【五名女員工投訴Amazon存在種族及性別歧視】
樹大招風？又係 Amazon 喎。
最近有五名 Amazon 女員工控告公司歧視。 幾名女員工嘅職位由貨倉到人力資源部都有。🤔
佢哋都話自從向公司投訴咗包括種族歧視、性別歧視甚至性騷擾呢啲事件之後，白人經理就處處針對佢哋。😳
其中一名原告係一位64歲嘅黑人女人 Pearl Thomas。佢話投訴完上司對佢講咗一啲種族歧視言論之後，佢就被安排咗去接受「工作表現改善計劃」做評估。😔
另一位喺人力資源部門工作嘅黑人女人就話佢上司會叫佢做「黑鬼」，亦曾經向佢同另一位黑人同事講過「妳兩個都唔想變成一個發嬲嘅黑人女人啩。」🤨
至於另一位40歲拉丁裔嘅貨倉經理 Diana Cuervo 就話佢因為舉報白人上司種族歧視而被炒魷魚。🥺
Diana 話佢個上司仲講咗啲侮辱拉丁族裔嘅說話，例如「拉丁人好唔掂」之類嘅評語。
提告嘅幾位員工當中，有三位仍然喺 Amazon 返緊工。有兩位已經離職。佢哋嘅案件全部都由同一間律師樓負責。💪
律師樓方面所發表嘅聲明提到，喺 Amazon 裏面唔同崗位同級別嘅有色人種女性，好多都受到唔同程度嘅騷擾同歧視。😠
Amazon 唔可以將白人管理層呢類侮辱性行為同報復置之不理。呢類行為已經存在喺公司內部好長一段時間。係時候要正視問題。🧐
其實都唔單只 Amazon，Pinterest 同 Google 都曾經被員工指控過公司內部存在類似嘅歧視行為。
舊年12月，Pinterest 用咗2250萬美金同因為投訴公司性別歧視以及不平等待遇而被解僱嘅前員工作出和解。🤝
而另一位黑人AI研究人員亦指控 Google，因為自己發表咗一啲不利公司嘅研究報告而被無理解僱。
呢名員工之後公開指責 Google 存在種族歧視，煽動種族仇恨同報復行為。😣
Amazon 發言人就以上嘅指控作出否認。佢話公司對每一單案件嘅相關投訴都進行咗徹底調查，佢哋冇發現任何證據符合呢啲指控。🤨
Amazon 一再強調公司絕對唔會容忍任何形式嘅歧視同騷擾行為，並且鼓勵員工向管理人員或者通過匿名舉報熱線作出投訴。投訴人絕對唔會有被報復嘅風險。
聽落好似係好安全，但又有員工告佢哋喎。邊邊講嘅先係真㗎？
.
.
.
我地Facebook：https://bit.ly/2EpllBn
MeWe一樣搵到我哋:
https://mewe.com/p/muddleup乜都噏
樹大招風？又係 Amazon 喎。
最近有五名 Amazon 女員工控告公司歧視。 幾名女員工嘅職位由貨倉到人力資源部都有。🤔
佢哋都話自從向公司投訴咗包括種族歧視、性別歧視甚至性騷擾呢啲事件之後，白人經理就處處針對佢哋。😳
其中一名原告係一位64歲嘅黑人女人 Pearl Thomas。佢話投訴完上司對佢講咗一啲種族歧視言論之後，佢就被安排咗去接受「工作表現改善計劃」做評估。😔
另一位喺人力資源部門工作嘅黑人女人就話佢上司會叫佢做「黑鬼」，亦曾經向佢同另一位黑人同事講過「妳兩個都唔想變成一個發嬲嘅黑人女人啩。」🤨
至於另一位40歲拉丁裔嘅貨倉經理 Diana Cuervo 就話佢因為舉報白人上司種族歧視而被炒魷魚。🥺
Diana 話佢個上司仲講咗啲侮辱拉丁族裔嘅說話，例如「拉丁人好唔掂」之類嘅評語。
提告嘅幾位員工當中，有三位仍然喺 Amazon 返緊工。有兩位已經離職。佢哋嘅案件全部都由同一間律師樓負責。💪
律師樓方面所發表嘅聲明提到，喺 Amazon 裏面唔同崗位同級別嘅有色人種女性，好多都受到唔同程度嘅騷擾同歧視。😠
Amazon 唔可以將白人管理層呢類侮辱性行為同報復置之不理。呢類行為已經存在喺公司內部好長一段時間。係時候要正視問題。🧐
其實都唔單只 Amazon，Pinterest 同 Google 都曾經被員工指控過公司內部存在類似嘅歧視行為。
舊年12月，Pinterest 用咗2250萬美金同因為投訴公司性別歧視以及不平等待遇而被解僱嘅前員工作出和解。🤝
而另一位黑人AI研究人員亦指控 Google，因為自己發表咗一啲不利公司嘅研究報告而被無理解僱。
呢名員工之後公開指責 Google 存在種族歧視，煽動種族仇恨同報復行為。😣
Amazon 發言人就以上嘅指控作出否認。佢話公司對每一單案件嘅相關投訴都進行咗徹底調查，佢哋冇發現任何證據符合呢啲指控。🤨
Amazon 一再強調公司絕對唔會容忍任何形式嘅歧視同騷擾行為，並且鼓勵員工向管理人員或者通過匿名舉報熱線作出投訴。投訴人絕對唔會有被報復嘅風險。
聽落好似係好安全，但又有員工告佢哋喎。邊邊講嘅先係真㗎？
.
.
.
我地Facebook：https://bit.ly/2EpllBn
MeWe一樣搵到我哋:
https://mewe.com/p/muddleup乜都噏
【多個約會 app 合力推出多款優惠鼓勵用戶接種疫苗 😘】
最近美國幾間最大嘅約會 app 都推出咗一啲先功能，一齊合力鼓勵用戶接種疫苗。 💪
新功能包括喺已經接種咗疫苗嘅用戶個自我介紹頁面加入一個疫苗接種狀態徽章。🎖
亦會為接種咗疫苗嘅用戶免費提供原本係需要付費嘅高級功能。
更加會喺 app 裏面加入發放疫苗接種資訊（例如 Vaccines.gov） 嘅網址。👍
參與今次呢個鼓勵用戶接種疫苗計劃嘅約會 app 包括：Tinder，Hinge，Match，OKCupid，BLK，Chispa，Plenty of Fish，Bumble 同 Badoo。
佢哋嘅共同目標都係希望可以鼓勵用戶接種疫苗。已經接種咗疫苗嘅用戶可以得到更多合適人選或者更多約會機會。❤️
OKCupid 研究所得，已經接種疫苗或者計劃接種疫苗嘅人，成功獲得匹配嘅機會率會提高14％。
當然每個 app 都會有唔同嘅功能去吸引用戶打針。
Tinder 就提供咗以上提及嘅各項新功能同優惠。Bumble 同 Badoo 就會提供類似嘅疫苗徽章，並且向已接種疫苗用戶提供免費收費金幣。🏵
Hinder 都一樣會免費提供付費功能，亦鼓勵用戶喺個人介紹上面分享自己嘅疫苗接種狀態。💉
美國暫時有48％國民至少接受咗一劑疫苗，38％人已經完成接種兩劑疫苗。
拜登定下咗目標，希望到7月4號美國國慶日可以達到70％成年人最少接種咗一劑疫苗。🧐
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
最近美國幾間最大嘅約會 app 都推出咗一啲先功能，一齊合力鼓勵用戶接種疫苗。 💪
新功能包括喺已經接種咗疫苗嘅用戶個自我介紹頁面加入一個疫苗接種狀態徽章。🎖
亦會為接種咗疫苗嘅用戶免費提供原本係需要付費嘅高級功能。
更加會喺 app 裏面加入發放疫苗接種資訊（例如 Vaccines.gov） 嘅網址。👍
參與今次呢個鼓勵用戶接種疫苗計劃嘅約會 app 包括：Tinder，Hinge，Match，OKCupid，BLK，Chispa，Plenty of Fish，Bumble 同 Badoo。
佢哋嘅共同目標都係希望可以鼓勵用戶接種疫苗。已經接種咗疫苗嘅用戶可以得到更多合適人選或者更多約會機會。❤️
OKCupid 研究所得，已經接種疫苗或者計劃接種疫苗嘅人，成功獲得匹配嘅機會率會提高14％。
當然每個 app 都會有唔同嘅功能去吸引用戶打針。
Tinder 就提供咗以上提及嘅各項新功能同優惠。Bumble 同 Badoo 就會提供類似嘅疫苗徽章，並且向已接種疫苗用戶提供免費收費金幣。🏵
Hinder 都一樣會免費提供付費功能，亦鼓勵用戶喺個人介紹上面分享自己嘅疫苗接種狀態。💉
美國暫時有48％國民至少接受咗一劑疫苗，38％人已經完成接種兩劑疫苗。
拜登定下咗目標，希望到7月4號美國國慶日可以達到70％成年人最少接種咗一劑疫苗。🧐
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【中國初創公司 Pony.ai 獲准喺美國加州測試無人駕駛汽車 🚗】
雖然美國同中國呢期唔係好 friend，但其實都仲係有好多嘢有關連嘅。
就好似無人駕駛汽車咁，最近中國自動駕駛汽車初創公司 Pony.ai 就獲得加利福尼亞州汽車部門 （DMV）發出許可證，可以喺加州三個城市一啲指定街道上面測試無人駕駛汽車。👍
其實2017年開始，Pony 已經被批准喺加利福尼亞州測試車上面有後備司機嘅自動駕駛汽車。👨✈️
不過今次新批出嘅許可證係容許 Pony 喺三個縣嘅指定街道上面測試六架無人駕駛汽車。
今次真係冇人喺架車裏面，連後備司機都唔會有。🧐
DMV 表示，呢幾架無人駕駛汽車嘅設計係只限於天氣晴朗又或有少量雨水，喺時速限制每小時45英里或以下嘅道路上行駛。🚗
初步測試會喺 Fremont 同 Milpitas 進行，測試時段係星期一至五上午10點至下午3點之間。🕰
DMV 資料顯示，一共有55間公司擁有加利福尼亞州自動駕駛汽車測試嘅有效許可證。
不過有無人駕駛測試許可證嘅公司只係得8間。
除咗 Pony 之外，同樣都係嚟自中國嘅 AutoX，百度 同 WeRide 以及美國嘅 Cruise，Nuro，Waymo 同 Zoox 都有無人駕駛測試許可證。
一人一半，打和！🤣
不過到目前為止，Nuro 係唯一一間有商業牌照，可以喺加州推出自動駕駛汽車服務嘅公司。
Pony.ai 總部位於廣州同矽谷，喺舊年獲得豐田汽車4億美金投資之後，市值達到30億美金。 😳
Pony 喺月頭嘅時候表示，公司嘅自動駕駛汽車可以喺2023年正式推出俾大衆使用。👀
佢哋更加強調自己係中國第一間推出自動汽車，向大眾提供自動駕駛汽車服務嘅公司。🎉
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
雖然美國同中國呢期唔係好 friend，但其實都仲係有好多嘢有關連嘅。
就好似無人駕駛汽車咁，最近中國自動駕駛汽車初創公司 Pony.ai 就獲得加利福尼亞州汽車部門 （DMV）發出許可證，可以喺加州三個城市一啲指定街道上面測試無人駕駛汽車。👍
其實2017年開始，Pony 已經被批准喺加利福尼亞州測試車上面有後備司機嘅自動駕駛汽車。👨✈️
不過今次新批出嘅許可證係容許 Pony 喺三個縣嘅指定街道上面測試六架無人駕駛汽車。
今次真係冇人喺架車裏面，連後備司機都唔會有。🧐
DMV 表示，呢幾架無人駕駛汽車嘅設計係只限於天氣晴朗又或有少量雨水，喺時速限制每小時45英里或以下嘅道路上行駛。🚗
初步測試會喺 Fremont 同 Milpitas 進行，測試時段係星期一至五上午10點至下午3點之間。🕰
DMV 資料顯示，一共有55間公司擁有加利福尼亞州自動駕駛汽車測試嘅有效許可證。
不過有無人駕駛測試許可證嘅公司只係得8間。
除咗 Pony 之外，同樣都係嚟自中國嘅 AutoX，百度 同 WeRide 以及美國嘅 Cruise，Nuro，Waymo 同 Zoox 都有無人駕駛測試許可證。
一人一半，打和！🤣
不過到目前為止，Nuro 係唯一一間有商業牌照，可以喺加州推出自動駕駛汽車服務嘅公司。
Pony.ai 總部位於廣州同矽谷，喺舊年獲得豐田汽車4億美金投資之後，市值達到30億美金。 😳
Pony 喺月頭嘅時候表示，公司嘅自動駕駛汽車可以喺2023年正式推出俾大衆使用。👀
佢哋更加強調自己係中國第一間推出自動汽車，向大眾提供自動駕駛汽車服務嘅公司。🎉
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【因為拒絕刪除被禁內容🚫美國科技巨頭被俄羅斯罰款】
入鄉係咪要隨俗？唔隨？罰！
啱啱俄羅斯法院就表示，美國科技巨頭 Google 同 Facebook 被判罰款。原因係呢兩間公司冇刪除俄羅斯政府認為係非法嘅內容。❌
今次亦都係近期俄羅斯同大型科技公司之間不斷發生爭拗嘅最新進展。
莫斯科塔甘斯基地方法院聲稱，Facebook 因為8項罪名被罰款合共2600萬盧布（大約353890美金）。😳
俄羅斯聲稱呢啲指控涉及一啲鼓勵未成年人參加今年1月一個未經批准嘅遊行嘅貼文。😱
遊行源於一名俄羅斯反對派人士被拘留，有人喺 Facebook 上面發起全國性上街遊行聲援。🗣
之前 Twitter 已經同樣因為冇聽俄羅斯政府話去刪除一啲被禁內容而受罰。不過「今次」佢哋並唔係被罰款，而係將佢哋嘅網絡降速。🐢
點解強調今次？因為4月嘅時候，Twitter 已經被判罰咗三單罰款，合共890萬盧布，原因咪又係佢哋唔肯刪除一啲被禁嘅內容囉。🤷♂
其實俄羅斯政府同 Google 亦已經就唔同嘅事件爭鬥咗好耐。俄羅斯通信監管機構更加警告，如果唔能夠配合政府嘅要求刪除被禁內容，最終可能會減慢 Google 喺俄羅斯嘅流量同速度 。🐢🐢🐢
上星期 Google 先至話已經就莫斯科法院嘅一項命令提出上訴。命令係要求 Google 解除對一名俄羅斯商人所擁有嘅基督教東正教 Youtube 新聞頻道嘅封鎖。而呢名商人正在遭受美國同歐盟嘅金融制裁。🚫
其實想喺人哋地方做生意，係咪就要跟足人哋嘅規矩呢？🤔
但呢啲科技公司大多數都幾有性格㗎喎，唔鍾意屈服喺強權之下。😏
想當日 Trump Trump 仲係美國總統嘅時候，Twitter 都唔賣賬同佢撐到底啦。💪
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
入鄉係咪要隨俗？唔隨？罰！
啱啱俄羅斯法院就表示，美國科技巨頭 Google 同 Facebook 被判罰款。原因係呢兩間公司冇刪除俄羅斯政府認為係非法嘅內容。❌
今次亦都係近期俄羅斯同大型科技公司之間不斷發生爭拗嘅最新進展。
莫斯科塔甘斯基地方法院聲稱，Facebook 因為8項罪名被罰款合共2600萬盧布（大約353890美金）。😳
俄羅斯聲稱呢啲指控涉及一啲鼓勵未成年人參加今年1月一個未經批准嘅遊行嘅貼文。😱
遊行源於一名俄羅斯反對派人士被拘留，有人喺 Facebook 上面發起全國性上街遊行聲援。🗣
之前 Twitter 已經同樣因為冇聽俄羅斯政府話去刪除一啲被禁內容而受罰。不過「今次」佢哋並唔係被罰款，而係將佢哋嘅網絡降速。🐢
點解強調今次？因為4月嘅時候，Twitter 已經被判罰咗三單罰款，合共890萬盧布，原因咪又係佢哋唔肯刪除一啲被禁嘅內容囉。🤷♂
其實俄羅斯政府同 Google 亦已經就唔同嘅事件爭鬥咗好耐。俄羅斯通信監管機構更加警告，如果唔能夠配合政府嘅要求刪除被禁內容，最終可能會減慢 Google 喺俄羅斯嘅流量同速度 。🐢🐢🐢
上星期 Google 先至話已經就莫斯科法院嘅一項命令提出上訴。命令係要求 Google 解除對一名俄羅斯商人所擁有嘅基督教東正教 Youtube 新聞頻道嘅封鎖。而呢名商人正在遭受美國同歐盟嘅金融制裁。🚫
其實想喺人哋地方做生意，係咪就要跟足人哋嘅規矩呢？🤔
但呢啲科技公司大多數都幾有性格㗎喎，唔鍾意屈服喺強權之下。😏
想當日 Trump Trump 仲係美國總統嘅時候，Twitter 都唔賣賬同佢撐到底啦。💪
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【Sony 最新真無線藍牙耳機宣傳片流出👀】
依家大部份人都用真無線藍牙耳機，除咗真係好方便之外，另一個原因都可以算係半被迫。🤷♂
被迫係因為好多電話都已經取消咗3.5mm耳機插口，想聽歌唯有用藍牙耳機。🎧
半被迫就係因為，如果你堅持想繼續用有線耳機而部電話又冇插口。一係就用 usb-c 轉3.5mm轉插。但係就要吊條嘢兼冇咗個充電位。☹️
而降噪更加係呢兩年高階真無線藍牙耳機嘅必要功能。喺咁多降噪藍牙耳機當中，Sony 隻 WF-1000XM3 雖然已經出咗差唔多兩年（2019年8月上市），但係到依家仍然係好多人心目中嘅最佳降噪真無線耳機頭三甲之選。👍
不過話哂都已經成兩年啦，係時候應該要推出下一代產品啦。
呢兩個月陸陸續續已經有唔同嘅消息流出，新耳機嘅相片都已經暴光。😏
啱啱仲有疑似官方宣傳片流出（下面睇片），之前啲相片嘅可信性更加大大提高。
如果啲相片係真嘅（基本上都冇走雞㗎啦），新款改善咗上一代一個最多人投訴嘅缺點：就係個外型，準確啲講應該係配帶舒適度。😆
新款冇好似舊款咁一支嘢凸咗出嚟，形狀同傳統入耳耳機更相似，相信配帶上亦會更舒適。😍
除咗呢樣之外，當然會有其他新賣點啦。
首先最萬衆期待嘅就係今次終於支援 Sony 開發嘅 Ldac 藍牙編碼，呢個絕對係對音質有要求人士嘅褔音！仲有 Sony 自家嘅 DSEE Extreme ，可以將一啲普通質素嘅歌曲音質提升。又支援 360 立體音效歌曲，Hi-Res audio 認證就一定唔少得啦。👏
而上一代已經做得非常出色嘅降噪功能，今次亦會再加強，再追加埋IPX4同無線充電盒。
嘩，真係好期待。唔好再吊人胃口啦索尼，你罪大滔天呀！🤣
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
依家大部份人都用真無線藍牙耳機，除咗真係好方便之外，另一個原因都可以算係半被迫。🤷♂
被迫係因為好多電話都已經取消咗3.5mm耳機插口，想聽歌唯有用藍牙耳機。🎧
半被迫就係因為，如果你堅持想繼續用有線耳機而部電話又冇插口。一係就用 usb-c 轉3.5mm轉插。但係就要吊條嘢兼冇咗個充電位。☹️
而降噪更加係呢兩年高階真無線藍牙耳機嘅必要功能。喺咁多降噪藍牙耳機當中，Sony 隻 WF-1000XM3 雖然已經出咗差唔多兩年（2019年8月上市），但係到依家仍然係好多人心目中嘅最佳降噪真無線耳機頭三甲之選。👍
不過話哂都已經成兩年啦，係時候應該要推出下一代產品啦。
呢兩個月陸陸續續已經有唔同嘅消息流出，新耳機嘅相片都已經暴光。😏
啱啱仲有疑似官方宣傳片流出（下面睇片），之前啲相片嘅可信性更加大大提高。
如果啲相片係真嘅（基本上都冇走雞㗎啦），新款改善咗上一代一個最多人投訴嘅缺點：就係個外型，準確啲講應該係配帶舒適度。😆
新款冇好似舊款咁一支嘢凸咗出嚟，形狀同傳統入耳耳機更相似，相信配帶上亦會更舒適。😍
除咗呢樣之外，當然會有其他新賣點啦。
首先最萬衆期待嘅就係今次終於支援 Sony 開發嘅 Ldac 藍牙編碼，呢個絕對係對音質有要求人士嘅褔音！仲有 Sony 自家嘅 DSEE Extreme ，可以將一啲普通質素嘅歌曲音質提升。又支援 360 立體音效歌曲，Hi-Res audio 認證就一定唔少得啦。👏
而上一代已經做得非常出色嘅降噪功能，今次亦會再加強，再追加埋IPX4同無線充電盒。
嘩，真係好期待。唔好再吊人胃口啦索尼，你罪大滔天呀！🤣
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
睇片！條片之前被上載 Youtube 之後好快就被刪，好彩有人備份咗去 Reddit。要睇就要快啦，可能好快又被刪㗎啦。🤫
http://bit.ly/3p8YFs0
http://bit.ly/3p8YFs0
reddit
Sony WF-1000XM4 Product Video [Leak]
Posted in r/SonyHeadphones by u/Low-Ratio3193 • 195 points and 86 comments
【Tesla 德州工廠出產嘅車🚗唔可以直接賣俾德州人😳】
有貨賣唔到？
Tesla 雖然要喺德薩斯州興建新廠房，不過就算新工廠建成之後，嗰度生產嘅汽車都唔可以直接賣俾德州嘅居民。🧐
啲車需要經過一個「出口轉內銷」嘅過程先可以喺德州賣。
由於德州法例規定禁止汽車製造商直接向消費者出售汽車，暫時嘅解決辦法就係將新工廠造好嘅汽車運去其他州然後再運番返德州。🤷♂
咁樣就可以賣俾德州居民啦。
另一個做法就係修例，而有關嘅內容亦已經展開咗討論。不過最快都可能要等到2023年先可以完成立法，而 Tesla 間新工廠預計2021年底就會完成。👀
其實唔俾汽車製造商直接賣車俾本州居民呢條法例唔係德州獨有，亦唔係針對 Tesla。🙏
最初立法係為咗避免汽車製造商用一個比汽車經銷商更便宜嘅廠家直銷價賣車，係保護汽車經銷商嘅條例。
但係其實 Tesla 係冇經銷商嘅，不過德州法律並冇俾 Tesla 任何豁免權。🤔
其實 Tesla 同德州兩邊都有啲尷尬，Tesla 計劃投資10億美金建造工廠，但係新工廠生產嘅車又要運一運去第二個州先可以喺德州賣。
德州州政府亦唔方便對 Tesla 作出任何特別通融。😏
Tesla 同其他電動汽車生產商已經喺美國好多唔同州份努力申請緊直銷許可。
不過好多州嘅提案都被否決、無限延期或者直接被無視。Tesla 甚至喺自己網站上面設立咗一個頁面，要求客戶就呢啲問題同當地政府反映。🗣
暫時只係得12個州容許 Tesla 直接向本州居民售賣汽車。
而喺德州，想買車嘅人手續上都係比較麻煩，例如佢哋要跨州提供文件先可以得到臨時購買証。又或者直接去其他州買。
Elon Musk 都曾經講過希望德州可以加快立法或修例，唔好等到2023。
有冇可能？又唔係話冇嘅。
德州州長當日宣佈 Tesla 會喺德州起新廠嘅時候就講過有機會會召開特別會議去討論立法。不過到依家都未有任何特別會議嘅消息。😞
等吓啦，遲到總好過冇到嘅。
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
有貨賣唔到？
Tesla 雖然要喺德薩斯州興建新廠房，不過就算新工廠建成之後，嗰度生產嘅汽車都唔可以直接賣俾德州嘅居民。🧐
啲車需要經過一個「出口轉內銷」嘅過程先可以喺德州賣。
由於德州法例規定禁止汽車製造商直接向消費者出售汽車，暫時嘅解決辦法就係將新工廠造好嘅汽車運去其他州然後再運番返德州。🤷♂
咁樣就可以賣俾德州居民啦。
另一個做法就係修例，而有關嘅內容亦已經展開咗討論。不過最快都可能要等到2023年先可以完成立法，而 Tesla 間新工廠預計2021年底就會完成。👀
其實唔俾汽車製造商直接賣車俾本州居民呢條法例唔係德州獨有，亦唔係針對 Tesla。🙏
最初立法係為咗避免汽車製造商用一個比汽車經銷商更便宜嘅廠家直銷價賣車，係保護汽車經銷商嘅條例。
但係其實 Tesla 係冇經銷商嘅，不過德州法律並冇俾 Tesla 任何豁免權。🤔
其實 Tesla 同德州兩邊都有啲尷尬，Tesla 計劃投資10億美金建造工廠，但係新工廠生產嘅車又要運一運去第二個州先可以喺德州賣。
德州州政府亦唔方便對 Tesla 作出任何特別通融。😏
Tesla 同其他電動汽車生產商已經喺美國好多唔同州份努力申請緊直銷許可。
不過好多州嘅提案都被否決、無限延期或者直接被無視。Tesla 甚至喺自己網站上面設立咗一個頁面，要求客戶就呢啲問題同當地政府反映。🗣
暫時只係得12個州容許 Tesla 直接向本州居民售賣汽車。
而喺德州，想買車嘅人手續上都係比較麻煩，例如佢哋要跨州提供文件先可以得到臨時購買証。又或者直接去其他州買。
Elon Musk 都曾經講過希望德州可以加快立法或修例，唔好等到2023。
有冇可能？又唔係話冇嘅。
德州州長當日宣佈 Tesla 會喺德州起新廠嘅時候就講過有機會會召開特別會議去討論立法。不過到依家都未有任何特別會議嘅消息。😞
等吓啦，遲到總好過冇到嘅。
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【任天堂將發源地宇治小倉工廠改建為展覽館👍】
任天堂宣佈會將位於宇治小倉嘅工廠變成一間展覽館。🎉
展啲咩呢？就係任天堂歷年嚟推出過嘅各樣產品。 😍
工廠位置係喺京都郊外嘅宇治市小倉區。
間工廠喺1969年興建，當時主要係用嚟製造啤牌同花紙牌。亦係任天堂喺19世紀開業嘅起步點。💪
任天堂喺一份聲明當中表示，其實公司一直都有研究緊設立一間展覽館嘅可能性。
佢哋好希望可以有個地方去同大衆分享任天堂咁多年嚟嘅產品開發歷史同理念。❤️
任天堂宇治小倉工廠將會進行翻新去配合作為展覽館嘅需要。
選擇呢個地方除咗因為佢係任天堂公司嘅發源地之外。
亦因為想配合埋宇治市重新發展小倉站附近地區呢個新安排。
任天堂預計展覽館會喺2023年4月1號到2024年3月31號呢個財政年度內完成。☺️
依家暫定嘅名稱係「任天堂展覽館」（Nintendo Gallery)。
相信喺改建完成後呢個展覽館一定會非常受遊客或者機迷歡迎。一定會成為京都一個熱門旅遊點。🥰
點解咁肯定？一來任天堂喺全世界都擁有無數粉絲。
二來係有事實證明嘅。原來過住有好多人會去任天堂總部朝聖。而嗰度只不過係一棟唔向公眾開放，普通嘅一棟辦公室大樓。 🤣
一棟冇嘢睇冇任何活動嘅辦公室大樓都有人要專登去睇吓，咁一間專為任天堂粉絲而設嘅展覽館點會唔收歡迎吖。
2023至2024會開，其實都唔算等好耐。反正真係去得日本都可能係2022嘅事。
所以，唔好心急。最緊要快。😂
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
任天堂宣佈會將位於宇治小倉嘅工廠變成一間展覽館。🎉
展啲咩呢？就係任天堂歷年嚟推出過嘅各樣產品。 😍
工廠位置係喺京都郊外嘅宇治市小倉區。
間工廠喺1969年興建，當時主要係用嚟製造啤牌同花紙牌。亦係任天堂喺19世紀開業嘅起步點。💪
任天堂喺一份聲明當中表示，其實公司一直都有研究緊設立一間展覽館嘅可能性。
佢哋好希望可以有個地方去同大衆分享任天堂咁多年嚟嘅產品開發歷史同理念。❤️
任天堂宇治小倉工廠將會進行翻新去配合作為展覽館嘅需要。
選擇呢個地方除咗因為佢係任天堂公司嘅發源地之外。
亦因為想配合埋宇治市重新發展小倉站附近地區呢個新安排。
任天堂預計展覽館會喺2023年4月1號到2024年3月31號呢個財政年度內完成。☺️
依家暫定嘅名稱係「任天堂展覽館」（Nintendo Gallery)。
相信喺改建完成後呢個展覽館一定會非常受遊客或者機迷歡迎。一定會成為京都一個熱門旅遊點。🥰
點解咁肯定？一來任天堂喺全世界都擁有無數粉絲。
二來係有事實證明嘅。原來過住有好多人會去任天堂總部朝聖。而嗰度只不過係一棟唔向公眾開放，普通嘅一棟辦公室大樓。 🤣
一棟冇嘢睇冇任何活動嘅辦公室大樓都有人要專登去睇吓，咁一間專為任天堂粉絲而設嘅展覽館點會唔收歡迎吖。
2023至2024會開，其實都唔算等好耐。反正真係去得日本都可能係2022嘅事。
所以，唔好心急。最緊要快。😂
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【美國聯合航空公司向 Boom Supersonic 購買15架超音速飛機🛩】
聯合航空公司啱啱公佈咗會向 Boom Supersonic 買入15架超音速飛機，之後更加有機會將訂單增加到50架。 😄
不過根據聯合航空嘅安全測試結果以及 Boom 嘅生產能力，數量方面仍然可能會有變化。🤔
因為 Boom 之前未試過建造全尺寸嘅超音速噴氣式飛機。
如果 Boom 嘅 Overture 噴氣式飛機通過檢測，按計劃會喺2025年推出，2026年試飛，預計到 2029 年就可以載客。🎉
Boom 聲稱呢款超音速噴氣式飛機最終能夠將紐約飛倫敦，原本需要 7個鐘嘅飛行時間縮短到 3個半鐘。
又或者將洛杉磯到悉尼，通常 15個鐘嘅旅程縮短到 6個鐘45分鐘。 😱
Boom 曾經講過機票每位大概係5,000美金，不過聯合航空就表示依家仲未係時候宣佈定價。
除咗同聯合航空合作之外，Boom 仲同勞斯萊斯以及美國空軍簽訂咗合同或者諒解備忘錄。Boom 已經籌集咗 2.4 億美金資金，並且已經收到嚟自維珍集團（維珍亦都同時開發緊自己嘅超音速噴射式飛機）同日本航空公司嘅預訂單。👍
Boom 啱啱亦都發表咗佢哋第一架測試機 XB-1，今年內會進行首航。
XB-1 長 71 英尺，係正式版本嘅迷你試飛版。Boom 希望喺 2029 年之前可以推出載客嘅正式版。
依家呢隻測試機只係可以容納到機師，之後嘅正式版就可以容納最多 88 名乘客同機組人員。
Boom 嘅原定計劃係 2017 年開始飛行測試，希望喺 2020 年可以正式載客。
但係依家比原定時間遲咗差唔多十年。😔
自從由法國航空航天公司同英國飛機公司建造嘅和諧式飛機喺 2003 年服役 27 年後退役以嚟，已經冇任何超音速商用噴氣式飛機投入服務。
希望新機可以快啲測試成功，快啲為乘客服務。成功拉近世界各國嘅距離！🙏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
聯合航空公司啱啱公佈咗會向 Boom Supersonic 買入15架超音速飛機，之後更加有機會將訂單增加到50架。 😄
不過根據聯合航空嘅安全測試結果以及 Boom 嘅生產能力，數量方面仍然可能會有變化。🤔
因為 Boom 之前未試過建造全尺寸嘅超音速噴氣式飛機。
如果 Boom 嘅 Overture 噴氣式飛機通過檢測，按計劃會喺2025年推出，2026年試飛，預計到 2029 年就可以載客。🎉
Boom 聲稱呢款超音速噴氣式飛機最終能夠將紐約飛倫敦，原本需要 7個鐘嘅飛行時間縮短到 3個半鐘。
又或者將洛杉磯到悉尼，通常 15個鐘嘅旅程縮短到 6個鐘45分鐘。 😱
Boom 曾經講過機票每位大概係5,000美金，不過聯合航空就表示依家仲未係時候宣佈定價。
除咗同聯合航空合作之外，Boom 仲同勞斯萊斯以及美國空軍簽訂咗合同或者諒解備忘錄。Boom 已經籌集咗 2.4 億美金資金，並且已經收到嚟自維珍集團（維珍亦都同時開發緊自己嘅超音速噴射式飛機）同日本航空公司嘅預訂單。👍
Boom 啱啱亦都發表咗佢哋第一架測試機 XB-1，今年內會進行首航。
XB-1 長 71 英尺，係正式版本嘅迷你試飛版。Boom 希望喺 2029 年之前可以推出載客嘅正式版。
依家呢隻測試機只係可以容納到機師，之後嘅正式版就可以容納最多 88 名乘客同機組人員。
Boom 嘅原定計劃係 2017 年開始飛行測試，希望喺 2020 年可以正式載客。
但係依家比原定時間遲咗差唔多十年。😔
自從由法國航空航天公司同英國飛機公司建造嘅和諧式飛機喺 2003 年服役 27 年後退役以嚟，已經冇任何超音速商用噴氣式飛機投入服務。
希望新機可以快啲測試成功，快啲為乘客服務。成功拉近世界各國嘅距離！🙏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【印度警告Twitter👮♀如果唔遵守新法例🙅🏼將會面臨「意想不到」後果】
Twitter 又惹麻煩。今次係喺印度。😔
據報導，印度政府已經通知咗 Twitter，如果唔遵守印度關於社交媒體嘅新法例，佢哋可能會面對「意想不到嘅後果」。😳
印度科技部長喺6月5號向 Twitter 發出嘅一封信裏面寫到，Twitter 之前對於政府關於新法例嘅回信當中冇確實回應到公司會唔會完全遵守新法例。🤔
根據5月生效嘅印度中介指南以及數碼媒體道德準則，社交媒體公司如果唔遵守對於平台上面規管內容嘅新準則規定，可能會被控告。 😠
新法例要求 Twitter、Facebook 同 WhatsApp 等等平台喺收到政府嘅法律命令之後36小時內刪除犯規內容。
法例仲要求公司加設一名可以喺24小時內處理用戶投訴嘅職位、一名批核投訴嘅高級管理人員以及一名全日24小時同執法機構聯繫嘅聯絡人。
政府6月5號俾 Twitter 封信裏面清晰指出，公司仲未滿足新職位嘅要求，如果佢哋再唔立即處理，印度可能會要求 Twitter 對平台上面嘅內容承擔法律責任。👀
不過信裏面亦提到，為咗向 Twitter 表示善意，特別向 Twitter 發出多一次最後通知，希望佢哋可以立即遵守新法例。
其實呢幾個月 Twitter 已經好幾次同印度政府發生爭執。 不過佢哋都有配合政府某啲請求。好似今年4月嘅時候，Twitter 就應政府要求，刪除咗批評印度政府處理疫情大流行嘅貼文。
不過似乎印度政府同 Twitter 嘅關係都係時好時壞。🧐
上個月尾，印度城市德里同古拉貢嘅警察突襲 Twitter 辦公室，聲稱要調查點解某啲政府官員嘅貼文會被 Twitter 標記為「操縱媒體」/「誤導群眾」。
不過當時辦公室裏面冇任何員工，因為全部印度 Twitter 員工近期都係 work from home。
Twitter 喺自己本土美國都唔係政府話乜就做乜，究竟佢哋會唔會乖乖咁跟隨新法例做呢？真係要放長雙眼睇吓啦。😏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
Twitter 又惹麻煩。今次係喺印度。😔
據報導，印度政府已經通知咗 Twitter，如果唔遵守印度關於社交媒體嘅新法例，佢哋可能會面對「意想不到嘅後果」。😳
印度科技部長喺6月5號向 Twitter 發出嘅一封信裏面寫到，Twitter 之前對於政府關於新法例嘅回信當中冇確實回應到公司會唔會完全遵守新法例。🤔
根據5月生效嘅印度中介指南以及數碼媒體道德準則，社交媒體公司如果唔遵守對於平台上面規管內容嘅新準則規定，可能會被控告。 😠
新法例要求 Twitter、Facebook 同 WhatsApp 等等平台喺收到政府嘅法律命令之後36小時內刪除犯規內容。
法例仲要求公司加設一名可以喺24小時內處理用戶投訴嘅職位、一名批核投訴嘅高級管理人員以及一名全日24小時同執法機構聯繫嘅聯絡人。
政府6月5號俾 Twitter 封信裏面清晰指出，公司仲未滿足新職位嘅要求，如果佢哋再唔立即處理，印度可能會要求 Twitter 對平台上面嘅內容承擔法律責任。👀
不過信裏面亦提到，為咗向 Twitter 表示善意，特別向 Twitter 發出多一次最後通知，希望佢哋可以立即遵守新法例。
其實呢幾個月 Twitter 已經好幾次同印度政府發生爭執。 不過佢哋都有配合政府某啲請求。好似今年4月嘅時候，Twitter 就應政府要求，刪除咗批評印度政府處理疫情大流行嘅貼文。
不過似乎印度政府同 Twitter 嘅關係都係時好時壞。🧐
上個月尾，印度城市德里同古拉貢嘅警察突襲 Twitter 辦公室，聲稱要調查點解某啲政府官員嘅貼文會被 Twitter 標記為「操縱媒體」/「誤導群眾」。
不過當時辦公室裏面冇任何員工，因為全部印度 Twitter 員工近期都係 work from home。
Twitter 喺自己本土美國都唔係政府話乜就做乜，究竟佢哋會唔會乖乖咁跟隨新法例做呢？真係要放長雙眼睇吓啦。😏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【Facebook將會向創作者顯示Apple同Google分咗佢哋幾多錢😏】
今日鋪天蓋地都係 Apple 嘅消息。
不過喺 Apple 個大型全球開發者大會前唔夠兩個鐘，Facebook 老細 Mark Zuckerberg 都有嘢宣佈，仲要係同 Apple 有關嘅。
係咪玩針對先？😂
宣佈啲咩呢？就係 Facebook 會為平台上嘅創作者推出一個新界面。
新界面可以顯示嚟自唔同公司/服務供應商等等嘅收費會點樣影響創作者喺 Facebook 上面嘅收入。🤔
今次仲唔係針對 Apple? 近期正正就好多人投訴緊，話 Apple App Store 嘅收費過高。😏
新界面裏面可以睇到創作者所舉辦嘅網上活動總收入有幾多，扣咗幾多稅，Facebook 收佢幾多錢（$0！），Apple 收幾錢，Google 又收幾錢。👀
呢個功能確實唔錯，清清楚楚睇到條數嘅詳細紀錄。
不過 Mark 哥只係話將會推出，但冇講實際日期。
除咗呢樣之外，佢仲話嚟緊會有更多「新嘢」，敬請期待。🙏
同時 Mark 兄亦宣佈，喺 2023 年之前， Facebook 創作者們所舉辦嘅網上活動、粉絲訂閱、徽章同埋即將推出嘅獨立新聞產品都會係免費嘅。👍
呢個免費政策係延續 Facebook 舊年推出「網上活動」 "Events" 呢個新功能嗰時嘅承諾。
當時為咗幫助一啲受疫情影響收入嘅創作者，等佢哋可以攪一啲網上收費活動去幫補吓。Facebook 話至少喺 2021 年之前唔會收取任何費用。
依家仲免費到2023，今次係抵讚嘅。😘
Mark 哥補充話，就算之後要收錢，收費都會低過 Apple 同其他公司收嗰 30%。😙
Facebook 同 Apple 之前就因為 iOS 14.5 新增嘅 Apple App Tracking Transparency 功能攪到兩間公司之間有啲火藥味。💥
Facebook 極力反對呢個新功能，喺新功能推出之前仲登咗成版報紙廣告去批評呢個功能。🙅♂
之後佢哋亦要求用戶繼續容許 Facebook 紀錄用戶嘅上網活動，因為咁樣先可以幫助確保 Facebook 同 Instagram 有收入。
亦都因為有其他收入，佢哋先可以繼續提供免費服務俾各用戶們。🙇♂
.
.
.
我地開咗Facebook啦：https://bit.ly/2EpllBn
今日鋪天蓋地都係 Apple 嘅消息。
不過喺 Apple 個大型全球開發者大會前唔夠兩個鐘，Facebook 老細 Mark Zuckerberg 都有嘢宣佈，仲要係同 Apple 有關嘅。
係咪玩針對先？😂
宣佈啲咩呢？就係 Facebook 會為平台上嘅創作者推出一個新界面。
新界面可以顯示嚟自唔同公司/服務供應商等等嘅收費會點樣影響創作者喺 Facebook 上面嘅收入。🤔
今次仲唔係針對 Apple? 近期正正就好多人投訴緊，話 Apple App Store 嘅收費過高。😏
新界面裏面可以睇到創作者所舉辦嘅網上活動總收入有幾多，扣咗幾多稅，Facebook 收佢幾多錢（$0！），Apple 收幾錢，Google 又收幾錢。👀
呢個功能確實唔錯，清清楚楚睇到條數嘅詳細紀錄。
不過 Mark 哥只係話將會推出，但冇講實際日期。
除咗呢樣之外，佢仲話嚟緊會有更多「新嘢」，敬請期待。🙏
同時 Mark 兄亦宣佈，喺 2023 年之前， Facebook 創作者們所舉辦嘅網上活動、粉絲訂閱、徽章同埋即將推出嘅獨立新聞產品都會係免費嘅。👍
呢個免費政策係延續 Facebook 舊年推出「網上活動」 "Events" 呢個新功能嗰時嘅承諾。
當時為咗幫助一啲受疫情影響收入嘅創作者，等佢哋可以攪一啲網上收費活動去幫補吓。Facebook 話至少喺 2021 年之前唔會收取任何費用。
依家仲免費到2023，今次係抵讚嘅。😘
Mark 哥補充話，就算之後要收錢，收費都會低過 Apple 同其他公司收嗰 30%。😙
Facebook 同 Apple 之前就因為 iOS 14.5 新增嘅 Apple App Tracking Transparency 功能攪到兩間公司之間有啲火藥味。💥
Facebook 極力反對呢個新功能，喺新功能推出之前仲登咗成版報紙廣告去批評呢個功能。🙅♂
之後佢哋亦要求用戶繼續容許 Facebook 紀錄用戶嘅上網活動，因為咁樣先可以幫助確保 Facebook 同 Instagram 有收入。
亦都因為有其他收入，佢哋先可以繼續提供免費服務俾各用戶們。🙇♂
.
.
.
我地開咗Facebook啦：https://bit.ly/2EpllBn
【價值2,700美金機械狗幫你拎水樽😂】
諗起4腳爬爬機械狗就梗係 Boston Dynamics 啦。
不過其實佢哋並唔係唯一一間製造四腳機械人嘅公司。
中國公司 Unitree Robotics 亦都從事咗呢項工作好多年。
佢哋亦啱啱公佈咗一款最新產品：Unitree Go1，一款四腳步行機械人。Go1 價錢非常平，最平嗰款只係 2,700 美金。咁都叫平？🙈
冇錯，相比 Boston Dynamics 隻 Spot 賣74,500 美金，呢款真係平。
咁 Go1 有咩用呢？ 喺發佈嘅短片裏面可以睇到佢識得跟住主人跑步同埋幫主人帶住樽水。
其實又好似冇乜實際用途？威囉。😂
其實呢啲生產機械人嘅公司都正在探索緊唔同種類機械人嘅實際商業用途。
例如 Spot 目前就會幫手去一啲環境比較危險嘅地方做工業檢查，又或者協助警察偵察巡邏等等。 👀
不過 Unitree 就表示，希望可以令到四腳機械人嘅價錢可以好似智能電話或者無人機一樣咁平，令到佢更加普及。 所以唔好以為幫人拎水樽好無聊，佢哋正正就係想機械人可以融入大家日常生活當中。👍
呢款新嘅4腳機械人分3個版本：2,700 美金嘅 Go1 Air、3,500 美金嘅 Go1 同 8,500 美金嘅 Go1 Edu。
最貴嗰款配備最好嘅處理器同最多感應器，亦係3個版本裏面唯一一款有自己編寫程式嘅 API 。 💻
而自動跟隨同避開障礙物就3個版本都支援。
呢啲咁貴嘅機械人，究竟之後會成為人類喺工作上嘅好幫手。定係入主我哋嘅日常生活，喺屋企做「寵物」？真係要睇睇嚟緊呢幾年嘅發展，同埋...梗係睇吓個價錢係咪真係可以越賣越平啦。😏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
諗起4腳爬爬機械狗就梗係 Boston Dynamics 啦。
不過其實佢哋並唔係唯一一間製造四腳機械人嘅公司。
中國公司 Unitree Robotics 亦都從事咗呢項工作好多年。
佢哋亦啱啱公佈咗一款最新產品：Unitree Go1，一款四腳步行機械人。Go1 價錢非常平，最平嗰款只係 2,700 美金。咁都叫平？🙈
冇錯，相比 Boston Dynamics 隻 Spot 賣74,500 美金，呢款真係平。
咁 Go1 有咩用呢？ 喺發佈嘅短片裏面可以睇到佢識得跟住主人跑步同埋幫主人帶住樽水。
其實又好似冇乜實際用途？威囉。😂
其實呢啲生產機械人嘅公司都正在探索緊唔同種類機械人嘅實際商業用途。
例如 Spot 目前就會幫手去一啲環境比較危險嘅地方做工業檢查，又或者協助警察偵察巡邏等等。 👀
不過 Unitree 就表示，希望可以令到四腳機械人嘅價錢可以好似智能電話或者無人機一樣咁平，令到佢更加普及。 所以唔好以為幫人拎水樽好無聊，佢哋正正就係想機械人可以融入大家日常生活當中。👍
呢款新嘅4腳機械人分3個版本：2,700 美金嘅 Go1 Air、3,500 美金嘅 Go1 同 8,500 美金嘅 Go1 Edu。
最貴嗰款配備最好嘅處理器同最多感應器，亦係3個版本裏面唯一一款有自己編寫程式嘅 API 。 💻
而自動跟隨同避開障礙物就3個版本都支援。
呢啲咁貴嘅機械人，究竟之後會成為人類喺工作上嘅好幫手。定係入主我哋嘅日常生活，喺屋企做「寵物」？真係要睇睇嚟緊呢幾年嘅發展，同埋...梗係睇吓個價錢係咪真係可以越賣越平啦。😏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【美國、韓國、台灣麥當勞資料洩漏😳】
耐不耐就有啲大公司有資料洩漏。🤷♂
今次輪到快餐巨頭麥當勞，佢哋啱啱就被發現客戶私人資料被竊取。😳
同近期其他公司一啲網絡攻擊唔同，麥當勞話佢哋唔係中咗勒索軟件，唔需要俾贖金。💵
不過一啲美國商舖資料以及韓國同台灣一啲客戶資料就被竊取咗。🧐
麥記係喺聘請顧問去調查內部安全系統一啲未經授權活動嘅時候，無意間發現今次嘅資料洩漏。
被盜嘅美國店舖資料包括特許經營店嘅聯絡資料、店舖座位容量同遊樂區面積。
而韓國同台灣分店被盜嘅就係客戶個人資料。😱
麥記話會採取措施去通知受影響嘅機構同客戶。
佢哋強調被盜資料當中唔包含任何客戶付款資料。
麥記亦都話數據洩露冇影響到店舖正常運作。
另外有其他幾個國家都有被安全顧問喺初步調查裏面點名。🙋♂
呢幾個國家包括南非同俄羅斯嚟緊幾日都會採取措施去處理包含員工個人資料嘅文件。
今次麥當勞洩漏嘅資料唔算太過敏感，起碼冇一啲信用卡資料，客人應該唔會有金錢損失。🙏
不過亦都再一次提醒各間大公司真係要努力做好網絡保安，真係好多黑客對呢啲公司嘅資料虎視眈眈㗎！
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
耐不耐就有啲大公司有資料洩漏。🤷♂
今次輪到快餐巨頭麥當勞，佢哋啱啱就被發現客戶私人資料被竊取。😳
同近期其他公司一啲網絡攻擊唔同，麥當勞話佢哋唔係中咗勒索軟件，唔需要俾贖金。💵
不過一啲美國商舖資料以及韓國同台灣一啲客戶資料就被竊取咗。🧐
麥記係喺聘請顧問去調查內部安全系統一啲未經授權活動嘅時候，無意間發現今次嘅資料洩漏。
被盜嘅美國店舖資料包括特許經營店嘅聯絡資料、店舖座位容量同遊樂區面積。
而韓國同台灣分店被盜嘅就係客戶個人資料。😱
麥記話會採取措施去通知受影響嘅機構同客戶。
佢哋強調被盜資料當中唔包含任何客戶付款資料。
麥記亦都話數據洩露冇影響到店舖正常運作。
另外有其他幾個國家都有被安全顧問喺初步調查裏面點名。🙋♂
呢幾個國家包括南非同俄羅斯嚟緊幾日都會採取措施去處理包含員工個人資料嘅文件。
今次麥當勞洩漏嘅資料唔算太過敏感，起碼冇一啲信用卡資料，客人應該唔會有金錢損失。🙏
不過亦都再一次提醒各間大公司真係要努力做好網絡保安，真係好多黑客對呢啲公司嘅資料虎視眈眈㗎！
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【晶片短缺導致三星暫停生產Galaxy S21 FE？！😱】
近期差唔多成個科技世界都出現緊晶片慌呢個問題。連智能電話大哥三星都唔例外。😔
由於次旗艦智能電話系列 Galaxy FE 上一代好受用家歡迎，好多人都好期待今年 Galaxy S21 FE 嘅出現。
不過近期就傳嚟一個壞消息。消息指出，因為全球晶片短缺，好多智能電話生產商嘅新機推出計劃都受到影響。
而三星嘅 Galaxy S21 FE 亦都已經暫停生產。😢
呢個消息係嚟自一個可靠嘅三星爆料達人。消息話由於三星冇足夠嘅處理器分俾 Galaxy S21 FE，所以唯有暫時停止生產。
三星喺上星期五已經通知咗各零件供應商佢哋會暫停生產 S21 FE，同時取消咗相關嘅零件訂單。 🤷♂
至於係真係暫停定係直接取消推出 Galaxy S21 FE 就未有定論。
不過，主打嘅旗艦機款 Galaxy Z Fold 3、Z Flip 3 同 Galaxy Watch 4 當然冇受影響，如期喺7月或8月公佈。
Galaxy S21 FE 嘅處理器預計係使用 Snapdragon 888 同埋三星自家嘅 Exynos 2100。 喺依家晶片短缺嘅情況之下，手上嘅晶片當然係留俾8月推出嘅旗艦機款。犧牲 Galaxy S21 FE 係非常合理嘅決定。👍
而 S21 FE 暫停，令業界對三星今年下半年同下年計劃推出嘅各款大衆化中階機種（例如A系列）係咪可以如期推出有所憂慮。
究竟最終會係點？真係要睇吓嚟緊三星同高通可唔可以解決到「晶片慌」啦。之前高通就曾經講過晶片短缺可能會持續幾年時間咁耐！😩
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
近期差唔多成個科技世界都出現緊晶片慌呢個問題。連智能電話大哥三星都唔例外。😔
由於次旗艦智能電話系列 Galaxy FE 上一代好受用家歡迎，好多人都好期待今年 Galaxy S21 FE 嘅出現。
不過近期就傳嚟一個壞消息。消息指出，因為全球晶片短缺，好多智能電話生產商嘅新機推出計劃都受到影響。
而三星嘅 Galaxy S21 FE 亦都已經暫停生產。😢
呢個消息係嚟自一個可靠嘅三星爆料達人。消息話由於三星冇足夠嘅處理器分俾 Galaxy S21 FE，所以唯有暫時停止生產。
三星喺上星期五已經通知咗各零件供應商佢哋會暫停生產 S21 FE，同時取消咗相關嘅零件訂單。 🤷♂
至於係真係暫停定係直接取消推出 Galaxy S21 FE 就未有定論。
不過，主打嘅旗艦機款 Galaxy Z Fold 3、Z Flip 3 同 Galaxy Watch 4 當然冇受影響，如期喺7月或8月公佈。
Galaxy S21 FE 嘅處理器預計係使用 Snapdragon 888 同埋三星自家嘅 Exynos 2100。 喺依家晶片短缺嘅情況之下，手上嘅晶片當然係留俾8月推出嘅旗艦機款。犧牲 Galaxy S21 FE 係非常合理嘅決定。👍
而 S21 FE 暫停，令業界對三星今年下半年同下年計劃推出嘅各款大衆化中階機種（例如A系列）係咪可以如期推出有所憂慮。
究竟最終會係點？真係要睇吓嚟緊三星同高通可唔可以解決到「晶片慌」啦。之前高通就曾經講過晶片短缺可能會持續幾年時間咁耐！😩
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【YouTube 禁止酒精、賭博同政治相關廣告出現喺頭版廣告位置😏】
最近有消息報道，YouTube 嚟緊唔會再喺首頁嘅頭版廣告位刊登同酒精、賭博、政治或藥物相關嘅廣告。👍
Google 話限制呢個廣告位出咩類型嘅廣告，絕對可以為觀眾帶嚟更好嘅用戶體驗。
嗰個頭版廣告位就係喺 YouTube 網頁或 app 版嘅頂部，一開 YouTube 第一樣見到嘅就係呢個廣告。
所以禁止有關酒精、賭博或藥物廣告會更適合一般觀眾層。👨👨👧👧👨👨👦👦👩👩👧👧👩👩👦👦
至於唔放政治廣告喺頭版，當然係因為唔想再有任何爭議性嘅事件出現啦。🙅🏼
好似2020年美國總統大選其間，Trump 就買咗一連三日 YouTube 頭版廣告。有輿論就話咁樣會有影響投票結果嘅可能。
根據 YouTube 介紹，頭版廣告可以覆蓋大規模觀眾同埋引起大量觀眾關注。👀
喺今次新限制之前，Google 已經為用戶提供咗限制 YouTube 上睇到酒精同賭博相關廣告數量嘅選項。
舊年 Google 亦都已經改咗頭版廣告嘅顯示方式。唔再好似以前咁，一個頭版廣告可以保留一整日。
其實咁多年嚟，Google 一直都喺顯示同唔顯示咩廣告內容之間搵緊一個平衡位。
佢哋又唔可以唔篩選，咩廣告都顯示俾所有用戶。但係廣告又係佢哋收入嘅一大來源。🤷♂
冇幾耐之前，Google 已經禁止咗一啲使用仇恨言論作為關鍵字、錯誤政治信息同埋關於疫情陰謀論嘅廣告。
同時 Google 嘅廣告業務亦越嚟越受到各地政府嘅關注同審查，好多國家都認為係時候要推出反壟斷法去「對付」Google 一人獨大嘅情況。🧐
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
最近有消息報道，YouTube 嚟緊唔會再喺首頁嘅頭版廣告位刊登同酒精、賭博、政治或藥物相關嘅廣告。👍
Google 話限制呢個廣告位出咩類型嘅廣告，絕對可以為觀眾帶嚟更好嘅用戶體驗。
嗰個頭版廣告位就係喺 YouTube 網頁或 app 版嘅頂部，一開 YouTube 第一樣見到嘅就係呢個廣告。
所以禁止有關酒精、賭博或藥物廣告會更適合一般觀眾層。👨👨👧👧👨👨👦👦👩👩👧👧👩👩👦👦
至於唔放政治廣告喺頭版，當然係因為唔想再有任何爭議性嘅事件出現啦。🙅🏼
好似2020年美國總統大選其間，Trump 就買咗一連三日 YouTube 頭版廣告。有輿論就話咁樣會有影響投票結果嘅可能。
根據 YouTube 介紹，頭版廣告可以覆蓋大規模觀眾同埋引起大量觀眾關注。👀
喺今次新限制之前，Google 已經為用戶提供咗限制 YouTube 上睇到酒精同賭博相關廣告數量嘅選項。
舊年 Google 亦都已經改咗頭版廣告嘅顯示方式。唔再好似以前咁，一個頭版廣告可以保留一整日。
其實咁多年嚟，Google 一直都喺顯示同唔顯示咩廣告內容之間搵緊一個平衡位。
佢哋又唔可以唔篩選，咩廣告都顯示俾所有用戶。但係廣告又係佢哋收入嘅一大來源。🤷♂
冇幾耐之前，Google 已經禁止咗一啲使用仇恨言論作為關鍵字、錯誤政治信息同埋關於疫情陰謀論嘅廣告。
同時 Google 嘅廣告業務亦越嚟越受到各地政府嘅關注同審查，好多國家都認為係時候要推出反壟斷法去「對付」Google 一人獨大嘅情況。🧐
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【2021年上半年顯示卡有25%客人係加密貨幣礦工⛑⛏】
呢兩年加密貨幣挖礦非常盛行，連帶相關嘅硬件銷量亦都持續增加。🦾
2020年購買電腦顯示卡其中一班主力客戶就係挖礦嘅「礦工」。照推測今年呢個趨勢只會有增無減。📈
根據一份最新嘅研究報告顯示，單單今年第一季，嚟自世界各地嘅礦工們已經買咗大約 700,000 張高階同中階嘅顯示卡，總值大約50億美金。😱
而呢個數字係冇包含一啲業餘礦工，例如一啲遊戲玩家或者其他耐不耐先會使用顯示卡進行挖礦活動嘅用戶。
其他用喺一般電腦上面嘅顯示卡亦冇計算喺呢個數字裏面。
數字只係計算咗一啲專用挖礦設備嘅顯示卡銷量。👀
生產商 Nvidia 亦專門為挖礦人士推出一款針對挖礦活動嘅「挖礦卡」。
相反另一間大廠 AMD 暫時仲未有對加密貨幣挖礦嘅龐大需求採取任何行動。
睇嚟佢哋並唔想將公司嘅業務太過偏重喺加密貨幣挖礦嘅客戶上面。反正顯示卡市場除咗挖礦用戶之外，其他用戶群嘅需求仍然算蓬勃。👍
不過無可否認，加密貨幣礦工仍然係顯示卡銷量同需求嘅主要推動力。
Nvidia 最近亦加大咗挖礦卡嘅產量，不過加密貨幣市場升升跌跌，嚟緊下半年礦工對顯示卡嘅需求究竟係會繼續增加，定係會下跌呢？🤔
真係冇人知，唔知 Elon Musk 知唔知呢？😂
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
呢兩年加密貨幣挖礦非常盛行，連帶相關嘅硬件銷量亦都持續增加。🦾
2020年購買電腦顯示卡其中一班主力客戶就係挖礦嘅「礦工」。照推測今年呢個趨勢只會有增無減。📈
根據一份最新嘅研究報告顯示，單單今年第一季，嚟自世界各地嘅礦工們已經買咗大約 700,000 張高階同中階嘅顯示卡，總值大約50億美金。😱
而呢個數字係冇包含一啲業餘礦工，例如一啲遊戲玩家或者其他耐不耐先會使用顯示卡進行挖礦活動嘅用戶。
其他用喺一般電腦上面嘅顯示卡亦冇計算喺呢個數字裏面。
數字只係計算咗一啲專用挖礦設備嘅顯示卡銷量。👀
生產商 Nvidia 亦專門為挖礦人士推出一款針對挖礦活動嘅「挖礦卡」。
相反另一間大廠 AMD 暫時仲未有對加密貨幣挖礦嘅龐大需求採取任何行動。
睇嚟佢哋並唔想將公司嘅業務太過偏重喺加密貨幣挖礦嘅客戶上面。反正顯示卡市場除咗挖礦用戶之外，其他用戶群嘅需求仍然算蓬勃。👍
不過無可否認，加密貨幣礦工仍然係顯示卡銷量同需求嘅主要推動力。
Nvidia 最近亦加大咗挖礦卡嘅產量，不過加密貨幣市場升升跌跌，嚟緊下半年礦工對顯示卡嘅需求究竟係會繼續增加，定係會下跌呢？🤔
真係冇人知，唔知 Elon Musk 知唔知呢？😂
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【Snapchat 終於決定刪除汽車測速濾鏡❌】
Snapchat 終於決定刪除一個被受爭議嘅車速濾鏡。呢個濾鏡一直以嚟被指責鼓勵魯莽駕駛。😔
測速濾鏡喺八年前推出，用戶可以喺拍攝嘅照片或短片裏面顯示到駕駛速度。
一路以嚟好多人都指責呢個濾鏡鼓勵咗 Snapchat 用戶危險駕駛。因為好多人為咗炫耀自己開車有幾快而使用呢個 Snapchat 濾鏡。😐
其實之前都有人因為用呢個濾鏡而造成交通意外。其中一啲受害者更加對 Snapchat 告上法庭。💪
而 Snapchat 就話取消呢個濾鏡係因為依家已經「冇乜人用」。
佢哋會喺今個星期開始取消車速濾鏡。
喺2016年亞特蘭大，一個18歲嘅女仔以時速107英里撞向一架Uber車，令到司機嚴重腦損傷。
資料顯示個女仔喺車禍發生嘅時候，佢正正就係用緊 Snapchat 呢個測速濾鏡。😳
另外2015年喺費城發生一宗導致三名婦女死亡嘅車禍以及另一宗2016年佛羅里達州發生，導致三名男子喪生嘅撞車意外當中，其中一名受害者喺撞車前拍低咗一幅時速123英里嘅 Snapchat。
由於接二連三發生意外，Snapchat 喺個濾鏡度加咗一行提醒字句：「開車請勿拍照。」🙏
亦將最高分享時速限制喺35英里。
早前聯邦上訴法院裁定，喺威斯康辛州意外當中遇難者嘅家屬有權起訴 Snapchat 疏忽。
不過早幾日 Snapchat 就呼籲撤銷案件，聲稱唔應該將呢啲致命車禍歸咎於佢哋個濾器。
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
Snapchat 終於決定刪除一個被受爭議嘅車速濾鏡。呢個濾鏡一直以嚟被指責鼓勵魯莽駕駛。😔
測速濾鏡喺八年前推出，用戶可以喺拍攝嘅照片或短片裏面顯示到駕駛速度。
一路以嚟好多人都指責呢個濾鏡鼓勵咗 Snapchat 用戶危險駕駛。因為好多人為咗炫耀自己開車有幾快而使用呢個 Snapchat 濾鏡。😐
其實之前都有人因為用呢個濾鏡而造成交通意外。其中一啲受害者更加對 Snapchat 告上法庭。💪
而 Snapchat 就話取消呢個濾鏡係因為依家已經「冇乜人用」。
佢哋會喺今個星期開始取消車速濾鏡。
喺2016年亞特蘭大，一個18歲嘅女仔以時速107英里撞向一架Uber車，令到司機嚴重腦損傷。
資料顯示個女仔喺車禍發生嘅時候，佢正正就係用緊 Snapchat 呢個測速濾鏡。😳
另外2015年喺費城發生一宗導致三名婦女死亡嘅車禍以及另一宗2016年佛羅里達州發生，導致三名男子喪生嘅撞車意外當中，其中一名受害者喺撞車前拍低咗一幅時速123英里嘅 Snapchat。
由於接二連三發生意外，Snapchat 喺個濾鏡度加咗一行提醒字句：「開車請勿拍照。」🙏
亦將最高分享時速限制喺35英里。
早前聯邦上訴法院裁定，喺威斯康辛州意外當中遇難者嘅家屬有權起訴 Snapchat 疏忽。
不過早幾日 Snapchat 就呼籲撤銷案件，聲稱唔應該將呢啲致命車禍歸咎於佢哋個濾器。
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【Clubhouse 最新估價值 40億美金😱】
事實證明只要有好嘅 idea 而又搶到先機將佢實現出嚟。發達不是夢。👍
據報導，作為語音社交媒體嘅先鋒，Clubhouse 估值達到40億美金，而幾個月前只係值10億。
自從5月尾推出 Android 版本以嚟，Clubhouse 已經增加咗600幾萬用戶。2月份到依家，用戶平均每日喺 Clubhouse 花嘅時間仲有所增加，已經達到每日超過60分鐘。 👀
留意番，今時今日 Clubhouse 都仲係要邀請碼先可以玩到，即係如果之後開放俾所有人，用戶人數應該會更多。😚
不過隨住新鮮感減退，再加上其他競爭對手嘅出現。Clubhouse 係咪真係仲會持續受歡迎呢？😏
Spotify 啱啱就推出咗 Spotify Greenroom，裏面會有一啲歌手或者音樂人同大家語音分享。🎤
另外 Twitter 亦推出咗類似嘅功能 - Spaces。
Facebook 同 IG 當然都唔會執輸啦。Audio Rooms 同 Reels 都非常有潛力。話哂 Facebook 同 IG 所擁有嘅用戶人數確實唔講得笑。🧐
最終邊個會成功搶佔呢個語音社交媒體市場呢？定係好快就冇人再玩？
究竟會係「原創者」定係「參考」嘅後來者呢？真係要放長雙眼睇真啲。😎
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
事實證明只要有好嘅 idea 而又搶到先機將佢實現出嚟。發達不是夢。👍
據報導，作為語音社交媒體嘅先鋒，Clubhouse 估值達到40億美金，而幾個月前只係值10億。
自從5月尾推出 Android 版本以嚟，Clubhouse 已經增加咗600幾萬用戶。2月份到依家，用戶平均每日喺 Clubhouse 花嘅時間仲有所增加，已經達到每日超過60分鐘。 👀
留意番，今時今日 Clubhouse 都仲係要邀請碼先可以玩到，即係如果之後開放俾所有人，用戶人數應該會更多。😚
不過隨住新鮮感減退，再加上其他競爭對手嘅出現。Clubhouse 係咪真係仲會持續受歡迎呢？😏
Spotify 啱啱就推出咗 Spotify Greenroom，裏面會有一啲歌手或者音樂人同大家語音分享。🎤
另外 Twitter 亦推出咗類似嘅功能 - Spaces。
Facebook 同 IG 當然都唔會執輸啦。Audio Rooms 同 Reels 都非常有潛力。話哂 Facebook 同 IG 所擁有嘅用戶人數確實唔講得笑。🧐
最終邊個會成功搶佔呢個語音社交媒體市場呢？定係好快就冇人再玩？
究竟會係「原創者」定係「參考」嘅後來者呢？真係要放長雙眼睇真啲。😎
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【全宇宙第一款太空洗衣粉🚀】
有冇人諗過太空人係點洗衫㗎？🤔
答案原來係，佢哋冇得洗衫嘅。咁點算？咪一件衫著多幾次，同埋帶定多啲衫上太空囉。 😳
不過呢個情況可能會有改變啦，因為洗衣粉品牌 Tide 正在同 NASA 合作開發緊世界上第一款可以喺太空用嘅洗衣粉。 🎉
呢款可完全分解嘅洗衣粉，功能除咗一般去除污漬同氣味之外，最重要梗係可以喺國際太空站上面嘅密閉式供水系統當中正常使用。🛰
製成品好快就會喺地球作初步測試。而 NASA 預計 2022 年就會喺國際太空站上面正式測試 Tide 呢款「太空」清潔劑。 👍
名為 "Mission PGTide" 嘅測試計劃亦會使用 Tide 其他清潔產品，例如：去污筆同去污抹布去衡量清潔劑嘅成分喺太空嘅穩定性同去污成分嘅有效性。
其他研究更加會探討研發可用喺長期月球同火星任務嘅洗衣乾衣機組合嘅可能性。🧐
呢項新發明對太空任務絕對係非常有幫助。有咗清潔劑之後，太空人們可以喺盡量減少使用有限水源嘅情況下又可以清潔衣服。
亦可以節省國際太空站同太空船嘅重量同空間，因為 NASA 可以唔需要運咁多衫上太空。🚀
另一方面，其實對地球都有幫助。 因為呢款清潔劑係可以完全分解，自然就更加環保，同時亦可以減少浪費同節約用水。
外太空同地球都有得益，要俾個 Like 呀! 👍
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
有冇人諗過太空人係點洗衫㗎？🤔
答案原來係，佢哋冇得洗衫嘅。咁點算？咪一件衫著多幾次，同埋帶定多啲衫上太空囉。 😳
不過呢個情況可能會有改變啦，因為洗衣粉品牌 Tide 正在同 NASA 合作開發緊世界上第一款可以喺太空用嘅洗衣粉。 🎉
呢款可完全分解嘅洗衣粉，功能除咗一般去除污漬同氣味之外，最重要梗係可以喺國際太空站上面嘅密閉式供水系統當中正常使用。🛰
製成品好快就會喺地球作初步測試。而 NASA 預計 2022 年就會喺國際太空站上面正式測試 Tide 呢款「太空」清潔劑。 👍
名為 "Mission PGTide" 嘅測試計劃亦會使用 Tide 其他清潔產品，例如：去污筆同去污抹布去衡量清潔劑嘅成分喺太空嘅穩定性同去污成分嘅有效性。
其他研究更加會探討研發可用喺長期月球同火星任務嘅洗衣乾衣機組合嘅可能性。🧐
呢項新發明對太空任務絕對係非常有幫助。有咗清潔劑之後，太空人們可以喺盡量減少使用有限水源嘅情況下又可以清潔衣服。
亦可以節省國際太空站同太空船嘅重量同空間，因為 NASA 可以唔需要運咁多衫上太空。🚀
另一方面，其實對地球都有幫助。 因為呢款清潔劑係可以完全分解，自然就更加環保，同時亦可以減少浪費同節約用水。
外太空同地球都有得益，要俾個 Like 呀! 👍
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
【Instagram 正在測試電腦版「新」功能 😂】
IG 一路以嚟都好似係屬於手機嘅 app.📱
不過其實網頁版都唔少人用。但係到依家為止網頁版都仲係缺少咗一個好重要嘅功能，就係出 post. 😳
冇錯，用瀏覽器登入網頁版 IG 只能睇 post，不能出 post.
終於，Instagram 被網友發現咗正在測試緊使用瀏覽器出 post 呢個功能。👍
有媒體查詢之後，Facebook 亦證實咗佢哋真係做緊呢樣嘢。 發言人話公司知道其實有好多人透過電腦使用 Instagram，為咗改善電腦用戶嘅使用體驗，IG 正在測試使用各款唔同瀏覽器出 post 嘅功能同穩定性。👏
喺測試版嘅界面度可以見到，相片可以選擇打橫或者打直。亦可以使用 IG 內置嘅濾鏡同相片編輯功能。
雖然暫時只係得少部分人可以進行測試。但係測試版面嘅右上角，好明顯咁標明咗一句「依家你可以直接喺電腦出 post 或者分享 post」。
睇嚟 IG 一定會將呢項「新」功能開放俾更多人使用。💪
以過往嘅經驗所得，Instagram 喺推出新功能呢件事上面一路都唔太注重網頁版。😞
好似私信呢個喺手機 app 有咗好耐嘅功能，網頁版都係舊年先至正式有得用。 🧐
不過依家好多公司都會使用唔同嘅社交平台去宣傳。由於之前一路都唔可以用電腦出 post，攪到好多負責管理公司 IG 帳戶嘅人都要依賴一啲第三方工具方便自己工作。
睇嚟 IG 終於都明白自己個 app 依家已經唔係局限喺手機上面，係時候要好好咁提升吓網頁版嘅功能，快啲同手機版睇齊啦！🙏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏
IG 一路以嚟都好似係屬於手機嘅 app.📱
不過其實網頁版都唔少人用。但係到依家為止網頁版都仲係缺少咗一個好重要嘅功能，就係出 post. 😳
冇錯，用瀏覽器登入網頁版 IG 只能睇 post，不能出 post.
終於，Instagram 被網友發現咗正在測試緊使用瀏覽器出 post 呢個功能。👍
有媒體查詢之後，Facebook 亦證實咗佢哋真係做緊呢樣嘢。 發言人話公司知道其實有好多人透過電腦使用 Instagram，為咗改善電腦用戶嘅使用體驗，IG 正在測試使用各款唔同瀏覽器出 post 嘅功能同穩定性。👏
喺測試版嘅界面度可以見到，相片可以選擇打橫或者打直。亦可以使用 IG 內置嘅濾鏡同相片編輯功能。
雖然暫時只係得少部分人可以進行測試。但係測試版面嘅右上角，好明顯咁標明咗一句「依家你可以直接喺電腦出 post 或者分享 post」。
睇嚟 IG 一定會將呢項「新」功能開放俾更多人使用。💪
以過往嘅經驗所得，Instagram 喺推出新功能呢件事上面一路都唔太注重網頁版。😞
好似私信呢個喺手機 app 有咗好耐嘅功能，網頁版都係舊年先至正式有得用。 🧐
不過依家好多公司都會使用唔同嘅社交平台去宣傳。由於之前一路都唔可以用電腦出 post，攪到好多負責管理公司 IG 帳戶嘅人都要依賴一啲第三方工具方便自己工作。
睇嚟 IG 終於都明白自己個 app 依家已經唔係局限喺手機上面，係時候要好好咁提升吓網頁版嘅功能，快啲同手機版睇齊啦！🙏
.
.
.
我地開咗Facebook啦：https://bit.ly/2EpllBn
MeWe一樣可以搵到我哋，快啲去加入啦！😊😊😊
https://mewe.com/p/muddleup乜都噏