Bugungi globallashuv va harbiy-texnologik taraqqiyot sharoitida harbiy boshqaruv tizimini takomillashtirish, qo‘mondonlik tuzilmalarining samarali faoliyat yuritishini ta’minlash dolzarb ahamiyat kasb etmoqda. Zero, harbiy sohada muvaffaqiyatning asosiy omillaridan biri bu — puxta rejalashtirilgan boshqaruv, mas’uliyatli yondashuv va zamonaviy strategik tafakkurdir.

O‘zbekiston Respublikasi mudofaa vaziri general-leytenant Shuxrat Xalmuxamedov Markaziy Osiyo davlatlari mudofaa vazirlari bilan ikki tomonlama uchrashuvlar o‘tkazdi. Suhbatlar chog‘ida harbiy hamkorlikni kengaytirish, qo‘shma tayyorgarlik tizimini takomillashtirish, tajriba va amaliy bilim almashuvini yo‘lga qo‘yish, shuningdek, mintaqaviy xavfsizlik sohasidagi qo‘shma tashabbuslarni amalga oshirish masalalari muhokama qilindi.