ኩባንያችን የፕላቲንየም ስፖንሰር የሆነበት፣ በኢትዮጵያ አትሌቲክስ ፌዴሬሽን የተዘጋጀው 18ኛው የኢትዮጵያ ግማሽ ማራቶን ውድድር በታላቅ ድምቀት ተከናወነ።
            
የኩባንያችን ድጋፍ የሀገራችንን ስም በዓለም አቀፍ መድረክ የሚያስጠሩ አዳዲስና ተተኪ አትሌቶችን የማፍራት ሀገራዊ ራዕይን እውን ለማድረግ ያለመ ነው።

በቀጣይም ለሀገራችን አትሌቲክስ እድገት የምናደርገውን ትርጉም ያለው ድጋፍ አጠናክረን የምንቀጥል መሆኑን እንገልጻለን።

#Ethiopia #Athletics #Marathon
#DigitalEthiopia #GSMA

ኩባንያችን በዛሬው ዕለት ከማይክሮ ፋይናንስ ተቋማት እና ከአነስተኛ ብድርና ቁጠባ ሕብረት ሥራ ማኅበራት ተወካዮች ጋር አውደ ጥናት አካሄደ።

የማይክሮ ፋይናንስ ተቋማትን ማብቃት "Empowering Microfinance Institutions" በሚል መሪ አጀንዳ በተዘጋጀው በዚህ አውደ ጥናት፣ የአነስተኛ ብድርና ቁጠባ ተቋማትን እንዲሁም የሕብረት ሥራ ማኅበራትን በእጅጉ የሚያዘምነው ክላውድን መሠረት ያደረገ የኮር ባንኪንግ የዲጂታል መፍትሔ (Cloud-Powered Core Banking) ላይ ሰፊ ገለጻ ተደርጓል።

በመቀጠልም የቴሌብርን አስደማሚ ጉዞ ከደንበኞች አገልግሎት ተደራሽነት እንዲሁም ከማይክሮ ፋይናንስ ተቋማት እና ከአነስተኛ ብድርና ቁጠባ ሕብረት ሥራ ማኅበራት ትብብር አንጻር "telebirr partnership with MFIs" በሚል መሪ ሃሳብ ማብራሪያ ተሰጥቷል።

ቴሌብርን ጨምሮ የዲጂታል መፍትሔዎቹ የተቋማቱን ምርታማነት በማሳደግ፣ አሰራራቸውን በማዘመን ቀልጣፋ እና ደኅንነቱ የተጠበቀ አገልግሎት ለደንበኞቻቸው መስጠት የሚያስችላቸው እንዲሁም ለተጠቃሚ ቀላልና ምቹ መሆኑ ተብራርቷል።

በአውደ ጥናቱ ላይ የኩባንያችን ከፍተኛ አመራሮችን ጨምሮ ጥሪ የተደረገላቸው የማይክሮ ፋይናንስ ተቋማት እንዲሁም የአነስተኛ ብድርና ቁጠባ ሕብረት ሥራ ማኅበራት ተወካዮች ተሳትፈዋል።

#EmpoweringMicrofinanceInstitutions #Ethiotelecom #telebirr #DigitalAfrica #DigitalEthiopia #RealizingDigitalEthiopia