ኩባንያችን በ“ቀጣዩ አድማስ” ስትራቴጂ የመጀመሪያ ዓመት ተግባራዊ የሚያደርገውን የ2018 በጀት ዓመት ዓመታዊ የቢዝነስ እቅዱን በትላንትናው ዕለት ይፋ አድርጓል፡፡

በበጀት ዓመቱ በርካታ የመሰረተ ልማት ማስፋፊያዎችን ለማከናወን ዕቅዶችን የያዘ ሲሆን፣ የ4G አገልግሎት ጣቢያዎችን በመጨመር የህዝብ ሽፋንን ወደ 85% በማሳደግ 550 ተጨማሪ ከተሞችን የአገልግሎቱ ተጠቃሚ ለማድረግ እንዲሁም የ5G አገልግሎትን በ10 ተጨማሪ ከተሞች ለመዘርጋት እንዲሁም በአዲስ አበባና በክልል ከተሞች የኮፐር መስመርን በስፋት በፋይበር ለመተካት ዕቅድ ይዟል፡፡

በተጨማሪም በተያዘው በጀት ዓመት የደንበኞቹን ብዛት 88 ሚሊዮን በማድረስ አጠቃላይ የቴሌኮም ስርጸት መጠንን ወደ 77.2% ለማሳደግ እንዲሁም የቴሌብር ተጠቃሚ ደንበኞችን ብዛት 62.5 ሚሊዮን ለማድረስ ታቅዷል፡፡

በበጀት ዓመቱ በአጠቃላይ 327 ምርትና አገልግሎቶች እንዲሁም ከ3.5 ሚሊዮን በላይ የደንበኛ መጠቀሚያ መሣሪያዎችን ወደ ገበያ በማቅረብ አጠቃላይ ገቢን ወደ 235.8 ቢሊዮን ብር ለማድረስ የታቀደ ሲሆን፣ ይህም ካለፈው በጀት ዓመት ጋር ሲነጻጸር በ45.6% ለማሳደግ እቅድ ተይዟል።

ለበለጠ መረጃ፡ https://bit.ly/4mZZsrS

#Ethiotelecom #telebirr #NextHorizon #RealizingDigitalEthiopia #DigitalAfrica #GSMA #ITU #G6countries

ኢትዮ ቴሌኮም እና ሳውዲ ቴሌኮም የቢዝነስ አጋርነታቸውን ለማጠናከር የሚያስችል ስትራቴጂያዊ ውይይት አደረጉ!

በሳውዲ ቴሌኮም የሴልስ ከርየር እና ሆልሴል ምክትል ፕሬዝዳንት ኢንጂነር ዚያድ ሃማድ ኤ. አልሃሶን እና የከርየር ሴልስ ዳይሬክተር ሚስተር ባንደር ኤ. አልኮዳይር የተመራ ልዑክ ከኩባንያችን ማኔጅመንት ጋር ውይይት አድርጓል፡፡

ውይይቱ በሁለቱ ኦፕሬተሮች መካከል ያለውን አጋርነት ይበልጥ ለማጠናከር ከፍተኛ አስተዋጽኦ ያለው ሲሆን፣ በተለይም ነባሩን የቢዝነስ ትብብር ለማሳደግ፣ አዳዲስ የዕድገት አማራጮችን ለመክፈት እና የተለያዩ የዲጂታል አገልግሎቶችን ለማቅረብ በሚያስችሉ ጉዳዮች ላይ ትኩረት ያደረገ ነው፡፡

ዋና ስራ አስፈፃሚያችን ፍሬሕይወት ታምሩ “ለጋራ ተጠቃሚነት ብዙ ልንተባበርባቸው እና አዳዲስ የዕድገት እድሎችን ልንከፍት የምንችላቸው ዘርፎች ያሉ ሲሆን፤ የጋራ ዲጂታል ሽግግር የሚያሳድጉና ሁሉን አቀፍ የዲጂታል ኢኮኖሚ ልማትን የሚያፋጥኑ ናቸው” ብለዋል።

ውይይቶቱ የዲጂታል መሠረተ ልማት፣ የሆልሴል ቢዝነስ እና የዲጂታል የፋይናንስ አገልግሎቶች ላይ ያተኮረ ሲሆን፣ በተለይም የዲጂታል የፋይናንስ አገልግሎቶችን ለማሳደግ፣ የድንበር ተሻጋሪ የሀዋላ እና የክፍያ ሥነ ምህዳሮችን ለማጠናከር ያለመ ነው።

ልዑካኑ የኢትዮ ቴሌኮምን የላቀ የቢዝነስ አፈፃፀም ብቃት አስመልክቶ ያላቸውን አድናቆት የገለጹ ሲሆን፣ በተለይም ባለፉት ስድስት ዓመታት ኩባንያው ያስመዘገባቸው አስደናቂ ለውጦች እና ለተገኘው ስኬትም ከፍተኛ እውቅና ሰጥተዋል።

ሆልሴልንና ከርየርን ለማስፋፋት በሚያስችሉ ጉዳዮች ላይ የጋራ መግባባት ላይ የተደረሰ ሲሆን፣ በፊንቴክ፣ በዓለም አቀፍ ሀዋላ፣ የዲጂታል መፍትሄዎችና በርካታ የቢዝነስ ዘርፎች ላይ አዳዲስ በር የሚከፍት ይሆናል፡፡

ለተጨማሪ፡ http://bit.ly/4g57n56