تردد
اخترق جسدها وطفلها وابل الرصـاص!

سقطت الأم
قتيلـة
وارتوت الأرض بجـريمة وحشيـة 🥺

•في قلب الفاشر :
طفلين شـافوا أمهم
بتتقـتِـل
قِـدام عيونهم ، واقفين بِـعاينوا ليها
واقعة في الأرض!

البت تبكي ودموعها جارية
وأخـوها
واقـف جنبها ، خايفين مخلـوعِين وما حاسّـين
بالأمـان!

•في قلب الفاشر :
تم استهـداف
المـواطنين العُـزَّل أطفـال ونـساء
ورجـال!

وتم استهـداف
الصحفيّـين
والمُـتطوعين في دعـم التـكايا!

•في قلب الفاشر :
المليشـ.ـيا بتضحَـك في المواطنين الأبرياء
الهاربـين
من المـوت والجوع 🥺

يخـلوهم يجروا
ويفـِكّـوا فيهم ذخـيرة
كأنهم بيصـطادوا في حيوانات!

•أهل الفاشر
حفيانيين جيعانـين، مُـنهَـكين
ما معروف
الحـاصِـل عليهم شـنو!

ما في يدك تعمـل حاجة؟

أعمـَل شـير
وخلّـي العالم
يعرِف الحاصـِل لأهلـنا في الفاشر

اللهم إنّا استودعناك الفاشر وأهلها فاحفظهم بِعينك التي لا تنام، يسّر أمرهم واجبُـر خواطرهم وانصُرهم نصرًا عاجِلًا عزيزًا مُـؤزرا .

ممكن نصلّ على الحبيب! ♥️
#الفاشر
#السودان
#تيسير_الصادق