ኩባንያችን በዛሬው ዕለት ከኢትዮጵያ የመድኃኒት አቅራቢ አገልግሎት ጋር ስማርት የዲጂታል ጤና አቅርቦት ሰንሰለት ሶሉሽን ለማቅረብ የሚያስችል የመግባቢያ ስምምነት ፈጽሟል፡፡

በዚህ ስምምነት ሁለቱ ተቋማት በመላ ሀገሪቱ የመድኃኒቶች እና የህክምና ዕቃዎች ፍሰትን የሚያቀላጥፍ ዘመናዊ፣ አስተማማኝ እና በቴክኖሎጂ የተደገፈ የጤና አቅርቦት ሰንሰለት ሶሉሽን በጋራ ተግባራዊ የሚያደርጉ ይሆናል፡፡

ስምምነቱ በዋናነት ሀገራችን የመድኃኒቶች እና የህክምና ዕቃዎች ፍሰትን የሚያቀላጥፍ ዘመናዊ፣ አስተማማኝ እና በመረጃ የተደገፈ የጤና አቅርቦት ሰንሰለት ሶሉሽን ለመንደፍ እና ለመዘርጋት ያለመ መሆኑ ተገልጿል።

ኩባንያችን በሶስት ዓመቱ “ቀጣዩ አድማስ፡ ዲጂታልና ከዚያም ባሻገር 2028 ስትራቴጂ” ዘመን ሴክተር-ተኮር የኢንተርፕራይዝ ዲጂታል ሶሉሽኖችን በማቅረብ ተቋማትን በዲጂታል ለማዘመን በትኩረት የሚሰራ ይሆናል፡፡

በመርሃ ግብሩ ማጠናቀቂያ የሁለቱ ተቋማት ከፍተኛ የሥራ ኃላፊዎች የኢትዮጵያ የመድኃኒት አቅራቢ አገልግሎት ግምጃ ቤትን ለማዘመን እየተከናወኑ የሚገኙ ተግባራትን ተዘዋውረው ጎብኝተዋል፡፡

ለበለጠ መረጃ፡https://bit.ly/4pptYgV