نوايا شهر 9

🙏انوي السماح لنفسي

❤️ بإنهاء كل ما هو معلق في حياتي
ويعيق اهدافي ونواياي بلطف وسهولة ويسر

❤️ انوي السماح برحيل كل شخص او شعور او هدف يعيقني بالحياة بلطف وسهولة ويسر

❤️ انوي بصنع المساحة والفراغ لتجلي نواياي في حياتي
باختيار بدايات جديدة لكل ما ينتهي...... بتدرج

❤️ انوي بانهاء كل عادة غير صحية تضر بصحتي وتؤثر بي

وبنهاية كل شعور بالخوف او الكسل او التخاذل فيما يتعلق بنواياي في الحياة
💜
#مريم الدخيل

دفعة أمل 😂😂
لكل متابع سألني..... شلون يستمر ويحسن من نفسه 💪❤️

لقاء مثمر بمشاعر نقية مع بعض أروع وأجمل البابليات....

حجينا عن محاور رئيسية بدور كبير على عاتق الإنسانة الواعية ...

اللقاء كان لقاء أرواح متقاربة الكل كان يتحدث بما يريد وشعرنا أننا في نفس الأفكار والتطلعات والاهتمامات التي تصب بمسار واحد وهو وعي المرأة وتأثير ذلك على المجتمع سواء بميدان ثقافي،إعلامي، أدبي أو تنموي...👌🙏🦋

وكان من جانبنا كبابليات البحث عن طرق بسيطه وعلاجية حتى نحسن من الصورة المجتمعية للمرأة...🤍

كان الحوار على هدف محدد و واضح عند الحضور هو كيف نكون مؤثرين بصورة مستمرة و واضحة...
شكر وتقدير وحب كبير للحضور جميعاً
وللسيدة علياء الأنصاري ❤️🥰

إلي كان كلامها غاية في الأهمية لتحديد أولويات المنتدى مع مد يد العون بكل ما يتعلق بالمنتدى وكأنها الأم الحانية بحب غير مشروط


احبكم في الله ❤️
#وعي
#أبدا_بذاتك
#زهراء_حمزة

#قصة_تجربة

صباح الخير
  اني. اكتب هاي الرساله. وهي طالعه من كل قلبي وبكل صدق ..
لعل انو احد يستفاد  منها وقبل كلشي شكر  لله ولست زهراء  الي جانت  سبب  بنقلي من مرحله. اجيتها حرفيا اركض

اني جنت بالبدايه ابحث عن شخص آخر بس مرات.  احنه منكون واعين ونتوكل على الله لانو  بعدين نكتشف فعلا الله يكتبلنا الافضل. ...

والحمد لله ربي. رسلها الي  بهذا الوقت

جنت. جايتها واني ماعندي ثقه ماحس بسعاده   دادمر حياتي. بأيدي. 

اني مخطوبه لشخص يتمنى يبوس التراب الامشي عليه واني  اصده واجرحه وادمر علاقتي وحياتي مستقبليه بأيدي  بسبب عدم حبي لنفسي.
واحس مااستحق هالحب   مجنت واعيه ولا اعرف هشي ولا جنت اعرف الخلل
من. منو. ...
جنت اعصب على أقل استفزاز من اهلي من أصدقاءي  احس محد يحبني محد يتمنالي الخير   ..

لحد ما اجيت يم ست زهراء  اول  صفعه الي. جانت.
انو.  عوفي العالم معليج بيهم   ومعليج  بتصرفاتهم 
وحبهم وتعاملهم هشي مو هو المؤثر على سعادتج..

شلون لعد  عليمن. اذب  صوج  احزاني  😂😂

بصعوبه. بصعوبه كدرت اتخلى عن هالشي  اني من نوع الي اهرب من مواجهه نفسي بنوم  بالكسل بس هي احلى  شي جانت يوم بيوم ويايه. متخليني اشرد😂😂  

كالتلي الحب والسعاده يجون من داخل انت متحبين نفسج  وعرفت انو صدك بسبب ترومات  اني ماحب نفسي

🙂واشوف نفسي ما استحق وبلشنا احلى فتره فتره المتابعه💧

  وبديت اشوف نتائج وانبهر.

👈 بديت ما اعصب. بديت اراقب وهذا احلى شي علمته الي ... بديت اغوص بداخلي واشوف شنو مشاكل. 
نقلتني  من الإنكار والكسل والهروب للمواجهه   خلتني احب نفسي  وهذا اهم شي
  مأكول صرت ميه ميه.☺️

وبدون مشاكل بس كمت اعرف شلون اعالجها اعرف شنو سبب مشاكل 

جانت مثل   معلمه    علمتني اقرء   وصرت اقرءكلشي وحدي فشكر لله. وشكر الها  واتمنى   هوايه يستفادون  مثل ما اني استفاديت  واتمنى  حياه جميله الها لانو تستاهل 🥹💞 وللجميع  حب كبير  الها🙏🥀

س/ ليش اتغير فترة  للأحسن وأرجع مثل قبل نفس الشيء 😭؟


بالدرجة الأساس و أهم قاعدة وحسب رأي الشخصي وما طبقته بنفسي ومع المتابعين

👌هي النية في التغير👌


احيانا تكون النية بس لكسر روتين معين أو حب لتغيير المشاعر من الركود وهنا تكون ضعيفة و متذبذبة

النية القوية الناتجة من ظرف قاهر /صدمة /الم/
هي أقوى في التأثير و أسرع في النتائج👍👍❤️

لذا أغلب من يتعرض لصدمة شديدة تأكد من أنها رسالة من الله الك للتغير

لأن إحنا مخلوقات نمو و ما يناسبنا التوقف عند حد معين
والوقت
هو الكفيل بالاستقبال للجديد وايضا هو مسؤول عن كسر التوقف والرتابة

ولا يمكن الحصول على نتائج بلا توفيقات ربانية لهذا أذكر متابعيني الأحباء أذا ما تنفع وياك أي تطبيقات
توجه إلى طاقة عليا تحثك على التغير بطريقة تناسب مرحلتك الحالية
لا تستعجل فقط أنوي على أن تكن مستقبل لكل ما يتناسب مع وضعك

دمتم بوعي وحب وخير
احبكم في الله

#وعي
#أبدا_بذاتك
#زهراء_حمزة

ليلة جمعة مباركة على الجميع 🤍
متابعيني الأعزاء....انتظروا كل الخير من رب العالمين...

هذه رسالة مني لكم ولكل من تواصل معي وهو في حالة من الكآبة والحزن

....ولطفا... لطفا انتبهوا.... لافكاركم و انتوا تحكموا بيها مو العكس 💗🌹

حتى الأشخاص إلي يعتبرون نفسهم انطوائيون هم مبرمجين على التواصل.... وتطور البشرية حصل نتيجة مجتمعات كانت متماسكة ومتفاعلة مع بعض

بالوقت هذا صار التواصل وجها لوجه والسوالف وي غيرنا صعبة أو قليلة رغم الإنفتاح الكبير على كل العالم

وأحد اهم المشاعر الحلوة إلي فقدناها هي التواصل وي الطبيعة الخلابة

تقريباً صار هذا الشيء هو العادي والمتعارف أنه محد يطلع من البيت أو حتى بالحديقة

وممكن يبين هالموضوع عادي جدا ميحتاج ذكر او حتى طرح

لكن وللأسف الشديد تاثيره باااالغ لحد متتوقعوا
التواصل وي الطبيعة يطلق توازن خلاق للبشرية يشبها...
توازن من الهدوء والاستقرار النفسي والاجتماعي
توزان يخلينا نشعر بانسانيتنا لذلك أذكر نفسي واذكركم بالفترة هذه بالذات الهواء عليل ....

انطوا فرصة لنفسكم ولو لخمس دقائق بعيداً عن مواقع التواصل
بعيداً عن تلوث الأخبار لحظة بلحظة
لطفاً...
تواصلوا وي الطبيعة على قدر الإمكان.....
دكتور إيهاب حمارنه يكول.....
لحد يتكلم ويكول أعرف 🤷‍♀ إلي يعرف لازم مطبق والتطبيق يبين بس بالنتائج الواقعية.....بمعنى من تكول ادري التواصل وي الطبيعة مهم جداً..... بس أنت بعيد كل البعد شعوريا ونفسياً عن كل توازن وي نفسك و الآخرين....
أذا أنت غير مطبق شيء من معرفتك إلي تتحدث عنها
لطفا....انتبهوا....🙏🤍

ملاحظة/1- الصور حقيقية من أحد المتابعين الأعزاء.

2- إني ما أملك حديقة لكن بشكل يومي اتواصل مع الطبيعة بالنظر إلى السماء واستنشاق هواء نقي بالتفكير بجمال ما أبدع الخالق سبحانه وتعالى.
لا تنسون على قدر المتاح والمستطاع اصنعوا عالم متوازن

#وعي
#أبدا_بذاتك
#زهراء_حمزة