شكرا استاذ كل يوم منك تعلمنا ان للنجاح قيمه ومعنى شكرا على عطائك الدائم وعلى كل شيء جميل تعلمناه منك.. بالتفوفيق استاذنه العزيز ✨

شكرا استاذ ما قصرت ربي يوفقك بكل خطوة تخطيها🤍

يممه بچيت المادة الوحُيدة الي ما اتمناها تخلص وتنتهي لحد ليلة الأمتحان
الله يوفقك استاذ ابد مقصرت ويانا وچنت ونعَم الأستاذ والأب والأخ والصديق
اسأل الله تعالى أن يوفقك بحياتك ويناولك الي تتمنى

عاشت أيدك استاذ وماقصرت ابد وكنت كد حجايتك ووعدك لإكمال المنهج ربي يحفظك ويسلمك ودائما راح نتذكرك بالخير وكل الود والاحترام لك استاذ ❤

كل التوفيق يارب استاذ وان شاء نجازيك بنهاية السنه صارلي سنتين وياك حتبقه اكثر استاذ بقه اثر بداخلي💕

يممه بچيت المادة الوحُيدة الي ما اتمناها تخلص وتنتهي لحد ليلة الأمتحان
أستاذ محمــد هادي العامري
چان النا ونعم الأستاذ والأب والأخ والصديق
فــ اسأل الله تعالى أنُ يناولة كُل الي يتمنى
وأشوفة بــ ارقة مكان السنة القادمة 🫂!

سلام عليكم استاذ انتهى المنهج وياك صح اني اليوم ممداومه بس الحمدلله من درستنه عربي خليتنه نحفض ونفهم الماده الله يوفقك ان شاء الله وتفرح باطفالك وان شاء الله نرجعلك تعبك ب وزاري لان صدك تعبت ويانه

شكرا استاذ ع كلشي قدمته النه هاي السنه وما قصرت ويانه ابدد تعبت هوايي ويانه واسهل ماده جانت الي هاي السنه هيه العربي شرحك وطريقه شرحك للماده خليتنا نشوف العربيي هوه اسهل ماده بلسادس الله يوفقك بكل خطوه تخطيها ياربي ويفرحك بنتك وان شاء لله نفرحك بنجاحنا وبمعدل عالي 🤍🤍.

بالرغم انو الضروف ماخلتني اكدر ابقى بنفس المدرسة، ومجمل الدرسته عندك محاضرتين، الا انك تركت اثر جميل وخلاني منبهرة بكمية الابداع والجهد الي تبذله حتى الطالب يفهم، كل الاحترام الك استاذ كبير

مع نهاية هذا العام الدراسي، أود أن أتقدم بخالص الشكر والامتنان لأستاذي الفاضل لاجهودهُ العظيمة وعطائه المستمر. لقد كنت لنا أكثر من مجرد معلم، كنت قدوةً ومصدر إلهام، تزرع فينا حب العلم والتفوق.

شكرًا لك على صبرك، على شرحك الوافي، وعلى دعمك لنا في كل خطوة. مهما قلنا من كلمات، لن نوفيك حقك، ولكن يكفينا أن نؤكد لك أنك ستبقى دائمًا في قلوبنا وعقولنا. نسأل الله أن يبارك فيك، ويمنحك الصحة والعافية، ويوفقك في كل دروب حياتك.

دمت لنا معلمًا وأبًا روحيًا نفخر به دائمًا... 🩶

الحمدالله وشكر خلص المنهج بفضلك وبفضل جهودك استاذ كلش جانت ايام حلوه وياكم وانتَ ما قصرت ويانه ابد استاذ شكراً لجهودك وان شاء الله بميزان حسناتك ابد ماقصرت ويانه وحفظتنه شغله شغله بنص درس وبسطت النا الماده كلش هواي صار الشرح وياك اسهل
ان شاء الله السنه التجي اجي ابشرك بمعدل عالي يارب 🤍.

شكرا استاذ
والله خلصنا ودمعه بعيني لان انت الوحيد الي نطيت الماده استحقاقه من جنت تشرح من كل كلبك ومن تشوفنا تعبانين تحاول تغير الجو بضحكه ومراح انسئ تعبك وحرصك علينا ودعائك النا اريد رب العالمين ميضيع تعبك ونشالله نرفع راسك لأن تستحق لأن انت (ملك العربي) هاي رساله قليله بحقك جد انت اسطوره ✨✨

هاي رساله واني طالبه سادس
ان شالله ارسلك واني محققه حلمي بس يحتاج دعائكم❤️
لان حرفيا حنقطع عن العالم

دعائي لكم بالنجاح الباهر والمستقبل الزاهر👆👆👆👆👆

عيدكم مبارك … وكل عام و أنتم بألف خير.